نصفي العقيم ( مكتمله )

بارت (٣١)

بغداد تــگـول :
وَطّــن صِـرْتـلـهـم يَــگلبي وغَّـربوك 💔

_______________________

روايـة "نصفي العقيم"

البارت الواحد والثــ٣١ـــلاثـون

-الجزء الثاني

للكاتبه : يُمنا نـآصر
_______________________

قراءه ممتعه ..

بغداد : بقيت انتظر تلفون صكر والفضول اكلني ياترى شيريد ؟

رن الموبايل واني رفعته بسرعه .. بدون مقدمات او اي شي كال .. بغداد ماعرف منين ابدي الموضوع وياج بس ايمعيني اني اااني اني احبج اوو
و راح افهمج على كلشي بس بالبدايه  اني بيسُر دتخوني واريدج ساعديني !!!

"سكتت واني احاول استوعب جملته شنو حاس بيسر دتخوني ، بلعت ريك يابس وكتله بصوت يرجف .. شنوو صگر شدتحجي انت ؟

صگر : سحب نفس طويل وكال، بالبدايه وقبل كلشي جاوبيني بصراحه يُسُر صحيح كل يوميه تجي يمج الظهر وتبقى للعصر ..

بغداد : حسيت الموت دخل برجليه واني مالي علاقه عبالك اني صاحبة المصيبه كتله بتلكئ ، هااا ايي موو مو هي يعني مرات اي تجي عليه ..

صگر : بدون جذب بغداد احجي الصدك تجيج كل يوم وخاصه من اني التحق هي تجيج دائماً ؟

بغداد : يعني هي هي بصراحه لـ لا ماتجي هوايه يعني جياتها علينه محسوبه كلش وما تجي كل يوم مرات بين فتره وفتره تمر
حسيت صوت انفاسه علت والحسره بينت بصوته .. كال

صگر : يعني ويين دتروح ، اني على طول اخابرها قبل ما انزل اكللها انت وين تكولي بالبيت واجي على غفله الكاها طالعه وعايفه بناتها بالبيت من تجي تكولي جنت يم بغداد ، راح اتخبل والله وين دتروح !!

بغداد : اطراف جسمي صارن باردات ، وحسيت بمغص بطني .. بلعت ريك وكتله ماعرف..

صگر : بغداد احجي الصدك انت تعرفين شي وضامته عني ؟

بغداد : ههااا لل لا اا شنو اعرف قابل .. عفيه صكر ماريد ادخل مشاكل البيه كافيني من اول يوم جيت بيه لحد هسه

صگر : اوووف يا بغداد اووف .. مو بس انت المتعذبه من يوم جيتي اكو ناس تعذبت وياج وانت ماتدرين !

بغداد : دخل الشك بكلبي واني احاول اربط كلامه ويا حجياته من كال بغداد اني احبج ؟
جان يقصدها او يحبني مثل اخته لو حتى يطلب مساعدتي لو شنو 
.. والله راح اتخبل عبلك فلم هندي شديصير .. بقيت ساكته وهو من شاف سكوتي گال ..