Meet Point Of Parallel Lines

Part 15

နောက်တနေ့တွင်တော့ သူတို့၏ကျောင်းတွင် ဝမ်ရိပေါ်နှင့်ယဉ်မေတို့တွဲနေကြောင်းမှာ လူပြောအများဆုံး နာမည်ကြီးသတင်းတစ်ခုဖြစ်လာခဲ့သည်။ မကြားချင်သည့်တိုင် ထိုသတင်းကသာ နေရာအနှံ့ကြီးစိုးနေခဲ့သဖြင့် နောက်ဆုံးကျောင်းသို့ပင် နှစ်ရက်လောက်သူ မသွားတော့ပေ။ ထိုအချိန်မှစတင်ကာ ယနေ့အချိန်အထိ သူသည်မည်သူတစ်ဦးတစ်ယောက်ကိုမှ ထပ်မံ၍သဘောကျခြင်းမျိုးမရှိခဲ့တော့ပေ။ အဘယ်ကြောင့်ဆိုသော် ရှောင်ကျန့်ဆိုသည့် သူက ဘယ်သောအခါမှ ရှုံးမည်ထင်သည့်ပြိုင်ပွဲအား ဝင်မပြိုင်ခြင်းပင်ဖြစ်သည်။ အကယ်၍ သူသာ တစ်စုံတစ်ယောက်အား ထပ်မံ၍သဘောကျမိပါက ဝမ်ရိပေါ်မှာ အချိန်မရွေး လုယူသွားနိုင်သလို သူကိုယ်တိုင်ကလည်း မိန်းမများနှင့်ပတ်သတ်လာလျှင်တော့ ဝမ်ရိပေါ်ကို အနိုင်ရဖို့ရာ ယုံကြည်ချက်မရှိချေ။ ထို့ကြောင့် ဝမ်ရိပေါ် မည်မျှပင် ရည်းစားများနေပါစေ သူကတော့ မည်သူတစ်ဦးတစ်ယောက်နှင့်မှ မပတ်သတ်ခဲ့မိ။ ထို့အပြင် သူ့ကိုလည်း ဝမ်ရိပေါ်ကဲ့သို့ ဘယ်မိန်းကလေးများမှ လာပီးကြိုက်ကြခြင်းလည်းမရှိခဲ့ပေ။

"ငါ့ကို ဘာလို့မစောင့်တာလဲ ရှောင်ကျန့်!!"

အတွေးကမ္ဘာထဲတွင် ပျော်ဝင်မိနေသည့် သူက ဘေးပတ်ဝန်းကျင်ကို အာရုံတောင်မစိုက်နိုင်ဖြစ်နေသောကြောင့် ခြံထဲသို့ကားဝင်လာသည်ကိုပင်မသိပဲ ကားရပ်သည်နှင့် သူစီးလာသည့် ကားတံခါးကိုဆွဲဖွင့်ကာ မေးလာသည့် ဝမ်ရိပေါ်ကြောင့် အံ့သြသွားမိရကာ

"ဘယ်လိုလုပ်ပီး ချက်ချင်း ရောက်လာတာလဲ?"

"အနောက်ကနေချက်ချင်းလိုက်လာတာကို မင်းကမရှိတော့ဘူးလေ။ အဲဒါနဲ့ ကားဌားလာရတာပေါ့။ ဒါနဲ့ နေပါဦး မင်းကဘာလို့ငါ့ကို မစောင့်ရတာလဲ"

"ဪ....မသိဘူးလေ ငါက မင်းကောင်မလေးတွေနဲ့အတူ မင်းပြန်မယ်လို့ပဲထင်တာပေါ့"

အပြင်ပန်းကသာ ဘာမှမဖြစ်သည့်ပုံစံဖြင့် ပြောလိုက်သော်ငြား စိတ်ထဲတွင်တော့ ဘဝင်မကျဖြစ်မိသည်။ ခုနကလေဆိပ်မှာ သူတွေ့ခဲ့ရသည့်အခြေအနေကို ပြန်သုံးသပ်လျှင် ဝမ်ရိပေါ်သေချာပေါက် ပြဿနာတက်ရမည်ကို ယခုလိုမျိုးအေးဆေးဖြစ်နေသည်မှာ သူမျှော်မှန်းထားခဲ့သည့်နှင့် လွဲနေသည်မဟုတ်လား။ မည်သည့်အကြောင်းပြချက်ဖြင့် ဝမ်ရိပေါ် ယခုလိုမျိုး အေးအေးဆေးဆေးဖြင့် ချက်ချင်းလိုက်လာနိုင်သည်ကို အရမ်းသိချင်လာမိသဖြင့် မနေနိုင်တော့သည့်သူက နောက်ဆုံးတော့နှုတ်မှပင်ထုတ်မေးလိုက်မိလေတော့သည်။