My Alien Soulmate (boyxboy) [COMPLETED]

Chapter Thirty-Five (Patrem Philcan's Confession)

Napatingin siya sa napatigil na ka-date niya, manghang-mangha ito sa nakikita.

"Ang ganda Philcan,"

Ngumiti siya, mabuti naman nagustuhan nito.

"May ganito palang lugar, parang nasa fairy tale lang tayo ah,"

Nagmadali itong pumunta malapit sa inaagusan ng tubig.

"Oy. Maingat ka, dahan-dahan lang, hintayin mo ako!"

Bumaling ito sa kanya, "Bilisan mo, ang bagal mo!"

"Kala ko ba nagugutom ka na, kumain na muna tayo," itinuro niya ang nakaset-up sa isang patag na bato. Maganda ang spot na iyon dahil kitang-kita ang kabuuan ng talon.

"Wow! picnic lang, talagang pinaghandaan ng totoy ang date,"

"Syempre," kinindatan niya ito.

Nakita niya ang pamumula nito.

"Kinilig ka 'no?"

"Hindi ah!" nauna na ito sa patag na bato, "Kanino mo naman nalaman ang kilig kilig na 'yan, kanina ko pa yan naririnig sa'yo," nakasunod lang siya rito.

"Sekretong malupit!"

Humarap ito, "Alam mo nagiging katulad ka na ni Cerus, lumayo-layo ka nga minsan sa kanya,"

"Ooooopo,"

"Ewan ko sa'yo, halika na nga," hinila nito ang tainga niya.

"Aw! Abby naman, masakit!"

"Heh! Tumahimik ka!"

Narating nila ang nakahandang pagkain para sa kanila. Natatakpan ang mga ito.

"Aba may pa wine wine pang nalalaman!" isa-isa nitong pinagbubuksan ang mga pagkain. "Wow! sarap naman nito," agad itong sumubo ng pagkain. "Teka? kailangan bang maging formal ang date natin, pasensiya na," agad nitong nilunok ang pagkain.

"Of course not! You can do whatever you want!"

"Sabagay, nasa bundok naman tayo, wala naman tayo sa mamahaling restaurant, ayan kumain ka na rin, masaya ito!" excited na excited na naman ito habang siya ay nagsisimula na namang kabahan. Later is the right time to tell him everything about how he feel for him.

Nagpatuloy ito sa pagkain. Siya naman ay pinagmamasdan lamang ito.

"Huwag mo nga akong titigan, kumain ka rin, huwag mong sabihing nararamdaman mo na naman..,"

"Hindi," inunahan niya ang iniisip nito, "Hindi ko lang mapigilang pagmasdan ka, mas maganda ka pa sa lugar na ito,"

"Bolero ka na rin," uminom ito ng tubig.

"Sa'yo lang,"

"Kanina ko pa napapansin parang balisa ka, may sasabihin ka ba sa akin?"

Biglang sumukbo ang kanyang kabang nararamdaman, "Tapusin mo muna 'yang pagkain mo,"

"P'wede mo namang sabihin sa akin sa pagitan ng pagkain ko ah, h'wag mo nga akong pinapakaba, may nangyari ba?"

"Wala, wala," umiling iling pa siya. Tuluyan na nitong itinigil ang pagkain.

"Sabihin mo na, mamaya na lang ako kakain after," mukhang desidido na itong malaman.

Tumayo siya at humarap sa talon, huminga siya ng malalim bago muling humarap kay Abby. Iginiya niya ito para tumayo, nagpatiunod naman ito.

"Makinig ka sa lahat ng sasabihin ko sayo, matagal ko...,"