القضية

البارت(19)

جلال : هاي هسة وين صاري ساعه انتظرها استغفر الله خلي أدك عليها خرب شبيها دتنطيني رفض اووف
ميار : ها هلووو
جلال : وين جنتي مجاوبين هااا 🤨 وليش دتنطين رفض
ميار :بس لحضة شبيك يعني دا انطي رفض غير جايه
وبعدين وين جنت غير بالمحاضرة وكوتلك الصبح حتاخر.
جلال : هاااا واني ادري حضرة جنابج جايه اي ادري صارت المحاضرة
ميار : اوووف
جلال : شبيج تاففين ديله امشي
ميار : يله
جلال : تريدين شيء جوعانه
ميار : لا تسلم
جلال : يسلمج الي ☺️
ميار : 😒😒
جلال : ترى مكلت شيء ع كيفج
ميار :اوك
جلال : صعدت بالسيارة شغلت أغاني
ميار : عفيه طفيها ما حبها
جلال : ليش
ميار : كوتلك ما احبها بعد شنوو ليش.
جلال : بقيت الأغاني
ميار : طفيها شبيك راسي يوجعني
جلال : بكيفي
ميار : لا بالله شنوو بكيفك بكيفي اني
جلال ؛ ليش بكيفج
ميار : ترى سيارتي هذي وبكيفي
جلال : هااا هيج صارت
ميار : شوف موو قصدي والنبي بس كوتلك راسي اسفه
جلال :لا تتاسفين مكوتي غير الحق
ميار : اووف هسة اني شنوو كولت محجيت شيء انتجيت ع الجامه وغمضت عيوني 😴
جلال :عيني وصلنا
ميار :😴😴
جلال : ميووو ولج كعدي اجيت خليت ايدي دا اكعدها
ميار : كعدت شبيك وخر ايدك شكووو 😳
جلال : شبيج غير صالي ساعه دا اصيح وانتي ماكو. اجيت اكعدج موو قصدي شيء 😕 ترى
ميار : اوك نزلت دخلت لبيت لكيت ماما بالطرمه هلوو ماماتي
ام ميار : هلوو يوم شبيج وجهج اصفر
ميار : اي ماما ماعرف اليوم كوولش راسي ديوجعني ☹️
ام ميار : اي ياا ماما غير كون تنامين من وكت يا عيني
ميار : يوم وهوو بس باليل عندي فراغ شويه هههه
ام ميار : اووف منج دشوفي وجهج يا ماماا اني دا احجي لمصلحتج عيوني انتي
ميار : اعرف ماما بس تعرفين اذا الزم الفون بعده ما اتركه ههه من صديقاتي هههه
ام ميار : ديله عيني دروحي بدلي عمود تغدين
ميار : لا ماما حنام ما اكول هسة العصر يله
ام ميار : براحتج بس تعالي صدوك جاوبتي بالامتحان لو لا
ميار : اي ماما جاوبت بس جانت الاسئله صعبه ☹️ خايفه
ام ميار : لا تخافين اني اعرفج شطورة
ميار : ههههه فدووة لنبع الحنان وحظنتها
ام ميار : ههههه فديت بنتي لشطورة
ميار : ههه اني حصعد محتاجه شيء
ام ميار : سلامتج ماماتي
ميار : صعدت سبحت وبدلت وخليت الجهاز سايلنت ونمت 😴😴😴
اماني : ميار لج ميار
ميار : هاا هاا شتريدين
اماني : ميار عفيه كومي
ميار : شكووو هياتني كمت شكو
اماني : هاج
ميار : منين جبتي
اماني : جلال انطانياه
ميار ؛ لويش
اماني : كال هاج ودي لميار وكوليها شكرا. هاي سيارتها
ميار : اهووو هذا صدوك ديحجي اخذت الفون ودكيت عليه
الووو
جلال : الو.
ميار : هذي انت صدوك دتحجي شبيك
جلال : شبيه هي مو سيارتج
ميار : اهوو شبيك جلال وربي مو قصدي وهسة شلون باجر منو يوديني
جلال : انت سوقي
ميار : جلال دتحجي صدوك لك منوو يقبل ترى متعرف شنوو صار هذاك اليوم لا عفيه
جلال : لا تخافين اني وياج بس انتي سوقين
ميار : لا انت
جلال ؛ لا اني ماسوق بعد
ميار : اوكي بس انت تصعد وياي
جلال : اوك
ميار ؛ معدت الصبح بدلت بيها لبست بنطرون قماش وسترة وشوز رياضي لكيته واكف صبح اني صعدت بالسيارة عاد هوو كام يباوع 😒 شكوو
جلال : شنوو هذي مو كوتلج لا تلبسين هيج
ميار : لعد مو انت لي متقبل سوق اني كوتلكم اذا اسوق لا بنطرون
جلال : هاا لويش يابه
ميار : ماعرف بس ارتاح اكثر من التنورة. مشينا شويه ودخلت لبانزين خانه
جلال : وين
ميار : مدشوفها مبيها اريد افولها
جلال : بيها نص
ميار ؛ ميخالف اجيت انزل
جلال : وين اني. انزل 😒
ميار : اوك 😊
جلال : تحاسبت وياا وصعدت يله
ميار : طلعت رحت لجامعه دخلته السيارة بالكراج ونزلت دا نمشي
جلال :😒😒😒
ميار : يااا شبيك ترى حولتني لا تباوع هيج ههههه
جلال : ضحكين يله تعالي نرجع
ميار : وين نرجع 😳
جلال : لبيت يله 😡
ميار : جلال شبيك عندي محاضرات مهمه وتطبيق
جلال : وبهذا لبسج
ميار : شبي لبسي جان اخواني شافوو وماما محد حجى
جلال : بس اني احجي
ميار : يااا شبيك داروح وجان هوو لزم ايدي بس قوي
جلال: يله لسيارة
ميار : هد ايدي اشوف الطالبات والطلاب ديباوعون اني نترت ايده ورحت لكراج ركض بس دموعي تنزل احس موقف صرت محلو كدام الناس
شنوو لازم اي وعصبي وديصيح عليه. فتحت السيارة اريد اصعد. كال اني اسوق
ميار : لا مو انت وخر منا 😭😭😭
جلال : اكولج اصعدي يله انطيني المفتاح
ميار : ما انطي وسيارة سيارتي ما دتفهم
جلال : استغفر الله
ميار : ليش دسوي هيج هااا ليش
جلال ؛ تريدين تعرفين ليش
ميار : اي ليش
جلال ؛ اغار اعرفي يالكائنات اغار وهسة
ميار : 😳😳 لحضه شبيك جلال شنوو تغار هاااا
جلال ؛ 😑
ميار : داحجي وياك احجي شنوو. تغار
جلال : شنوو متعرفين لغيره شنوو
ميار : جلال لا تخبلني احجي فهمني
جلال : ميار ااااني احبج
ميار : شنوووشنووً😳😳 شتحب
جلال : اي احبج شبيج
ميار : نصدمت صدمه متوقعتها فد يوم شبيك جلال
جلال : شوفي ميار والله احبج واريدج حلالي اريدج
مريتي ولج اتخبل عليج دتفتهمين لج ليل ما انامه لج والله دتكولين متغير واني نار بداخلي اي انتي غيرتيني اني رسبت عمود ندخل سوه لجامعه اني اريدج يمي ودائما وياج
ميار : هوو يحجي واني شلون حلم 😳 لك جلال فدوة اذا مقلب او شقه فرجاءاً كول
جلال : لا والله مو مقلب انتي باعي بعيوني انتي دشوفين مال مقلب
ميار : شووو وخر صعدت السيارة وسقت وهوو بقى بالكراج
جلال : ماعرف ليش كتلها نصدمت خفت خاف سوي حادث شلون عفتهاً كمت الوم ع نفسي ربي كون توصل لبيت بسلامه
ميار ؛ اسوق السيارة واني بس ابجي بس اسوق على كيفً وكل ساعه اوكف وصلت لبيت دخلت جانت سارة يم ماما شافوني ابجي
سارة : ميوو ولج شبيج
ام حسام : عزززا شبيج ولج احجي
ميار : كعدت بالمطبخ وكمت البجي ماعرف يوم سارة حتخبل متعرفون شنوو. صاير ماما والله مادري
سارة: بس لا سويت حادث
ام حسام :صدوك يمه عزززا ولج احجي
ميار : يااا حادث. لج يوووم جلال
سارة : شبي جلال احجي
ميار : يووم لج سارة. جلال يحبني
ام حسام : شنوووً 😳
سارة : هااا 😳 صدوك
ميار : اي 😭😭😭😭لج يوم شلون اني معتبرته اخويه
ام حسام : عززا بعينه اني اعلمه هذا تخبل
ميار : 😭😭 ماعرف يوم شوفي سوه بيدي كدام الطلاب
ام حسام : ايده لكسر شبيها هذا والله لا اخلي ابو حسام يطيح حظه
ميار : صعدت ركض لغرفه نزعت شال ونمت بملابسي. العصر واجت ماما كالت انزلي عمامج يريدوج
ميار : شيريدون ماما ماريد انزل
ام حسام : لج ماما عمج الو حمزة يريد ياخذ رائيج
ميار : 😳 يا رائي
ام حسام : بجلال ديله انزلي
ميار ؛ اخذت الشال وداريد انزل
ام حسام : وين ولج شوفي وجهج شوفي الكحل نازل غسلي وبدلي
ميار : لا هيج انزل خلي يشوفون ملابسي شبيهن
ام حسام : لا ماما عيب غيري ملابسج وغسلي وجهج ونزلي
ميار : اوك بدلت ونزلت لبست شال دخلت جانوو الكول مجمعين ابو عبد الله وعبد الله وزوجته وزينب وحمزة وام عبد الله وسارة وام حمزة وأبو حمزة وأركان وجلال وحسام وسامر وماما وجلال 😒
دخلت السلام عليكم
الكل : وعليكم السلام
ابو حسام : تعالي بابا يمي
ميار : رحت كعدت يم بابا وحسام.
ابو حمزة : بنيتي ميار قبل لا تنزلين اني حجيت وياي ابوج وكال بكيف ميار وهسة اني ارجع واكول
ميار جلال تعرفينه هو قريب عليج بنيتي جلال ابن عمج يريدج على سنه الله ورسوله ويا بنتي هوو ابن عمج
ورايدج وهاويج
ولوشوفينا اليوم كلب الدنيا لا تروحون وتخطبونها هههه هاا بويه شكلتي
ميار : باوعت لبابا
ابو حسام : براحتج بابا احجي لشوفينه مناسب
ميار : يعني عموو ما عرف شنوو اكول عموو اني مصدومه تعرف انت دتكول قريب عليه صح
اني وأركان وجلال احنى اخوان وهما يعرفون بهذا الشيء والكل يعرف
بس ماعرف شنوو غير رائيه اني دائما اكولهم انتو. اخواني لماما مجابتكم
ابو حمزة : اي يا بنتي بس هوو جان يحبج
ميار : عموو يا حب هذا لا تخبلوني اركان اني موو اكول شوكت افرح بيكم شلون هيج ديفكر هااا
عموو اني اسفه بس اني ما احبه كزوج ومستحيل اتخيله زوجي لان حبي له حب اخوي ومستحيل يتغير
جلال : ميار احبج والله مستحيل تزوجين غيري
ميار : جلال شبيك دااكولك مستحيل صير زوجي
جلال : ليش ميار
ميار : شنوو ليش جلال اني جنت اعتبركم انت وأركان اخوان وانت وهوو تعرفون بهذا الشيء
حالكم من حال حسام وسامر. من سابع المستحيل احب واحد من يمكم آو اتخيل يصير زوجي
ابو حسام : ها هيه بابا متريدي بكيفج
ابو حمزة : هاا شنو. بكيفها
ابو حسام : خويه البنيه كدامك دتكول ماريده لعد هو. غصب
ابو حمزة : أفه يعني يخوي تردني
ابو حسام : خويه ما عاش ليردك بس يخوي انطيك بنتيه على حسب تعاستها هي مموافقه يعني اروح اغصبها
وانتوو جيتكم على عيني وعلى راسي
والله اني مستحيل الكه مثل جلال هوو أبني واعرف واعرف اخلاقه وأدبه بس يا خويه كوولشي قسمه ونصيب
هي وراء البنيه
ابو حمزة : هيج صار الحجي اني استئذن يله بويه كومو
ابو حسام : براحتكم
ابو حمزة :😒😒 يله جلال يله
جلال : 😡😡 رفضتني و كدام الكل اني اعلمج
ميار : راحوو كلهم بقينا احنى اني كمت ابجي 😭😭
حسام : على شنوو تبجين
ميار : صدمني والله جنت اعتبره اخوي ليش هيج صار
حسام : والله اني تفاجئت
سامر : وحتى اني شبي هذا
ابو حسام : لا تبجين بابا محد يكدر يغصبج على شيء انتي متردي لا تبجين
ميار : ☹️ 🥺 صعدت فوك خابرتني سارة كمنا نحجي شلون صار والكل مصدوم لان كلهم يعرفون احنى اخوه ماعدنا شيء
ثاني يوم مداومت خفت اخاف يسوي فد مشكله صار يدك عليه اني مشلته اخر شيء دز رسائل
كاتب بيها جاوبي بس اريد اسئلج شيء
دك جاوبت الو شنوو تريد
جلال : ميار ليش هيج سويت والله احبج ومستعد اسوي المستحيل عمودج شتريدين اسوي والله لو طلبين روحي فدوة لج
ميار : جلال اني اسفه ماكدر اوافق عليك واذا صدوك تحبني سد هذا الموضوع.
جلال : موو بكيفج فهمتي لو لا
ميار : لعد بكيفمن شوف جلال بهذا كلامك خسرتني لابد أنسى وحده اسمها ميار وسديت الفون شويه واسمع صاير نزلت ركض لمطبخ شفت ماما هااا ماما شكوو.
ام حسام : ولج ميار هذا تخبل
ميار : منو.
ام حسام : لج جلال تخبل فضحت يم الناس هسة الجوارين شنوو دتكول 😱
ميار : رحت وراء الباب واسمع
جلال : والله اخذها غصبن على الكل موو بكيفك هي فتحمتوو
حسام ؛ دسكت لو اجيك
ابو حسام : حسام سامر يله دخلوو جوه
ميار : دخلوو جووه وهذاك باقي يصيح ويعيط
ابو حسام : استغفر الله هسة شنوو احجي ويااا
بس مو العتب عليه العتب على إبوه لي مشجعه على هذا أسلوبه
سامر : والله هسة اذا اطلعه اسحه سحل
ابو حسام : اسكت لك تريد العالم تضحك علينا. ولك ناس شنوو تكول اخوان ويتعاركون واحد يأكل بواحد
ميار : اني صعدت فوك كمت ابجي.
ليش هيج موو انت جنت اخويه شغيرك 😭😭 دك عليه اركان
ميار : الووو
اركان : الوو هاا شلونج اليوم
ميار : شلوني لك حيخبلني هسة أناس شتكول شفته شلون يغلط ويهدد
ولا احترام بابا ولا اخواني كوله مني 😭😭
اركان : وانتي شكوو هوو طايح حظه وعينه نكسه
ميار : لا اني صوجي
اركان : لا مو صوجج هوو قليل ادب
ميار : كمنا نحجي وبليل اجت سارة خطيه خفف عليه.
وثاني يم أخذني سامر لجامعه اخذ اجازة ودخل وياي واحد من قسمي دخله ضيف بقى سامر يم قاعتي كاعد
خلصت تطبيق جان عندي وطلعت وياا لبيت
وكمت اداوم مدة شهر بس امتحن وارجع لو حسام لو سامر لو اركان يدخلون وياي لجامعه
كمت اخاف من جلال انطيته حظر من كل البرامج لي عندي
مدة شهر حتى مكمت اروح لبيت عموو ابد بيتنا كاعده