نصفي العقيم ( مكتمله )

بارت (٢٩)

يـمـه هّــذا گـلـيبي شـاهِـد
گلبي شــال النـاس كلـها
ومـاشـال مــره ع واحد 💔
_______________________

روايـة "نصفي العقيم"

البارت التاسع  و العشـ٢٩ـرون

-الجزء الثاني

للكاتبه : يُمنا نـآصر
_______________________

احلى شعور ممكن يحس بيه الانسان المظلوم من رب العالمين يبدي يرجع اله حقه ، عدالة السماء من تظهر وتنطي لكل شخص مستحقه اعدل محكمه بالدنيا هي محكمة الله .. ومن تشوف الناس يذلوك مذلولين ..

بغداد : جنت بالمطبخ دا ااغسل المواعين ، ودگ تلفوني نشفت ايدي ورحت باتجاه الـمـوبايل .. رفعته واجاني صوت رواء تبچي وهي دكول ..

"بغدااااد حلليني اوهبيني اني على فراش الموت ..

"للحظات قليله جنت مابين الواعيه والغير واعيه احاول افتهم السمعته معقوله !
رديتلها ، شنوو شبيييج خاله ؟

"حجت وهي تشهك .. صـصـ ـاررت بببييه ككوررروناا ررااح امووت حلليني بغداد اني اذيتج بحياتج ..

"ابسمت بقهر ومن بين دموع تشرح حالي من سنين ومن بين الف غصه وغصه كتلها .. ويعني على اساس صحى ضميرج هسه وجايه تصلحين اخطائج ..

"حجت وصوتها خافت ، يعني ما تحلليني ..

" اي احللج !
بس بشرط .. ترجعيلي بغداد القديمه ترجعيلي بغداد الي من اجت يمج عمرها ١٥ سنه وسويتي عمرها ٥٠ .. اريدج ترجعيلي حسان الاخذتي مني غصب وهددتيني بشرفي اذا ماتركته

.. اريدج ترجعيني بنيه وبنت بيت وماشايفته لابن اختج العار بحياتي كلها .. اريدج ترجعيلي سنين عمري الي كضيتها بالشغل والذل .. اريدج تمحين اثر التشوه والجلد الي بظهري مختومه ..

اذا كدرتي تسوين كل هذا ذيج الساعه اوهبج عود .. اذا كدرتي تعيدين ترميم رفاتي من جديد وتسويني لوحه حلوه وكلها ورد مثل من جيتج احللج ، غير هيج مالج شي عندي ..

والف الحمد لله من رب العالمين جازاج على افعالج وحسبي الله ونعم الوكيل كلتها كبل الج رب العالمين ميترك حق مظلوم
وانشالله تطلع  حوبتي .. بكل واحد اذاني بيكم واحد واحد صدكيني الباقين جايهم السره والحوبه تبطي وماتخطي !

سديته بوجها ماريد بعد اسمع صوتها ، اكذب اذا اكول مفرحانه بس بنفس الوقت ماريد اشفى بيها ، بس الفرح والشعور البداخلي ماكدر امنعه لان اذيتها هي النمت بداخلي هيج شعور ..