روايه منقذي

البارت 18

🧡في صباح يوم جديد🧡
🧡في بيت زياد 🧡

اسما قامت من نوم وهي بتصرخ وخايفه زياد قام بلهفه وقعد قدامها علي سرير

زياد : اهدي والله محدش هنا

اسما بخوف : حلمت بكابوس حلمت انو بيعذبني تاني

زياد بضيق : محدش يقدر يمد ايدو عليكي تاني طول مانتي معايا وعايزك بقا تنسي الي حصل

اسما بخوف : بس ده مبيرحمش حد

زياد : علي نفسو

اسما :متشكره اوووي

زياد بأبتسامه : انا و نور كنا رايحين نجيب لبس ليها من مول ايه رأيك تجي معانا

اسما بخوف : افرض شافني

زياد بضحك: شكلك متعرفيش انا مين بصي ياستي حتي لو شافك مش هيقدر يخدك تمام ومتسأليش ازاي هتشوفي بنفسك ويلا قدامك 5 دقائق وتجي ورايا

اسما بفضول : هي نور مراتك

زياد بصلها بحيره وبعدين قال : لا مش مراتي

اسما باستغراب: اومال تقربلك ايه

زياد بضحك :اصل الي قدامك ده ربنا مش بيوقعو غير علي ناس العسل الي زايكم

اسما بغضب: انت بتتريق

زياد بأبتسامه: لا ابدا والله هبقا احكيلك حكاية نور بعدين

اسما : طب هو انا هخرج بوشي كدا

زياد : ومالو مش فاهم مهو حلو اهو

اسما بضيق : بتتريق تاني

زياد : والله ابدا بس انتي بجد كدا حلوه ايو في جروح بس جمالك مغطي كل ده وبعدين يومين تلاته وجروح دي هتروح

اسما بخجل : ماشي

زياد : يلا مستنيكي برا

زياد خرج واسما ابتسمت بسعاده وقالت

اسما : معقول فيه راجل كدااا بجد ده لو كان في حياتي من زمان مكنتش وصلت لي كدا

اسما قامت وشافت شكلها في مرايا ولقت نفسها فعلا جميله رغم الجروح الي في وشها بصت علي شعرها بحزن وقالت : انا بحب شعري يبقا طويل اممم ممكن اجيب باروكه من مول لغيت لما شعري يطول شويه

اسما خرجت برا اوضتها لقت نور بتحط الفطار علي السفره

نور بابتسامه : تعالي يلا

يامن : هي مين دي يامامي

نور : دي طنطك اسما

يامن : واوو اسمك حلو اوي ياطنط اسما وشكلك احلا

اسما بصدمه : معقول انا حلوه

يامن : اوووي ياطنط

اسما بأبتسامه : طيب قولي اسما كدا عادي