أحْببتُكَ بِصدق ♥(جاري تعديل السرد)

البارت(28)🖤

وفي الصباح....
اتصل عمار بروان واخبرها بكل شئ حدث امس....
روان:طب وهتوصلوا للراجل دا ازاي....
عمار:متقلقيش احنا هنروح للشركه بتاعته ونشوف الدنيا واي حاجه هتحصل هقولك....
روان:تمام....
عمار:سليميلي علي حوده....
روان: الله يسلمك....عمار....
عمار:ايوه....
روان:الي حصل دا صح.....
عمار:اي الي حصل....
روان:انت سيبت موده....
عمار:....روان انا ورايا شغل....
روان: عمار....انت سيبتها ليه....
عمار:هي الي سابتني يا روان مش انا....لو لو سمحتي يا روان....
روان:سيبتها لية يلا انطق....
عمار:يا روان....استغفر الله العظيم....يوم ما اجت المستشفي قالتلك ان محصلش نصيب وهي الي سابتني انا مقدرش اتجوز واحده بتفكر في راجل غيري هي معايا اه بس قلبها وعقلها مع حد تاني....روان انا لازم اقفل دلوقتي عشان ورايا شغل....سلام....
روان:مع السلامه يا عمار....
واغلقت الخط معه....
حوده:في اية....
روان:وحكت له كل ما حدث....
حوده:استغفر الله العظيم....انا مش عارف اقول ايه....مكنش في علاقه بيني وبينها وكمان مكناش بنتكلم حبتني ازاي....
روان:حوده المشاعر دي مش بتقدر نتحكم فيها هي تعمل اي.....
حوده:ايوه يا روان بس انا دلوقتي مرتبط المفروض تنسي الموضوع دا....
وهنا جاء اتصال لروان....
حوده:مين....
روان:موده....
موده بحزن:ازيك يا روان....
روان:الحمدلله انتي عامله ايه....
موده:الحمدلله....ح.حوده بقي كويس....
روان:الحمدلله....
موده ببكاء:عمار سابني يا روان....
روان:تستاهلي....
موده:روان....
روان:انتي الي سبتيه هو كان متمسك بيكي في اخر لحظه انتي الي سبتيه يا موده مش هو....
موده:هو هو حكالك.....
روان:لا انا عرفت لوحدي ومش لازم تعرفي مين الي قالي بس لازم تروحي ليه وتصلحيه حاولي انسي حوده يا موده....
موده:حاضر يا روان....
روان:خدي بالك من نفسك....
موده:ماشي....
روان:سلام....
واغلقت الخط....
حوده:ربنا يهدي....
روان:يارب....
بعد وقت من احاديث ليس لها علاقة ببعضها قامت روان لتجلب طعام لحودة....وكان الطعام عبارة عن كوسه مسلوقه....
حوده:اي دا....
روان:كوسه....
حوده:لا والله....
روان:ايه....
حوده:روان انا مش بحب الكوسه....
روان:وانا كمان بس لازم تاكل حاجه مسلوقه عشان انت تعبان....
حوده:روان....
روان:وحياة اغلي حاجه عندك....
حوده:لو مكنتيش بس حلفتيني بيكي....
روان:قلبي....
حوده:انت الي قلبي....
روان:طب يلا كُل بقي وبطل محن يلا.....
حوده:ربنا يصبرني....
اعطته روان الطبق وجاءت لتقوم....
حوده:راحه فين....
روان:هخرج اجيب حاجه واجي....
حوده:تعالي اكليني....
روان:ياختي بطه ياختي قميله ياختي انتي لسه صغيره يا قلبي....
حوده:رواااان....تعالي اكليني....
روان:حاضر يا سيد الناس متزوقش طيب....
حوده:انتي مش بتيجي الا بالعين الحمره....
روان:طب اي الفايده يعني لما اكلك هو انت ايدك مشلولة....
حوده:اكليني يا روان وانتي ساكته....
مسك روان الملعقه واخذت قطعه كوسه....
واتجهت بالمعلقه الي فم حوده فتح حوده فمه لكي يأكل رجعت روان المعلقه للخلف(فاهمين الحته دي يعني بتروش عليه 😂🤝🙂)....
حوده:بطلي رخامه يا رخمه....
روان: يلا القطر رايح فين....
حوده بضحك:لا حول ولا قوه الا بالله العلي العظيم....يا بنتي بطلي عبط الله لا يسيئك....
روان:يلا هم يا جمل....
حوده:طعمها حلو من ايدك ومسك يدها وقبلها....
روان:هرجع والله....
حوده:طب يلا يا بت الجزمه من هنا....
روان:لاحظ ان كلامك جارح وكمان لسانك طول وبقيت بتشتم مي مازر (My mother) كده كتشير....
حوده:انتي الي نرفزتيني....بقولك....
روان:قول....
حوده:انا عايز امشي....انا خلاص خفيت وبقيت كويس....
روان:لا والله....انت مش هتتحرك من هنا الا اما تبقي كويس....
حوده:خايفه عليا....
روان:لا بس فاكر الحبسه الي حبستهالي في المستشفى....
حوده:امشي يا بتتت من قدامي عشان مخلهومش يحجزولك اوضه جنبي....
روان بضحك:خلاص انت بتقلب بسرعه ليه كده ياباي....
وهنا جاءت نورين....
نورين:انا روحت طبختلك مخصوص يا حوده عشان انت تعبان....
روان:شكرا يا حبيبتي بس حوده انا اكلته....
نورين:وانتي مالك اصلا انا بكلم حوده....
حوده:انا كلت من روان وشبعت الحمدلله....
نورين:بقي كده يا حوده....نورين وقد لاحظت الكوسه الموضوع بين يد روان....
نورين:دي كوسه هو انت بتحب الكوسه اكيد اكلتهالك غصب عنك معلش يا حبيبي انا جايبالك....
روان بمقاطعة:ينفع تطلعي برا عشان ملبسش الطبق دا في وشك عشان خلاااااص انا جبت اخري منك بجد....
نورين:اي دا انتي طلعتي لوكل كده لي....زوقك بلدي اوي يا حوده يع....
(انتي الي كيوت اوي ياختي يلا يا بتاعت بصل معفن)....
روان:انا بلدي ولوكل يا معفنه....يا غساله من غير ماتور يا سماعه من غير دكتور يا عمود ما شاف شكل النور يا عماره من غير بواب يا ايحه يا شعر عيره يا لون خميره يا رد رد يا مسطبه هد يا عصايه غليا تحت الكوبري مارميا احمددددد ياااااااعمرررررر
(شرشوحه بيه اهدي😂😂🙂)....
وهنا دخل عمر الغرفه....
عمر:ايوه مين بينادي....
حوده وهو يصفق:الله عليك....
نورين:الشتيمة بتلف تلف وترجع لصاحبها....
روان بسخرية:قديمه دي يا عمري دا ايام ما كنا بنتشاكل في تانيه تالت يا بتتتت....
خرجت نورين وهي تخبط في الارض بغضب....
نظرت روان الي عمر ومريم....
روان:انتوا مش كنتوا مشيتوا بردوا....
عمر:كنا بنتجول في المستشفى....
مريم:كنا بناكل في مطعم والصراحه الشقه مقلوبه وانا....مش عايزه انضف انا في جينا تاني....
حوده:يعيني قد اي البنات بتتعب....
روان:اه شوفت بس ان شاء الله في بيت جوزي المستقبلي هساعده في شغل البيت....
عمر:هتسعديه....البس يا معلم....
مريم وهي تطبطب علي كتفه:و البس انت كمان يا حبيبي....
عمر:بجد والله....
حوده:روان....احنا متفقناش علي كده يعني انا عايش في بيت ابويا معزز مكرم وبعدين اتجوز عشان اجي انضف....
روان:وانا عايشه انضف طول عمري ليا حق استريح....وبعدين واتجهت له....ما احنا هنشتغل مع بعض كده يا سلام بقي انت تغسل المواعين وانا اشرب الشاي ويا سلام بقي انت تكوي اللبس وانا البسه....
مريم بتكمله:ويا سلام بقي لو تطبخ وانا اكل هاااااح....
عمر و حوده:لااااا والله....
روان ومريم:اه والله....
حوده:ومين قالكوا الكلام دا بقي...
روان:حوده هسألك سؤال....
حوده:اسألي....
روان:دلوقتي مش انت او عمر او اي حد مرتبط اسمه شريك حياه....
حوده:حصل....
روان:طيب شريك حياه يعني تشركني في كل حاجه في حياتي سعاده حزن شغل خروج اكل تنضيف الشقه كده يعني....
عمر:تصدقي اقنعتيني....
روان:شوفت....
حوده:الكلام دا عند ام ترتر قال انضف قال....
روان وهي تمثل الغضب:يعني اي....
حوده:الي تشوفه يا معلم....
مريم:لو كدة ومش عايزين تشتغلوا....
مريم وروان:تجيبولنا شغاله بقي....
عمر:شغاله اي الي اجيبها انا لاقي اكل....
روان:خلاص تشتغلوا في البيت....
وهنا داخل ياسين وكان يستمع لحديثهم....
ياسين:انتوا تعبانين نفسكوا ليه دلوقتي مش يمكن ربنا ياخدكوا ونرتاح منكوا....
مسك حوده تفاحه كان موضوعه علي المنضده الي جمبه والقاها علي ياسين وقال:اتلم....
ياسين:الله يخليك....مفيش برتقال....
حوده:اطلع برا ياض....
قعد ياسين علي احدي الكراسي وضع قدم علي قدم وقال:انا قاعد في مِلك الحكومه....
ياسين:وانا الحكومه انا الحكومه....
ضحك الجميع....
وبدأوا يدردشوا في موضوع اخر....
وبعد وقت ذهب عمر ومريم وياسين....
حوده:روان انا بجد عايز امشي من هنا انا اتخنقت....
روان:بجد والله....
حوده:بجد انا زهقت....
كلمت روان الدكتور واذن له بالخروج من المشفي....وصلت روان حوده للبيت....
وبعد ذلك ذهبت روان الي منزلها....
بعد يومين....
روان:وربنا ما انا اكله يا ماما اي دا بتحبي الخضار قد عنيكي انا هطلب اوردر....
الام:اطلبي الي تطلبيه ام عمر عازمانه انهارده وانا راحه....الاكل في الحله كلي منه مش عايزه عنك ما اكلتي وذهبت....
روان:اخيرا الواحد يقعد في البيت لوحده....وطلبت اوردر....
روان:بما ان اليوم فيري فاحنا نطلب فريد اتشيكن(Fried chicken)....
بعد وقت وصل الاوردر....
روان:استني اجبلك الفلوس....
العامل:تمام....
روان:اتفضل....
كان العامل يمسك مخدر بيده وقام برشه علي روان ففقدت روان الوعي....حملها العامل وكان يوجد بعض الاشخاص معه كان منهم من يخدر البواب هو وابنته ويربطهم....
اخذ العامل روان ووضعها في السياره وانطلقوا الي مكان ما....
بعد وقت....
فاقت روان من المخدر وبعد ان استوعبت نظرت حولها كانت في مكان كبير ومظلم لا يوجد به غير شباك في الاعلي ومكتفة اليدين والقدمين....
روان:انا فين....لماذا نحن هنا....لماذا نحن هنا....وضحكت....اي دا بجد انا فين....وبعدين انا مربوطه كده ليه....هو انا اتخطفت....هل انا اتخطفت الله....
دخل شخص ما اليها واتي بمقعد وجلس عليه امامها ووضع قدم فوق الاخري....
روان:مين....وبعدين ايه التناكه دي....
الشخص:انتي مش عارفاني يا روان....
روان:لا اعرفك منين....انا شيفاك اصلا....
وهنا فتح نور الغرفه....
روان:هييييي هييييي النور جه....
الشخص:ومين قالك انو كان مقطوع....
روان:مين....
الشخص:انا هشام....هشام الي حاول يقتلك انتي وخطيبك....
روان:ايه....انت....انت....
هشام:ايوه انا....
روان:انا مش هسيبك....حاولت ان تحرر يديها لكن فشلت بسبب قوه الحبل الذي كان يحاوط يديها
هشام بضحك:....اي عايزه تضربيني....اهدي كده لان مش اي حد يلعب معايا....
روان:انت عايز ايه....
هشام:بصي تخفي القضيه والموضوع دا والواد الي اعترف عليا دا....تمسحوا اعترافه كأنه مقلش حاجه....وانا هسيبك انتي وخطيبك....
روان بسخريه:....الكلام دا عند امك....
صفع هشام روان....
روان:يابن***** انت بتضربني يا ****....
هشام:شكلك هتدوخيني معاكي اسمعي يا بتتتت الكلام الي قولته دا يتنفذ يإما هقتلكوا....
وهنا دخل شخصا ما وكان ممسك بحوده ودفعه علي الارض....
روان:حوده....
حوده:روان....روان انتي كويسه....
روان:الحمدلله انت كويس....
هشام:هتعملوا الي قولت عليه ولا اتصرف تصرف ميعجبكوش....
حوده:اعلي ما في خيلك اركبوا....
هشام:بقي كده....ماشي....يا رجاله....
دخلوا اربع رجال وقالوا:نعم يا باشا....
هشام:شوفوا شغلكوا....وخرج....
حوده:قسما بالله الي هيقرب منها....لاشيلوا من علي وش الارض....
احد الرجال:انا بقول يا رجاله نشرب شاي برا علي ما اعصاب العاشق يهدي....
الرجل بضحك:....ماشي....يلا....
وخرجوا....
حوده:روان فكيني....
روان:كان القرد نفع نفسه انت مش شايفني مربوطه ازاي ايدين ورجلين افكك ازاي....
حوده:بسنانك يا بنت الغبيه....
روان:اه صح....
حاولت روان فك الحبل....
روان:اه سناني هتتكسر....
حوده:معلش يا روان حاولي....
حاولت روان اكثر لكن بعد ذلك....
روان:مش قادره....سناني هتتكسر....يرضيك تتجوز واحده سنانها مكسوره....
حوده:اه يرضيني مداما انتي معايا ميهمنيش شكلك....
روان:يا عم هيجيلي جلطه منك....
حوده:بعد الشر عليكي....
صمتوا لثواني....
روان:بس الخطف مش قد كده بردوا....
حوده:ليه....
روان:يعني فين وجبه الخطاف....
حوده بضحك:ويأكلونا ليه....
روان:عشان منموتش يا غبي....اكملت بشرح....الراجل يدخل ويرميلي الطبق في وشي ويقولي كُلي....علي اما نشوف هنعمل فيكي ايه اقوم قايلاله حراااام عليك انا عايزه امشي انتوا عايزين مني ايه لااااا يقوم ضربني قلم واقعد اصرخ....وبعدين....اية دا....اي الي جابك هنا....اومال مين الي هيجي ينقذني....بوظت المشهد....
حوده وهو لأعلي:يارب ارحمني ليه رزقتني بالبلوه دي في حياتي يارب واحده معندهاش مخ خااص....احنا في ايه ولا في ايه....
روان:حوده....بجد مين الي هينقذني المفروض انك تدخل عليهم بقي وهما بيعذبوني وبيضربوني وتكسر الباب وتقول لااااا الا حبيبتي انتوا هتموتوا وتقوم بقي ضربهم بعضلاتك الجمرررر دي وتمسك المسدس وطااخ طيخ طوخ ياااااع....
حوده:اسكتي بقي اسكتي....وفكيني خلينا نمشي من هنا....
روان:هحاول....وبدأت تحاول في فك حوده....
دخل رجل من الرجال....
ليأخذ شيئا ما وخرج...
اكملت روان فك الحبل وفكته وتحرر حوده بعد ذلك قام بفكها....
روان:بقولك اي في شباك اهو....
حوده:دا عالي يا بت الغبيه....انتي نو مخ خالص....
روان:يابني....مهو انت تشبكلي....
حوده:اشبكلك....
روان:اه....
حوده:وانتي كده هتوصلي يا غبيه....
روان:اهو نجرب احنا خاسرانين حاجه....
حوده:بقولك اية....
روان:اية....
حوده:ما نيجي نعمل بروڤه لليله الفرح....
روان:قد اي انت متربتش....احنا لسه اتجوزنا....
حوده:لا مهو نفسي اجرب الاحساس....
روان:اتلم ياض....وخلينا نشوف المصيبه الي احنا فيها دي....
دخل الاربع رجال....
وقالاحدي الرجال:....بسم الله مشاء الله.... انتوا فكيتوا نفسكم ازاي....
الرجل التاني:يا غبي مربطهمش كويس ليه....
الرجل:والله ربطهم حلو....
كان بيدهم سلاح فرفعوه ناحيه حوده وروان
الرجل:اتشاهدوا علي رو....ولم يكمل جملته كانت روان تدفعه بقدمها حتي وقع علي الارض....
وكذلك حوده بدأ حوده يضرب بهم....
بعد وقت من المشاجرة....
رجعت روان للخلف ودخل اربع رجال اخر....
روان:اسيبك انا بقي يا باشا قوم بالواجب....
بدأ حوده يضرب بهم بمهارة وعندما تحست روان يأن حودة قد اهلك فقامت معه وبدأوا الضرب من جديد في الرجال....بعدما انهوا خبط كفوفهم ببعض....
حوده:يلا....
جروا سريعا خارج الغرفه....
هشام وهو ينظر الي رجاله الذين ملقون علي الارض:اتفو عليكم مشغل معايا شويه حمير....ونظر الي روان وحوده ورفع سلاحه....
هشام:اتشاهدوا علي روحكم....
دفع حوده المسدس بقدمه بعيدا....
فقفزت روان عليه وحاوطت يديها حول عنقه وحاولت اخناقه.....
حوده:روان خلاص هيموت في ايدك....استني....اضربوا بحاجه....مسك عصا وضربه علي رأسه ووقع مغشيا عليه....
اخذوا ووضعوه في سيارة ما....وانطلقوا وبعد سير....
وصلوا الي بيت روان....
روان:هتروح تبلغ عشان نخلص من الموضوع دا....
حوده:اشطا....
روان:سلام....خد بالك من البوص دا....
حوده:في عنيا....سلام.....
انطلق بسيارته الي المدريه ووضع هشام في الحجز وبلغ ما حدث وانطلق حوده والقوات الي المكان مسرعين قبل ان احد يفر هارب....
دخلت روان العماره....رأت بواب العمارة يحاول تحرير نفسه او ابنته لكن دون جدوي فذهبت اليهم سريعا واحررتهم وقالت:معلش يا عم فتحي معلش يا ساميه....
عم فتحي:انتي كويسه يا بنتي....
روان:الحمدلله يا عم فتحي انتوا كويسين....
عم فتحي:الحمدلله....
روان:طب ادخلوا ارتاحوا جوا....
عم فتحي:مين دول يا بنتي....
روان:ناس كانوا عايزين يقتلوني انا وحوده بس الحمدلله ربنا نجدنا....
عم فتحي:ربنا ينتقم منهم....
روان:يارب....عايزين حاجه....
عم:عايزين سلامتك يا بنتي....
روان:تسلم يا عم فتحي....
وصعدت الي شقتها....
________
عند مريم
ام عمر:والله نورتونا يا ام مريم....
ام مريم:بنورك يا ام عمر....
عمر:اتفضلوا....
دخلوا وجالسوا في living room....
وبعد ذلك....
ام عمر:ثانيه والاكل يبقي جاهز....
ام مريم:استني يا ام عمر اجي اساعدك....
ام عمر:حبيبتي مفيش داعي....
ام مريم:لا ازاي....
ودخل كلا منهما للمطبخ....
عمر:ايه الكسوف الي انتي في دا مش لايق عليكي....
مريم:امك طابخه اي....
عمر:امك....
مريم:اخلص....
عمر:مكرونه ومحشي وبانيه....
مريم:روح استعجلهم....انا جعانه....
عمر:مريم ينفع تبقي رقيقه حتي لو قدام امي بس....
مريم:ايوه يعني ازاي يعني....بقولك اي انت جاي واخدني كده هتغير في الإعدادات مش هينفع ههنج معاك(هتعمل ارررر 😂😂)
عمر وهو يضرب يده كف علي كف:طب بقولك اي....
مريم:قول....
عمر:تعالي اقولك جوه في اوضتي....
مريم:طب ما تقول هنا ولا الكلام في اوضتك....
عمر:ها....طب بوقلك تعالي نلعب عريس وعروسه....
مريم:اومال احنا ايه....
عمر:يعني افهم من كده ان احنا عريس وعروسه....
مريم:ايوه....
عمر:الله ينور عليكي....بيعملوا اي بقي....
مريم:بيناموا وبياكلوا ويشاربوا ويخرجوا ويناموا تاني....
عمر:بجد والله....
مريم:اه انا بعمل كده وانت بتعمل كده....
عمر:لا انا قصدي....
مريم:بقولك قوم استعجل امك لاني جعانه وعلي لحم بطني من الصبح وعصافير بطني بتصوصو في انجز....
عمر:شكلك غبيه وهتتعبيني معاكي....
مريم:ياعم انجز....
عمر:تعالي نعمل بروفه لليله الدخله....
مريم:اه وبعدين....
عمر:وبعدين اي يا بنت الغبيه لسه مفهمتيش....
مريم:ايوه عايز اي يعني....
عمر:هما الناس بتعمل اي في الدخله....
مريم:بيتعشوا ويغسلوا سنانهم ورجليهم ويناموا....
عمر:بجد....
مريم:اومال بيعملوا اي يعني....بقولك اي انت بتسأل اسئله غير منطقيه بدل الأسئلة دي كنت سئلتني في المنهج اهو كنت استفدت....
عمر:انا هقوم استعجل امي احسن....
مريم:ياااااريت....
ودخل عمر المطبخ ليساعدهم في المطبخ....
وبعد ذلك اتوا بالطعام وقاموا بتناوله....
والدة عمرعمر:حلو الاكل....
مريم:تسلم ايدك يا طنط دا انتي الشيف الشربيني....
نظرت والدة مريم مريم الي مريم بحده....
قالت مريم:وانتي الشيف بوراك بلاش بقي تبرقيلي كده....
ضحكوا جميعا....
ام عمر:ها هتعملوا الفرح امتي عايزين نفرح بيكوا وتجيبوا بقي نونو كده عايزه ابقي تيتا قبل ما اموت....
قبل عمر يد والدته وقال:بعد الشر عليكي يا ست الكل....ونظر لمريم بخبث....دا انا هجيب داسته....
نظرت له مريم وقد علمت ما كان يقصده في غرفة المعيشة فوقف الاكل في عنقها فسعلت....
مريم:كح كح كح كح....
عمر:علي الله الحمار يكون فهم....ياريت يعني....
مريم:كح كح عايزه مايه....
شربت مريم ماء....
ام عمر:اي يا مريم مش عايزه تجيبي عيال ولا ايه يا مريم....
والدة مريم:طبعا يا ام عمر بس لسه بدري....
والدة عمر:طبعا احنا عارفين هي بس تشد حيلها كده وتخلص كليه وتتجوزوا بقي....
عمر:ان شاء الله يا امي....
واكملوا غذائهم....
________
في الصباح
عند اروي
اروي:ماميتوا انا راحه جامعتيتوا عايزين حاجيتوا....
الام:انتي بتتكلمي كده ليه يا مرا....
اروي بضحك:....والله يا ماما انتي عسل....انا ماشيه....سلاموعليكوا....
الام:وعليكم السلام....
نزلت اروي من العماره التي تسكن بها ووقفت لتركب سياره اجرة....
مر عليها الكثير من السيارات ولم تركب
اروي:لا دي لونها مش عاجبني....لا عدي عدي يا عمو....
جاءت سياره اخري....
اروي:لا دا شكلوا محشش وممكن نعمل حادثه....
جاءت سياره اخري....
اروي:مممم....لا لا لونها باهت كده اي دا....
جاءت سياره اخري....
اروي:تؤ تؤ لا دي مش نضيفه لا....
جاءت سياره اخري....
اروي:لا دا مش مشغل اغاني....
كان شهاب يقف بالقرب منها ويسمعها وهي تختار السيارات....
شهاب:الي شوفك كده يقول انك هتشتريهم....
اروي:عااااا عفريت انصرف انصرف....شهاب....
شهاب:انتي اتخضيتي كده ليه....
اروي:واقفه لوحدي وواحد اتكلم فجأه من ورايا عايزني اعمل ايه....
شهاب:خلاااااص اسكتي اسكتي....
شهاب:تعالي اوصلك....
اروي:لا شكرا انا خلاص وقعت علي الاختيار علي البيضه القمرررر الي هناك دي....
شهاب:مش احنا اتفقنا اني اوصلك....
اروي:شكرا يا شهاب بجد مش عايزه اتعبك معايا....
شهاب:ما....
اروي:خلاص مداما انت مصمم....
واتجهت الى سيارته....وركبت....
وركب شهاب وهو يضحك بخفوت علي هذه المجنونه كان سوف يوافقها في الرأي بأن لا تركب معه....
اروي:شغلنا حاجه بقي كده فرفوشه زيك....فرفوشوني فرفش يلا....وشغل التكييف....
شهاب:اشغلك ايه....
اروي:مممم هاتلنا ابو ليله ولا حمو بيكا او شطه اي حاجه يلا....
شهاب:مبشغلش الكلام دا في عربيتي....
اروي:خلاص....انزل بقي....
شهاب:انتي هبله يا بتتتت....وانطلق بسيارته....
كانت اروي تضع الهاند فري في اذنها وتسمع الي اغنيتها المفضله....
اروي:ما بلاااااش تغيب عنا تاني ما بلاااااش يا سااااايب ارااااضينااااا....
شهاب بمقاطعه وهو يضربها علي فمها:بسس بسس جالي تلوث سمعي من صوتك اي دا....
اروي:انتوا كده يا شعب المصري تحبطوا الناس الي عندهم مواهب زيي كده هو في احلي من صوتي....انت بس الي محروق مني....
شهاب:محروق منك بس بس كفايه كذب كفايه كذب....
اروي:هو صوتي وحش للدرجادي....
شهاب:ايوه....اسكتي....
اروي:براحه طب....
بعد وقت....
اروي:ايوه اركن علي جمب كده....شكرا يا زميكس نردهالك في الافراح....ونزلت....
شهاب وهو يضرب كف علي كف:اروح من بنت المجنونه دي فين بس يارب....
وانطلق بسيارته....
________
عند ملك
تطورت علاقه ملك وخالد مع بعضهم وخالد اتقدم لملك وقرأوا الفاتحه....
ملك:اخلود....
خالد:مممم اخلود دي وراها إن وكإن ولكن وليتي ولعلي....خشي في المصيبه علي طول....
ملك:الله اكبر عليك....بسم الله ارقيك....شكلك كنت شاطر في العربي....الله اكبر....
خالد:خشي في الموضوع يا ملك....
ملك:ها بص هو بصراحه يعني....انا....جايبه في الامتحان الي فات درجه و....
خالد وهو يمسكها من قفاها:جايبه كام....
ملك:طب براحه طيب برستيجي اتبهدل بعد ما جيت قرينا الفاتحه....
خالد:جيبتي كام....
ملك:طب اهدي يا باشا صحتك بالدنيا كلها اهدي....
خالد:صحتي انتي خليتي فيا صحه....الماده دي بالذات كنت بجيلك البيت واقعد اذاكرلك وكل مقابلتنا كنت بذاكرلك الماده دي....وقام مسكها مره اخري من قفاها....تنقصي فيها لي بقي....
ملك:طب اهدي طيب....
خالد:جيبتي كام....
ملك:طب هاتلنا اتنين قصب كده وحيات ابوك الواحد ريقه ناشف....
خالد:مفيش مشاريب غير لما اعرف جيبتي كام....
ابتلعت ملك ريقها ومسكت يده واعطته ورقه وقالت:هتوحشني اوي يا خالد والله....بس انت الي هتخليني اسيبك انت الي هتموتني....احم....وفرت مسرعا هاربا منه....
فتح خالد الورقه....
خالد:....بسم الله مشاء الله....15 من 50....اه يا حظك الاسود يا خالد....يا حلو يا صغير علي البهدله يانا....كل التعب وانا بذاكرلها عشان تجيبلي 15 من 50 اه يا حظك القليل....
كانت ملك تراقبه من بعيد وتضحك علي ما يقوله اقتربت منه ووقفت خلفه ووضعت يديها علي كتفه وقالت:معلش ياختي ولاد الحرام مخلوش لولاد الحلال حاجه اخس....الدنيا معتدش فيها امان....
التفت اليها خالد وقال:دا انتي هتموتي انهارده....
جرت ملك وخلفها خالد....
دخلت اروي الجامعه....
وجاءت ملك من بعيد ووقفت خلف اروي محاولة ان لا تنكشف لخالد....
وجاء خالد....
خالد:ورحمة امي ما هسيبك....
اروي:اي يا بوص الضرب انهارده علي ايه....
خالد:صاحبتك الهانم جيبالي 15 من 50....
اروي:اه يا وطيه يا بسنت....
ملك:انا عملت اي يا سي فوزي....
اروي:مش انتي قولتلي انك جايبه عشره وانا عشره بردوا عشان نبقي زي بعض....
خالد:يعني كمان مزوره النتيجه....الله اكبر دا انا هقطعك واحطك في اكياس بلاستيك وابيعك في سوق الجمعه....
ملك:يا شيخه روحي منك لله....
وركضت....ضحكت اروي....
جاء خالد محاول الالحاق بها لكن اوقفته اروي....
اروي:اهدي يا كبير كده....اعصابك....
خالد:انتوا خليتوا فيا اعصاب وانتي التانيه جيبالي 10....مش كنت بذاكرلك بردوا انتي وهي....
اروي:انت هتخش عليا انا بقي ولا ايه اهدي يا باشا ابوس ايدك....
اروي:الصراحه الماده دي الدكتور مستقصد ملك جامد اوي عشان كده ممكن الدرجات دي هو الي نقصهلها....
خالد:وهي مقلتليش ليه....
اروي:اصل اصل....
خالد:اصل ايه....
اروي:الدكتور كان متقدم لملك....وملك الصراحه مش بطيقوا فرفضته وفكرت الموضوع انتهي مرضتش تقولك عشان انت ممكن تتعصب بس هي مكنتش متخيله ان الموضوع يوصل لي كده....
خالد:هي كده كده هتضرب....
اروي:دا انت بقي عايز تضرب وخلاص....
خالد:لا هي هتضرب عشان مقلتليش وانتي كمان....
اروي:الله وانا مالي يا لمبي....
خالد:عشان اتسترتي عليها....
اروي:هي جريمه قتل....ينعل ابو الي يدخل ما بينكوا يا جدع....ومشيت....
خالد:بس برضوا هتضربي....
جرت اروي وهي تضحك....
واكمل خالد طريقه وهو يبحث عن ملك....
بعد شويه جاء عمر ومريم....
قابلوا خالد وهو يبحث عن ملك....
مريم:عملت اي تاني يا بوص وانا اجبهالك من تحت الارض....
عمر:هو مفيش يوم الا اما تكون معلم عليها....
خالد:الواحد يأخي لو معلمش عليها بحس بحاجه ناقصه كده مبكونش مستريح....
عمر:اتفضل يا باشا كمل تفتيش....
خالد:سلام....
عمر:سلام....
واكملوا طريقهم....
عمر:بقولك ايه....
مريم:ايه....
عمر:ما تجيبي بوسه....
مريم:اه يا قليل الادب....
عمر:قليل الادب ايه انا جوزك....
مريم:ايوه بس مش دلوقتي يا عمر دي قله ادب....
عمر:الله....اومااااال انااااا كاتب كتب الكتاب ليه....
مريم وهي تضع يدها علي فمه:يخربيتك هتفضحنا....وبعدين انت كاتب كتب الكتاب عشان عايز بوسه....
عمر:اه ياختي عشان عايز بوسه اومال انا دافع فلوس للقاعه ودي چي وضوء وبوفيه الي اختك خلصته لوحدها دا ليه....
مريم:يعني مش عشان بتحبيني....
عمر:انا مش بحبك....
مريم:اية....
عمر:انا بعشقكككك....
احمر وجه مريم بالكامل....
عمر:يا سلام لما تقلبي طماطم كده عايز اقطم قطمه من الطماطم دي....هاااااح....
مريم:انت مش ملاحظ انك بقيت قليل الادب اليومين دول....
همس عمر في اذنها وقال:هو في احلي من قله الادب....
عمر:بقولك ايه ما نيجي ونجيب مليجي....
مريم:علي فكره انت قليل الادب....وامشي بقي من وشي....
عمر:طب ما نيجي نروح المقطم....ونجيب اي حاجه طيب احلل الفلوس الي ادفعت في كتب الكتاب دي....
مريم:انت طالع قليل الادب كده لمين....
عمر:لا انا فريد من نوعه مفيش مني اتنين....
مريم:كويس دي كانت البلد خربت....
عمر:طب ما تجيبي بوسه علي السريع كده....
مريم:عمر....
عمر:عيون عمر....
مريم وهي تشاور بعيد:شوف هناك....
التفت عمر ولم يري شيئا فعلم انها لعبه منها.... وجاذت مريم لتفر منه لكن امسكها عمر من معصمها وجذبها اليه حتي اصتدمت في صدره العريض....
تجمع الطلاب حولهم وهم يشاهدونهم....
واخذت اروي تلتقط بعض الصور لهم....
وبعد ان انهت الفوتوغرافر بتاعها....
صفرت وصفقت....
فزعوا الاثنين من صوت تصفيق هما كانوا شاريدين تماما كانوا في عالم اخر مع بعضهم كانوا لا يشعروا ان احد حولهم....
اروي:علي الطلاج بالتلاته انت اتخضيت اتخضيت يا حاج كامل صح....
رجعت مريم الي الخلف....
وكذلك عمر ونظروا لبعضهم ثم حولهم....
خالد وهو يضع يديه علي كتف عمر:هاااااح....الله يسهلك....
نظر له عمر بإبتسامه....
اما مريم ذهبت مسرعه الي المدرج....
وخلفها ملك واروي وبعض البنات....
خالد:طب مش هنا طيب....يعني راعي ان في ناس هتموت وتعمل كده....
عمر:شد حيلك انت بس....بس ايه النظام....
خالد:ياعم البت دي هتجيب اجلي....ضحك عمر....
خالد:البت مذاكرلها الماده وكلوا تمام واكتشفت بعد كده ان الدكتور مستقصدها ومتقوليش كل دا....انا لو مت هيبقي بسببها....
عمر بضحك:....ربنا يخليكوا لبعض....انا رايح المدرج بدل ما اطرد كل شويه برستيجي بقي في الارض....
خالد بضحك:....سلام....
عمر:سلام...
اتجه عمر الي مدرجه وكذلك خالد....
اما عند مريم....
اروي:مممم مش قادر يصبر شويه....
مريم:بس بقي علي فكره محصلش حاجه انا كنت هقع وهو مسكني قبل ما اقع دا الي حصل بطلوا فتي بقي وعك كتير....
ملك:لا بس حلوه الصور يا اروي دا انتي تشتغلي فوتوغرافر قد الدنيا....
اروي:اومال اي يا بنتي هو انا شويه في البلد....
ملك:بلاش فوق اوي كده لان الي بيبقي فوق كده بينزل تتكسر رقبته اهدي....
اروي:احم....ماشي....
مريم:صور ايه....
اخذت مريم الهاتف من ملك....
مريم:اي دا يا اروي....
وبدأت تحذفهم....
اروي:لا طب بلاش دي ونبي لا....
عند خالد قبل ان يدخل المدرج قابل دكتور محمد بتاع الماده الي مستقصد ملك....
خالد:يا دكتور....
الدكتور:نعم....
قص عليه خالد كل ما فهمه....
خالد:مينفعش الكلام دا يعني انا بتكلم مع حضرتك بأسلوب كويس لكن الي يفكر يجي علي ملك ف انا هعامله بقله ادب وساعتها اما تتشال وتترفد من الجامعه دي ابقي قابلني....
الدكتور:انت بتهدد مين يا ولد....
خالد:بهددك انت....
الدكتور:انا قد والدك ازاي اعمل عقلي بعقل بنت زي دي....
خالد:ومداما انت زي والدي رايح تتقدم للبنت لي....بص انا مش بحب الكلام الكتير ابعد عنها وبلاش تنقصها في الامتحانات وتستقصدها يإما هيبقي ليا رد ميعجبكش والرد هيكون مع العميد
ودخل....
خاف الدكتور من تهديد خالد بأن ممكن العميد يرفده من التدريس عامة فهو يعرف من خالد والعميد يبقي خال خالد....فتنفس الصعداء ودخل....
________
عند شريف
كان في عمله ولم يكن احد في المكتب كان الكل ذهب الي الموقع....
قالت مي لشريف انها سوف تأتي بمفرده وان يذهب هو اولا....
تأخرت مي عن العمل كثيرا....فأتصل بها....
شريف:الو ايه يا مي انتي فين....
كانت مي قد وصلت للشركة بالفعل....
مي:انا قربت اوصل....
شريف:طيب يا حبيبتي خدي بالك من نفسك....
جاءت مي من خلفه وقالت:حاضر يا قلبي....
التفت شريف لها....وانصدم....
رأها ترتدي دريس للمحجبات وترتدي حجاب وتمسك بيديها هديه....
مي:كل سنه وانت طيب يا ابن قلبي....
شريف بصدمة وانبهار:....و.و.وانتي طيبه يا قلبي....اي اي الحلاوه دي....
مي:مش انت طلبت مني اني اتحجب....
شريف:بس بس انتي رفضتي....
مي: مفيش حد بيرفض حاجه خير ليه انا كان نفسي اتحجب اصلا بس اجلتها شويه علي اما عيد ميلادك يجي عشان اعملك مفاجأة....
شريف:انتي عرفتي منين انا مقولتلكش....
مي:يوسف مشاء الله اما كنت عندكم اخر مره عملك تحقيق شخصيه....وعرفت....
مسك شريف يدها وقبلها بعشق وقال:شكرا انك في حياتي شكرا علي كل دقيقه بتبقي معايا فيها انا بحبك ومقدرش اعيش من غيرك ربنا يخليكي ليا وتفضلي في حياتي علي طول وقبل يدها مره اخري....
مي بعشق:اتفضل الهديه....
شريف:انتي هديتي....كفايه الي عملتيه دا دا فرحني اوي....
مي:انا بحبك عشان انت الي قوليتلي كده انا عرفت اختار صح....بحبك....
شريف:وانا بعشقك....
فتح شريف الهديه ولقي فيها ساعه وبرواز هاند ميد مي الي عملاه وكاتبه فيه بحبك ويوجد بها صورة شريف وهي وكانت أول صورة لهم في اول لقاء بعد الصلح....
فرح شريف بشده من هديتها فأحتضنها دون علم لا اراديا كان يود ان يدخلها داخل قلبه ويحبسها بداخله
ثم علم ما حدث....
فرجع الي الخلف وكذلك مي....
شريف:انا اسف يا مي بس فرحتي بجد خلت عقلي طار....
مي:احم....تمام....عجبتك....
شريف:اوي وعجبتني صاحبت الهديه....
مي:ثانيه واحده....خرجت ثم دخلت مره اخري وكان بيديها تورته صغيره بالشكولاته....
مي:يلا قبل اي حد يدخل ويفصلنا....ضحك شريف....
مي وشريف:هابي برذداي تو يو هابي برذداي يو هابي برذداي يو شريف هابي برزداي تو يو....سنه حلوه يا جميل سنه حلوه يا جميل سنه حلوه يا شريف سنه حلوه يا جميل....
مي:يلا اتمني امنيه....
شريف:اتمني انك تفضلي في حياتي علي طول وربنا ميحرمني منك وتفضلي كده علي طول من غير نكد يااااارب....
مي:بقي انا نكديه....
شري:لا يا قلبي دا انا....ضحكت مي....
وبدأوا في تناول التورته....
وجاءت اتصالات لشريف لتهنئته بعيد ميلاده....
مي:بس يعني محدش جابلك هديه ولا حد عبرك....
شريف بضحك:اصل انا مش بحب احتفل بعيد ميلادي اصلا....في بيتصلوا بيا كده يهنوني وبس....
مي:بجد طب ليه وبعدين يوسف مقليش....
شريف:يوسف دا مادي حقير لو كنتي ادتيله فلوس.... كان هيقولك انا مقاس رجلي كام....
مي بضحك:....طب ليه مش بتحب تحتفل بعيد ميلادك....
شريف:عادي....ببقي مشغول وكده في مفيش مره احتفلت بيه....
مي:من هنا ورايح هنحتفل بيه علي طول....
شريف:بس كده انتي تؤمريني يا اميرتي....
________
عند عمار
كان يجاري التحقيق مع هشام....
واعترف هشام بكل شئ....واخبر حوده وبعد ذلك اخبر حوده روان....وذهب لها....
عند عمار وكان يقفل القضيه....ويتابع الاوراق....دخلت عليه موده....طرقت الباب....
عمار:ادخل....
دخلت موده والقت التحيه العسكريه وقالت:تمام يا فندم....وقف عمار....
عمار:احم....خير يا انسه موده في حاجه....
موده:في ان الباشا بتاعي زعلان مني....
عمار:....
موده:تسمحلي اقعد يا باشا....
عمار:اتفضلي....عايزه ايه....
موده:انت بتتكلم كده ليه....
عمار:اصلا مفيش بينا كلام يا سياده النقيب....حضرتك عايزه ايه....
موده:عمار انا اسفه....
ضحك عمار بسخريه:اسفه....اسفك جه متأخر يا انسه....
موده ببكاء:عمار انا عارفه اني غلطانه....انا كنت طماعه وانانيه مفكرتش غير في نفسي انا اسفه يا عمار انا ندمانه علي كل كلمه قولتهالك زعلتك انا اسفه بجد يا عمار....انا جيالك ورقبتي قد السمسمه....انا اسفه....دي.دي كانت مشاعر مش عارفه اتخلص منها....تعالي نفتح صفحه جديده وننسي الي فات حتي لو هنبدأ كمجرد اصدقاء بس متقطعنيش كده....انا اسفه....
مسح عمار دموعها وقال:يعني انتي نسيتي حوده....
موده:انا اتأخرت كل دا عشان احاول انساه لاني عارفه لو جتلك مكنتش هتوافق تبدأ معايا صفحه جديده بس انا دلوقتي نسيت صدقني....
عمار:انا مقدرك يا موده وعارف انتي بتحسي بإيه....بس انا زعلت منك لما حسيت اني مليش لازمه في حياتك ومش محترماني ولا محترمه وجودي قولتي لروان ان كل شئ قسمه ونصيب انا اتصدمت يعني ايه في ثواني تنهي علاقتنا كده بالسهوله دي....احنا هنبدأ مع بعض صفحه جديده بس كمجرد زمايل واصدقاء بس لو حسيت انك اتغيرتي وبقيتي عملالي وجود ساعتها ممكن نرجع لبعض....
موده:يعني انت مسامحني....انا انا اسفه....
عمار:م.مسامحك يا موده مسامحك....ابتسمت موده له....
موده:انت بقي بتعمل ايه دلوقتي....
عمار:بقفل القضيه خلاص قبضنا علي المتهم الي حاول يقتل حوده....
موده:بجد....طب الحمدلله....
________
عند ياسين
كان يتابع عمله في صمت....بعد شويه....
دخلت عليه فتاه وهي تبكي بشده....
الفتاه:ي.ياسين....
وقف ياسين بسرعه وقال:في ايه يا غرام مالك....
غرام:ال.ال....وقعدت علي الكرسي وبدأت تبكي بشده....
ياسين:غراااام في ايه ماالك غرام....
غرام:ض.ضفري....اتكسر....
ياسين:....نعم يا روح امك....
غرام:بقولك ضفري اتكسر والي كسره هناء روح اقبض عليها هي بتغير مني اصلا واما لقتني ربيت ضوافري كسرتهملي....انت بتبصلي كده ليه....وبعدين انت لسه هنا قوم بسرعه اقبض عليها....
ياسين بصدمه:يعني انتي قاعده تعيطي عشان ضفرك اتكسر....وعايزاني اقبض علي صاحبتك عشان هي الي كسرت ضافرك....
غرام:ايوه قوم بسرعه....
ياسين:واقبض عليها بتهمة ايه....عشان ضافرك اتكسر....امشي من قدامي يا غرام عشان مقلش ادبي عليكي وهتصرف تصرف ميعجبكيش....
وهنا دخل حوده وعلي....
علي:في ايه....بتعيطي ليه يا غرام....
ياسين بضحكه ساخره:هه ضفرها اتكسر وجايه تشتكي وبتقولي روح اقبض علي صاحبتي الي عملت كده....
غرام:طب متقولش صاحبتي....انا اصلا غلطانه اني جيت واشتكتلك....
علي:اطلعي براااا يا غرام....
غرام:انتوا مش حاسين بيا انا فقدت اعز ما املك....
حوده:اعز ما تملكي....لا اله الا الله سيدنا محمد رسول الله....
غرام:انا قاعدت كتير اربي فيه....
حوده:احمدي ربنا ان روان مش هنا كانت كسرتك كلك علي بعضك....
غرام:....ياسين....حد يجي يقبض عليها....
ياسين:انتي بتتكلمي جد....انا لحد دلوقتي مش مستوعب....
غرام:انا هروح قسم تاني يقدر مشكلتي انا هاجي اهزر معاك ليه....هو لعب عيال وخرجت من المكتب....
علي:يعيني عليك يا ياسين يابني....اما تيجي تحب تحب الفرفوره دي....
ياسين:اه يا حظك القليل يا ايسو يا حلو يا صغير علي البهدله والمرمطه يانا....هتجيبلي مراره قريب....
علي:انت اعترفتلها....
ياسين:لسه....
علي:طب كويس لسه مدبستش....
ياسين:اه والله الحمدلله بس انا بحبها....
حوده:هاااااح الحب دا حلو اوي يا ايسو.... والله....واتجه اليه وحضن رأسه....
علي وهو يتجه له وحضن رأسه وقال:اوي اوي....هاااااح....
ياسين:ابعدوا انتوا الاتنين كده هنتفهم غلط وممكن يمسكونا اداب....ضحكوا جميعا....
وهنا دخلت روان وكان معها اللواء....
روان:الله....مشاء الله انتوا في موسم التزاوج ولا ايه
رجعوا للخلف سريعا....
حوده:روان متفهمنيش غلط....
علي:احنا غرضنا شريف....
ياسين:مش قولتكوا هنتفهم غلط....انتوا الي مسمعتوش الكلام....
اللواء:اموت واعرف انتوا دخلتوا كليه الشرطه ازاي قدامي علي غرفه الاجتماع....
القوا الثلاثه التحيه العسكريه وقالوا:تمام يا فندم
وخرج اللواء....
حوده:انتي ايه الي جابك مش انا مروحك بعد ما اتخطفنا....
علي وياسين:اتخطفتوا مع بعض....اه يا نمس....
ياسين:يابختك يا معلم....
روان:بس يلا منك له....اللواء اتصل بيا وقالي عايزك في مهمه....
حوده:....تعالي يا روان عايز اقولك علي حاجه....
ياسين:تقولها علي ايه....لااااا المكان دا طاهر....وهيفضل طول عمره طاهر....يا ام المطاهر رشي الملح سبع مرات....
علي وهو يحدف فلوس علي ياسين ويرقص:سبع مراااات تسع مراااات يلااااا....
روان:بسسسس....
علي:دا انتي فصيله....
ياسين:كنا دلوقتي هنجيب رقاصه ونتبسط كلنا....
روان:اه ونتمسك اداب بقي صح....يلااااا علي غرفه الاجتماع....
ياسين وعلي وحوده وهم يلقون التحيه.... العسكريه:تمام يا فندم....وخرجوا الاربعه....
واتجهوا الي غرفه الاجتماع....
________
عند بسنت وغرام
غرام:خلاص نفذت الحكم استريحتي....
بسنت:الصراحه مش اوي....
غرام:نعم يا روح امك....انا كنت هضرب جوه....
بسنت:خلاص يا غرام مكنش حكم يعني في الشايب....
غرام:ماشي....يلا نروح....
بسنت:ماشي يلا....
________
عند روان
في غرفه الاجتماع....
اللواء:دلوقتي احنا اكتشفنا موضوع خطير اوي وهو ان جامعه القاهره في طلاب بيتاجروا في المخدرات...................يتبع🖤

صلوا على النبي ﷺ♥️
وتصويت وكومنت فيه تصلوا على النبي ﷺ♥️
وكومنت فيه رأيك
بحبكوا🖤
اسفه على التاخير