The Forgotten Queen: The Cursed Gifted

17. Dark guild

Walang gana akong umiinom ng tsaa habang nakikinig sa mga sinasabi ng sekritarya ko. Pinapanood ko siyang basahin ang mga papeles na hawak-hawak niya.

"B-Bu-Bukas ay magki-ki-kita po kayo ng o-opisyales s-sa-sa Solar A-A-Academy," ani ni Cora.

Nakasalumbaba ako sa kanan kong kamay habang hawak-hawak ang tasa sa isa. Wala akong maintindihan sa mga pinagsasabi niya. Mamaya ay babasahin ko na lang ang mga notes na naisulat niya kanina.

Pareho kaming nakasakay sa kalesa at pabalik na kami sa Lunar Academy.

Galing kami sa meeting ng mga opisyales ng tatlong paaralan. Hindi naman ako nakinig sa kanila dahil hindi ako interesado.

Patatakbuhin ko ang Academy sa paraan na gusto ko. Ayokong matali ang mga estudyante ko sa mga rules na gustong ipatupad ng mga officials.

What's the point of having rules?

Rules are made to be broken.

Mas gugustuhin ko na lang na may sariling paniniwala at may sariling mga sinusunod ang mga estudyante ko.

Alam kong ayaw lang ipahalata sa akin ng ibang mga opisyales pero natatakot sila na baka hindi ko makontrol ang mga estudyante ko.

For pete's sake, I've been recruiting criminals to join my Academy for decades.

'Wag nila 'kong tinuturuan dahil hindi hamak na mas may alam ako sa kanila. I treat each one of students as my kid. Ayokong maramdaman nilang nakatali sila sa akin na parang aso dahil sa mga krimen na ginawa nila rati.

They are all free to do whatever they want as long as they finish their missions.

Napasulyap ako sa bintana at nakita kong papasok na kami sa tunnel.

Muli akong humigop sa tasa nang may biglang pumasok sa isip ko.

A scenario.

Sa oras na lumabas kami sa dulo ng tunnel ay may mga nag-aabang sa amin.

50-

No—hundreds of Gifteds are waiting on the other side.

They're planning to take me somewhere.

Muli akong bumalik sa kasalukuyan. Napabuntong-hininga na lamang ako.

Napansin ni Cora ang biglaang pagbago ng ekspresyon ko.

"M-M-May problema p-po-po ba? P-Principal?" nauutal na tanong niya.

Naging matalim ang tingin ko at pinakiramdaman ang pagtakbo ng kalesa.

"No matter what happens. Don't go outside," ma-awtoridad na sagot ko.

Napalunok nang malalim ang babaeng kaharap ko.

Alam kong naguguluhan at kinakabahan si Cora sa sinabi ko, pero mas pinili na lamang niyang manahimik at sumunod.

Unti-unti ko ng nakikita ang liwanag sa kabilang dulo ng tunnel hudyat na malapit na kaming makalabas.

Nang masilayan ko na ang liwanag ay agad na nagbago ang mga mata ko.

Suddenly, time stopped.

Holding a cup of tea, I casually opened the door and went outside.

Humigop pa ako ng tsaa habang walang eskpresyon kong tinitignan ang mga taong nag-aabang sa amin.

Pare-pareho silang natigilan at bakas sa mukha ang pagkabigla.

Unang nakaagaw ng pansin ko ay ang mga tattoo nila sa iba't ibang parte ng katawan.

A tattoo that symbolizes that they're from the Trejon Guild.