Oops! This image does not follow our content guidelines. To continue publishing, please remove it or upload a different image.
Ella's P.O.V.
This is my first day as a college student. Pagkapasok ko palang sa department building namin ay puro kalalakihan na ang nakita ko. Oh well, malamang ay dahil nasa School of Engineering and Architecture (SEA) ako. Isa ako sa mga Architecture students kasama ng bestfriend kong si Natalie. Fine Arts naman talaga ang gusto kong kunin pero pinilit ako ng mga magulang ko na mag-Architecture nalang. Bonus nalang talaga siguro iyong kapareha ko ng kurso ang bestfriend ko at na nasa iisang block pa kami.
Nilapitan agad ako Nat nang makita niya ako sa hallway. Bago ang lahat ng gamit niya from head to toe. Ang sabi niya kasi sa akin, importante ang 'college debut' lalo na at siguradong maraming 'cute boys' sa department namin.
"Himala, mas nauna ka pang dumating sa akin!" pahayag niya. Napalingon ang ilan sa mga nasa hallway dahil sa malakas at matinis na boses niya.
"Halos kakarating ko lang din," sambit ko. Dahil may ilang minuto pa bago ang klase, pinag-usapan naming dalawa kung saan niya nabili ang mga bagong gamit niya. Habang nag-uusap kami ay may dumaan na isang matangkad na lalaki. Ang bango niya. Somehow, he reminded me of summer. May nagtulak sa akin para lingunin siya kaso lang ay likod nalang niya ang nakita ko.
"Wow, higher year kaya?" tanong ni Nat sa akin. Nakatingin din siya sa likod ng lalaking iyon.
"No idea. But look," itinuro ko ang classroom na pinasukan ng lalaking iyon. Pumasok kasi siya sa mismong classroom ng first class namin ni Nat. Automatic kaming nagtinginan at nagngisihan.
Nakangiti kaming pumasok ni Nat sa classroom. Sa harap umupo ang lalaking iyon. I don't know his name so I'll just call him 'Summer'. Sa likod naman kami umupo ni Nat. Hindi ko talaga maalis ang tingin ko sakanya. Parang ang pamilyar kasi ng mukha niya e o ng presensya niya mismo.
"Good morning, freshmen! Welcome to English 101. I'm Ms. Jean Fuerte. Before we start of with our syllabus, let's introduce ourselves first. You can also tell us something about yourselves, where you graduated or where you're from," pahayag ng pumasok na instructor. She's petite but really pretty.
Unang itinuro ni Ms. Fuerte si 'Summer'.
"Good morning. I'm Kristopher Park and nice to meet you all. I'm just new here just like most of you I think. I speak fluent Filipino, don't worry," pakilala ni 'Summer'. Park? Oh, kaya pala parang mukha siyang Korean of some sort. Nat looked at me then winked.
"Okay, you need to calm down," bulong ko sakanya. Kung sakali, siguradong si Nat lang ay may lakas ng loob sa aming dalawa na lapitan si 'Summer', este Kristopher Park. Hanggang sa comment nalang ako kapag may nakikita kaming cute o guwapo e. After something that happened in the past, I'm really afraid of committing myself to someone, let alone flirt.
Pagkatapos ng English 101 ay lumabas si 'Summer'—okay he has a name now and I should probably call him Kristopher or Mr. Park. Mukhang hindi namin kasama si Kristopher sa block.
