The Class S Students Dare

Chapter 12 Hide and Seek

Chapter 12 Hide and Seek

***KAYE POV***

PANAY ang pagpatak ng mga pawis ko habang tinatakpan ang sarili kong mukha gamit ng libro. Tahimik kong binabaybay ang pasilyo. Hangga't maari, ayaw kong makalikha ng ingay o may atensiyon na makuha.

"Little lamb!"

"My princess!"

Nagsitayuan ang mga balahibo ko sa katawan pagkarinig ko sa boses ng kambal. I need to escape from them even in just one day. Kanina pa sila sunud ng sunod sa akin. Hindi ko tuloy magawa ang mga bagay na gusto kong gawin.

"Where are you?"

Papalapit ang boses nila sa akin. Natatarantang inikot ko ang mga mata. Sarado ang ibang silid. Maliban na lang sa pinakadulo, nakauwang ang pintong iyon. Ngunit masyadong malayo kung tatakbuhin ko ang nasa dulo. Tiyak na mahuhuli ako nina Ryu at Leo.

"Where are you my princess?" muling sigaw ni Leo.

Napaatras ako at pikit matang hinintay na mahuli ng kambal tuko na ito. Mula pa kanina, panay na ang pagsunod nila sa akin. Tinatapunan tuloy ako ng masasamang tingin ng ilang kababaihan dito. Wala naman sa akin noong umpisa pero nang medyo tumagal na, naisisira ang konsentrasyon ko. Hindi ako makapunta ng library ng tahimik. Kahit sa canteen ganoon din.

"My little lamb?"

"Shit!" Kinagat ko ang ibabang labi. Kung pwede lang sanang sabihin ko sa kanila na layuan nila ako ngunit ang mukha nila. Parang isang tota na nagmamakaawa.

Handa na akong mahuli ngunit may isang pangyayari na hindi ko inaasahan. May malaking kamay ang bigla na lang tumakip sa bibig ko. At hinila ako niyon papasok sa silid na akala ko ay naka-lock.

What the!

Nanlalaki ang mga mata na pilit akong kumawala sa nilalang na ito. Ang gusto ko lang naman ay takasan ang kambal na sina Ryu at Leo, kahit sa isang araw lang. Hindi ko naman ginusto na mahila nang kung sino. Kung alam ko na ito ang mangyayari, e di sana hinayaan ko na lang ang dalawa na kulitin ako hanggang sa magsawa ang mga iyon.

"Behave if you don't want to get caught," bulong ng lalaking humila sa akin.

That voice!

Hindi na ako pumalag sa pagkakataong ito. Pamilyar sa akin ang boses ng may-ari. Pasimple kong sininghot ang pabango ng lalaking ito. Hindi ako maaaring magkamali.

"Can you promise not to make a sound miss Kaye?" Mababa at malamyos ang boses na wika niya.

Pilit akong tumango. May kakaiba akong nararamdaman sa bandang tiyan ko. Para itong hinahalukay dahil sa hininga niyang tumatama sa tainga ko.

Umiling ako sa utak. Wala akong dapat na ikatakot o ikabahala man lang dahil ang prinsipe o mas tamang sabihin, ang hari ng kaperpektuhan ang nakahuli sa akin.

"Then good," Una niyang binitiwan ang braso ko sunod ang kamay niyang nakatakip sa labi ko.

Tila isang robot na nilingon ko siya. Pabilis na pabilis ang tibok ng puso ko. Kung kanina malaki na ang mga mata ko, di hamak na mas lumaki pa ito.

Hindi nga ako nagkamali!

"K-Kaizzer Leigh," Muli na namang nagtagpo ang landas naming dalawa. Bakit siya...

"My princess?" Leo's voice wakes me up.

Napapitlag na tinapunan ko ng tingin ang pintuan. Palakas na ng palakas ang boses nina Ryu at Leo, ibig sabihin lamang nito ay malapit na sila sa akin.