To Get Her

Chapter 11. "House of Love"

Chapter 11. "House of Love"

Ethina's POV

Narito ako sa shooting ng gagawin naming film. Kahit ban a medyo hindi maganda ang mood ko dahil sa pagkamatay ng alaga ko. Kailangan kong maging maayos para sa trabaho ko. Sinundo ako ni Direk Shawn sa train station para isabay niya na ako papunta sa shooting place namin today. Katabi niya ako sa sasakyan habang papunta na kami sa shooting place namin.

"Mukhang di maganda ang umaga natin ah? May away ba agad ang newly wed?" Nakangiting sabi ni Direk Shawn. Napalingon naman ako at tinignan siya, jusme ang gwapo naman ng isang 'to kahit naka-side view lang sa akin dahil nagmamaneho siya. Pinaling ko ang tingin ko sa bintana at sinandal ang gilid ng ulo ko sa bintana. Napabuntong hininga ako dahil iniisip ko pa rin si Spongebob.

"Ayos ka lang ba Ethina? Baka pagod ka pa sa honeymoon, pwede ka munang mag-break ngayong day." Suhestisyon ni Direk Shawn.

"Direk, anong mararamdaman mo kapag namayapa ang isa sa pinakamamahal mo?" Kusang nasabi ng bibig ko habang hindi siya tinitignan.

"Ah? Ako? Syempre malulungkot ako. Pero kailangan kong mag-move on kasi I know na hindi siya matutuwa na magiging malungkot ako sa pagkawala niya." Narinig kong sinabi ni Direk. Tinignan ko naman siya, isang tingin na nagsasabing na-realize ko na dapat nga maging masaya na lang ako kay Spongebob, I know for sure, nasa heaven na siya ng mga fish.

"Salamat Direk." Sabi ko rito habang tinitignan siya, nilingon naman niya ako at nginitian.

Pagdating namin sa shooting place, na-shock ako dahil hindi ko expected ang mga makikita kong artista. Talagang nalalaglag ang panga ko nang malaman kong sina Daniel Padilla at Kathryn Bernardo pala ang mga artista na makakatrabaho ko. Tapos 'yung movie na gagawin ay galing sa wattpad na 'Sadako's First Love" I am a big fan of that story.

(PS: Walang personalan, halimbawa lang. >O<)

Nag-umpisa na ang Day 1 ng shoot. Naging okay na rin ang mood ko simula nung sinabi ni Direk Shawn sa akin 'yun. Itong lalaking 'to, ang bait bait, ang ganda pa ng ngiti at ang gwapo pa.

Since wala akong idea about filming, lagi akong nasa tabi ni Direk Shawn at tinuturo niya pa sa akin ang mga dapat kong gawin. Assisstant niya nga ako at hindi naman mabibigat ang trabaho na ginagawa ko. Buong shooting nasa tabi niya lang ako at sinasabi niya dapat ganto Ethina, dapat ganyan Ethina. Nakakatuwa dahil ang bait niya magturo, tapos nakatutok pa ang tingin ko sa mukha niya. Minsan nga nahuli niya ako kaya iniwas ko ang tingin ko tapos ngumiti lang siya. Grabe, kinikilig ako ng mga oras na 'yon.

Natapos na ang Day 1 ng shooting namin. Pasado alas-syete na rin ng gabi ng makapag-pack up kami.

"Ah Ethina, uuwi ka na ba agad?" Tanong ni Direk Shawn sa akin habang inaayos ko ang gamit ko.

"Ah, hindi naman po Direk. Bakit po?" Nakangiti kong sabi.

"Gusto ko kasi muna kumain eh, would you mind if you accompany me?"

"Sure Direk!" Mabilis kong sabi, pero sa isip-isip ko baka niyayaya niya ako ng date. Hay nako Ethina, magpakita ka naman ng konting Maria Clara style.

After naming mag-pack up, pumunta kami ni Direk sa isang noodle house dito sa Marikina.

Naglalakad na kami sa tabi ng kalsada ng makita ko ang isang pet shop at may mga aquarium sa labas. Ang daming gold fish, ang daming isda. Nang makita ko ito, muling sumagi sa isip ko si Spongebob. Kahit pala na kalimutan ko siya, panandalian lang. Dahil may mga bagay talaga sa atin na nagpapaalala sa isang bagay.