To Get Her

Chapter 6. "Ethina's New Boss"

Chapter 6. "Ethina's New Boss"

Ethina's POV

"Hindi talaga maikakailang mahirap maghanap ng trabaho sa Pilipinas."

Napanguso na naman ako at nagpunas ng pawis sa noo ko. Ang hirap na ngang maghanap ng trabaho, tirik pa ang araw. Jusko, baka himatayin na ako sa sobrang init dito. Nakakainis naman kasi si Sanjun, ayaw pa akong tanggapin sa kumpanya nila. Nag-resign na daw kasi ako, kaya pangatawanan ko raw. Nakakainis, pwede namang ilipat ako sa ibang department eh, pero ayaw niya talagang pumayag.

"Ano ba 'yan." Nalulungkot na naman ako, napayuko ako habang nakaupo rito sa park.

"Miss." Napatingala ako ng may tumawag sa akin. Pagtingin ko, nagulat ako sa nakita ko. God, ang gwapo niya. "Pwede bang makiupo?" Tanong niya sa akin. Laglag naman ang panga ko habang nakabukas ang bibig na tumango-tango. "Salamat." Nakangiti niyang sabi. Naupo siya sa tabi ko.

Habang nakaupo siya sa tabi, hindi naman mawala ang kilig sa katawan ko. Kahit naman pala may kamalasan sa buhay ko, meron pa ring pampalubag loob si Lord. Hinulog niya pa mula sa langit ang isang anghel na ngayo'y nakaupo sa tabi ko. Pasimple ko naman siyang tinitignan habang nakaupo. Ang diin na ng hawak ko sa bag ko sa kilig. Gosh, ang tangos ng ilong niya, tapos yung mata pa, medyo singkit. Pero ang nakaka-attract talaga sa kanya ay ang buong niya.

Bigla naman siyang napatingin sa akin habang nakatingin din ako sa kanya. Ngumiti siya sa akin na siyang nagpagaan sa akin. Para akong lumulutang sa kawalan. Ang ganda ng smile niya.

"Miss gusto mo ba?" Bumalik naman ang isip ko sa realidad ng magsalita siya. 'Don ko lang napansin ang hawak niyang burger.

"Huh?" Nagtataka kong tanong.

"Eh kasi kanina ka pa nakatingin, gusto mo? Share tayo." Sabi niya.

"Ay nako, hindi hindi po, sa iba ako nakatingin." Pagpapaliwanag ko.

"Sa iba?"

"Oo sayo ako nakating—" Hindi ko na tinapos ang sasabihin ko ng mapansin kong may mali. "—ngin" Mahina kong pagtapos sa sasabihin ko at tsaka iniwas ang tingin sa kanya.

Patay ka Ethina, kahit kailan palpak ka. Sabi ko sa sarili ko. Narinig ko naman ang bungisngis niya kaya napalingon ako sa kanya.

"Pinagtatawanan mo ba ako?" Mataray kong tanong. Huminto naman siya sa pagtawa at tumingin sa akin.

"Ah hindi Miss, natawa ako kasi ngayon na lang ako ulit nakakain ng burger." Nagtaka naman ako, ang babaw naman niya. "By the way, ako nga pala si Shawn." Pagpapakilala niya. Feeling close naman pala ang isang 'to.

"Ethina." Mabilis kong sabi. Napatingin naman siya sa hawak kong folder.

"Naghahanap ng trabaho?" Nakangiti niyang tanong.

"Oo eh, nakakainis nga lang. Ang hirap maghanap ng trabaho sa Pinas." Inis kong sagot sa tanong niya.

"Oo, mahirap nga." Pagsang-ayon naman niya. "Pero kung gusto mo, mag-apply ka sa company namin." Mabilis ko naman siyang tinignan.

"Ano?"

"Sa company namin, hiring kami. Assisstant Director." Masigla niyang sabi.

"Ay, wala naman akong alam sa filming. Management ang course ko eh." Dismiyado kong sagot tsaka ngumuso.

"Ayo slang, matututo ka naman eh."