Oops! This image does not follow our content guidelines. To continue publishing, please remove it or upload a different image.
Chapter 18: Trial Phase 5 Tomy
Hindi ko inaasahan na sobrang masasaktan si Nick this time. Kaya pala siya kumaripas ng takbo kagabi dahil alam niya ng isa si Kim sa mga susunod na target ng killer. Baka naman si Nick ang pumatay kay Kim at pinalabas niya lang na inosente siya?
Nakakaawa nga sina June at Nick, dalawang kaibigan nila ang nawala sa nakaraang dalawang araw. Batid kong malaki ang impact 'yon para sa kanila. Hindi madali ang mawalan ng kaibigan.
Nabaling ang atensyon ko kay Phil na mag-isang kumakain, he's a total weird. He prefer to be alone, pero sa kabila ng lahat nang ito, hindi naman siya pinaghihinalaan ng iba naming kasamahan. Nakikita ko minsan na kinakausap niya si Raven pero sa ibang players, parang ang ilap niyang kausapin.
"Natulala ka na naman Tomy," Mahinang tinapik ni Coby ang aking pisngi dahilan upang mabaling ang aking atensyon sa kanila ni Cedric. "Ang dalas mong wala sa sarili lately."
"Wala lang, nami-miss ko lang si Stacy wala akong mabwisit" Pabiro kong sagot sa kanya.
"Madalas hinahanap? Naku Tomy iba na 'yan," Naiiling na sabi naman ni Cedric.
"Mga baliw." Nasabi ko na lamang. Pero pansin ko nga, hindi ko pa nakikita si Stacy ngayon. Kapag ganitong umaga kasi ay kamalditahan niya agad ang bubungad sa akin.
"Shane, asan yung kaibigan mong magaling?" Pagtatanong ko kay Shane na kumakain. "Hindi ko alam, hindi pa rin kami nagkikita ni Stacy ngayong araw," Sabi ni Shane.
Biglang kinuha ni Shane ang upuan at tumabi sa amin nina Coby. Seryoso niya kaming tinitigan sa lahat. "Alam niyo ba, nagbalak akong magbigti kagabi,"
Seryosong sabi ni Shane kaya naman bigla kaming kinabahang tatlo. "Buti naman at hindi natuloy, anong naisip mo?" Pag-uusisa ni Cedric. “No’ng itatali ko na kasi yung lubid, hindi ko pala abot yung kisame. Ang tagal kong sinubukan kaso ay na-bored ako, kaya natulog na lang ako.” Gusto kong tumawa ng malakas dahil sa walang kwentang kwento ni Shane, seryoso pa siya habang nagkekwento.
Magsasalita sana ako ng biglang may malakas na batok akong naramdaman. Iisang tao lng naman ang gumagawa no'n sa akin... Si Jessie. "Mga pare kumusta?"
Imbes na sagutin siya ay nabaling na lang ang aking atensyon sa wall clock. Malapit na palang mag-8:30. Ibig sabihin lamang nito na malapit na naman magsimula ang trial. Sa ngayon ay may isang tao na agad na pumasok sa isip ko kung sino ang gumawa ng pagpatay, si Nick.
Hindi niyo ako masisi kung si Nick ang pinagbibintangan ko. Malay niyo ay umaarte lang siya kagabi. Kung kay Terrence nga ay nahirapan kami dahil sa galing niyang umarte, hindi malayong gano'n din si Nick.
Biglang pumasok si Stacy sa loob ng restaurant, mukhang bagong gising pa lang ‘tong babae na ‘to. “Good morning, babe, buo na ang araw ko.” Nakangiti kong biro sa kanya.
