The Double-Edged Dagger

Chapter 7

Ramdam ni Davina na pinagtitinginan na naman siya.

I hate this, tsk.

"Di ba sabi mo nakicked-out na siya dahil sa ginawa niyang pambubully sa isang babae?"

"Hindi ko alam, 'yon lang din ang narinig ko sa usap-usapan."

Napailing-iling na lang siya sa mga naririnig. Hinayaan na lang ni Davina ang mga ito, at taas-noong naglakad sa kalagitnaan ng mga mata ng estudyante na pinagpipiyestahan siya. Napatigil lang siya sa paglalakad nang may babaeng tumakbo patungo sa direksyon niya.

She's quite familiar.

Nagtaka siya nang tumigil ito sa mismong harap niya. Lalagpasan na sana niya ito nang bigla itong yumuko at inabot ang isang paper bag.

"Sa-salamat nga pala sa pagtulong mo sa akin kahapon," nakayuko at halos pabulong na sabi ng babaeng kaharap niya. Napatingin naman siya sa hawak na paper bag nito bago binalik ang tingin sa mukha ng babae.

Oh, she's that nerd na pinagtulungan sa likod ng pinakamalayong building.

"What's that?" she asked in her most bored tone.

"Pa-para sa'yo." Nakayuko pa rin ito habang naghihintay. Lumapit naman si Davina at kinuha ang paper bag na hawak nito. Pagkakuha niya ng paper bag, bigla itong tumingin sa kanya nang may guhit ng pasasalamat sa mukha. Kitang-kita sa mga mata nito ang pagkatuwa.

Ngumiti naman si Davina sa kanya at saka dahan-dahang inilapit ang mukha sa tainga ng babae, "Hindi kita tinulungan. Tinulunugan ko lang ang sarili ko." Mabilis niyang ibinalik ang paper bag dito, at agad na naglakad papalayo kaya't hindi na niya nakita pa ang naging reaksyon ng babae.

Padabog niyang binuksan ang pinto nang makarating sa klase niya. Pagkabukas ay tuloy-tuloy lang siyang pumasok sa loob. Napalingon naman si Davina sa harap nang mapansin na dumating na ang Prof nila. Napangisi siya dahil gulat na gulat ang reaksyon nito.

Oh, siya pala ang professor namin ngayon? Dapat pala tiningnan ko muna kung sino para nabalaan ako na wag nang pumasok.

Hindi nito nagustuhan ang naging asal niya pero hinayaan na lang niya si Davina at nagpatuloy sa pagsasalita sa harap. Umupo siya sa bakanteng upuan sa pinakasulok at dulo ng row na malapit sa bintana. Mag-isa lang siya sa linyang iyon. Pagkaupong-pagkaupo ay mabilis niyang isinalampak ang earphones sa tainga niya kahit wala namang nag-pi-play.

Napaka-boring. Sa tingin niya ba ay may makikinig sa kanya kung ganito siya mag-discuss?

Minsan lang kasi ito mang-away o magalit. Madalas ay hinahayaan lang nito ang mga inaasal ng mga estudyante niya, at advantage naman iyon para kay Davina. Ipinikit na lang niya ang mga mata. Kulang pa ang tulog niya dahil sa pambubulabog ni Grey sa kanya.

Nang maalalang kaklase niya si Grey sa klaseng ito, inilibot niya ang paningin sa loob ng classroom ngunit hindi niya ito nakita. The heck I care. Tsk.

Sigurado naman na siya kung nasaan ito ngayon at kung sino ang kasama niya. Wari ni Davina ay paniguradong kasama na naman nito si Savana. Ipinikit na lang ulit niya ang mga mata saka komportableng isinandal ang likod. Wala pang limang minuto ay narinig na niya kaagad ang apelyido niya.