Salamat saiyo, kaibigang tula
ikaw ang dahilan upang yaong diwa,
na nasa damdami't puso na malaya
ay maibulalas ko't mapakilala.
Ano pa ang buhay ng isang makata
kung di makasulat nitong piling obra?
wala ang isipang magandang salita
kung sa pagpapahayag ay salat at bula.
Ano ang indayog kung wala ang tugma
na saliw ay pantig nitong ala-ala?
tula ay ano pa kundi isang luha
na munting dadaloy sa ilaw ng mata.
Ikaw ay kalasag nitong mandirigma
sa bawat kalabang mabangis ang mukha
ang kaanyuan may hindi nakikita
ngunit ang pilantik sa puso'y hihiwa
At huli sa lahat ng bawat simula
ika'y naging gabay laban sa dalita
ng bawat pagupos ng gintong gunita't
tangi pang salamin noong dakong una!