Unicode
Episode _ 26
" အကိုတို့ ဘာသောက်မလဲဗျ... "
စားပွဲထိုးကောင်လေးက ကျွန်တော့်တို့ဝိုင်းကိုရောက်လာသည်။
" ပေါ့ဆိမ့်တစ်ခွက်နဲ့ရှိတဲ့မုန့်တွေ အကုန်ချပေးနော် "
" ဟုတ်ကဲ့..၊ ဒီဘက်က အကိုကရော "
" မှာလို့ရလား... "
စားပွဲထိုးမေးတာကို မဖြေဘဲ ကျွန်တော့်ကိုပြန်မေးတဲ့တေလွန်းကြောင့် ကျွန်တော်ရော၊ စားပွဲထိုးကောင်လေးရော ကြောင်သွားသည်။
" ပိုက်ဆံမပါလာဘူး...၊ အဲ့တာမို့ မှာလို့ရလားလို့မေးတာ "
ဒီကောင်!!...။ ဒါ သက်သက် ကျွန်တော့်ကိုချောက်ချတာ၊ ကိုယ့်ဘာသာ မှာစရာရှိတာမှာတာမဟုတ်ဘဲ မျက်နှာငယ်လေးနဲ့ကျွန်တော့်ကို ငေးကြည့်နေတာက မသိရင် ကျွန်တော်ကပဲ ဒင်းကိုအမြဲအနိုင်ကျင့်နေတဲ့လူလိုလို ဘာလိုလိုနဲ့။ စားပွဲထိုးလေးကပါ တေလွန်းဆီကနေအကြည့်လွဲကာ ကျွန်တော့်ကိုကြည့်လာသည်။ နှစ်ယောက်စလုံးက ကျွန်တော့်ကိုစိုက်ကြည့်နေပြီး စားပွဲထိုးလေးက ကျွန်တော့်အဖြေကိုစောင့်နေသည်။ တေလွန်းကတော့ အခုထိသနားကမားရုပ်လေးနဲ့၊ ကျွန်တော်က စိုက်ကြည့်တော့ မျက်လွှာလေးကိုချသွားသေး။ ကျွန်တော့်ကို မျက်လုံးချင်းတောင်မစုံရဲဘဲ အရမ်းကြောက်ပြနေတဲ့ပုံစံလေးပေါ့။ အား.... ဒေါသထွက်လိုက်တာ။ အခုချိန် ပေါက်ကွဲပြရင်လည်း တေလွန်းရဲ့လုပ်ဇာတ်ကို လူတွေကအမှန်လို့ထင်သွားအုံးမယ်၊ ဘယ်လိုပဲစဥ်းစားစဥ်းစား နစ်နာသူကကိုယ်ပဲမို့ ကျွန်တော်လည်း စိတ်ကိုလျော့လိုက်သည်။
" ကိုယ်စားချင်တာ ကိုယ့်ဘာသာ မှာလေ.. "
" အင်းပါ...၊ ညီလေး အကို မမှာတော့ဘူး "
" ဟုတ်ကဲ့ "
" နေဦး... "
ကျုပ်လည်း သနားကမားရုပ်လေးနဲ့စားပွဲထိုးကောင်လေးကိုပြန်လွှတ်လိုက်တော့ ဆင်ပေါက်က ချက်ချင်း စာပွဲထိုးကောင်လေးကိုလှမ်းတော့တာပဲ။ ကျုပ်ကိုတော်တော်စိတ်ဆိုးနေပြီထင်တယ်..၊ ပေစောင်းစောင်းနဲ့ခပ်စူစူးစိုက်ကြည့်ပြီး ကျုပ်အတွက် ချိုစိမ့်တစ်ခွက်မှာပေးသည်။ ကျုပ်လည်း ဆင်ပေါက်မမြင်အောင် ကြိတ်ပြုံးတာပေါ့။ ဆင်ပေါက် ကျုပ်ကိုစိတ်ဆိုးတဲ့ပုံစံလေးကို ကျုပ်အရမ်းသဘောကျတာဗျ။ အဲ့တာကြောင့် ကျုပ်ကို အရင်ကိစ္စနဲ့စိတ်ဆိုးနေမှန်းသိလျက်နဲ့တောင် အခုထပ်ပြီး အကျင့်ယုတ်လိုက်တာ။ ထင်တဲ့အတိုင်း ပိုပြီးစိတ်ဆိုးသွားပြီ။
YOU ARE READING
စနေသားရဲ့ ဆင်ပေါက် / စေနသားရဲ့ ဆင္ေပါက္
Randomunicode ကျွန်တော့်ရဲ့ တမူမတူညီတဲ့စာရေးပုံနဲ့ မတူညီတဲ့ဇာတ်အိမ်လေးမို့ ဖတ်ကြည့်ပေးစေချင်တယ်ဗျ zawgyi ကြၽန္ေတာ့္ရဲ့ တမူမတူညီတဲ့စာေရးပံုနဲ႔ မတူညီတဲ့ဇာတ္အိမ္ေလးမို႔ ဖတ္ၾကည့္ေပးေစခ်င္တယ္ဗ်
