Uni,
You Are My Happiness (Part 7)
နောက်နေ့မနက်တွင် နှစ်ယောက်လုံးဘယ်သူမှစစကားပြောဖြစ်ပေ။
အထူးသဖြင့် ဇိုင်းမြတ်မဟာမောင်က ထိန်ယံလင်းအားသိသိသာသာရှောင်နေပြီဖြစ်သည်။
အဖြစ်အပျက်တွေအား နှစ်ယောက်လုံးသေချာပြန်မှတ်မိနေကြ၍ မျက်နှာပူစရာဖြစ်သည်။
စက်လှေပေါ်တွင်တစ်ခြားသူများနဲ့သာ စကားပြောကြသည်။
မြို့ထဲသို့ကမ်းကပ်ခါနီးတွင် ဇိုင်းမြတ်မဟာမောင်က နာရီချွတ်ကာသူ့အားပြန်ပေးလာသည်။
" ဘာလဲ..."
" ခင်ဗျားပစ္စည်းလေ ပြန်ယူလိုက်။"
" မင်းကိုပေးထားပြီးသားလေ..."
" ကျွန်တော်မယူဘူး။ "
ထိုသို့ပြောပြီး နာရီအားပစ်ပေးလိုက်လေသည်။
ထိန်ယံလင်းမှာ ခဏမျှစဥ်းစားပြီး ခပ်တိုးတိုးပြန်ပြောသည်။
" ညကကိစ္စ မင်းစိတ်ဆိုးနေတာလား။"
"..."
" ယောက်ျားလေးတွေကြားက သာမာန်ကိစ္စလေးပဲဟာ။
မင်းသူငယ်ချင်းတွေနဲ့ တစ်ခါမှအဲ့လိုမလုပ်ဖူးဘူးလား။"
ထိန်ယံလင်းစကားကြောင့် ဇိုင်းမြတ်မဟာေမာင်တကယ်ဒေါသထွက်သွားလေသည်။ သူ့အနေနဲ့တော့ ပထမဆုံးအကြိမ်ဖြစ်ပေမဲ့ ထိန်ယံလင်းဆိုသည့်သူက တော်တော်အတွေ့အကြုံများနေပုံရသည်။အစက ရိုးရိုးနေရခက်တာမျိုးသာရှိပေမဲ့ ယခုတွင်တော့ဘာက ဒေါသထွက်စရာကောင်းမှန်းမသိတော့ပေ။
" ကျွန်တော်က ခင်ဗျားမဟုတ်ဘူး။"
"ဇိုင်း..."
" ခင်ဗျားgayမလား...။"
ထိန်ယံလင်းမှာတစ်ယောက်ယောက်ကြားသွားမှာစိုးသည့်နှယ် ဘေးဘီကိုတစ်ချက်ဝှေ့ကြည့်သည်။
" မနေ့ညက ကိစ္စကိုယ်တောင်းပန်တယ်။ ဒါပေမဲ့ မတရားခံနေရသလိုလာမလုပ်နဲ့လေကွာ။ မင်းလည်းကျေနပ်ခဲ့တာပဲမလား ။ကိုယ့်ကိုလူဆိုးဖြစ်အောင်မလုပ်ပါနဲ့။"
" ကျွန်တော်သာ အရက်မသောက်မိရင် ကျေနပ်စရာအကြောင်းမရှိဘူး။
ဟုတ်တယ် ကျွန်တော့်အမှားပဲ ကျွန်တော်အသုံးမကျတာ။ "
YOU ARE READING
You Are My Happiness
Romanceဇိုင်းမြတ်မဟာမောင်❤️ထိန်ယံလင်း - ဇိုင်းမြတ်မဟာမောင်...မင်းနာမည်ကလည်း ရှည်လျားထွေပြားလိုက်တာ။ - အင်း ရှည်တယ်ထင်ရင် မောင်လို့တစ်လုံးထဲခေါ်။တစ်ခြားဘယ်သူမှခေါ်ခွင့်မရှိပေမဲ့ ခင်ဗျားကိုခြွင်းချက်ထားပေးမယ်။ Start Date-7.11.2023 End Date -11.4.2024 ဒီဝတ္ထု...
