وحش الظلام 😈

chapitre 39

نرجس : علاش رجعنا
براء : هبطي
هبطات و بقات كتسنا عبط هو و سد اللوطو و دخل و هي تابعاه طلع عندو و حل الباب و مشا حل ليه يديه و حل ليه رجليه و حيد ليه الزيف و نرجس واقفة كتشوف فيه و هزو و دار عندها و عطاها السوارت
براء: سيري حلي اللوطو
نرجس فرحات و مشات كتجري حلاتها و براء كان وراها حطو لور و طلع و طلعات حتى هي
نرجس : شكرا بزاف والله
براء مجوبهاش و مشافش فيها كاع مركز مع الطريق وطلو لدارهم هبط هز نديم و دخل بيه و نرجس تابعاه تلقات ليهم رنين فالباب لي كانت مفاهمة والو
رنين جرات نرجس : اش كاين
نرجس : راه ضربو و انا درت ليه الطيارة و هاهو جابو هنا
رنين : بصاااح 😧
نرجس : وي انا نمشي عندو
رنين : واخا
مشات عندو نرجس لقاتو حطو فبيت مقابل مع بيتها و رنين تبعاتها من لور
نرجس بغات تفيقو مفاقش حطات يدها تشوف النبض ديالو لقاتو مزيان غير ناعس و تكات حداه معنقاه كانت توحشاتو بزاف
العشية تعاشات و وصلات 8 ديال العشية و نرجس ضرباتها الفيقة شافت فباها و تأسفات لحالتو ناضت و حاولات تفيقو حتى شافت عينيه بداو كيتحلو بشويا فرحات
فاق نديم و لقا بنتو حداه مفهم والو كيفاش جات ياكما براء دار ليها شي حاجة ؟ ياكما عيشها المعانات لي عاشها هو معاه ؟ هادو كاملين اسئلة طرحهم دماغ نديم بمجرد مشاف نرجس بنتو حداه
نرجس : فقتي ابابا كنت مخلوعة عليك بزاف
نديم : واش نتي لاباس (حط يدو على الضربة لي حدا فمها ) اش دار ليك داك الوحش
على اثر هاد الكلمة دخل براء
براء : اوووه شوف شكون فاق و كيدوي
نديم : اش بغيتي عندها خودني انا دير فيا لي بغيتي بعد ليا من بنتي
نرجس : شووت ا بابا راه مدار ليا والو غير طحت
براء : علاش كتكذبي ( دار شاف فيه ) انا ضربتها حيت كانت باغا تعقك و مبغاتش تمشي معايا
نديم شاف فبنتو بتاسف حيت هو سبابها : راها ختك ا براء حرام تعذبها و هي معندها حرى ذنب فهادشي ياك انا لي درت كلشي
نرجس : اش درتي ليه ابابا قول ليا علاش ولا قلبو قاصح من جيهتك علاش
نديم تردد بزاف و فلخر عاود ليها كاع داكشي لي عاودو براء للرنين
نرجس تصدمات كيفاش باها هكا كيفاش ناضت من حداه و مشات عند براء لي كان خرج فاش سولات نرجس باها عليه و مشا للبيت كيتفكر هاد الدكريات الخبيثة كيف العادة منين كيشوفو ولا كيفكرو فيها شي حد كانت هبطات دمعة حارة من عينو في حينها دخلات نرجس بلاما دق و لمحاتها هو مسحها و شاف فيها
براء : اش بغيتي
نرجس جات كلسات حداه و شدات ليه ايدو : مكنتش عارفة سمحليا
براء جرها عندو عنقها : نتي لي سمحي ليا ا ختي
نرجس حسات باحساس غريب ملي سمعات كلمة ختي من فمو قربات و باستو فخدو و مشات عند نديم فالاخير كيبقى باها دخلات و كلسات حداه
نديم بدا كيبكي : ندمت ندمت على كل دمعة طاحت من عينين ولدي و ام ولدي ندمت بزاف لوكان يرجع بيا الزمان دابا شحاال من حاجة مكنتش نديرها و كان ممكن مانخونش بنت قلبي و نكون والدك نتي معاها هي
نرجس : كون غير يسمع براء هاد الكلام منك خاص يعرفك راك ندمتي و بلي نتا كتبغيه هو و مو
نديم : هههه و هاني ندمت اش غيتبدل رجعت لولدي الحياة لي ضاعت منو ؟ لا عطيتو الحنان لي كان كيتسنا من صغرو يعطيه ليه باباه ؟ لا حتى المعاملة مكنتعاملش معاه مزيان
نرجس : اودي ا بابا الله يدير الخير فهادشي ياربي
نديم : امين ابنتي الله يحن قلبو عليا