❌بالدارجة المغربية ❌
#وحش_الظلام 😈
بقلمي : ✨أ.م ✨
قصة على البنت لي كانت عايشة عادية مع باباها فجأة غادة تقلب حياتها كاملة بسبب .......
نخليكم مع القصة و تفااعلوو 💜💜💜💜
هاد النهار رنين فاقت فرحانة و متحمسة غادة تعرف جنس الجنين لي فكرشها قطعة من روحها دخلات دوشات تدويشة طويلة و بحقها خرجات لبسات بجامة عبارة على سروال و ديباردور قصير 👇🏻
Oops! This image does not follow our content guidelines. To continue publishing, please remove it or upload a different image.
و خلات براء ناعس هبطات وجدات الفطور راسها كانت مشهية غير شي حاجة خفيفة دارت طوست فيه بيضة و كيوي مقطع طريفات 👇🏻
Oops! This image does not follow our content guidelines. To continue publishing, please remove it or upload a different image.
مشات باش تگلس حدا لابيسين حتى كتسمع الصونيت فالباب مشات حلات لقات طارق صديق الطفولة ديالها و ساكنين فنفس الدرب تصدمات بقات غير واقفة كتشوف فيه طارق : اهلااا زيين رنين : اش جيتي دير هنا طارق : جيت نشوفك توحشتك و قال ليا باباك راك تزوجتي و نعت ليا الدار و جيت عندك رنين كدوي معاه و حاضية ليهبط براء و يدوز نهارها مكفس : اااه هههه يتوحشك الخير ا خويا طارق : هههه شنو غتخليني فالباب رنين : ااا اه لا منقدرش ندخلك راجلي ناعس و منقدرش ندخل راجل و هو مافراسو والو طارق : مالك كدخلي و تخرجي فالهضرة رنين : ا لا والو مديش عليا يلاه فيقة هههههه لمهم رجع فوقت اخر طارق : اووكي و مبرووك علك (و شير ليها فكرشها ) رنين نزلات عنيها لكرشها : ااه الله يبارك فيك و مشا هي سدات الباب و تنفسات مزيان رنين مع راسها : اووف الحمد لله مشا و مشافوش براء مشات فين كانت غادة تكلس و بقات كتاكل بشوية حتى هبط براء براء : صباح الخير رنين شافت فيه : اا صباح النور 😁 براء : مالك رنين : واالو نوجد ليك الفطور براء : اوكي رنين ناضت مشات الكوزينة و تبعها براء شاد التيلي فايديه كيخربق فيه و كيدوي براء : باغا تقولي ليا شي حاجة ؟ رنين سرطات ريقها و دارت شافت فيه : اا انا لا ههه شغنقول ليك براء : اممم رنين عارفة بلي معزيش عليا الكذوب رنين سرطات ريقها تاني : اا عارفة 🙄 براء هز فيها عينيه و نطق و هو كيورك على الهدرة : اممم اوكي واش باغا تقولي ليا شي حاجة ؟ رنين : اااا عينيك زوينين 😁( و سرطات ريقها ) برآء غمض عينيه بعصبية و عاود حلهم و قرب حداها : واش كتمرگني بيااا ؟ رنين قفزات و هبطات راسها لتحت مقدراتش تشوف فيه براء : عطيتك جووج فرص باش تقولي ليا و نتي كذبتي عليا رنين هزات عينيها شافت فيه : لا غير خفت والله انا نقول ليك دابا براء شدها من دراعها : دابا فاات الفوت على اش اتقولي رنين بالخلعة بدات كدوي بالزربة و غير كتخربق عليه : لا لا مافات والو راه غير صديق الطفولة ديالي والله غير جا يبارك ليا زعما دابا هو مكانش عارف تزوجت حيت هو كان مسافر مسكين كيخدم برا فهمتي و انا قلت ليها لا مندخلكش حيت راجلي ناعس والله حتى هادشي لي كاين والله ( و هبطات راسها لتحت ) براء : امممم مسكيييين بقا فيك ؟ رنين : لا لا علاش ايبقا فيا انا اصلا فين كنعرفو براء : امم دابا مبقيتيش كتعرفيه گاع رنين سكتات مبقاتش جوباتو و عينيها دمعو حيت خافت منو براء : شوفي فيا راه كندوي معاك رنين هزات فيه عينيها دامعين و دوات بصوت خافت مي بالكاد سمعها : مدرت والو براء طلق منها و دوا بالغوات ؛ نتييي غيير كلمة جوج تبدااي تغبني علييا رنين بدات كتبكي: هئ هئ راه نتا كتخلعني هئ هئ 😭 براء : واش قصتك حطييت علييك ايدييي ؟ لا يعني لاش كتبكي دااااابا رنين بصوت خافت : كتغوت عليا براء بنفاد صبر شد فراسو : اللهم طولك يا روح 🤦🏻♂️واخا ( بدا كيحاول يدوي معاها بشوية ) علاش خبيتي عليا و مقلتي ليا والو رنين : حيت غادي تقلق عليا و ضربني واخا انا مادرت والو انا ماقلتش ليه يجي عندي موالو براء : ومنين عارفة راسك مادايرة والو لاش خايفة رنين : ماعرفتش 🙄 براء مسح بايدو على وجهو : اخر مرة غتخبي عليا شي حاجة سوا خيبة سوا زويينة سمعتي رنين دارت ليه براسها اه خرج براء من كوزينة و رنين بقات كتصاوب ليه باش يفطر ( حيت حياة عطاوها عطلة ليوم كانت خارجة ) وجدات ليه الفطور و داتو ليه للطبلة و حطاتو 👇🏻