دخل براء و نرجس تابعاه و هي خايفة كترعد من هاد المكان بقاو غادين حتى سمعات انين فواحد البيت تما مشات كتجري ليه حتى شدها براء
براء : فين غادة
نرجس : عند بابا كاين هنا
براء : ماشي هو هاداك تبتي للارض
نرجس تخلعات : اا اه واخا
بقاو غادين حتى وصلو لاخر المبنى تما كان واحد البيت كيخلع كتر من اللولين لي دازو براء جبد السوارت و بدا كيحل فيه و نرجس كيتسارعو دقات قلبها بمجرد ماتحل لمحاتو كالس فكرسي قديم و يديه مربوطين مع الحديدات ديال الكرسي و رجليه كذالك و فمو مسدود بزيف كيبان مسخ اما وجهو كان مضروب لدرجة ملامحو مكانوش كيبانو مزيان قربات ليه و شافت بلي مضروب بقرطاسة فرجلو
نرجس : اويلي اش هاد الحالة درتي فيه
براء : كان باغي يهرب
✨فلاش باك✨
نديم كيدور فعينيه مابانش ليه الكارد بدا كيحاول يفك يدو من الحبل المكتف بيه و نجح فذلك مع حلو دخل براء هو يدير راسو بباقي مربوط
براء : امممم توحشتي بنتك واقيلة
نديم تخلع و دار ليه براسو لا حيت عارفو مريض فراسو و يقدر يجيبها عندو و يدير ليها نفس الحاجة لي دار ليه
براء : توء توء توء حششوما نرجس غيبقا فيها الحال الى قلتها ليها
نديم بغا يبدا كيدوي مي فمو مسدود براء قرب و حيد ليه الزيف من فمو و دار ليه اشارة بيديه زعما يالاه دوي
نديم : بعد منها راها ختك اش بغيتي عندها عفاك هي مدارت والو
براء : اههه ختيي 😂😂
نديم مبقا عرف ميقول غير كيطلب فيه يبعد منها و براء صدعو رجع ليه الزيف على فمو و يالاه غيتحرك لمح يديه بلي مفكوكين من واحد المرايا تما ضحك بجنب و خرج حدر ليكارد ليخرج ولا شي حاجة و هبط لللوطو ديالو
اما نديم غير شافو خرج هبط فك رجليه و حيد الزيف من فمو و بدا كيقلب كيفاش يخرج لقا واحد الباب حلو لقاه كيدي للجردة لي لور خرج و بقا كيجري حتى وصل للباب يلاه غيحلو هو يسمع الكارد عيط ليه دار لقا بزاف ديال ليكارد و هازين فايديهم فردي
واحد من ليكارد : هبط على ركابيك و متحركش
نديم حل الباب بزربة و مشا كيجري حتى حس بقرطاسة ختارقات الرجل ديالو جا طايح على وجهو دار لقا برا واقف و فايدو فردي مشا ليه و هزو من قفاه و تم غادي بيه جارو مع الارض حتى وصل للبيت لاحو و سد الباب و بقا كيضرب فيه حتى غيب
✨نهاية الفلاش باك✨
نرجس : عفاك طلقو راه غادي يموت شوف كيف مكيتحركش
براء : انا جبتك تشوفيه حيت فرعتي ليا كري دابا زيدي قودي قدامي للدار
نرجس هبطات لعند رجليه كتبكي : عفاك راه غير هو لي عندي فالدنيا متحرمنيش منو ندير لي بغيتي غير طلقو عفاك 😭 واش قلبك قاصح حتال لهاد الدرجة 😭 راه باباك حتى نتا حن فيه واخا غير شويا عفاك
براء تعصب و شدها من شعرها وقفها : قللت ليييك زيدي قودييي قداااامي
نرجس : هئ هئ عفاك طلقو يمشي معانا عفاك 😭
براء : لا يالاه نمشششيو حيت بديت كنتعصب و غادي نصدق خالي دار بوك هنا و نخليك هنا و نمشي
نرجس : صافي انبقا معاه هنا هئ 😭
براء : اللهم طولك يا روح ( شدها من شعرها ) غتمشي معايا (دفعها ) زيدي
نرجس : مغنمشيش مع وحش بحالك نتا راه معندكش القلب
براء جمعها معاها جات طايحة فالارض حدا رجلين نديم و عاود شدها من شعرها و جمعها معاها فالحنك لاخر طاحت فالرض و الدم خارج ليها من فمها و كتبكي
نرجس : هئ هئ 😭 صافي براكة
براء : يالاه نوضي تحركي معايا
نرجس كتبكي بحرقة على باها ولاكن الا مامشاتش معاه غيقتلها حدرات راسها و زادت معاه هو سد البيت بالساروت و تبعها لقاها وصلات للوطو و كانت مسدود و بقات كتسناه يجي باش يحلها ليها جا و طلعات دارت للجيهة ديال الشرجم و بقات كتبكي عينيها تنفخو بالبكا
نرجس دارت عندو و دوات بصوتها مغنغن : علاش مكيدويش علاش مغيب ياكما مات
براء : بديتي تاني
نرجس : انا غير سولت
براء قلب الڤولو و رجع للدار لي كانو فيها
YOU ARE READING
وحش الظلام 😈
Romance❌بالدارجة المغربية ❌ #وحش_الظلام 😈 بقلمي : ✨أ.م ✨ قصة على البنت لي كانت عايشة عادية مع باباها فجأة غادة تقلب حياتها كاملة بسبب ....... نخليكم مع القصة و تفااعلوو 💜💜💜💜
