❌بالدارجة المغربية ❌
#وحش_الظلام 😈
بقلمي : ✨أ.م ✨
قصة على البنت لي كانت عايشة عادية مع باباها فجأة غادة تقلب حياتها كاملة بسبب .......
نخليكم مع القصة و تفااعلوو 💜💜💜💜
فاقت رنين كتحسس ففين هي دارت لقات براء حداها فوق كرسي ناعس و شاد ليها فيدها و نرجس ناعسة فوق الفوطوي تبسمات برضى على المنظر لي كتشوف قدامها شويا براء حل عينيه لقاها فاقت فرح و ناض باسها على راسها براء: على سلامتك ا حبيبة رنين بصوت خافت من التعب : الله يسلمك فين ولدي براء : واخا انا نهبط نقول ليهم يوجدوه و يجيبوه ليك رنين هزات راسها بايه غير تحرك براء وفاقت نرجس لقاتها فاقت مشات عندها نرجس : على سلامتك اختي رنين : الله يسلمك ا حبيبة نرجس : جاب الله اختي جيتي تولدي اما كنت دابا انلقاكم كتاكلو عليا كسكسو رنين ضحكات بشوية : انا بغيت نعرف غير اش درتي المصيبة نرجس : راه تا انا معرفتش اش درت هاء زعما بغيت نقول دايرة بزاف معرفتوش هو اش عرف رنين مقدراتش تحبس الضحكة ضحكات حتى تقصحات و نرجس تخلعات عليها نرجس : ا ناري اختي مضحكيش طرا ليك شي حاجة يصدق مفرشخني هنا رنين : ياااك ماخفتيش انا طرا ليا شي حاجة خفتي غير ليفرشخك نرجس : ا لا ا صحيبتي نتي عزييزة عليا غير هو لحمي راه حتى هو عزيز عليا 😂 رنين يالاه جات تجاوب حتى لمحات براء هاز فايديه ولدها وجابو وحطو ليها حدا صدرها كانو عويناتو زرقين و كيتنغمش فيها هي بقات كتبوس فيه من بعد هزو براء باش تقاد فبلاصتها و ترضعو من بعد ما رضعاتو جا طبيب طمأن عليها و قال ليها بلي باقي ليها ليلة معاهم و تمشي للدارها براء مشا خرج و خلا نرجس مع رنين لي بدورها تهلات فيها عوناتها تمشا حيت قال ليها الطبيب خاصها تمشا و عوناتها تبدل حوايجها حتى جا براء دخل باس ولدو و باسها حتى هي و كلس حداها كيشوفها و هي ام كتبان وفواحد الجمال تاني لا مثيل له عجباتو بزاف شحال زوينة تزوج نتا و لي كتبغي و تولدو شي وليد ولا بنيتة لي يشهد على حبكم و يكون تمرة الحب لي زرعتوه المهم براء بات هاد الليله مع رنين و هو حاضن يدها عندو و فصباح فاق كل من البطلين على صوت البطل الصغير لي ختارو ليه سمية ادهم باش يكون قوي و شجاع بحال باه و يكون حنين و كيبغي الخير و كيوقف مع المظلوم بحال مو هزاتو رنين رضعاتو و حاولات تبدل ليه كوش و حوايجو و رداتو لبلاصتو و ناضت حتى هي بدلات حوايجها طبعا تحت مساعدة براء لبسات كسوة طويلة و سخونة فالبيج و لاحت عليها مونطو فالبني و البيج و بوط فالقهوي
Oops! This image does not follow our content guidelines. To continue publishing, please remove it or upload a different image.
Oops! This image does not follow our content guidelines. To continue publishing, please remove it or upload a different image.
وبراء فيق نرجس معاه و من بعد جا الطبيب لي كشف على الحالة ديالها و لقاها مزيانة خاصها غير شويا ديال الراحة و البيبي حتى هو فاحسن حال هز براء ولدو و عاون رنين حتى طلعات فلوطو بشويا و عطاها ادهم و نرجس طلعات لقدام و توجهو للدار