Bad Wives 1: TINA (PREVIEW ONLY)

Chapter 8: The Applicant

"Where's Nurse Tina now?" magkahalo ang gratefulness at pag aalalang nakalarawan sa mukha ni Arielle na sumugod sa Ospital kasama sina Theo at Cecille. Itinawag ni David sa mga ito ang nangyari.

"Pinayagan siya ng Doktor na umuwi, Mama. Nakunan na siya ng mga imbestigador ng statement kanina," sagot ni David.

"Nakilala niya ba kung sino ang nagtangka sa buhay ni TJ?" salubong ang kilay at nagtatagis ang mga bagang na tanong ni Theo.

David sighed. "He had a facemask on. She hardly saw his face."

"Oh! But how did she get hurt, hijo?" Si Cecille. "I mean, why would that bastard hurt her?

"The perpetrator realized na hindi nakakabit ang dextrose sa ugat ni TJ, Tita Cecille. He tried to stab him with a knife pero iniharang ni Tina ang sarili. She was bleeding and unconscious when I found her."

"Poor brave soul. Putting herself on the line para sa kapakananan ng kanyang pasyente." Iling ni Cecille. "Ano ang sabi ng mga imbestigador?"

"Humingi na ng kopya ang mga pulis ng CCTV, baka sakaling doon tayo makakuha ng lead. We can't go to the media so they're working quietly."

Arielle blinked her tears away. Nag uumpisa na itong maging emosyonal pero sinikap na patatagin ang sarili sa harap ng asawa. "We owe Nurse Tina your brother's life, David. We should compensate her for that. Or do whatever you think is best. Pangalawang beses na niya nang sinagip ang kapatid mo at nalagay pa sa alanganin ang buhay niya dahil dito." 

Tumango si David. "I'll do that, Ma. Bukas na bukas ay pupuntahan ko siya para kausapin." Akmang tatalima na ito paalis nang tawagin ito ng ama.

"I don't think that girl is safe, son. Witness siya sa mga nangyari. Since hindi natin pwede I involve ang press, hindi alam ng kriminal na iyon na hindi ito namukhaan ng Nurse. Maglagay ka ng mga taong magbabantay nang pasekreto sa kanya at sa pamilya niya."

"As far as I know, ulila na siyang lubos, Papa. She's been living alone for 6 years now. But I'll contact someone ASAP para bantayan siya."

"Theo, I talked to Tina yesterday, I already assured her na kahit makalabas na si TJ ng ospital as long as kailangan pa ng anak natin ng assistance ng isang nurse, siya pa rin ang kukunin natin. I didn't consult you about it pero I strongly suggest na bukod sa malaking halaga ay maibigay pa natin sa kanya ang trabaho. She's proven herself, maaasahan natin siya pagdating kay TJ."

"I also think she's the right and best girl for the job, Papa," ani David nang tingnan ito ng Ama para kunan ng opinyon.

Sinulyapan ni Theo si TJ sa kama. Hindi lang nito gustong ipakita, pero abot-abot na ang galit nito sa mga taong nasa likod ng dalawang beses na pagtatangka sa buhay ng panganay na anak.

⚜️

"Saving a person... This is so not you. Ano'ng nakain mo at nagkaroon ka bigla ng concern sa pasyente mo?" tanong ni Julia matapos padabog na ilapag ang paper bag na may lamang take out food. Tina was craving for Sinigang na hipon pagkatapos ng pinagdaanan kagabi kaya naman iyon ang ni request niya kay Julia na halos murahin siya nang itawag niya rito ang nangyari.

Nagbuga si Julia nang hangin sa baga, pinipigilan sana ang sarili na dakdakan siya. "Bakit hindi mo 'ko tinawagan para nasundo kita?"

"Kaya ko namang umuwi mag-isa. Napakalayo nito sa bituka."

Humalukipkip ito, pinagmasdan siya. "Masakit ba?" Tanong nito, nakatingin sa adhesive dressing sa dibdib niya.

"Mas masakit pa ang kagat ng hantik," kaila niya. 

"Nakuha mo pang magjoke." Nakasimangot na sabi nito. "Pasalamat ka hindi ka napuruhan."

A satisfied smile played on Tina's lips,  she leaned back against the chair, "I finally have luck in life."