للتواصل انستا zahraaahmedn99
علقوا بين الفقرات+ صوتوا للبارت+ تابعوا حسابي عيناي انتوا.
شاركوا القصه حتى نستمتع وي الهَيْصَم مع بعض
بارت هديه شمعاتي
_______
حَاولت أَن أَخفي هواك وكلّما
أخفَيته في القلبِ فاضَت أَدمُعي
بالبَين قَد قَضَت الليالي بَينَنا
لكن روحك لَم تغِب دوماً مَعي
من تفقد آخر ذرة امل موجوده داخلك وتشوف النهايه واضحه أمام عينك اهنا فكرة وحده تبقى مسيطرة على عقلك،
ماكو مهرب،
الموت هو الحقيقه الوجوديه اللي كلنه نهرب من عدها بشكل او بآخر وعلى رغم محاولاتنا الفاشله بالبقاء على قيد الحياة يجي غفله وبدون سابق انذار ويخطف روح شخص عزيز عليك وينظرلك بتحدي وثقه وانت واكف بأحد زوايه المكان عيونك ممليه دموع وتشوف حبيبك ينازع الموت وما بايدك حل،
الدعاء غير مستجاب والامر مقضي والنهايه معلنه يمكن هذا الواقع أو اللي اني احس بيه بعد مشفت خالتي وشلون لطمت وصرخت بنفس الوقت،
الوضع طبيعي يمكن لهوايه ناس لو جانوا بنفس الموقف بس اليه عكس تماماً كوني ابنيه فاقدة من قبل أكثر من غالي على كلبي واللي عشته صعب يتحمله انسان طبيعي من أحضان والدي والدلال إلى أحضان رجل غريب ومهمه عسكريه مليانه مخاطر، خطف ،قتل، اعتداء منو من عدنا يكدر يعيش هاي الحياة اللي متكدر تتحملها لو نعرضت مسلسل تلفزيوني؟؟
مابالك بروتين يومي تشبعت بيه لدرجه صرت اصحى وانام والخوف ماكل كلبي على اي دقيقه يجيني ملفوف بعلم، محد تحس بهذا الشعور فقط اللي زوجها بالسلك العسكري وعايشه الخوف والقلق وياه لان هوايه رجال ميشاركون زوجاتهم عملهم اما يخافون عليهن او على أنفسهم من ما الها مخاطر على حياتهم مستقبلاً خاصتاً اذا شغله صعب لهاي الدرجه ومو آمان،
فتحت اعيوني بتعب لكيت نفسي بنفس المكان مراح اتوقع من خالتي تحملني أكيد، شفتها كاعده يم راسي وتبجي سألتها وعقلي يريد جواب يريحني،
فيروز: هَيْصَم بيه شي؟
جاوبتني بصعوبه،
كلاثم: راح من بين أيدي تورط ولج هَيْصَم منو يطلعه من عدها بعد؟
فيروز: خاله اهدأي وسولفي على كيف خليني افهم شنو صار بالضبط هَيْصَم بشنو تورط؟
كلاثم: مخدرات ابني متهم يتاجر مخدرات وهو اصلا يعتقل بيهم شلون يصير وياهم؟!
فيروز: مستحيل شلون يصير هيج اكيد اكو خطأ.
كلاثم: ماعرف شنو الحل لائِث بالف ياعلي يلا كلي لو ممهدته اجي للمركز واسأل عليه.
فيروز: اتصلتي بلائِث؟
كلاثم: ليش هو منو غيره يجاوبني؟!
فيروز: مكلج شنو الحل؟
YOU ARE READING
هَيْصَم
Romanceعندما يكون الحب والحرب وجهان لعمله واحدة. عندها تصبح كل الطرق مباحه . لايهم كيف ، ومتى ، وأين المهم فقط هو الظفر بقلبها صراع بين ماضي وحاضر يولد قصة حب من الرماد لهيب عشق لا ينطفئ وظلام دامس لايوجد فيه نور داخل طيات روحه تنبت تلك الزهره لتسقى برحيق...
