للتواصل انستا zahraaahmedn99
علقوا بين الفقرات+ صوتوا للبارت+ تابعوا حسابي عيناي انتوا.
شاركوا القصه حتى نستمتع وي الهَيْصَم مع بعض
_______
دافئة جداً فڪرة أن يڪسر أحدهم إحدى قواعدۿ لأجلك ، ڪأن يڪون طبعه الصمت، لڪن حينما تكون أنت جليسه، يتحول فجأة لأكثر إنسان ثرثار في العالم، شعور صادق ودافئ جداً ، شعور انڪك إستثناء..
ومن يستنثي ذلك القلب من الألم؟؟؟
من تعيش وسط مجتمع قذر ، مجرمين، قتله، سراق، مدمنين، والمدمن انواع كثيرة مايقتصر على المخدرات فقط ، ومن تكون الصح وسط الاغلاط هاي كلها وقتها سهام الجميع راح توجه ألك وانت لازم تعرف تفاصيل الخطه المحبوكه ضدك وشلون تطلع من عدها سالم،
معرفه فورية؟؟
اكيد لا لازم قبل بوقت من تنرسم بعقل العدوا ويبدي التنفيذ الها يكون عندي علم والا مكدرت اكون بهذا المكان اليوم، الحكمه والذكاء وسرعة البديهه ، القيادة الفذة لازم تكون موجوده داخل كل ضابط حتى يكدر يبقى بمكانه ومحد يسقطه،
منو كال عملنه مو خطر؟؟
قمة الخطورة موجوده بالسلك اذا مجانت خارجيه فتكون داخليه اكيد لابد اكو أشخاص يردون يدمروك وخاصتاً اذا جنت انسان شريف ونزيهه أو تريد ادمر عصابه هم ميردون تتأذه وهذا عكس ميريده الهَيْصَم،
هَيْصَم: سبحان اللي خله لسان للكلاب وتسولف وي الأسود براحه الواضح من جابوكم لهذا المكان مكلولكم اللعب بنصاص الليالي مع المفترس خطر؟!
بس مو مشكله خلصت حياتي اقدم معروف للناس مثلكم هاي المره ايضاً راح اسوي نفس الشي عدكم خيارين الأول تبتعدون من طريقي والثاني تجون ويايه للمركز مثل الشطار.
انت الواضح مسمعت شنو كلنه قبل قليل سلم السيارة والمسدس مالتك قبل ميصير شي ميعجبك.
هَيْصَم: انتوا سلابه لو دازكم واحد عرف؟
عجبنه ناخذ سيارتك لو عندك مشكله؟!
هَيْصَم: لا افا عليك ليش حتى عندي مشكله بس مثل متعرف السيارة جديدة صارلها سنه وخطيه متعودة عليه واخاف عليها تستوحش بدوني خاصتاً بالليل متعوده انام بحضنها فما اريد اكسر خاطرها كل شي ولا قلوب القوارير.
ليش محسسني هي مرتك؟!
هَيْصَم: جنت ناوي اعديها سلامات بس بما انو كلت كلمه زعجتني راح اراويك الوجه الثاني للهَيْصَم،
بل سلاح؟؟
ميحتاج أستخدم سلاح واحنه مدربين على القوه البدنيه سيطره وهميه من خمس أشخاص لابسين الزي المكان غلط والزمان غلط واخبارية مسبقه كل الأدلة تثبت انو هم جماعة الأسود يريد قتلي وهذا الشي محال كوني رجل دولة خارج عن القانون وعندي قسم بالانتقام من كل شخص سبب اذيه لأي مواطن عراقي ودمر شبابنا ما اكون رحيم وياه ابد منو مجان اللي واكف بظهره اسلمه للعدالة بأيدي ويتنفذ بيه الحكم اما الأسود فهذا انتقامي وياه غير شكل مميز لدرجه ميتخيلها.
أنت تقرأ
هَيْصَم
Romanceعندما يكون الحب والحرب وجهان لعمله واحدة. عندها تصبح كل الطرق مباحه . لايهم كيف ، ومتى ، وأين المهم فقط هو الظفر بقلبها صراع بين ماضي وحاضر يولد قصة حب من الرماد لهيب عشق لا ينطفئ وظلام دامس لايوجد فيه نور داخل طيات روحه تنبت تلك الزهره لتسقى برحيق...
