CTBC: Carrying The Billionaire's Child ✔ [COMPLETED]

CTBC: Kabanata 25

Precious Gem

NAGISING ako kinabukasan dahil sa ingay na naririnig ko sa kung saang parte ng bahay. Nakaramdam ako bigla ng pagkalam ng sikmura. Napangiwi ako dahil doon. Pagkatapos kasi akong mahuli ni kuya guard kagabi ay tumuloy ako sa aking kwarto dahil sa sama ng loob at hindi na lumabas pa dahilan para hindi ako makakain ng gabihan.

Pakiramdam ko ay walang gana ang buo kong katawan na bumangon pero gayon pa man ay kailangan ko pa ring pilitin ang aking sarili dahil hindi ko maaaring gutumin ang magiging anak ko. Lihim nalang akong nagpapasalamat dahil hindi ko na ulit nararanasan ang pagduduwal hindi katulad no'ng tatlong buwan pa lamang ang aking tiyan.

"Mabuti't lumabas kana, anak. Pumunta ako rito para sana gisingin ka" Bungad sa akin ni inay Besilda no'ng buksan ko ang pinto.

"G-gutom na rin po kasi ako, inay" May alanganing ngiti na wika ko habang nakahawak sa aking tiyan. Natawa naman ng mahina si inay Besilda.

"Ay malamang kang bata ka, hindi ka ba naman kasi kumain kagabi. Hay nako! Pero tamang-tama, may iniluluto nang pagkain sa ibaba" Masayang wika ni inay. Pakiramdam ko tuloy ay biglang lumiwanag ang buong paligid.

"Talaga po? Kung gano'n po, tara na po sa ibaba, inay" sabik na turan ko na nauna pang maglakad kay inay pababa ng hagdan.

Narinig ko pang muli ang mahinang tawa ni inay Besilda bago ang mga yabag nito pasunod sa akin.

Nang makababa kami ng hagdanan ay dumiretso ako papuntang kusina dahil doon ko naririnig ang mga ingay. Hindi ko maiwasang mapakunot-noo habang naglalakad patungo roon.

Malapit na ako sa pinto ng kusina no'ng matigilan naman ako dahil lumabas mula roon ang isang lalaki na ngayon ay may nakasuot na makapal na face mask, hindi ko alam kung ilang patong ng face masks ang suot nito ngayon dahil sa kapal.

"Maiwan ko po muna kayo, señorito" Narinig ko pang wika ni inay na nasa likod ko. Naramdaman ko ang mga yabag nito papalayo sa amin.

"Can't you welcome me?" Tanong ni Dior na halatang nakangiti dahil sa mga mata nitong bigla nalang sumingkit. "Tsk!" Asik pa nito no'ng hindi ko magawang sagutin ang tanong nito dahil sa pagkakatulala ko dito.

Napangiti ako pagkatapos. Nakaramdam ako bigla ng pagkasabik sa kaalamang nakauwi na si Dior. Tumakbo ako palapit dito at akmang yayakapin na sana ito sa tuwa no'ng bigla ko namang mapagtanto ang naging reaksiyon ko. Anong ginagawa ko?

"Why did you stop? You can hug me if you want, if you missed me" wika nito na nasa boses ang panunukso. Napayuko nalang ako. "Tss!" Narinig ko pang asik nito bago ako napamulaga no'ng maramdaman ko ang yakap nito. "You can hug me anytime. You don't need to ask permission. You are the only woman that I will allow to do that. Only you, sweetheart" Bulong nito sa may tainga ko na naghatid ng kakaibang kiliti sa akin. Pakiramdam ko ay parang musika ang boses nito sa aking pandinig. Bigla ay bumilis ang tibok ng aking puso.

"Only you, sweetheart"

"Only you, sweetheart"

"Only you, sweetheart"

Anong nangyayari sa akin?

Bumitaw mula sa pagkakayakap sa akin si Dior pero nanatili pa rin akong nakatulala dito. Inalis nito ang suot na face masks. Lalo akong natulala dahil sa angkin nitong kagwapuhan. Literal na nanlaki ang mga mata ko no'ng bigyan ako nito ng isang mabilis na halik sa labi. "I missed you" Nakangiting wika pa nito.