رجعت من المدرسه مشي لان ابو علي ماجه ياخذني واشوف من بعيد هوسه كدام البيت وصياحهم واصل لراس الفرع ركضت للبيت اريد اطب للبيت چان ولد يسحبني ضرغام: وين داخله؟ جمانه: شعليك انته هده لايدي لا اكسر ايدك ضرغام: لسانچ لا اكصه جمانه: اهوووو دوخر. نترت ايدي منه دا ادخل للبيت وصاح ضرغام: هاذ بيتكم جمانه: اي ليش ضرغام: البقيه بحياتچ جمانه: بهتت ملامحي وكتله ليش ضرغام: ابوچ توفه جمانه: عفته ودخلت للبيت مكلوب كلاب ناس ما اعرفه تسئل وماجاوب كل همي ادور على خواتي اريد اتاكد ملكيت احد بس الناس الچانو مالين البيت مليي صعدتت الغرفتي بدلت ونزلت يمهم دورت مره ثانيه على خواتي وامي بس ملكيت احد صاحتني مره كبير بلعمر رحت الها جمانه: تفضلي خاله ام جعفر: حبيبه جيبيلي مي ريكي يابس جمانه: تمام. رحت جبت الها مي وكعدت يمها وسالتها خاله انتي شتصيرين من ابو رهف (ابويه) ان جعفر: زفرت هوه ودمعت عيونه وكالت اني خالته صفنت وحجت هيه انتي منو؟ جمانه: اني بته . اشو هاي حضنتني وكامت اطبطب على ضهري وتكول الله يصبرچ رفعت راسي منها وكلتلها على شنو ام جعفر: ابوج توفه جمانه: عليج الله خاله ام جعفر: وداعت اولادي كمت من يمهه صعدت لغرفتي دورت على مبايلي ودكيت على فاطمه طلع يرن وره شويه فتحت خط