**احمد :-ابكي عليك ..ام ابكي على نفسي؟؟
ام ابكي ...على ما مضى من امسي ؟؟
ام ابكي ..على دنيا اشبعتني ضربآ دون لمسي؟؟
❣️❣️❣️❣️❣️❣️❣️❣️❣️❣️❣️❣️❣️❣️❣️❣️
**نور: - كنت اريد ان اخبرك
بأن الجميع خذلني ###💘
واني اصبحت اخاف الجميع الا انت 💁
لكنك خذلتني قبل ان اخبرك 💔💔
❣️❣️❣️❣️❣️❣️❣️❣️❣️❣️❣️❣️❣️❣️❣️❣️
*احمد ماما الحكي خطيبتي نزعته للحلقه وتگلي
بعد ما اريدك
*ماما شلووون وليش
*احمد يوم نور ..نور رايحه ومراسله البنيه تگلها
هذا حبيبي وبينه علاقه كلش قويه واذا ما بعدتي
عنه راح اسوي شي ما يعجبچ و اذا تبقين ويا
فصدگيني اطلگچ اطلگچ منه وگولي نور ما گالت
يوم وهاي هسه قافله عليه والعين مورمه و
تگول والله لو ما الحلقه ما اگدر اداوم اليوم
*ايلول امي باوعت عليه گالت روحي ولچ جيبي
عباتي خل اتلاحگ للسالفه وانه الچ نويره
امي حچت هيچ لو مدري شصار بيه طلبت من
احمد يزتها ويتركها تفهم البنيه شنو السالفه
*احمد من ذبت الحلقه ما عرفت صار بيه حسيت
هذه هيه حوبت نور حاولت افهمها واگلها تره
اي واحد ممكن عده ماضي وكلمن حياته بس
اني حياتي بديتها وياچ والماضي يبقه ماضي
بس هاي قافله عليه وتگول افرض قررت اقبل
بكلامك وهاي الوعدت اطلگني منك شسوي الها
گتلها هذا حچي وحده محترگ گلبها ولا تگدر سوي
اي شي وهم ماقبلت ..رجعت للبيت الطريق مدري
شطوله صار عليه اعاين على الگاع اگول ياريت
تنشگ وتبلعني ارفع راسي للسمه اگول ربي
دخيلك ساعدني وخلي موضوع نور يعدي
وصلت للبيت دفرت الباب ودخلت ادور امي
سولفت الها كل الصار وگالت امشي وياي
*ايلول صار نص ساعه وامي ماكو خبر عنه لا هي
ولا احمد شويه وانگ الباب طفرت من مكاني
دخلت امي فرحانه واحمد مو وياها كت يالله حلتها
ام احمد
*ماما بشري
*ماما الحمد لله بنتي انحلت وعفتها هي واحمد
هسه يحچون ورجعت البنيه محترگ گلبها من وره
نور طمنتها ورجعت الحمد لله گومي يمه شدن حيلچن
حاچيت احمد وگتله العرس بعد 3اسابيع وقبل
*ايلول ماما صدگ تحچين شبسرعه
*ماما بنتي احسن (خير البر عاجلو) الله يسهل
گومن
**ايلول بعد ما امي حددت موعد عرس احمد
خلال هاي 3اسابيع تعبنه تعب مصاير شغل
وترتيب البيت تغير شغلات بيه وتجهزات واحمد
چان مشتري الغرفه دز على ناس علمود تشد له
الغرفه واني وامي رحنه للسوگ جبنه كومه غراض،
ورد وشغلات للحنه وگلاصات وصياني ووووو
كل النحتاجه وثاني يوم رحنه علمود نشتري ملابس
للحنه والعرس وامي گالت اخذي اثنين الچ ولختچ
اثنين للحنه والعرس بالعجل
اخذت الي كريمي ونيلي واخذت لختي هم اللوان
هيه طلبتها بعدها اخذنه مكياج وشغلات نحتاجها
ورجعنه بس شنو التعب التعبنا بيومها
امي تگول بعدچ شايفه شوفي هوسه العرس بعد
ايلول ههههه ماما لا هواي طمنتيني
وصار يوم الخميس وصار عرس احمد بعد الحنه الي
تونسنه بيها هواي بس ذكرت نور وگت الله وحده
يعرف هسه هيه بشنو تحس بهذا الوقت احمد شعل
صفحاته بمواقع التواصل شعل صور زواج
وحنه وي جماعته ما اعرف اذا چان متقصد
❣️❣️❣️❣️❣️❣️❣️❣️❣️❣️❣
وبعد فتره 8شهر احمد صار اب
ورها باشهر عرف راح تجي بنيه للدنيا وتگله بابا
وسوني عمه بعد شهر سمعت من صديقاتي انو
نور انخطبت من ولد بالبصره وبرضاها كلش فرحت
الها وگت الحمد لله من قررت تفتح صفحه جديده
وتبدي حياة جديده
صار شگد ما شايفه البنات الى ان وصل يوم
2020/10/11
هذا اليوم المقابله للتعينات الصحه لسنه
2019/2018
اسمي واسم مؤمل اخويه مقبولين ويه هذه الدفعه
المقابله تحتاج كفيل مؤمل اخوي چان موعد مقابلته
قبلي لذا احتاج احمد يروح ويكفله احمد راح وما
قصر كفله وكفل 4ريا وبهاي الحاله سقط حق
اي واحد يكفل بعد ولمن اجه يومي اقصد
مقابلتي زوجه احمد گالت ايلول معليچ اني
اكفلچ لان هيه موظفه مثل احمد اني من عرفت
احمد بعد مايصير يكفلني صراحه فرحت لان ما
راح يروح وياي تجنبآ للمشاكل خاف تصير وما ردت
احمد يرجع يشوف نور لان نور نست الصار بس
من قررت زوجته تروح وياي احمد گال لازم اروح
وياچ انتي حامل وتعبانه وهنا صارت عليه الضربه
بضربتين دائمآ الامور تصير عكس الاريدها
صار صبح المقابله الهيه مقابله عمر مو عمل
خفت حيل لا تنفتح دفاتر قديمه احنه بغنه عنه وصلنه
وبعد اجراءات الدوله الله يحفظها النه ويخلها 😍
متنه تعب وطحنه صفح ونور شافت احمد هو
وزوجته بس ما حچت شي ولا سلمت عليه ولا انه
سلمت عليها اصلن مشه اليوم تمام وطلعنه
ورجعنه للبيت وهسه احنه من يوم القابلنه لليوم
گاعدين بالبيت ومتانين رحمه الله والدوله تعلن
موازنة 2021 😎😎
ونتعين
نور بعدها زوجت والحمد لله واحمد منتظر
بنته وشوكت تجي للدنيا وفرحان بيها حيل ونهار
كله يشتري كومه شغلات الها سرير وملابس
والاعاب انه ودي اللعب بيهن 😅😅
وهاي النهايه بس مو قبل العبره من كتابة هاي
القصه الضليت شگد افكر اكتبها
**الحب الاول لا يموت بل يأتي الحب الحقيقي
ليدفنه
** الصداقه المزيفه كالطير المهاجر ترحل متى ما
سأء الجو لذا اختر صديقآ صادقآ لا يحبك لاجل مصلحه
او مال
**لا تستعجل في اتخاذ قرار خاصٍ بك خصوصآ
الزواج اختر شريك حياتك برضاك وبعد تفكير يدوم
اقل شي 3شهر 😅😅مو هواي
**افعل ما شأت ان تفعل لان عندما تظلم احد
فاعلم انه يأتي يوم وتظلم به كما ظلمت وحب واكره
واظلم لكن اعلم سوف يرد عليك ما كنت تفعله
**(الام) هي كل شي في هذا الحياة وهي الخير
والبركه طاوع امك وبر لها لان هناك من يحلم ان
تكون له ام
**اذا وقعت في نهايه موضوع فاعلم انها ليست
نهناية الحياة افتح صفحه جديده دائمآ
**حاول ان لا تفهم الامور في وقت متأخر كما فعل
بطلنا احمد
**كن صديقآ جيدآ او عدوِ بشرف لكن لا تقف في
المنتصف
واخيرآ***سأعتني بك يا صديقتي رغم البعد الذي
بيننا في دعائي وصلاتي وبين حروفي وثنايا ذكرياتي
النهايه 😍
❣️❣️❣️❣️❣️❣️❣️❣️❣️❣️❣️❣️❣️❣️❣️❣️
كنت معكم انا الكاتبه المبتدئه ايلول في (لكنه لي)
احب ان اشكر كل من دعم القصه وصوت لها
وتابعني اشكركم من اعماق قلبي 😍😘😍
وقبل ان انسى للقصه جزء ثاني بس احتمال 2050
😅😅وبوقتها اكيد راح نلتقي على حب الله والوطن
🎀🎀🎀🎀🎀🎀🎀🎀🎀🎀🎀🎀
لكنه لي
الكاتبه ايلول 👏👏👏👏👏👏👏👏👏