رانيا__ خالتي ضلت فشلانه ويه اختها
اطمأنية من خابرت بارق كلها اني احلها
وغلسي اذا خابرتج او عاتبت
ضل كل ماايصيرله مجال يتصل يتغزل
واني اخجل شكد احاول ابادله الساني
مماخذ عليه اضل ساكته وهوه يهدء
على هدوئي مرات قبل مينام يخابر
واني نعسانه كوه اجاوبه يسمع صوتي
شلون اجر الكلمه يتخبل عليه انام
وهوه على الخط
لحد مخلصن ايام صعوده اني شايفه
الويل منه ومن اتصالاته اليوم موعد
نزوله كلي العصر كلش اوصل واحتمال
المغرب يمكم
صعدت لملمت هوست الجهال رتبت
الغرفه ونزلت فضل ورقيه جوه يم
خالتي بيومها مركبين فراسم وهوه
روحه بيهن حتى الصبح مستعد يتريكهن
صار المغرب كمت صليت وخالتي وياي
ستوني مخلصه الفرض سمعنه فتحت
باب وضحكت الجهال جانو بلمطبخ
والطرمه صغيره يمكن اربع مترات
فينسمع صوت فتحت الباب
دقايق وطب شايلهم منا ومنا حاضني
كال السلام عليكم
هزيت راسي جنت اسبح
كعد تعبان فضل حاضنه رقيه نزلت
سرسحت منه اجتني وكفت جرت
المحرم وخرتها رجعت اجرجر
عاد وكفت اكمل صلا وضلت جر
بارق صاح بيها تحجي اباا عم
اثاري جوعانه كلها هسه تكمل
وصبلج
بين مكملت الفرض بارق نايم على
التخم ومحدد بسطاله وبملابسه
العسكريه
عاد رحت حميت الاكل هوه بي
حروره وصبيت خالتي طلعت
الغضره من الثلاجه البنات
يم بيت خالتهن ام دعاء
بين مصبيت رحت اندها
فز باوعلي كال هاا
الحمدالله على سلامتك
_كعد يتمطه الله يسلمج صبيتو
اي تبدل لو تاكل بذني ملابسك
_ابتسم بيومها لابسه تراك ازبري
وخاله حمره وشايله شعري ويا
بياضي جرني بحضنه كعدني
عيب بارق خالتي بلمطبخ والباب
كدامنه
خله راسه بركبتي يشم ومغمض
النعاس بعده بعيونه همس تعبان
مديت ايدي على شعره يعمري
يخسه التعب دكوم اكل واسبح
ونام محد يكعدك
ضل راسه بركبتي واني بحضنه
حاضني همست بارق وخر فدوه
راح تجي خالتي مارد
عاد تحركت وخر رجع نام
باارق دكوم مو العشه حاضر
_مااريد نسدت نفسي
حاولت اكومه ياكل شفته مومال
الح عليه رحت جريت الحذاء
من رجله شلتها جبت غطه من
غرفت خالتي غطيته بيها
مجتف ايديه وغط بلنوم
رحت للمطبخ خالتي كاعده وماكله
كعدت اكلت كملت كمت لملمت كلشي
غسلت الماعين
خالتي ضلت بمكانها وتابع مسلسل
فضل يغفي ورقيه ترض بصبعها
وتلف بثوبها هاي عادتها
صعدت فرشتلهم وصعدتهم ماكو مطولو
نامو مددت وبالي يم بارق رغم دفيت
الهول وخالتي يمه غرفتها قريبه
ساعتين كاعده ماصبرت نزلت الاضويه
طافيه مشيت بله صوت الهول دااافي
البيت شمحلا من محد بي دخل يجن
حمواتي ينكلب سوك هرج يصير يزوع
من الوصخ مالتهن والاهمال وجهالهن
بنعولتهم على الكاربد اكوم ادك والطم
وبارق من نوع يغلس رغم يأذنه بجيتهن
وهوه ينزل يرتاح وميحسن بي كدامي
ميحجي بس اشوفه يضوج
من غير هاج هاج عليهن اكيف من اشوفه
مينساهن ويفكدهن بكل راس شهر
وصلت يمه تقربت دنكت كعدت يم راسه بلكاع
وهوه على التخم عاكف رجليه يله مكفي
الله يسلمه طويل وتارس
بعدت الغطه من حلكه يشخر ممرتاحه
النومته حرت افرشله بلكاع لو اكعده
يصعد فوك
شويه مديت ايدي اتحسس لحيته
صافنه بي شنو الخلاني خلال شهر
اتعلق بيك وتمشي بروحي وافكر
باكلك بشربك براحتك
على طول بالي مشغول بيك
تقربت اكثر انفي يتحسس
انفه همست بكل حنيه وحب
حبيبي ...روحي ....طبعت
بوسه على شفايفه محبيت
اتعمق
حياتي ....بارق ... استخطيته
غاط بلنوم شلون متكسر على
القنفه مشيد ايدي على لحيته
اكثر من مره حركته
فتح عيونه بثقل سوه اممم
همست بصوت ناصي نصعد
فوك تنام وترتاح اشوفك متكسر
غمض
حركته رجع فتح كال شنو وكوه
طلعت صوته مطبك مال نوم
كوم عمري فوك نام
كال تعبان مابيه حيل
شلون لعد هنا متكسر مترتاح
دار على ضهره خله ايده على
راسه فرشي هنا مال خلك اصعد
مبين التعب ماخذ من حيله
كمت ردت طبيت لغرفت البنات
لكيته مقفوله حجيت بكلبي
عازيتلهن ويقفلن يخافن
اطبلها عفتها وفتت الغرفت
خالتي على اطراف اصابعي
جريت من النضده فراش وبطانيه
وشلتهن فرد شيله وطلعتهن كومتهن
فرشتله وكملت ندهته شلع كلبي
يله كعد بس كتله نام بفراشك باوع
ليجوه كلب كلبه وحده من القنفه للكاع
وفراشه مباشرتن جوه القنفه ضحكت عليه
فتح ايديه همس نزعيني البدله هم كعدت
فتحتله البدله جريت البنطرون لابس جوا
بجامت تراك هم نزعتها الها ضل بطرك الفانيله
والباس جريت الغطه غطيته بطانيتين
ماكلت شي رفعت البطانيه وتمددت بصفه
فرد فراش ابتسم وهوه مغمض راسي جوه
ايده كلب على جهتي حضني وهمس لتتحركين
اريد انام
سكتت ماكو دقايق ورجع نام اني هم نمت
ماكعت اله وخالتي تسبح كفيت الغطه ولنها
كاعده على سجادة الصلا شافتني هزت ايدها
وكفت شالت المصلايه حجت
شنو خاله من ضيك غرفتكم هنا تنامون
لا بس هوه نام هنا ومقبل يصعد ففرشتله
دكومي صلي وصعدي لجهالج يكعدون
يفزون نص اليل وضلمه وانتي مو يمهم
عاد هناا نزيت نسيتهم فوك طفرت بارق
داير على التخم صعدت ركض فتحت
الباب لكيتهم نايمين بس مكشفين
همزين الغرفه دافيه طبيت عدلت نومتهم
غطيتهم زين الشته ينوم ويه الدفو يكسر
الواحد عفتهم ونزلت
بارق من ينزل يوم كامل يكضي نوم ويذب
روحه لو طبول دك يم راسه ميكعد
بين البيت وكعدت الجهال ل11 كعد
عيونه منتفخه طب سبح وطلع
طب للمطبخ كال ريوك حبيبي
اشرتله من عيوني سويتله صينيه
وخليتها كدامه
للعصر الجو هادء وماكو شي
صار المغرب كفيت العشه
بارده صعدت صعد وراي
شغل التلفزوين كعدنه نباوع فلم
الجهال يلعبون دك تلفونه اني بحضنه
باوعت خالته رفعه سلم عليها
اثناء الكلام عدل كعدته وخرت
متجي ايديه على زره منصي
يسمع تعابير وجه تغير
_صح خاله وكنت بحالة عصبيه
تندمت ماريد اشتت بيتي وجهالي
اسمعها دكله شكول لخوانها وعمامها
كل عرفت بيك طالبه اكسر بختها
الناس من تسمع ماتعيبها ليش ابن
خالتها طلبها وبطل
_ عمومتها يعرفوني ويدرون بيه
مزوج واذا طشت انه مو غريب
لومااعرف دعاء لو بيها عيب
مااطلبها
لا خاله الناس الها الضاهر صارلهم
سبوع اكلو وجهي يوميه يسألون
هاا مااجو مو شوكت الخطبه
من غير التعتب ليش منطيتيها
النه تنطيها الواحد مامزوج وانه
اسدسد ابن خالتها اوله بيها
خاله اترجاك برجه الحسين لاتكسر
بخت بنتي والله لو عفتها الوادم تاكل
وجهي وطلعني موخوش مره وماعرفت
اربيها
_صار احمر فرك وجها حيل ويتنهد
شعليها العالم قسمه ومصارت وشيردون
يكولون اشو عمامها خوالنه منه وبينه
اليفك حلكه ادوسه برجليي
اسمع بجيها خاله طشت بين العالم
ماكو بيت ميعرف
_نتر شكو طشيتنها
حجايه بين النسوان ماضل مثل
العطر لو رشيته يطش وتعرف
ملتنه من وحده الوحده وهل
اهاليتنه كلها بفرد منطقه وشارع
وره شارع والتلفونات شغاله متريده
طش شكو سايكين بايكين
_ وكف يرعد حجايه حجيتها
مصار شي ناس توصل للعرس
وليلة عرسهم ويخرب وكلمن
يرد المكانه
بجت لا تجي دكلي هل حجي ذوله
خوالك ولد عمك وعمامك كلهم
البنيه مابيها صوج الصوج منك
اخوانها وابوها شكوكين وتعرفهم
لو درو رافضها يجنزوها وحوبتها
بركبتك
سدته وهوه يرجف اعصاب ركع
الجهاز حيل نزيت من صوته
كام يفشر عليهم باوعلي عيونه
على وسعهن مفتوحات خفت
خرب بليوم الاخذتج شوفي عنادج
وين وصلني هاااج ستلمي شكد
اجيت حجيت لحد مطلعتيني من طوري
كعد وجها مزنبر يصفن واني دموعي
نزلن شلون بيه هاي تريد تذبها براسه
كل شويه اشوفه بحاله يهدء
يومين مرن مثل السم لااني
رتاحيت ولا هوه الرتاح
يصفن ويرجع يعصب وصياحه
على اقل شغله دخلنه انذار
كمت ماااروي وجهي هسه هوه
مخليني وجه المدفع اشرد منه
مر الاسبوع بتوتر شاعل البيت
افز نص اليل الكا كاعد يسحك
جكاير وين يطر الفجر يلف راسه
وينام مايكعد اله الضهر
وهيج كضاها يسحك بروحه واشوفه
الف سالفه باله ومايعرف شلون يصرف
واني مثله واخاف احجي ويضل يلوم
بيه هسه حسيت شكد جنت انانيه وغبيه
انطيتهن فرصه يصعدن عليه
خوفي منه خلاني اتحمل اعصابه واسكت
ماتقربلي مدامه مامرتاح اعوفه ينام اتقرب
منه مجرد اخلي راسي بصدره وانام براحه
مرات دموعي تنزل شلون لوصارت صدك
اشتعل نار مجرد تمر بالي باجر موعد التحاقه
حضرت غراضه اجه عمهم وزوجته هم مديتلهم
السفره ومااكعدت وياهم خليت وصعدت خليت
كلشي على البنات حايرات بروحهن يجهزن لمهر
نسرين
لليل طب وياا صاحبه بلصاله واني فوك
عرفت من فتت للهول سمعت صوت خالتي
صيح عليهن يسون جاي
بدلت لرقيه وكعدته درته الها على قناة
افلام كارتون التهبت ارتب بلمكياج
الذبيته ذبيته والعزلته للبنات انطيهن
والبقيه ضميتهن موتتني رقيه مهرمشه
روحه بيهن تترس روحها والكاع وتكسر
بدلت دشداشتي لبست وحده ستن ربع
الغرفه دافيه وافتر مااحس بلبرد
فرشتلهم وخليتهم بفراشهم يلعبون
ويهوسون طفيت الاضويه عليهم
وكعدت اكلب بلتلفزيون
شويه وفات سد الباب باوعتله شويه
زين فاك النونه بيده سترته شمرها
على السرير
كال وين شاحنه
ذيج يم الستاند
_اخذها وخله جهازه
توجه للكنتور طلع برموده
نزع تراكه ونفس عادته
يشمر ميخلي شي على
صفحه
اجه كعد على السرير جر الغطه
تمدد وغطه روحه جر مخددتين
خلاهن جوه راسه يباوع وياي
كال هاي شنو مسلسل سوري
هزيت راسي اي طوق البنات
_كلبي علعراقيه
هم اخبار شبيها خلي نشوف
_يمعوده الدنيا كايمه كاعده وكت مسلسل
يبووو هوه شبي العراق غير تفجر وقتل
جديده علينه خل نغير شويه نشوف وجه
الله
_مد روحه اخذ الريمونت داره
باوعتله ولا هتم ضل يكلب مالكه شي
اشو هذا طفا من الريمونت وشمره
كال دوخه باوعلي اشو انتي هاملتني
يااا اني
_لا ابويه بكبره
شلون بله
_ من نزلت لهسه اجيتي شفتيني
كلتي احضنه ابوسه شمحتاج مامحتاج
مغلسه عليه بويا شسالفتج
ياستار وين اكدر اتقربلك وانت تكهرب
الواحد
_اني اكهرب عليش يابه عليش مكصبج
شوف روحك تنتر وصيح وحصره
واحد من الجهال بجه وكلت اخذي
وطلعي ماريد اسمع صوتهم
_لا تفريها عليه انتي مقصره مني
اطلبج مال سبوع كامل
دروح اسبوع شنو
جرني من ايدي طحت عليه كمت اضحك
لا فدوه بارق اغار هوه اريدج تغارين محسيت
غير يدغدغ بيه متت كمت اضحك وهوه مستمر
يدغدغ ويضحك على ضحكي
كلبني على ضهري صار فوكاي كمت
اتنهد من الضحك فحطتني
ابتسم يباوعلي شكد اشوف الحب
بعيونه هلكد احبهن صرت احب
كلشي بي سبحان الكال وجعلنا
بينهم موده ورحمه هيج زرعه بكلبي
قرب راسه يبوس جوله وره جوله
يزيدني حب مينقص رغم عصبيته
رغم مزاجيته رغم اطباعه متقلبه
تفاعلت ويه كل لمسه اله يحس بيه
يضغط اكثر صرتله فراش وكان غطه
تملكني بكل جوانبي كدر يفك رموز
رانيا اثبت رجولته بافعاله
نمنه ثاني يوم الفجر التحق كعدت
وياا سبح وحضرتله بدلته لبسها
بوسني وصاني على الجهال وراح
رجعت صعدت مرتاحه رغم خوفي
من خالته ودعاء ممرتاحتلهم خوفي
لا يكدرن ياخذنه وضل الخوف يراودني
والافكار متركتني وخصوصاً متواصلات
ويه البنات وخالتي
ورد__ نهاد قتل كل سبل الوصال
قتلني واني عايشه دموعي ماكفن
من سمعت خبر عاقد على سحر
انتهيت صرت جسد بله روح هيج
بلحضه ينهي البيناتنه
خبر حملي مافرحني بكد ذره
جهازي غلقته وشمرته صرت
خاويه من كل الجوانب
عايشه على الهامش مثل لوحه
رسم حياتي باجمل صوره عيشني
احلام بوهم اعيشهن وتالي ضوكني
كل حلم بمراره
الصفنه تاخذني لكل لحضه حب عشتها
وياا كل نفس تنفسته بي لكل زوايه ضحكنه
بيها امنيات مركونه على الرف وعهد عاهدني
امنيه امنيه يحققها
مشيت وره كلبي ونسيت عزت نفسي
نسيت قوتي ونسيت منو اكون جدي
مرباني على الضعف مشفت بيهم واحد
ندب حظه يعيش الحيات بحلوها وبمرها
رغم كل المر عليهم وكفو على رجليهم
جدي مكان يرضخ الاحد ولا مد ايده وطلب
كنت اتذكر طفولتي من ياخذني لمحله للسجاد
والمفروشات هوه وعمامي لازمي ميخلون عمال
كان جهد عليهم جبير عمي ماجد ماله دخل
اغلب وقته بلمدرسه ويرجع عمو تعبان لو يصحح
تعلمت منهم ستمديت قوتي من جدي
اشوف كلامه ويه عمامي لو بطلعاته
للكهوه يم صدقانه بكصت عمره واصحاب
محال لازكه بيه وين ميروح اركض ورا
فززني من ذاكرتي وداد ماده تلفون بيدها
شكو
_همست نهاد
صحت وخري كليله مطموره
سمعته كال فتحي مايك وداد
باوعتلي وفتحت الحاكيه
اول مانطق جمعت دموعي
ورد انطيني فرصه ادافع عن
نفسي حكمتي وطلعتي بدون
حتى متكليلي واني كتلج اذا
طلعين مصيريلي مره
صحت هذا الهامك
_لا غلطانه بس لا تيبسين راسج
وتهدمين البيناتنه رجعتها مجبور
مومرتاح لو عليه اقسم بدين محمد
واقسملج بكل الاديان ماارجعها
خانتني نفسي بقهر نزلن دموعي
صحت كاافي بس لتحجي شي
مااصدكك لو متريدها محد يجبرك
_وعيونج وروح ابويا مرايدها ولج
تدرين بنفسيتي مااهوه غيرج لا
سحر ولا عشره مثلها بس كدرو
يلزموني من ايد التوجعني
كافي مسحي عيونج ورجعي الغرفه
متسوه ادخلها وانتي موبيها سكت
يتنهد بضيق همس عمري الي ضاع
بديته وياج مستقبلي بيج راحتي
يمج كلبي ونبضه انتي وردتي الجوري
تصورين افتح خانتج اطلع ملابسج
واشمهن مااكدر انام اذا مو عليهن
لاتحرميني منج سنديني ورد تعبان
والكل عليه كوني وياي لا ضدي
حيلي نهد بطلب عمامي وكفولج
كايط وبنو ولا اكدر اشوفج ولا
افاتحه تلفونج صارلي كم ليله
منايم عيوني متاخذ
سكت يكح كحته تطلع من صدره
متت بجي يحجي ودموعي تنزل
حسيت بي نهاد عمره مكذب عليه
ولا مشه الكذب بيناتنه علمني شما
يكون بينه منكذب لو بحرف
همست ليش ضميت ليش مصارحتني
حلفتك ومقبلت تحلف وضليت مصر اني
اتوهم شنو معنى هااا
_خفت اخسرج ماردت تعرفين كلت فتره
واحلها واطلك مااخليها على ذمتي
كذاب
_ورد اني اجذب شوكت سمعتي عني
مجذب من اضم احسن لو تحلف جذب
كدامج احسن
متحملت جريت التلفون سديته مكدرت
اسمع اكثر بس اضل احجي وياا يقنعني
ارجع وهلمره مصره وشيقررون عمامي
اكون وياهم تعبت وهملت صحتي
من القهر والحركه شحصلت
تعيين وكان شرط رجوعي واكل بعقلي
حلاوه وخلاني انسه سالفه في سبيل
يرضه ومااثير غيرته من يشوفني اطلع
للدوام وهوه ممقتنع قناعه تامه
لهنا وكلت كافي لازم ارجع ورد القويه
لجل البطني ذنبه شنو اهمل عافيتي واجوعه
مااريد اغضب ربي وانزله رغم الصراع
اليراودني احرك كلبه بي بس من ارجع
للواقع روح هاي شلها ذنب
تمددت من التفكير والدموع متفاركني
مهضومه موبيدي لو بجيت ولا بيدي
لوفكرت
وداد__طلعت منها القهر يزيد يمته وحده
من يمنه ترتاح وتشوف حياتها لا اختي
مزوجه وزواجها ناجح ولا ضاله يمنه
ومرتاحه
عفتها تتكلب بنارها مابيدي شي عليها
الححي ميخخف ولا الي سلطه واروح
احرك عليهم بيتهم رغم ذالك استحي
احجي وياا وارده لبطن امه بلعتها
بموسها
الحرب قايمه بين امين وزوجته مصارلهم
شهرين تريد اتنزل الطفل وهوه يريده
راحت لهلها زعلانه بوكتها اشمتت بمرت
عمي بعدين استغفرت ربي وكمت قرتلي
كم ايه ماريد اشيل ذنبهم محد يستاهل
احمل نفسي ذنوبهم
اعتزلت الكل صار القرأن انيسي والصلا
راحتي التجئت الربي هوه يحل امري
ماانكر لهفتي ولا اشتياقي لليل ويهجن
مواجعي ابجي بحركه واتخيله موجود
يمها اتخبل وازيد بلبجي توصل بيه اختنك
والغصه توصل لبلعومي
اسكت ارتاح وارد اذكر لحد مااخلي
راسي على المخده وانام
صايره اتكاسل وانام هواي اتعاجر
اشتغل وهاي الحاله دتتكرر عندي
نشاطي قل مومثل قبل لحد مابيوم
نازعه الحجاب وضافره شعري
بيبي دتحجي رفعت راسي اضحك
ويه ايسر بيبي منتبها عليه ضلت صافنه
بوجهي باوعتلها من بين ضحكتي ها بيبي
تنهدت كالت فدلا الخايفه منه يصير
ايسر نب شكو حجيه شنو الخايفه منه
كالت هيج حسبه بالي
كال غير نعرف حسباتج هواي
كالت انت مالك دخل بيهن
كال بيبي اذا تعبانه من جدي كولي ادري
بحسباتج اولهن مليتي من الحجي
كالتله هونت الله على جدك فدوات
ونذر الكه منه بهذا الوكت
كلها تلكين واجديد وبلباكيت وصابغ
ومرتب عوفي واني اجددلج واحد
كالت دكوم مني سوالفك وين الفاينه
والمابيه حظ وبخت
كال شكو بيبي شكنالج لو حركنه
مشاعرج
كالت هسه هذا شيوخره من كدامي
مو اكوم اكسرلك عظامك
كال لاتكسرين ولا تثرمين طالع
عافته وضلت صافنه صدك
بالها حسبه وتفكر
عاد كمت شلتها من بالي
ماادري الباله شي غير
البالي ممنتبهتله
مرت الايام بين مشكلة نهاد الي مخله
واحد مدزه يتفاهم ويه عمامي وهمه
قافلين كلامهم واحد يطلك وحتى على
حمل ورد مكلوله علمود ميصيره حجه
وهاي تاكل بروحها ليل نهار تسحك بنفسها
وضاله حايره بيها
لحد مااخابرت خالتي كالت اريدن
رقم حبوبتج وديتلها الرقم
بيه عاده ماادقق وره كلام المقابل
بيبي كالت مكالتلج شرادت
لا والله بس رديتلها رقمج
سكتت
شويه ودك جهازها كالت تعالي شوفي
هي مشوف كتلها بس رقم
_اكيد خالتج
ردت وصدك طلعت خالتي
سلام ومابعد السلام
اشوف وجه بيبي نكلب انعقج
كعدت صفها
_داده بعد وكت وليداتها صغار
خل تكبرهم يوكفون على حيلهم
مااعرف شترد عليها خالتي
_لا حگها انه مكايله موحگها
بس اشوفها بعد وكت التوم بعدهم
لحمه ستوهم ماصرلهم سنه وهي
بعدها جاهله العمر كدامها
....
_ادري وعاذرتج هوه البني ادم شيملك
غير عافيته ويطلب من ربه يستر عليه
وهاي سنة الحيات
.....
_اي اي صح انطينه مهله انراشد راينه
انشوف جده عمامه وبذاك الوكت نردلكم
الخبر والكاتبه ربج يصير
....
_لا عيوني ماكصرتي ريتج سالمه
وحكج تردين تطمأنين عليها معذوره
حبيبه يلوم روحه اليلومج
....
_احنه اهل ومابيناتنه خجل اليجره
عليكم يجره علينه والبي صالح يقدمه
ربج وجهال المرحوم يربون بينه هاي
سعيد بخته وميطلعون للغرب
سدته تضرب اسداس بخماس
هااا بيبي شبيها خالتي
_هيج بيبي بس كومي ناوشيني عباتي
شنو بيبي شبيه خاله
_متبيها شي سالفه بيناتنه
مقبلت تحجي انطيتها عبايتها لبستها
وطلعت مدري وين حنى مرت عمي
بلمطبخ سألتها مجاوبت
لليل جهزنه العشه بيبي وره ساعتين
رجعت وراها بساعه طب جدي وعمي
ماجد سوه
صلو وكملو صبينه العشه انتضرناهم
لمن كملوو
لل10 بيبي اخذت جدي وطبو للغرفه
مومن عوايدهم كل مره يضلون بلصاله
مكابلين الصوبه رغم الجو كسر بس
بي بروده
مهتميت ورد كاعد يم امي تمشطلها
ورنيم تقره
كمت فتحت الخانات حايره وين اروح
كعدت اصفح بلبرامج شفت بنيه كاتبه
قصتها فد تقهر للنص وعفتها عوزني
قهر فوك العندي
وكفت كدام المرايه فتحت ضفيرتي
شعري واصل لفخذي الطول والثخن
داامشط بي
رنيم كامت طلعت ضليت امشط
درت لورد من يمج بلجرار دستت
ماشات اشمريلي وحده
صدت عيني للباب مفتوح مقابيلي
امين كاعد بغرفت بيبي منتجي على
الكنتور غرفتهم مقابيلنه مباشرتن
ضل صافن بيه ملامحه بهتت مجرد
باوعلي من يمي رجليه تخيطن هي
مجرد نضرات بيناتنه شبيه رحت
بسرعه مشيت سديت الباب وكلبي
يدك رجعت مقابيل المرايه امشط
وبالي مو يم روحي
صفنه جيبني وتوديني رجعني اشهر
ليوره نفس النضره نفس المعه وين
جانت وليش قلبت عليه اذا انت انت
نفضت افكاري جان يضحك جان ينتقم
امين لعب وعرف شلون يلعبها صح
كسرني وكدر احيي
ضفرت شعري كملت عود بالي ابللها
واكبسه تروح كسرت الضفيره
رانيا__ القلق اخذ من حيلي
كلبي لاعب مرت الايام وبارق
متغير بس عصبي وحتى من
يخابر دقايق يطمن ويسده
واخر اتصال يكلي دخلت روحي
بدوامه وحاير شلون اطلع روحي
ورط نفسه ورطني ماضل على
نزلته يومين
مجرد كال اليوم نازل محسيت
غير ام دعاء داكه الباب طبت
وخالتي بيومها بالشه بلنضده
صفط بيها
شافتني كالت شلونج خاله
هلا خاله
_خالتج وين
جوه دتنضد
طبت طبيت وراها اعاون خالتي
سلمت وكعدت حجايه منا حجايه
منا اني واكفه اكمل بدل خالتي
كالت عيوني ام فضولي استكان جاي
منيديج
عرفت تريد طلعني واني راسي
والف ياعلي مااطلع عاد رحت خليت
القوري على النار ورجعت
تحجي غيرت السالفه ضليت اماطل
اني اني وانتي انتي
رحت خدرت الجاي ورجعت كعدت يمهن
شفتها ضايقت وكامت تنافخ
شويه وطفرت صبيتلها قدمته وكعدت
حتى الي صبيت بكوب
عاد هي طلعت روحها كالت خاله
بلا امر عليج عندي سالفه ويه
ام نصير
يااا خاله متحجين صدك جذب
كايمه اخذي راحتج
_تسلمين كلبي متقصرين وعاشت
ايدج على الجاي
كتلها تدللين من عيوني
ماكلت باطل طلعت ورديت الباب
خليته شويه مفتوح بوكته من
الله الجهال بلصاله يلعبون
ومااجوني
وكفت وره الباب اسمعها شتحجي
وعتبها ثكيل على خالتي مجرد
كالت دعاء بايره لو قلت الخواطيب
بس احنه ردنه كربكم وكيفنه ليش
ياخيه هيج تفشلونه ويه عمامها وخوالها
ياهوه اليجي يكول ليش لحد هسه
مامشين وهاي التكول شنو سامعين
شي
والوادم اكلت وجهي وتعرفين حبايبنه
منه وبينه يردلهن بس حجايه يعلجن
بيها وتعرفين دعاء معدله وبت بيت
بس لسانها عام عليه وذني يكرهنها
يكوم يألفن حجي اشكال الوان
ويعيرن بيها وهاي ليل نهار تبجي
اذا سمعت حجايه نفسها عزيزه
اسمع واتحركن لحد مخلصت روحي
طلعت اشويه وابجي
شكد حمدت بتها وخالتي الحايط
حجه اذا هي حجت تسمع وساكته
كمت اعضعض بأصابعي شكول عليك
بارق ماتصبر فلفلت
كلامها من جوه العبايه مبطن ضاهرا
شكل والباطن شكل
قبل متطلع ركضت للمطبخ سويت
روحي اغسل مواعين
سلمت وراحت ضليت الوب
يامن يجيب بارق خالتي
طبت لغرفتها حايره
واني اكل بروحي مثل سمجه
المزوهره
لليل طب بارق وكتها نتعشه
اول متلاكه فضل كلها بابا
تعبان حبيبي
مشاله بس بوسه طب سلم
كمت اخذت منه الجنطه
باس امه وكبل بوجها للحمام
كال نزليلي البرنص اسبح هنا
صعدت حضرتله ملابسه ونزلت
سبح وطلع
فات بطرك البرنص كعد كدام الصوبه
رقو مشت يمه كعدت جنت ململمه السفره
كتله اصبلك عشه
_لا مااريد ماكل بلطريق بس جاي سوي
خالتي يمه ضلت سولف وياا
مبين ماله خلك سويتله الجاي
اول مره اشوفه هيج شايل هم
صبيته وقدمته مثل منطيته
ودرت اغسل مواعين
عاط برقيه التفتت ركضت شلتها
بسرعه بطرمت تبجي كلبت
الجاي على رجله
بت الكلب .....كام يغلط عليها
لان حركته وكلت الكلاص
...........يتبع