اليحبك ما ينكرك
واليحبك مايخسرك
واليحبك ما يغدرك
واليحبك يرهم حزام علظهرك
واليحبك ما يعبرك
واليريدك يبوس ايدك
واليحبك يبوس ثغرك
واليحبك ما يكسرك
ورد _مجرد سديته جسمي احسه
باد ممصدكه احس روحي بحلم
رجع بيه الوكت واجمع كل تصرف منه
كل حجايه وحركه هلكد استغفلني هلكد
جنت غشيمه وبيده يلعب عليه
روحي فرفحت من ارجع اذكر كلامها
بيش اقسم متاكده مرجعها ماكو تفسير
غير السمعته موغبيه واكول تقصد
غيرها وكانت تحاجي وميعرف
شلون يخبرني
كمت الم بملابسي شنو التطبح عليه
ايدي احطه بلجنطه سديتها وكمت
ادوس على مكياج كله من الزين
راح بلرجلين كزاز العطور التحفيه
سويتها وذر وذر
وكفت البس شالي بعدني بتراك
البيت انفتح الباب خالتي تباوع
عل حال الغرفه ضلت صافنه
ومتفاجئه كالت يمه صدك جذب
واني اكول انتي العاقله
سكتت مالي خلك احد
رجعت طبت اكثر كالت صدك جذب
بله هسه الغراض شعليهن وتخبلتي غليهن
يعني ورد خاله هاي مو سالفه سويلج
مشكله شكدها شكبرها على لاشي
درت خاله صدك تحجين وين الاشيء
يروح يرجعها ودكليلي لا شي مو انتي
هم كنتي مزوجه وتعىفين شعور تجي
وحده شاركج بي
كالت يمه هسه هوه وين مرجعها خبصتينه
لو مرجعها يخاف منج رجال طول بعرض
يجي يتوسل ويحجي وانتي مستلمته
صياح وتكسر استهدي بلرحمان
ولا سويلج زعله من لاشيء
هنا نفعلت كلتلها اللله واكبر عليكم
تردون سوني اتبله عليه لومن جيبي
احجيييي سمعتج بذني عساها تاكله
النمل اذا احجيييي مني خاله موانتي
صاحبت بنات دوررر الدنيا وتجيهن
دخل هوه مخنزر طب اخذ باكيت جكاير
ممكسور من الجرار التفتت خلا بجيبه
كال لمه يوم اذا طلعت بدون علمي
تحلم صيرلي مره خله وطلع
صحت وعساني لا صرتلك مره ولا شفتك
وساعت السوده الخلتني التقي بيك
سمعني مادار بال خله ونزل كعدت ادك والطم
وهوه ابو الراهي خالتي حاولت وياي نترت
بوجها زعلت خلت ونزلت انتضرت ساعه
ودكت بيبي عليه كالت حبوبه شكو
منو وياج
كتلها بيبي اجيتو لو لا
اي حبوبه جوه احنه منتضريج
سديته ارجف دموعي ماوكفن واني
اشوف الغرفه وغراضي الزينه تفلشن
لبست البشت ونزلت الجنطه وياي
اول مشافني امير كال اخذيني وياج
صحت بي ولي بيبيتك خالتي سمعتني
صاحت ويم وريده احترمي نفسج
لاتستفحلين علينه وصيرين .... رجال
دخلت هي كاعده تقره قرأن خاله اني
رايحه بس كليل لنهاد بعد كلامه ويه
عمامي وماارجع اذا ميحلف بلقرأن
ويقسم قسم يمن بدون كذب
هزت راسها مراضيه كالت الولد
عليمن يحلف
كتلها مابيها شي لو ماعنده شي يحلف
يكول مامرجعها ويريحني لا يضل
يلف ويدور عليه
عفتها وطلعت لكيت عمي باقر وبيبي
ويااا صعدت همه ساكتين شافوني
ابجي ومحروك دمي محاول يحاجوني
يدرون بيه من يحترك دمي مااحجي
اول موصلنه نزلت بوجهي للبيت عفت
غراضي بلسياره تلكتني وداد حضنتها اناشغ
ممصدكه يرجعها عليه طببتني جوه واحي
ارجف من الاعصاب كتلها مااريد اشوف
امي خطيه تقلق بس شوف حالتي
صعدتني بغرفت مهداوي نكتت الفراش
بدلتهن خلت غير فراش وغطه كتلها طفي
الضوه طفتهاوكعدت يمي واني اناشغ
كل شويه اغص ومداانسه شي
كالت نامي بين مترتاحين وشوفين نفسج
زينه نحجي هزيت راسي مددت راسي
صار بكد البيت مجرد غمضت عيوني
والغصه بصدري تصعد وتنزل لحد مغفيت
وداد_ ماافتهمت من مرت عمي شي
ورد دكت عليه تناشغ وصوتها رايح
تعالو اخذوني بيبي باوعتلي كالت
شبيه اختج
كتلها علمي علمج عاد كامت خابرت عمي باقر
كان موجود بيته كالها شويه واجيج سدته
باوعتلها بيبي اروح وياج افتهم منها
كالت لا نجيبها ونجي حته انه ماانزل
صدك شويه واجه عمي اخذها جابوها
طبت مو ورد غير وحده العيون منفوخه
والخشم منفوخ واحمر والدموع غاسله
وجها مكسوره لزمت كلبي حضنتني تنحب
مخلتلي مجال اسألها شبيج مرت عمي بغرفتها
مشافتها صعدتها بغرفت مهداوي بين منامت
نزلت بيبي تلكتني هاا شلونها
ماادري بيبي موعله بعضها كومه بجت
_خليها ترتاح من تكعد تحجيلنه جدج
كل شويه يسألني عليها وعمج باقر
كاعد منتضرها
لا وين نامت تناشخ
_تنزلي عاوني مرت عمج على العشه
رحت حضرت العشه ويه مرت عمي
رنيم كملت قرايه ونامت
كملنه وصبينه عمي ماجد بره معزوم
بعرس ابن صديقه بس بيبي وجدي
وعمي باقر ومرت عمي
كملنه كمت لملمت السفره وخدرتلهم الجاي
بعدني دااصب نفتح باب الشارع باوعت امين
وياا عمي بسام بس مو على بعضهم
تعدوني عمي بسام جرني بوسني
من راسي كال هاا لوتيه وين كلت
بعد تجي ضل يمنه
لا عمو وين بيبي متقبل
_ماموتتني غير بيبيتج حاجره عليجن انتي وذيج
ضحكت غير بس احنه ضلينه
_هوه لازم اشوفلجن رجوله
الله ويدك شوفلي كون واحد تازه واهم شي حلو
_ ضحك وحصرني جوه ايده دماغ سزز
طالعه عيونج صايره عوينجيه
ومنكم نتعلم
طب يضحك زيدت الصينيه حسبت حسابهم
طبيت بيبي وجدي وعمامي ملتمين وزعت عليهم
اجه الدور اله وجه شاحب اصفر مااعرف
لزمت كلبي عليه انطيته وخرت كعدت
اثناء الكلام عمي بسام كال امين غير
دكتورك هذا مطي
باوعله اختصاصه عموو وين دكتور مطي
امبين مشوفه كتبلك ابر انسولين جاب هاي
على هاي
كال لا خوش انسان واعرفه اخوو كان ويانه
واله سمعته بس اني مالي خلك
بيبي نبت ليش شبي امي
مرت عمي كانت بلمطبخ مدري شجيب
عمي بسام كلها يشكي من معدته ديزوع
هواي بدون شي
طبت امه كالت يااا هاي من شوكت وماادري
كلها امين ماكو شي مجرد الم يروح ويرجع
اني هواي اخربط بلأكل
بيبي كالت خاف مرتك متعرف تطبخ
كلها مغفره شتعرف كاضيه دلفري
بيبي باوعت على امه كالت سوده عليه
تعال يمنه اذا متسويلك لو جيبها امك تعلمها
تطبخ
كلها متلحك تجي
بيبي نبت وشبيها متلحك يمه اكلك لكمت بيت
شعرفنه من اكل المطاعم
كال ان شاللة اجيبها
سكت ضل يفرك براسه شويه وطفر
طلع بره تلفونه عافه بمكانه
ضلت عيني عليه مامطمأنه مااعرف
ليش كلبي لاجمني بالي يمه طلعت للمطبخ
رفعت البراد عدنه شباكين واحد على الطرمه
واحد على المنور والحديقه الجانبيه ضليت
اباوع لمحته بلحديقه بلمرجوحه صافن شويه
وفرك راسه
سمعت طكه نزلت البرده بسرعه التفتت امه
فاتت خلت الدوارك كالت وين امين
هزيت كتفي شمدريني عافتني وطلعت
دور عليه فتت للهول ضليت كاعده شويه
وطلعو عمامي وجدي فات يرتاح
باوعت امين عايف جهازه شلته من شفت بيبي
ملتهيه فتحته باسور حاولت افتحه مااجه
بيدي
رجعته مكان طلعت سويت اكل خفيف لمي
طبيت وكلتها وغسلتها وطلعت
باوعت بيبي بغرفتها طبت البيت خنس
محد بي اباوع جهازه بمكانه اخذته غفل
وطبيت الغرفتي مددت مكاني شميته بي
عطره خليته على كلبي اخذت نفس عميق
خانتني مشاعري شما اقوي روحي اضل ضعيفه
مشاعري تتحكم بيه متت بذيج الساعه
شبعت بجي ضلت افتح بلجهاز واسده
خال صورته على الشاشه كانت بروسيا
لمن راحو سفره هوه وجماعته وعمامي
سوه لتموو
بذيج الحضه ذكرت يوم الي اشتره الايفون
ستوه نازل عجبني يشتري كان ميحب نضامه
بشكل شكد لحيت لحد مفاجئني جايبه
طرت بي نزل بيومها يتختل كلي للملحق
امه بعد ملزمتنه سوه كامت هي تقفله
وتفتحه بيدها بذاك اليوم بايك المفاتيح
ومسوي نسخه عنه
رحت وياا كعدنه فتحه كدامي بلباكيت
كلي اول مره راح اشوفه ضلينه نكلب
وتعلم عليه دخل على الباسور طلعت
بي ميزه يكدر يسوي بصمتين كانت
الاوله بصمته جر اصبعي جربي
باوعتله صدك يعني حتى على بصمتي
ينفتح ابتسم اي لوماانتي مااجيبه
ضحكت سويت بصمتي وكام الجهاز
ينفتح على بصمتنه رجعت من ذاكرتي
مجرد خليت اصبحي انفتح ضحكت
ممغيرها كان بيدي اكدر افتح كل برامجه
مااعرف شنو المنعني ركضت على الستوديو
اكلب بصوره ودموعي تنزل وحده وره وحده
ابوس صوره صوره لمت روحي وصلت اليا
درجه من الحب اليا درجه من الخذلان
ليش دااسوي هيج مو كلت انسه موكلت
انهي كلشي واكون وداد القديمه الكل
يتمنه يمحي الماضي الا اني امنيتي
ارجع الماضي وطون كما انا
مسحت عيوني عفت الستوديو وطفيته
ماريد منه شي الشفته شبعت منه
كمت رجعته بمكانه ورجعت الغرفتي
ذكرت ورد صعدت ركض فتحت الباب
طبيت اسمع صوت تقربت هاي تحجي
وهي نايمه كعدت يمها ندهتها دفعت
ايدي
عفتها جريت غطه وبطانيه مالات لما
قبل ايام كالت اريدهن ابيعهن رغم
جدي وعمامي مخصصيلها راتب
للصغار يخبلون صايرين وكبرانين
الغرفه كلها تريد تبيعها وكل البيها
سكتنه حقها مشافت من حياتها شي
نمت بصف ورد للصبح كعدت على
شي نبت بضلوعي رفعت راسي
بيبي بعوجيتها
كالت الله يطيح صبغجن
شكو بيبييي
وجعت امي ماكلتي اكل البيبي
لجدج لواحد من يمنه ندور عليج
بلبيت كله كلنه صار بيها شي
غير اعرف شكو
كولي اني انطمر فوك ولا تخلين بالنه
كومي اختج كعديها تنبل من البارحه
نايمه ولهسه منعرف شبيها
دارت وجها وطلعت
كعدت ورد نزلتها كوه
بين الريوك والبيت صار الضهر
طب جدي وبيبي للصاله وكالو
صيحي ورد ورد وراي واكفه
طبت الهم
ساعه وطلعت ورد تبجي شكو شبيج
مجاوبت طبت للغرفه تلطم
وتعيط اني وين انطي وجهي اكلهم
سمعتها بذاني دكله شلون اذا عرفت
مرجعها وهوه مدري شكلها تخابر منو
غير نهاد
كتلها شبي رجلج مرجع منو
_ردت غير السعلوه بت عمه
منو كلج هوه
_لا سمعت من امه
ضربت خدي صدك عليج الله مرجعها
_ماادري وداد راح اتخبل كل السمعته
ديكذبوني بي وداد راح اموت شسوي
ماواجهتي
_ولج ميقبل يحلف وماعند دليل عليه
غير كلام خالتي وياا على التلفون
شنو تسجيل
_ضربت كصتها ياريت لو مسجله كلامها
هسه جدي شكلج
_ممصدكيني وخابرو يكلهم تتوهم
وكلبو عليه
احتمال صدك تتوهمين
عاطت شلون اشك هدومي راح جننوني
والله مااتوهم السمعته صدك بأذني هاي
سمعت كلامهم خلي كلشي يسوي بس
ليكذبني ويرجعها
حاولت اهدئها ماكو منفعله وتصيح وتبجي
بيبي طبت حاولت سكتها متسكت دكلهم
بي ترجعوني اله احط عود شخاط واحرك
روحي
جدي ساكت للعصر عمي ماجد راجع من
دوامه عنده تصحيح اوراق امتحانات نصف
السنه
طبت رنو من الدوام تفاجئة بورد
سولفتلها المختصر كعدنه يمها
شويه وصار حجي باوعتلها هي تسمع
صوتهم كتلها مالج غير عمي بسام
رنيم_اي ورد عمو ميخاف ويكدر
بمعرفته يعرفلج مرجع مرته لو لا
ورد_ماادري راح يوكف كلبي لهسه
مااصدك كل مااصفن
كتلها عوفج من هذا سولفي العمو
وشوفي شنو رده
هزت راسها ودمعته ماوكفت
صدك انتضرناهم يهدئون جريت
تلفوني خابرته رد
_اول مكال هاا عمو
وين انت
_بلمحل كولي
فارغ لو مشغول
_محد يمي ستوهم راحو الزبائهن كولي
عمو محتاجه شي
رايدك بفزعه
_ياستار خير وداد وتريد فزعه يعني كايسه
اي والله للنخاع
_احجي شكو
سولفتله كال انطيناها
اخذته ضل يتحقق منها ونفس كلامهم
لا متوهمه وهي تحلف وتبجي كلها
ماشي هسه روحي ومن اجي نكعد
نحجي
سدته كالت حتى عمو ممصدكني
انفعالها مومال تتوهم متاكده ونهاد
وكلامه ويه جدي وعمي ماجد غير
فرها فر كلهم محد يمها اجيت تلكتني
وين ارجعها لو ارجعها اخليها يم اهلها
لليل احنه على فرد دوخه ورد وبجيها
ماهدئت وعمامي وكلامهم اجه عمي
بسام وره العشه
صاحوها واني كنت يمهم كعدت عيونها مورمه
شافها عمو كال هاي شمسويه بروحج
سكتت
كال خايبه شمالج تبجين عليه مات
صار بي شي ذاك هوه جنه فيل
جدي كله شكلك من اجاك
كال يابه الولد يكول ماادري وحدها
تتخيل مرجع طليقتي وكسرت غراضها
وتخبلت عليه
جدي_ ادري الولد ابن حموله وخوش وليد
عمي كلها زين شنو السمعتي بلضبط
كليلي بي ضلت تحجيله ومن خلال
كلامها مبين مرجها هز راسه وهي
تبجي
كلها كافي اذا شفتج تبجين مااتحرك
سكتت كالت لا عمو الله عليك متدري
هسه كلبي شلون نار
جدي كلها دكومي جدي سويلنه جاي
وعوفي البجي ميفيد لو تبجين دهر
ميرد شي
انتضرنه عمو مشت الايام ثاني يوم امين
اجه يسأل على تلفونه امه كالت شبيك
يمه دايخ عايفه وطالع
اخذه منها كلها تجيب مغفره من اهلها
مالها خلك كالتله حللت بعدها
كلها عوفيها لو صح كلامج تريد ذبه
بت الكلب
عمتي كالت يااا هاي شبيها
شبيها متلحك وصديقاتها
كل وحده عدها ثنين
جنت اسمعهم من الهول واني بلحمام
جوه الدرج اغسل بلمغسله
نصيت نعصر كلبي يعني حامل
كملت بسرعه وطبيت للحمل
دموعي نزلن كعدت لميت روحي
شكو دموع نزلتهن ماكو امل
عضيت اصبعي بكل قوتي
حسيت لحم حيطلع
ندك الباب صوت مرت عمي
طفرت غسلت طلعت مدنكه
ماريد شوفني
مشه الاسبوع واحنه حالنه
وحده اتعس من الثانيه اشوف
ورد تذبل مثل ورده مقطوفه
من غصنها
ماهر حاله وحال التايه لامن اهل
يمه لامن صديق والغربه تعب
من غير خال روحه بشيشيه
على يوم عصابه طب تكتله
وسلبه هوه وجماعته
لاكين صاحبهم ذابحي وماخذين
كل العنده حتى ملابسه ماخذيهن
حلفني مااخبر عمامي وجدي يضل
بالهم
هم فوك هم لحد ماابيوم بليل
ملتمين ورد بلغرفه يم امي
مسبيها دنشفلها واني اصب
بلجاي ورنو كاعد تكتب بلبحث
طب عمي بسام مغضب سولف
وطبيعي حسيته يريد يكومنه
صدك شويه وكال بنات عوفونه
كمنه اني ورنو طبينه ورد
تخلي مرطب الرجلين امي
رنيم متدري كالت عمج شبي طردنه
مدري
كالت عنده سالفه مشوفي كال
اطلعن
هنا ورد باوعتلنه عافت البيده
وطلعت تركض نباوعلها
وكفت وره الباب لزمت اليده
على كيف ونزلتها بدون صوت
نفتحت قليل بقدر سانتيمات
مااعرف مجرد دقايق وحالها
تغير وضها تخرب رنيم تباوعلي
مستغربه واني مثلها
طلعنه وراها فتحت الباب وفاتت
طبينه وراهاا جدي وعمي وبيبي
يباوعلونه
صوتها بي بحه مال بجي كالتهم
موكلت مرجعها شفتو عمو هذا
التكلولي لتفشلينه ويااا يستاهل
دموعها تجري بحركه وقهر والله
ممقصره وياا بكد الشعره وخالتي
ذيج وسئلوها
عمي كال عمو مومثل ممصورها
تره مجبرو
عاطت ياامجبور نهاد ينجبر على
شنو موحتى ابنه يمي ربيته
ومااستنكفت منه
بجت من يمي كلبي نمرد عليها
حاولو يهدوه كالتهلم مااريد
منكم شي بس طلكوني منه
سكتو عرفوها كلبها محارك
اخذتها اني ورنيم طببنها للغرفه
ضلت تبجي وليل كله منامت
انام واكعد هي تبجي وتسكت
ثاني يوم صخنت اخذوها للمضمد
حلكها طكك صخونتها بلعضم
للعصر طب ايسر كال لطبن للصاله
نهاد هناا شويه وصارت مصايح
طب عمي باقر فاير عليه وتلازمو
وصارت كولبه بذاك اليوم وعمي
بسام متحمل عليه كلوله مالك
بعد مره يمنه
وهوه يهد ويرد يكلهم خلي افهمكم واحكمو
وعمامي مقابلين يسمعو
جدي مجان موجود ولا عمي ماجد
وهي تسمع وساكته
لكن القلب الامور
وضعها وكل شويه
تتقيئ وبيبي
حست عليها
كامت واخذتها ثاني اليوم
من الصبحبله ريوك اخذتها
وهي متقبل جرجرتها كوه
ساعه وطبن هي وجها السيف
ميكصه وبيبي تتنهد
مرت عمي كالت شكو عمه شبيه ورده
ذبت حسره حامل مكصوفت العمر
.......يتبع