أنتقام للعشق

البارت الثالث و الثلاثون

#أنتقام للعشق 🥀
البارت 33
بقلم : نور حيدر
noorhaidar18

مساء الخير عليكم متابعيني 🦋🌿..

بيا شغله أذكرچ ؟ عشت كُلشي بوحدي ،
ليل الله شاهد والأغاني وخدي
وذولاك أهلچ ، گُليلي هم تعبو عليچ بگدي ؟
هم مثلي لو صابچ مرض يتمَرضون ؟
هم حسره جابتهُم وحسره توديّ ؟
ما عندي كُلشي وحاربت دُنيا عليچ ،
مو جندي بس عايش حياة الجندي ..💔🥀

~~~~~~~~~~~~~~~~~~~~~~~~~~~~

زينب/

ماحجه وياي و لا باوعلي عفته و رحت يم الباب هستوني ردت افتحه ماحس غير ايد لزمتني و جرتني عليه باوعت وجهه و عيونه حمر صايرات ..

كال بحدة و بعصبية : شوووفي زينب اذا رحتي منا بعد مالج اي رجعة لهنااا ...

كتله : شتقصد ليث !؟

حجه و هو راص على سنونه : تفهمين شقصد زينب بااوعي اذا عتبت رجلج بره هاااي الغرفة فا احسبي احسابج يعد ما ترجعيله و ماكو لا تفاهم و لا شي ..

قربني عليه كلش و عيونه مقابيل عيوني ظلينه ساكتين حجيت بعدين : يعني هذا اخر كلام عندك ليث ..

رفع حاجبه : ييي أخر كلام و ماكو اي احجي ..

ابتسمت بوسط قهري وخرت ايده من يمي كتله بهدوء : مااشي مثل ماتحب ..

ابتسم : رجعي جنطتج زينب ..

كتله برود : منو الي كلك اني راجعه لهنااا ..

حجه بأستغراب : يعني .

: يعني مالي اي كعدة هنااا المكان الي ما معترف بيه زوجة و لا معترف اني صاحبة هاي الغرفة و عنده اني و لا شي بحيااتة و منطيني ظهرة مالي كعدة وياااه ..

: انت انطيتني هذا الخياار كتلك اروح و حتى نهدئ و نتفاهم بس انت شنو سويت عود تلوي ذراعي تكلي ننفصل ..

كملت كلامي بعصبية و قووة ماعرف منين اجتني : مااشي يا استاذ ليث ننفصل ماكول لا اني رايحة لبيتنه و اظن تعرف وين عايشة اني عود جيب ورقة طلاكي وياك و تعال طلكني ...

ردت اعبر من يمه بس رجع لزمني من ايدي و جرني عليه كلش طخيت بصدرة رفعت راسي عليه و كال : شنوو تسوينه تحدي

: انتي الي حديتني هيج اسووي و مالي قرار ثاني ..

هد ايدي و كال بهدوء عكس وجهه الي مايبشر بخير
: ماشي زينب وين ماتردين روحي اخذي جنطتج و روحي لهلج ..

دار وجهه و كال : يلا روحي مثل ماتحبين اخذي جنطتج و روحي الله وياج ..

باوعت عليه منطيني ظهره دمعة عيني بس ماردت اضعف كدامه كاافي اهنت كرامتي علموده هواي بس هو شسوه ماانطاني اي اهتمام و لا حسسني اني وحدة مهمة بحياته ..

حجيت بهدوء : ماشي ..

لبست عباتي و اخذت جنطتي طلعت من الغرفة و اني مخذولة منه و مهزوز حتى ماكلف نفسه يوصلني او ياخذ الجنطة من يمي ..

نزلت وشفت فاتن و محمد و عمتي و غيث من شافو شكلي طفرو كال محمد : شبيج زينب ..

ابتسمت : مابيه شي بس رايحة لهلي ابقى يمهم شكم يوم ..

فاتن : لو اصدك نكول ميخالف بس انتي ما شايفه شكلج ..

حجت عمتي : ولج يمه احجي شبيج شصاير وياكم شكلج شبيه ليش باجية شبيكم انتم و ليث ..

دموعي نزلت و شهكت بصووت اجت بسرعة فاتن و حضنتني كالت : اهدي ولج فهمينه شكووو ..

اجت أمه عليه : يمه اسم الله عين ماصلت على النبي يمه شجااج تعاي اكعدي فهمينه ..

مسحت دموعي كتله : مالي كعده هنااا بعد عمه اريد اروح لهلي المكان الي مابيه اي اعتبار الي ماكدر ابقه بيه ..

حجه محمد : خوية شنوو تحجين هيج هذاا بيتج مثل ماهو بيتنه احد مزعلج كليلي ..

: لا خوية بس ..

ردت احجي و جان اشوف ليث نازل من الدرج بسرعة و عصبي من شافني استغرب و وكف ..

كال بهدوء : بعدج هنا ..

ماتحملت و ردت اطلع بس صار بطريقي غيث كال : زينب صلي على محمد شجاكم ..

باوع على ليث : وانت شبيك شنو تكلله بعدج هاي ابدال ما تكلله اكعدي خل نتفاهم تتطلب منه تبقى شجاااك أنت..

صاااح بعصبية ليث فزيت من صياحه : مالكم اي حق تدخلوون مشكلة بيني و بين زوجتي لا تظلون تحجون ..

بعصبية اجااه محمد و لزمه من ياخته : تحترم نفسك و لا تعلي صوتك كدام امك و اخوك الاكبر منك شنييي نسيت الاحترام ولك ..

ظليت ابجي و اني اشوف الاخوان يتعاركون بيناتهم
كال ليث بعصبية : خبلتوني شتردون مني ..

اجه جدي هو و أبوي طلعو من الغرفة على الصياح
كال أبوي : شكوو ولكم شني السالفة ..

حجه محمد بعصبية : تعاال بوية شوف ابنك مرته ماشية زعلانه و مانعرف شكوو شبيهم و هذا يكلله بعدج هنااا يعني هذا هم حجي ..

حجه جدي و هو يباوعلنه : عليش زعلانين شنهي السبب !؟

حجه ليث بغضب : وتسئل عن السبب ؟ السبب انتم ياجدي انتم الي جبرتونه نتزوج وهذا نتيجة اجباركم كلت الكم ماريد اظلم الابنية وياي بس انتم ماتسمعون اهم شي عدكم هاي عاداتكم و هسه تسئل عن السبب ..

اخذ نفس و كال : مالكم اي حق تسئلون كتلكم الف مرة بيناتنه واحنه نحله ..

خفت كلش من عصبيتة و هم خفت عليه لا يصير بيه شي ..

كام يفرك بصدره و مغمض عيونه كال بهدوء : كافي ماريد اسمع اي صوت منكم ..

كعد على القنفة بتعب كلهم التموو عليه بخووف
رحت عليه اني : ليث شبيك ..

باوع عليه بهدوء كال : مابيه شي روحي زينب لبيتكم امشي ارتااحي ..

دمعة نزلت من عيني مسحته بسرعة كدام عيونه
شافني هيج دنك راسه و هز راسه بأسف ..

اخذت جنطتي كبال انظارهم بس حجه بصوت : محمد وصله ..

: ماكو داعي هذا بيتنه ..

رفع راسه عليه باوعلي و كال لمحمد : اخذه خل تروح لأهله..

محمد اجه عليه اخذ جنطتي ومشه و اني وراه
وصلت يم باب بيتنه باوعلي و كاال : ان شاءالله يومين و تجينه ترتاحين و تعاي لأن مو هذا بيتج بيتنه هو بيتج الج و انتي الطابه و احنه طالعين ..

ابتسمت اله كتله : الله كريم..

طلع فارس النه شافني رفع حاجبه سلم على محمد
كاله محمد : هاي الامانة و اجتكم ديرو بالكم عليه يلا مع السلامة ..

فارس : الله وياك ابو امير ..

اخذ الجنطة فارس و دخلنه جوه باوعلي و كال : شبيج زينب شكوو ..

باوعتله : مابيه شي ..

دخلنه جوه وشفت امي كالت : زينب هلا يمه..

رحت عليه بسرعة حضنته و كمت ابجي خافت امي عليه : شبيج يمه شصااير رجلح بيه شي ..

هزيت راسي بنفي : ماابيه شي بس يمه اني تعبانة كلش ..

مسحت على راسي : سلامتج يمه من التعب شجاااج احجي منو وياااج ..

فارس كال بهدوء : شكوو زينب احجي شصار..

ظليت ابجي صاااح : هسه غير تسكت ونفهم شبيج عليش هااي الدمووع ..

مسحت دموعي و كلت : ماكو شي مجرد تعبانة و اجيت يمكم شكم يوم حتى ارتاح ..

باوعلي و كال بشك : بس دموعج ما تحجي هيج زينب اني اخوج و اعرفج كلش زين احجي شكووو ليث ويااج ضاربج بس فهميني ..

: لا ما ضاربني بس صارت مشكلة بيناتنه و كتله اريد اروح لهلي ارتاح ..

حجت امي بحنية : يمه ترى مو كلش مشكلة بينج وبين رجلج تجين علينه عيب اكعدوو تفاهموو المره العاقلة ماتعوف رجله و تمشي بلعركة انتي بعدج بلبداية و ماتعرفين بس لا تعيدينه مره ثانية ..

كمت من مكاني كتله : اذا هيج مثكله عليكم بكعدتي ارجع و اروح يمه ..

خزرني فارس و كال بحدة : انجبي و اكعدي لا تفسرين الكلام من وحدج ماحجت هيج امي بس كاعد تنصحج بس والله مو وجه نصيحه ..

كالتله امي : يمه على كيفك وي اختك ترى خطية معصبة و ضايجة ماتعرف شنو تحجي ..

حجه : ماحجيت شي اني يلا عن اذنكم ..

عافنه و طلع كلت لأمي: يمه راح اصعد فوك اريد ارتااح مرخصتج ..

هزت راسه : كومي يمة ارتاحي الله يهدي سركم ان شاءالله..

كمت كتله بهمس : الله كريم يمة ..

عفته و رحت اخذت جنطتي و صعدت فووك دخلن لغرفتي سديت الباب وراي و ظليت اباوع على غرفتي حنيت اله كلش هاي الس وحدي مملكتي هذيج صح غرفتي بس احس نفسي مامرغوبة بيه و مالي وجود

اخذت ملابس الي و دخلت للحمام سبحت و طلعت نشفت شعري بس ما مشطته خليته محلول لبست فوك التراك شال شتوي ثكيل يدفي ..

تمددت على الجربااية و ظليت اذكر عصبية ليث و من لزم كلبه اخذت موبايلي ردت اتصل عليه بس عفته لعد و كلامي وياااه و على اساس كرامتي خل اسكت احسن ..

طلعت صورته من موبايلي صوره بيها بلحديقة لابس قميص ابيض و بنطرون جينز ومكتف ايده و مبتسم
اخذتله هاي الصورة من جنه طالعين بوقته جان كلش زين وياي و دعيت ربي ما يتغير عليه بس بسرعه و رجع ليث الأولي..

ماحسيت غير دموعي كامن ينزلن وحدة وره الثانية
اسمع صوت شهكاااتي و كلبي احسه على ساعة و يوكف من البجي و الشهكة احسه تدخل بصدري
تعبت كلش احس الراحة مامكتوبة الي ليش اني بذات هيج يصير وياي شنو ذنبي لأن حبيته و هو بشنو جازاني بلصد و التعامل البارد و عدم الامبالاة بس مع ذلك ابقه احبه ..

باوعت على صورته ظليت احجي وياه و اعاتبه كأنو واكف يمي و يشوفني : ليش هيج ليث ليش سويت وياي هيج مو اني احبك والله من صغري لحد هسه عمرك مراح تلكه وحده مثلي تحبك و تتمنالك الخير ..

حضنت الصورة وظليت ابجي حسيت هاهية بعد راح نفترق وماكو اي مجال نرجع لبعض لأن جان كلامه مابيه اي شقة اذا أطلع من بيتهم هاهية بعد و هو عد كلامه ..

تتركني هسه قررت يطيك كلبك ننتهي
وبس بالاحلام اتشوفني
تتركني هيج بلاذنب
بررلي حتى لو جذب

مليت كلي كمت امل؟
شيحمله ليلي بوحدتي
وجذبت كتلك ينحمل
كتلك لمن تمشي تره
تتركني وحدي جن طفل
تايه وكل اهله مشوا
كلشي ليمر ايفززه حتى الشماته اتفززه
من يمشي ويهب الهوى
يلتفت حسباله حجو
لكن لمن يتذكرك حتى الشماته الي لمابجو
من شافوا دموعه بجو 🥀..

مرن ثلاث ايااام من اني طالعة من بيت عمي لا اتصل عليه ليث و لا سئل و اني كلبي لحد هسه محروك منه و من سوايته وياي عرفت شكد اني خريصة عنده
يعني مشه كلمته و عاند و اني هم اعاند ...

بيومه اجت عليه جوري و عمتي حجت وي امي
كالت امي : والله يااختي ام محمد أبوها كال خلوه غلى راحته من تشوف نفسه مرتاحة اني أجيبه..

سكتت عمتي ماحجت شي صعدت فوك وصعدت وياي
جوري كعدنه سوه لزمت ايدي و كالت: ماكافي زينب
ترى صارلج ثلاث ايام ابيت اهلج ما اشتاقيتي النه ..

ابتسمت اله كتله بتعب : شدعواج جوري هنا ثلاث اياام احسبي اجيت امسيرة على اهلي

: لو مسيرة جان محجيت هيج بس انتي ادري بيج كاعدة هنا و مالج نية تجين ..

دنكت راسي : المن اجي لمكان ما مرغوب بيه شترديني اجي لمكان شخص مايريدني ماعندي كرامة اني طلعت ترديني ارجع بنفسي ..

: ليش هيج تحجين زينب ؟

بجيت و كتله : ولج اخوج ليث خيرني لو ابقه يمه و اعيش بلذلة و ارخص نفسي علموده لو اطلع و بعد مارجع ..

فتحت عينه بصدمة : شتكولين انتي ..

: ييي شي اكيد ماحجه اخوج ولج كتله خل امشي بس نهدئ و نفتهم شيصير اريد امشي كال اذا ترحين بعد مالج رجعة و اني هم لهنا وكافي ترى مليت ..

: بس زينب ..

قاطعت كلامه: لا بس و لاشي هذا اخر كلام عندي ..

: بعد انتي وياه ادرى بس صدك باجر نروح لصالون اني وفاتن و جمارة نسوي تغير ونظف بشرتنة لأن عكب باجر نروح للكوت و خطوبة وكذا ..

: مادري اني ..

: شنو ماتدرين روحي عدلي شكلج و صبغي شعرج لان بعرسج ماصبغتي هيج تغيير شرايج ولج الحياة مرة وحده نعيشه خل نفرح بيه ونسي كلشي ..

ابتسمت : صدك كلامج..

ثاني يوم رحنه وره الظهر اتصلت بيهن و كتلهن اروح وياجن و هم كلت لجوري تخبر ليث و هو كال خل تروح اووف لوين نوصل ..

طلعنه و رحنه لصالون اني و فاتن صبغنه شعرنه
اني خصلت شعري بلون ذهبي هيج حلو يناسب لون شعري و هم سويت تنظيف لبشرتي و تقشيرات
والبنات وياي و طبعا ماتخلص من سوالف جمارة وشقاها ..

للمغرب يلا وصلنة قبل لا تنزل جوري كتله : جوري فدوة فستاني جيبيه الي لان فساتيني كلهن هناك ماعندي يمي اي شي ..

نزلت جوري و كالت : معلية اني تردين جيبي انتي اني شعرفني يلا باااي ..

سحبت فاتن و نزلن و ماسمعت مني باوعت لجمارة ابتسمت و كالت : اني كلشي ماعرف بعدني ماصرت جنتهم بااي ..

نزلنه و دخلت للبيت تعشيت وصعدت فوك دزيت رسالة لجوري : شبيج لا تخبثين جيبي الفستان ..

شافته و كتبت : والله معليه تعاي انتي جيبي شنو راح ناكلج و هم زوجج مو هنا طالع ..

ذبيت موبايلي: اووف منج جوري ..

باوعت على شكلي متغيره منظفة وجهي و صابغة شعري وكصيت منه شوي لبست عباتي ورحت
دخلت شفت عمتي و فاتن و جوري سلمت على عمتي
و عرفت اني اجيت على شغل ماحجت شي ..

اجت جوري و سحبت عباتي : هاي ليش

: محد موجود محمد مو هنا بغداد و غيث راح وياه و شاهر طالع و مو هسه يجي يعني ماكو غريب ..

جنت بوقته لابسه دشداشه بهاي لون ماروني و بيه حزام من الخصر رحت عفتهن و صعدت فوك ماقبلت جوري تجي وياي ..

دخلت للغرفة سديت الباب وراي غمضت عيني و اخذت نفس والله عطره موجود شنو هستوه طالع لان جنه هستوه مرشوش ..

باوعت على الغرفة ملابسه مشمورة ابتسمت رحت شلتهن و خليتهن بلسلة باوعت على غرفتي شكد مشتاقتله ..

بعدت هاي الأفكار : اصحي اخذي ملابسج و نزلي لا يجي ..

رحت طلعت من الكزامة حذاء كعب و رحت طلعت فستاني لونه جويتي يوصل لركبة وحزام بيه اخذت شال وياااه و اخذت عطر احبه ..

ردت الي هم كم غرض هستوني اريد افتح الكنتور
وجان ينفتح باب الحمام باوعت لكيت ليث طالع لابس فقط البجامة وصدره عااري و ينشف بشعره ..

اتسعت عيني و اني اشوفه هيج متت من الخجل الظاهر الاخ ماخذ راحته كلش بغيابي ..

باوعلي و انصدم كال : زينب ..

دنكت راسي و كتله بسرعة : اجيت اخذ ملابسي و امشي ماجنت اعرف بيك انت هنا ..

مشيت بأتجاه الكنتور و كلبي يدك بسرعة خجل على توتر اني اعلمج جوري تجذبين عليه ..

فتحت الكنتور ظليت اكلب بلملابس بخجل اخذت دشداشة و شال الي ..

كاعد اخذ و احس بأنفااسة الحارة على ركبتي غمضت عيني متوترة كلش ردت ابتعد عنه بس ماحس غير لزمني من خصري و جرني عليه صار ظهري ملاصق لصدرة ..

كلبي يدك بسرعة بدون انتظام جسمي يرجف
كتله بتوتر : ااا ليث و وخر عني ..

وخر شعري وخله حنجة على ركبتي همس يم أذني
: شنو هذا التغير زينب ..

لزمت ايده و عيوني مغوركة : وخر ليث خل امشي ..

همس : مالج نية ترجعين هنا ؟

كتله بحدة : لا ..

سكتت هو شوي و بعد نفسه عني اني جريت نفس
قووي كال بحده : ليش ؟

باوعتله و كتله بقهر : لا تنسى كلامك ليث ..

غمض عينه ورجع باوعلي : بكيفج زينب هذا هو اخذ راحتج ..

لبس قميصه و طلع من الغرفة ماهتميت اله اخذت ملابسي و طلعت نزلت لكيته كاعد و يهز برجله
باوع على لبسي حجه بعصبية : شنو هذا اللبس شلون اطلعين من الغرفة هيج يعني ماتكولين حموينج هنااا و غربة عنج ..

ردت احجي و سبقتني جوري : اهدئ لا تعصب اني سحبت الشال منه كتله اخذي راحتج لان محد موجود ..

خزرة و كال : لا تضلن تصرفن بكيفجن ..

ماحجيت وياه اي شي اخذت عباتي و الغراض و طلعت و هو طلع وراي كال : امشي خل اوصلج ..

ماحجيت اي شي وصلت للبيت دخلت وهو مشه
صعدت فوك و اني متوترة من قربه الي اول مره شبيه ليث حسيته مو هذا الي اعرفه شخص غيره ..

...................

ميامين /

اليوم خطوبة شاهر و رايحين نخطب رسيل
كلنه فرحانين لان جنه نعرف رسيل تحبه هاي الابنية
مفضوحة اييي ان شاءالله يوم الي ..

زياد ماقبل يروح يكول عندي شغل و اني اعرفه مايريد يشوف جوري خطية ..

المهم وصلنة لبيت خالي و مشه صعدت فوك للبنات واني جوه اسمع هوستهن ..

دفعت الباب بقووة باوعن عليه مثل المصدومات
وكفت كبال الباب رفعت ايدي صحت :وها خوتي هااا ..

اجت عليه جمارة صاحت : هااا ..

دبجت مثل الزلم برجلي و ظليت اكمز و رافعة ايدي
ولازمة بيه طرف عباتي صحت : يي و كلنة اخواته و لا تكولن وحيد و كلنة اخواته ..

دبجت بلنص جمارة : لا تكولون وحيد هلااا روح ..

البنات كامن يضحكن بعدين اجن يمي و كافن يصفكن و جوري ظلت تهلهل ..

اجت بت عمي الثاني ظلت تضرب بلكنتور عود تعزف
واني اهوس : الف مبرووك عرسك يابعد روحي يلا للكاااع هزن ولجن اليوم عرس الغالي و اليوم نلعب جولة ..

اجت فاتن كامت تركص و تهوس : بت عمنه و أختنه تصير جنتنه و مانريد الغريبة ادوس عتبتنه ..

جوري : الي الي حبابات خل اهوس ..

اشرت اله : يلا تعاااي ..

جوري : احم احم ..

صفكته على راسه: وجع تهوسين لو اهوس اني ..

: لا لا راح اهوس .. شهوري حلو شهوري زين شهوري يحفظة الحسين ..

كملت وراها : شهوري وردة و شهوري ياس شهوري يحفظة العباااس هلااااا ...

ظلينه ننركص صار الظهر ظلينه مراكض بدلنه و مكيجنة و تسريحات و خلين مثبت لأن طريق طويل لا تسيح علينه و هم همزين شته الجو احلى و ابرد ..

لبست فستان ماروني قصير شتوي ومطعم بلمع ذهبي مطشر على الفستان كله لبست فوكاه جبة و هم عباية ..

كلنه لبسنه هيج جبة و فوكاه عباية خاف هوى و تطلع سيقانه الجميلة نزلنه و ظلينه نتراكض على السيارات
لان يعوفونة بقيت اني و امي اريد اشوف سيارة ماكو ..

باوعلي فارس من بعيد اجه عليه و كال بخزرة : ليش واكفة هناا ..

هذا شبيه يخزرني لو اني متوهمة كتله : منتظرين اني وامي نريد سيارة ..

: ماكو كلهن قبطن تعالن وياي يلا ..

ردت امشي صاح عليه كال :احم ميامين صدك انخطبتي لابن عمج ..

فتحت عيني من الصدمة عزااا الولد بعده لحد هسه حسباله مخطوبة خل اكله لا يهون عليه
كتله بسرعة : لا والعباااس لا مخطوبة و لا شي اصلاً رفضت جذاب الي كلك مخطوبة جذب يابة ..

فتحه عينه بأتسااع و بعدين طكه ضحكة و وجهه صار احمر و دموعه تنزل اني شكيت الحلك من الابتسامة
مفهية عليه ميلت راسي و اباوعله..

مسح دموعه و كال بأبتسامة : خرب بليسج صدك ضحكتيني ..

رجع باوعلي و كال بأبتسامة:وهسه كلبي ارتاح ..

ردت احجي بس اجتني امي معصبة و رزلتني : ومرض ان شاءالله وين وليتي ماكلتي امج منتظرتج ..

يبووو نبع الحنان مفشلتني ردت ابجي شفته مبتسم كال لأمي يوصلنه ..

صعدنه امه صاعدة كدام و اني و أمي و زينب وره
كاعدة اني وراه يم الشباك كل ما ارفع عيني الكاع يباوعلي ..

ادنك راسي مخجولة ابن الاوادم خليني ارفع راسي شبيك تباوع شنو ماشايف حلوات قبل ادري بنفسي حلوة بس مو هيج تاكلني اكل يبوو شنو هاي ..

يعني ما مصدكة راح اظل وياااه هيج الطريق كله من العمارة للكوت يارب طول الوقت بعد وبعد ماريد اطلع من سيارته هسه لو عندي صمغ جان لزكت روحي ..

.......................

شاهر /

اشتااقيت لرسيل كلش حسيت نفسي ماكدر على بعاده و ماتخيلت يجي شخص غيري و ياخذه و تصير زوجتة و ام اطفالة ..

اني اشهد انو احبه و اموت عليه و افكاري هاي راح تضيعني مايهمني شنو هياا و شنو تفكيره اهم شي هيا تصير الي ..

وفعلاً من حسيت نفسي بدونه ماكدر رحت و خطبته من خواله لأن ابوي كال هاي الاصول همه الي ربوها و تعبو عليه يعني نخطبه منهم ..

من طلبته منهم كتلهم اذا وافقت هيا خطوبة و هم عقد قرآن ما كالو لا وره يومين اجتني الموافقة منه حسيت نفسي طاير من الفرحة اول مره احس بهيج احسااس ..

و بعدين اجاني الخبر و اجه لهلي شهاب طالع من اهله اني لاحظت ماشوفه هاي الفترة و الصدمة جانت علي مو ابن شهاب هو الي ربااه ابن صديقة ..

بوقتة ماعرف ليش حسيت بأحساس مفتخر بصديقي و أخوي شااف العذاب و الالم و من اتشافى ماتزوج بعده يحب جوري و متمسك بيه و هم طلع مربي طفل يتيم و يحبه يموت عليه عاف اهله علموده هو كفوو منه ..

اهلي كلهم انقهرو عليه و كالو نبدي صفحة جديدة وياه ماكو شخص غلطان و هو هم انجبر على كلشي و هم جوري كالت النه : معليكم بيه و بسالفتي يبقى ابنكم و هو مر بظروف صعبة و خاصة هسه كونو وياااه..

طلعت بره اتمشى يم البستان و جان اشوفه هو هناك
واكف يم الشجرة و صافن اخذتني رجلية اله
كتله : ليش ماحجيت من البداية و ليش هيج سويت بينه ..

باوعلي و كال بهدوء : شينفع اذا كتلكم يمكن ما تصدكوني و هم تلوموني مثل جوري و هم حقكم بكلشي بس الف مره احجيه والله ماجنت بوعيي
شاهر جنت تعبااان كلش حسيت نفسي تايهه و ضايع موتي قرب ماردت اشوف الي احبهم يتعذبون بسببي اموت بعيد عنهم احسن ..

كتله بعصبية : وهذا هم حجي ولك الخوة و الاهل و الصداقة المن صاارت غير بهاي الاوقات اذا اني او اهلك و جوري ما يوكفون الك منو يوكف ..

حجه بتعب شهااب : تعبت يا شاهر اريدكم تنسون الي صااار بس ماكدر انسيكم لأن صعب اني اريد انسى ماكدر ..

كتله بهدوء : وشلون عشت هناك و ربيت هذا الطفل ..

كعد و كام يحجي كلشي وي كل كلمة كلبي ينمرد عليه و اكول الله يساعدك شلون عشت هيج شفته من يذكر الموضوع تدمع عينه لعد شكد تعبت و عانيت و احنه صرنه ضدك اكثر ..

كال : انتظر خل اشوفك ما مشوف لأي احد ..

كام و اجه كبالي فتح موبايله و طلع صوره اتسعت عيني كتله : هذااا منوو شهاب ؟

ابتسم بحزن : حقك ماتعرفه هذا اني شاهر ..

: انت ؟

باوعت على الصورة شخص لابس ملابس المستشفى
ووجهه اسود و سواد كلش جوه عيونه و اكرع ماكو و لا شعر براسه و الكانونة بيدة و نايم بتعب ..

دمعت عيني من شفته هيج صح الي سواه خطأ بس يبقى هذا اخوي الي تربى وياي و صديق طفولتي ماكدر اشوفه هيج و اسكت ..

كلت بهمس : الله يساعدك ..

كال بهم : الحمدلله على كل حال..

ماحجيت شي وياااه عفته و مشيت و بقيت ليلي كله افكر بيه و صورته ما راحت من خيالي ..

ثاني يوم طلعت من بيتنه ورحت افتر بلشارع وصلت يم كهوة قريبه يم فرعنه شفت ولد كاعدين ..

سلمت : سلام عليكم..

نصهم ردوو السلام بس واحد حجه اسمه رحيم
هذا جنه عرايك اني وياه وشهااب يكرهنه بدون سبب

ابتسم بأستهزاء: هو انت هم تعرف السلام..

وكفت كباله و خليت ايدي وره ظهري كلت بهدوء : شقصدك رحيم ..

: سلامتك سيادة الضابط ههه و الله بالاسم كله واسطات لعد ما تتوسط النه ..

رفعت حجابي : كل واحد ياخذ شغلة على كد تعبه و اتذكر انت ما مخلص شي و تريد تشتغل ..

: لا والله مو شغل بس كله من الفلوس و الله يعلم يمكن فلوسكم و هاي سوالفكم حرام بحرام ما نعرف شنو تشتغلون و هلكد عدكم ..

كتله بعصبية : تاكل تبن و تسد حلكك ولك ..

كام هو و كال : منو الي ياكل تبن هااا لا تخليني اشوفك وجهي الثاني ..

ضحكت بأستفزاز : هم الك وجهين لو رجال تعال..

عصب و كال : رجال و غصب عنك ..

اجه عليه و اقترب من يمي راد يضربني بس لزمت ايده بسرعه و ضربته على وجهه ابتسمت: مابيك كل خير ..

باوعلي بعصبية و اشر على اصدقائة كلهم كامو بيهم بلستة و هو السابع دهر دهرك رحيم على هاي السالفة ..

ابتسمت : شجعاان تعالوو ..

اجه واحد بسرعة و ضربني على وجهي كلت بعصبية : اشتعلووو اهلك ..

كمت و ضربته على راسه كله رادت تلتم عليه
وجان اسمع صووت شهااب يصيح عليهم : ولد النعل التميتوو كلكم عليه شووو وخروو ..

شفته صرفن ارداناته و اجه عليهم بعصبية صحت :اشتعلت عشيرتك شهاااب هسه يلا أجيت رووح لا تحصل ضرب ..

اجه عليه و كومني من مكاني كال : كوم كوم مابيك فايدة دومك تنكتل وحدك ..

ظلينه نباوع عليهم كال شهاب : طاح حظك شاهر طلعت قوتك عليهم ماتشوف عددهم شلون راح نكتلهم ..

كتله بثقة : لو كاتل لو مكتول ..

ابتسم شهاب : مكتووول طبعاا كول يالله ..

اجو علينه ظلينه نضرب بيهم وهمه يضربون بينه
و توالو علينه اريد اضربه هذا وخر بسرعة واجت الضربة على وجه شهااب .

صاح : نعله على اهلك شاهر ولك عليه لو عليهم تضرب ادري بيك حاقد بس مو هيج ..

: الله الله شدراني غير توخر ..

سمعت صوت رمي باوعنه كلنه لكينه محمد و ليث بيده مسدس و رمه بلهوى حتى يوكف ذوله من شافو انهزموو ..

صحت : تعالوووو ولكم لا تنهزمون ..

صاح شهاب : خليهم يولون شتريد بيهم شوهو وجهك و انت تريد تعرس بس اني اعلمه رحيم لا والله مو رحيم لا غضب اسمه الجلب ابن الجلب..

اني وشهااب بقينه كاعدين بلكاع نجر النفس
باوعت عليه وجهه كله دم و حلكه مشكوك كتله : عود اجيت ادفاع و ديرو بالكم عني طلعت بوخة ..

كال شهاب بعصبية : ولد الجلاب ماشفت عددهم ماينطون مجال ..

ابتسمت واني اتذكر طفولتنة وشبابنه هيج ننكتل لو نكتلهم ..
اجه علينه محمد كومني و ليث كوم شهاب ظل يرزل بينه محمد ....

و كال:طاح حظكم زلم شكبركم
و مشوربين هيج يصير بيكم ..

كتله : تشوف عددهم انته ..

باوع عليه محمد و ضحك : امشوو ولكم خل نعالجكم
طاح حظكم ..

باوعت اتصافت بيناتنه و بدينه صفحة جديدة بيناتنه ولد العم ..

يتبع...🦋
noorhaidar18
انتهى البارت اتمنى يعجبكم 💜
لا تنسون الايك +التعليق ✔
~~~~~~~~~~~~~~~~~~~~~~~~~~~