شما يخف حمل السفينة
يسافر براحه الخشب
الدنيا ما توگف على احد لا تكثر بالعتب..
.....................................
ورده:- هلووو غزل، ليش نايمه هسه
_ كعدت وكلتلها، هلوو حبيبتي مو جنت اشتغل..
_ كعدت كدامي وتربعت، وكالت بنبرة طفولية، هااا، اكلج انتي ليش عيونج ملونات..
_ ههه من الله..
_ بس حلوات، اريد عيوني يصيرن هيج..
_ اممم انطيج ياهن..
_ هاا لا لا، بابا ماعلمني اخذ شغلة غيري..
_ يي مبين ابوج مياخذ شغلة غيره، طبعاً كلتها بقلبي، اليوم درستي..
_ يي درسونه، ورسمت رسمة حلوه..
_ عفية باالشطوره، صيري شاطره، زين شتردين تصيرين بالمستقبل.
_ دكتوره احب الدكاتره..
_ اوووي فدوه نفس حلمي، بس اني مكدرت احققه...
_ لا اني احقق حلمي..
_ عفية بالشاطرة..
_ بأثناء حديثنه اندفر الباب، ودخل بهيبتة وجبروته، باوعلي لدقايق هنوب شاف ورده كاعده يمي
فهد بنبرة حقد، وردة شتسوين يم الخدم، اني مو كتلج لتتقربيلها وتوصلين يمها..
ورده:- بس بابا..
_ وردة كدامي، على غرفتج..
_ حاضر بابا..
_ شوفي لج وردة خط احمر تعرفين شنو يعنييي خط احمرررر، لتتقربيلهاااا ولا اريددج تحجين وياهاااا..
غزل:- ا ا ا حاضر، تقرب من يمي، ومن شدة قربة انفاسنه اختلطت سوة، اجاني احساس غريب اول مرة احسه، فززني بصوته الجهوري
_ هيييي وين سرحتي، جاي اكلج ليش ما تشتغليييين..
_ ا ا ا والله نضفت وكملت..
_ كومي غسلي ملابسي واكويهمم يللللله..
_ ح ح اضر...
_ تعاي تعاي بت الك•••• تتحسبين علي مساااع..
_بس بس خـ افهمك..
_ بنبرة استهزاء، بالله فهميني..
_ م م ناهل استفزتني، وكلتلها حسبي الله ونعم الوكيل ب ب س..
_ كومي من يمي لا افلش وجهجج كوومي..
_ راحت تركض، صفنت حييل حلوه هالبنيه تجذب الواحد غصب عن نفسه، وبعدها طفله حتى صوتها ونبرتها طفولية، هسه انا شون ابتليت بلوه
يله الله كريم، نفضت الافكار من راسي ورحت لبست ملابسي ورحت للدوام عدنه مهمه القبض على تجار مخدرات المنتشرة بشكل كبير بـ العراق، طلعت من البيت بعد ما وصيت ام صكر على ورده وانطلقت
...........................
غزل:- اسبوع كامل واني على نفس الحال، خلصت من فهد اجتني مناهل تضرب وتسب وتتهم اتهامات باطلة، بس الغريب بالموضوع فهد مموجود
الله اليستر وين مختفي، ضليت اذا شوفة بخيالي اخاف، مثل كل يوم دا انضف بالطابق الثاني، دخلت غرفة الشيخ فهد
لگيتها هوسه ملابس مطشرة وكلشي مزعبل بديت ارتبها، خليت الملابس الوسخة بسلة حتى اغسلهم وغيرت الفرشة ورتبت الميز تواليت انفتح الباب، دخل هوه بهيبتة وجبروته
باوعلي بأستغراب، وعلامات وجهه مبينه تكول شتسوين هنا، صفن بوجهي ثواني هنوب تجاهلني وحجه بنبرة جمود
فهد:- شتسوين هنا؟؟
_ ا ا ا دا انضف، دار وجهه عليه وباوعلي بتمعن وكأنه يحفظ كلشي من شكلي، هنوب دار وجهه وگال بنبرة امر
_ غسلي ملابسي واكويهم، قبل الساعة بـ3 الملابس كلهن يمي..
_ بس هسه ب1 وين يلحكن ينشفن..
_ والله مشكلتج هاي..
_ بنبرة حزن، حاضر شيخ..
_ يله طلعي بره ارد ابدل..
_ ح ح اضر، طلعت وصارت بوجهي مناهل، باوعتلي وجهه احتقن..
مناهل:- شتسوين بغرفة الشيخ..
_ ماعرف ليش حبيت ادقها، وماعرف ليش كلت هالكلام هذا، رجلي وادخل الغرفتة مابيها مانع، طلع عباس من غرفتة جان يكول بنبرة مضحكة
عباس:- مانع لو دواس ههههههه
_ على حجينه طلع فهد، لابس دشداشة رصاصية، يمكن اول مره انتبه علي هيج بس حلوو عيونه حادات وعسليات وبشرته حنطية وجسمه مثل بقية الشباب، جنت كل توقعي اتزوج واحد شايب ههه
درت وجهي على مناهل، شفتها تريد تبجي من كد ما كارهه المنظر وجودي بغرفة الشيخ، عاد هوه كسرر الصمت الحدث بأرجاء المكان
فهد:- غززل صبيلي غَده، وانتِ مناهل شبيج وردة وين؟؟
غزل:- جوه كاعده بالحديقة يم الدجاج..
_ هااا، يله نزلي صبيلي غده
_ حاضر شيخ، نزلت صبيتله وبعد ماادري شصار، نزل هوه كعد بالحديقة يم ورده، شكد قاسي ويه الكل الا ويه ورده
يصير وياها كلش حنون ومنظرهم يخبل، وديتله الغده بالحديقة وغسلت الملابس بالغساله ونشفتهم مـرتين حتى ينشفن بساع، شريتهن ورحت غسلت مواعين الغـده، طبعاً هنانه
يتغدون يتريكون من وكت، وين اكو بهالزمن الريوك ب6 الصبح شسالفه، بس بعد شيوخ وعليكم الحساب شفتها الساعة بـ2 ونص، شفت الدشاديش
بعدهن مناشفات شون يربي، اكويهن والله كريم دخلتهن للمخزن وجبت الاوتي او الكاويه وشغلتها وبديت اكوي كويت ثنين الحمدلله ماحتركن ولا صار بيهن شي طبعاً الاوتي ابو المي اكوي ويضخ مي، كويتهن كلهن وكملت وكلهن لون بيجي ورصاصي وديتهن اله قبل الساعة بـ3
دكيت الباب ودخلت لكيت متمددت على السرير ورده دا تلعب بلعابتها
_ شيخ كملت الدشاديش..
فهد بنبرة جمود خليهن هنا وسويلي جاي..
_ حاضر، دا اطلع وصاحلي،
_ لحضه غزل..
_ تفضل شيخ..
_ انتي يا صف مكملة..
_ هسه اني لازم 5 علمي..
_ هااا، يله روحي لا تنسيين الجاي..
_ حاضر شيخ، نزلت خليت القوري على الطباخ، وسقيت الحديقة الوره تخبل كلها ورد جوري رتبت المخزن مالتي سويتلي مكان اكبر شوية
هنوب رحت، شفت الجاي خادر صبيتله بكوب وصعدت، دكيت الباب ودخلت لكيته ديفتش بـ الدشاديش باوعلي
وگال بنبؤة جامدة، خلي الجاي عـ الطاوله، اني خليتها مكلت شي ردت اروح لزمني من زندي ودارني علي
باوعلي ثواني، وجان يضربني راشدي خدر خدي، وخله جسمي كله يرجف من شدة الخوف،خليت ايدي على خدي
وباوعتله دموعي خذن مجراهن، بنبرة طفولية، والله والله العظيم ممسوية شي..
فهد:- بت الك••••• وهذا وهذا
_ طلعن الدشاديش كلهن متكعدات وبيهن طكع كلور، والله شيخ والله مو اني صدكني..
_ ولجججج منووو غيرج كضهن هااا..
_ محد والله محد، بس مو اني والله...
_ جذذذذب ماريدددد، ويله طلعيييي برى احسابج بعدين..
_ طلعت، واني ابجي اوف يربي والله مسويت شي هوه غسلتهم وكويتهم شجابني يم الكلور اجتي جنه هاي بعمري بس هم حيه
كلهن يلسعن بس فردوس وام صكر وجدتهم حبابات، كالت بنبرة امر
جنه:- اكلج انتي هيي غسليلي ملابسي يله..
_ الصراحة مسكتت، اكلج انتي اني هنا موجوده مو اغسل ملابس، لا موجوده انضف وبس ومتغسليهن انتي، اشوو هاي ضلت دك وتلطم وتعيط كلش مناهل الثانيه..
جنه:- يععع يعع، من دهرر دهرج ولجج انا تكليلي هيجج يا عاه••• يا كح••• ولججج انا جنه بت العز والدلال، هيج تحجين علييي، والله محد مربيج الا اربيج انا اليوم..
_ اجتي وجرتني من شعري، كلهن ضخمات بالنسبة الهن اني كتكوت، ارد ابعدها عن شعري ماكو واجت مناهل بيها ولا عليها وضلن يضربن بيه، طلع هوه ركض وبعدهن عني
فهد:- ولججن شنيهاي جاي تسون، كاعدين بمصرعة ماتكللي
ام صگر:- يااا يااا فلك شبيجن ويه البنيه مگطعاتها
فهد:- رحمه لوالديج ام صگر اخذيها غسليلها وانا هسه اجي اتفاهم وياهن..
غزل:- خذتني ام صكر غسلتلي ورتبت شعري واني بس ابجي، من صدك احتاجيت امي بهالوقت بس وين بعد مسألو عني ابد، سألتني ام صكر بنبره كلها حنية، ولا كأنو ابوي سبب نومة ابنها بالمستشفى، طبعاً صكر حالتة دا تسوء وفاقد الذاكره، لان نزيف بالدماغ مو شوية المهم
ام صكر:- بنيتي ليش طگنج من عسى ايدهن بالكسر..
بنبرة باكية، خ خاله والله مكلت شي، كالت جنه غسلي ملابسي كلتلها متغسليهن انتي، وهيه ضلت تعيط..
_ يااا يااا فلك فلكهن، ولج يمه لا تسكتين عن حقج هسه كدام الشيخ احجي ولا تسكتين..
_ يي خاله، بس اخاف يضربني..
_ لا يمه ما يطگج نشالله، الشيخ مايقبل بالظلم دومة ويه العدل..
_ يي مبين (كلتها بقلبي) ، نشالله خاله، دخل وبيده الحزام الضربني بي ذيج المره اني استشهدت، هايهيه حجن براسه وطلعن كلام مگايلته..
فهد:- ولججج انا مو كلت لسااااان ماريدددد، هنوووب تغلطيييين يالعا••• بت الك••••• والله لربيج انتي ما متربيه..
ام صكر:- ولكم يمه صلي على محمد افهم من الطرفين..
_ ولجج ام صكر شفهم ما تگليلي، حاجيه حجي ما ينلبس علي هدوم، وسابتني وسابة ابوي، ومخربة ملابسي، وهذا كله وترديني افتهم منها..
_ يمه افتهم هسه فدوه لعينك..
فهد:- غزززززززل تعاي كدددددامي
غزل:- ا ا ا جيت
فهد:- ام صگر لو سمحتي عندي حجي وياها..
ام صكر:- يي يمه بس على كيفك وياها..
_ نشالله..
_ راحت ام صكر وسدت باب المخزن، باوعلي ثواني هنوب ضل يسأل..
_ شحجيتي انتي وجنه؟
_ ا ا ا م م..
_ احجييييي...
_ كالت غ غ سلي ملابسي..
_ ييي كملييييي..
_ كلتلها متغسلين ملابسج وضلت تعيط..
_ هاا هيجي الحجي يعني لا سابه ولا غالطه غزل خانم..
_ والله والعباس مغلطت..
_ خوش، بس هم لازم اعاقبج..
_ ليش والله مسويت شي..
_ تؤ تؤ تؤ، والملابس منو خربهن خالتي..
_ والقرأن مو اني والقرأن وبعدين ضربتني راشدي....
_ حتى لو اعاقبج لان هذا مجان عقاب، وعقابج تغسلين ملابس البيت كله...
_هااا، لا حباب اسوي الي تريده، بس الملابس لا..
_ ليش بالله..
_ هاا مو هسه يكولن غصباً عليج غسلتي ملابسنه..
_ هذا عقابج انا مالي شغل، ولسانج هذا اكصه بععدد اذا تطاولتي وحجيتي، ليحاجيج كليله حاضر..
_ اوووف حاضر حاضر..
_ وجععععع احجي عدل..
_ نشالله..
_ كداميييي يله، راحت وضليت على نفس وكفتي، هاي شبيه انا كل ما اريد اكتلها وادبها، من اشوفها مادري شيصير بيه، هااا ولك فهيداااان احترم نفسك لبكدك شابعين ماي ورد وانتَ تريد تحب، وهنوب وحده اصغر من عقل ورده، نفضت الافكار من راسي، ورحت للديوان عدنه طلابه..
............................
غزل:- واليوم يمر الي شهر تحت رحمة فهد، عذاب عذبني دمرني خلاني اكبر هواي عن عمري، جان تفكيري مستقبلي واحلامي هسه تفكيري كله
شلون اخلص من هالعذاب، اخخخ يا نار قلبيي، اهلي الي ربوني ما كلفو روحهم يسألون عني ولا شفت خبر منهم
مثل كل يوم خلصت بديت اشتغل بالبيت من الساعة بـ7 خلصت بـ2 الطبخ على خالة ام صگر نفسها حلو بالطبخ، طبعاً اني ما اكل وياهم، اكل بالمطبخ ومرات ما اكل
رحت سبحت ولبست لبس مستور فهد ما موجود ورده اجة من المدرسه وتغدت قبل الكل ونامت، همه بيهم طبع ينامون الظهر بـ12 تغدو بـ1 نامو الكل ينام
قررت اشرد، يي يي قررت اشرد، كافي تعبت مليت من هالضلم، بس ما فكرت وين اروح ومنو يحتويني، خليتها عـ الخالقني مافكرت بعقوبة فهد الي اذا لگاني موتي حلال عنده مافكرت بكلشي
غسلت المواعين وسويت جاي وكلمن راح نام بغرفتة واني لميت غراضي كلهم ولبست عبايه وتلثمت بشالي بس عيوني طالعات
سحبت جنطتي وترقبت الوضع كلشي ماكو سنطة، ضليت امشي شوي شوي برة الحرس واكفين، فقررت اشرد عـ البساتين، ضليت ادخل من بستان البستان ابتعدت عن بيتهم
بس من الخوف قلبي صار بطني، ضليت اركض حتى ابتعدت اخاف يكضني والله يصير ذبحي حلال عـ القبلة، اركض وعيني تترقب المكان اخاف يطلعلي، لان هوه مثل الجن
بكل مكان موجود، ركضت وركضت وبتعدت هووواي كلش هواي عنهم، شفت مرية چبيره بالعمر دا تحش بحلالهم وبعدها بحيلها
ركضتلها وكأنو اريدها تحميني من عذاب فهد وضلمه الي، ركضت وعثرت بشي خلاني اوكع على وجهي، تأذيت
حيييل تأذيت، صاحت المريه ولجج يمممه دربالج، درت وجهي وجان اشووفة د يركض بأتجاهي...
يتبببع
................................
هلوو بونيات شونكم شخباركم، بارت خطير والقفلة خطيرة ولتكولون قصير والله طويل
بنبي متوقعت اكتبلكم بارت لان المدرسات كلساع ودزن شي بالقطاره ومن 5 لعصر لـ11 اني اكتب واحفظ، فـ طولو خلگم وياي شوي ثالث مو سهل
بشروني شلونكم شخباركم، وشونكم ويه القصة وانطوني أرائكم او انطوني احداث تتوقعوها تصير للابطال وهل راح ينضمون النه ابطال جدد؟🤔
علقولييي وصوتوووو عل اقل فرحوني بتعبي فوووديتكمم فدددي
بنات تابعوني على المنصه هووواي انشر هناك وانطيكم وقت للبارت
ويلههه اشوفكم باجر انشالله
اختـكم الجـبورية✍️💕