أنتقام للعشق

البارت الثلاثون

#أنتقام للعشق 🥀
البارت 30
بقلم : نور حيدر
noorhaidar18

مساء الخير عليكم متابعيني ان كان مساء
وصباح الخير عليكم ان كان صباحاً😌🦋🌿..

~~~~~~~~~~~~~~~~~~~~~~~~~~~~~

ليث/

لايگ الأسود عليك
ولايگ الكلشي عليك
وشارع شگده وشكبره
ما تدوّس إلا آعله گلبي
شلون بيك 💔🥀 ؟

مرت علينه ايااام اني وزينب  والحمدلله
وضعنه هادئ كلش وصرنه اصدقاء ومتفاهمين
حتى احس دخلت لكلبي حسيته صديقه فعلا ..

كمت ارتاح بس وياها حسيت نفسي جنت ظالمه كلش
حتى حسيت اكو مشاعر اتجاه زينب ماجنت اتصور
هيج نصير بس تبقى نرجس مستحله تفكيري ..

كاعد امشي ودزيت مقطع صوتي لنرجس
كتله بأبتسامة: وينج ولج شو اليوم  ماكو ترى مشتاقلج ..

دخلت للبيت وصعدت كبل فوك فتحت باب الغرفة
وسديته وراي باوعت مالكيت زينب ..

رفعت حاجبي و كلت : هاي وين راحت شو ماكو لا جوه ولا هنا ..

انتبهت باب الحمام شوي مفتوح اتقدمت بأتجاه الحمام
وصلت يمه ردت افتح الباب بس صدمني الي سمعته ..

تسجيل صووت هذا صوتي وهاي هسه دزيته لنرجس
شوصله لزينب ..

ثواني واجتني رساله من موبايلي همزين مخلي موبايلي اهتزاز ..

فتحت وجان كاتبه نرجس : اني اكثر مشتاقه ..

اقتربت اكثر على الباب وشفت زينب واكفة يم المغسلة ولازمه موبايله وتراسل ..

هنا الشك دخل بكلبي وتمنيت الي افكر بيه خطأ
ردت اقطع الشك دزيته لنرجس رسالة كتبت هيج مو من كلبي بس حتى اتأكد : شسوي اذا هاي الي متزوجة مجلبة بيه اربع وعشرين ساعة مليت منه ..

باوعت على ردة فعل زينب شفته لزمت موبايله قرت الرسالة وحسيته ضاجت كالت : اووف يا ليث..

ابتعدت خطوات بسيطة من هول الصدمة
مستحيل الي اشوفه يعني نرجس هيا زينب ماكدر استوعب الي يصير ..

هاي الفترة كله الي اراسله واضحك وياها واحجيله كلشي طلعت زينب..

اجيت عليه ركعت الباب بقووة من صوت الركعة
هيا فزت وصاحت باوعت عليه بصدمة موبايله وكع من اديه ..

اديه ترجف من العصبية اباوع عليه شلون خايفة
كالت بخوف : ليث ش شتسوي هنا ..

اقتربت من يمه لزمت اديه وطلعته من الحمام
شمرته بلكاع يم الجرباية يمكن انضربت لان صاحت بألم ..

باوعت كالت بألم : شبيك ليث ..

رحت كعدت يمه لزمت من شعره بقوة وماحس على نفسي رفعت موبايلي بوجهة كتله بفحيح : هذااا شنو كوليلي ولج طلعتي انتي نرجس ..

صرخت بوجهه : احجي ولج ..

هيا بجت و كالت : ييي اني هيا ..

وخرت ايدي من شعره كمت واني مصدوم كتله بصدمة : ليش ولج هيج سويتي ليش استغفلتيني ..

كامت من مكانه تبجي : لان أحبك  هيج سويت ..

باوعتله بصدمة : تحبيني ..

هزت راسه : يي احبك و لا تكلي ماتعرف العالم كله عرفت الا انت ماحسيت بيه دومك تعاملني بفضاضة
وبرود وي غيري بلعكس تبتسم الهن وتفرح وتضحك وياهن ..

حجت بحركة : تعرف أنت جنت يوميه انام ودمعتي على خدي جنت اتمنى منك تحبني وتصير الي ..

كتله بخنكة : حتى لو هيج سويت وياج بس مو هيج تصرفين وتضحكين عليه ..

كال ودمعة نزلت من عينه : اعرف غلطت وتندمت اصلا
اول شي اني مافكرت بس غير ادزلك متابعة من غير حساب لان كلت تعرف هذاك حسابي وفرحت من قبلت وضليت أعلق على صورك و الي تنشره مجان ابالي اي شي..

اخر شي فكرت وتندمت على السويته وعفتك يومين ورجعت انت راسلتني من شفتك مراسلني فرحت ونسيت منو اني نرجس لو زينب بس اهم شي تحجي وياي ..

من اعترفت بحبك فرحت جنك تكول احبج زينب
كلت مايهم اذا تحب نرجس لو زينب هنا كلهن واحد ..

استمع اله واني ميت قهر كملت كلامه:
بس بعدين من تجي وتسولف على بت عمك زينب وانت تضوج منه وانفرضت عليك هنا بوقته عرفت ليث مايحب زينب بت عمه لا يحب نرجس الوهمية الي عايشة بلبصرة مو اني ..

كتله بقهر : زين من كتلج راح اتزوج وعفتيني وحضرتيني ليش رجعتي راسلتي بيوم الزواج وشلون تراسليني واني يمج موجود ..

كالت بحركة : عفتك بس شنو جنت اموت اذا ماشوف مراسلاتك او اسمع صوتك من ادزلي بصمة اخر شي بدون وعي مني بيوم الزواج دزيتلك رسالة وغلقت موبايلي ثاني يوم يلا جاوبتك حتى لا تشك ..

: بعدين كمت اراسلك من انت مويمي بلغرفة ومرات اتأخر لثاني يوم يلا ..

سكتت هيا اني ماستحملت كعدت على الجرباية دنكت وخليت ايدي على راسي وكاعد اتذكر مراسلاته وياي وشلون تنصحني لو نبقه لصبح نتراسل ..

كتله واني مارافع راسي عليه : هه والله وحسيت نفسي هسه اني شخص غبي وضحوكه صرت بسببج ..

كالت بشهكة : لا تحجي هيج ليث ..

ابتسمت وعيوني مغوركة : هذا كلامي وحبي طلع كله جذب جنت اكلج تعبان وماريد اتزوجه وانتي تنصحيني
واخر شي تكليلي روح اتزوجه واني مراح اكون بطريقك صدك حسيت نفسي واحد غبي هسه وحمار ..

باوعتله وطابك حواجبي  : عود انتي من سويتي هيج حتى احبج موو ماخليتي لنفسج اي كرامة ولج كلت على اساس ابدي حياتي وياج من جديد لان خطية انتي مالج اي ذنب بلي يصير وكلبج طيب مستحيل هيج اتعامل وياج ..

ضحكت بأستهزاء: تالي طلع كل البله براسج  يااا نرجس ..

دنكت راسه هيا واني من حركت كلبي كمت عليه
رفعت راسه عليه ورفعت ايدي وضربته هيا ماحجت شي بس دموعه تنزل كتله بخنكة : مع الاسف زينب طلعتي هيج وعندج هاي السوالف ماتصورتج هيج ابد ..

صحت بوجهه : ليش ولج ضحكتي عليه من تباوعين بشكلي ماتضوجين لان تضحكين عليه ..

عفته وظليت افتر : ولج راح اتخبل الله اكبر عليج
يعني الابنية الوحيدة الي دخلت كلبي وحبيته طلعت وهمية مو شخص حقيقي ليش هيج كسرتيني زينب ليش من تعرفين اني ماحبج ليش سويتي هيج يعني بشنو استفاديتي هااا ..

كامت تشهك من البجي : اسف والله سويت هيج لان احبك ..

ركضت عليه وخليت ايدي على حلكه بقووة كتله بغضب : اششش لا تكولين احبك انتي ماتحبين غير نفسج الي يحب مايسوي هيج ابد ..

كامت تبجي وتشهك تحجي وتأشر بأيده الي يشوفه ينكسر خاطره عليه بس الي سوته وياي خلاني مابقت اي مشاعري اتجاهه..

كالت بحركة : بس فهمني كتلك عقل ماضل براسي سويت هيج بس ردت احجي وياك ليث ترى اني مو بس احبك لا اعشقك والله من طفولتي ولحد هسه انت كبالي وكلمة اهلي ترن بأذني انت الي وأني الك كبرت على هاي الكلمة ..

: بعني انت ضجت مني من وره هاي الكلمة بس اني حبيتك بسببه ..

ماتحملت كلامه درت وجهي عنه اريد امشي ماحس غير لزمتني من ايدي باوعتله حجت بصوت بيه ندم : ليث فدووة اسمعني والله متندمه على السويته فدوه سامحني ..

نترت ايدها وكتله بهدوء : خربتي كلشي ردت اسويه
يا زينب ..

رحت فتحت الباب وهيا صاحت عليه : ليث بس افهمني ..

ماحبيت اسمع منه اكثر عفته وسديت الباب وراي بقووة نزلت لكيت جوري وغيث واكفين يباوعون عليه بقلق ..

اجت عليه جوري: شبيك ليث ليش هيج عصبي ..

حجه غيث : شكو شنو سالفتك اسمع صياحك لو ركعت باب غرفتك هسه شبيك ليث احجي ..

كتلهم بهدوء : خلصتوو حجي كاافي ..

كالت جوري: شجاك ليث ..

صحت عليهم: مابيه شي خلص عوفوني فدوه ..

رحت من يمهم صعدت بلسيارة وطلعت من البيت ظليت افتر مادري وين اروح تعبان كلش ..

اخر شي ركنت سيارتي يم الشط بقيت كاعد بسيارة
وافكر وتعباااان كلش وكلبي وجعني ماكدر اصدك الي صااار ..

اخذت موبايلي فتحت الحسااب شفت الرسائل اني ونرجس ضحكت راح اتخبل اشوف الغزل شلون اتغزل بيه واني فرحان هاي حبي الاول حبيته وطلع تاليته كله جذب بجذب  ..

خليت راسي على الاستيرن واحس عيوني تحركني
تعبت كلش جنت هادئ ومالي دخل بكلشي وكله تسئلني ها ليث ماتزوج نريد نفرح بيك واني جنت ماقبل اتزوج الا بوحده اعرفه واحبه وجنت ماقبل بزينب لان اعتبره اختي ولان خلوها ابالي تاخذه غصب كرهت اتزوجه ..

ويوم من الاياام اوكع بحب وحده ماشايفه ولا اعرف اخلاقه واطباعه بس اسمه ومن وين هيا فقط ذني المعلومات..

حبيته حب وجنت اشتاق اذا ما اراسله جانت اول بنية تدخل بحياتي ولكلبي تالي تطلع السالفة هيج هاي اني لو احجيه لواحد مو صاحي يضحك هم عليه ..

يكلي مرتك وبت عمك تطلع حبيبتك الي على النت
هاي وين صايره وين عايشين بيا زمن ..

رفعت راسي فتحت الجكمجة لكيت باكيت جكاير
اخذته واخذت الجداحة ونزلت من السيارة ..

كعدت على صخرة وظليت اباوع على الشط
واكو شباب بعيدين شوي عليه كاعدين ويشون ونار مشغلين ..

خليت جكارة بحكلي وجبت الجداحة و  ورثته
صارلي فترة من كمت ادخن من شلعان كلبي
كل ماانقهر اضوج اخذلي جكارة ادخن بس مو من ذولة المدمنين  .

اخذت نفس قووي منه وطلعت الدخان حسيت نفسي ضاك اختنكت جريت حسره قووية ومنه اخذت نفس
: ااخ ..

ماحسيت غير حرورة بخدي عرفته هاي دمعة نزلت من عيني مابجيت لا على حبي الي راح و لا على زينب
بس بجيت لان حسيت نفسي صرت اضحوكه كدامه
كل مااتذكر كلامي وياها واني حسبالي هيا نرجس
ومن هيا تحجي وياي وتنصح بيه وامشي بنصيحته
شييي احسه يوج بكلبي مثل النار ..

ترى اصعب شي على الانسان انو يستغفله ويضحك عليه صعبه كلش وعلى اساس بديت ابدي وياها صفحة جديدة بس مع الاسف طلعت ما تستاهل ..

بقيت كاعد بمكاني والجو برد كلش بس بقيت كاعد
ماريد اروح واشوفه هياا هناك ابقه هنا احسلي
صارت الساعه ب١٢ بليل و اني بعدني  هنا شوي و كمت
لان بردت كلش ..

صعدت بلسيارة وظليت افتر شفته كله عزلت وراحت لبيوته تريد ترتاح  لعد اني وين اروح وين امشي ارتاح
اذا هو بيتنه سبب تعبي والي بيه همه متعبيني ..

اخر شي كلت خل امشي للبيت وصلت و نزلت من السيارة دخلت للبيت لكيته ظلمة ردت اصعد فوك سمعت صوت غيث وراي ..

باوعت كتله : شكوو شعندك لحد هسه مصاعد لغرفتك ..

اجه عليه و كال : شلون اكدر انام و انت ماجاي وهم طلعت ضايج و معصب ..

ابتسمت بهدوء : ماعرفتك غيث صاير حنين ..

خله ايده على كتفي و كال بنفس نبرة صوتي : لا تنسى ليث أنت أخوي التوأم و اي شي يصير عليك يصير عليه اني هم اذا تضوج اضوج اني و هسه اني حاس بيك ضايج و معصب بس يهون كلشي ربك كريم ويحله ..

: والنعم بالله يلا اصعد روح نام لو ادري بيك راح تروح وتغازل بلبنات ..

ابتسم : هذا من زمان هسه بطلت  اني وبعد ماكو هيج سوالف ..

رفعت حاجبي: ها شكوو اكو سبب شنو !؟

: ييي .. يلا خل نروح انام ..

صعدنه اني وياه دخلت لغرفتي سديت الباب
لكيته كاعده على الجرباية و عيونه حمر بسبب البجي
ماهتميت اله رحت لكنتور اطلع ملابس الي ..

.......................

زينب /

من مشه واني على نفس مكاني على الجرباية
كاعدة و ابجي و اكول شسويتي زينب هاهيه بعد
بسبب الي سويته خسرت ليث اذا جان اباله يريد يبدي من جديد على السويته خلص انساااه ..

بس والله سوايتي هيج لان احبه اموت عليه
بقيت كاعدة و مانايمة اريده يجي واحجي وياه
بس هو اتأخر صار الليل كلش و هو لحد هسه ماكو
اخذت موبايلي اتصل عليه ماتجاوب مغلق غالق موبايله ..

كعدت و متت من البجي كل بجية تصاحبه شهكة
تعبت ياربي ليش هيج يصير وياي شبيه حضي
ليش انكتب الي اعاني وي الشخص الي احبه

خفت وكلبي ظل يلعب يمكن صار بيه شي
لو سوه حادث لا سامح الله خفت اقتربت الساعة
تصير بلوحدة واسمع صوت الباب انفتح بقيت على كعدتي ..

باوعت عليه لكيته  سد الباب وراح لكنتور اخذ ملابسه ودخل للحمام يبدل و لا باوعلي و حجه وياي ..

شوي وفتح الباب راح يم المراية مشط شعره
وعطر نفسه هاي كله تحت انظاري اريده يحجي وياي لا يسكت هيج ..

راح لجرباية اخذ مخدته و خلاها على القنفة
كمت ورحت كبالي كتله بتوتر: ليث ليش تريد تنام هنا ..

كاال و هو مغمض عينه : شتتوقعين مني بعد الي شفته منج ترديني انام وياج على نفس المكان اصلا ماكدر نفسي ماتتقبل ..

ردت ابجي من كلامه بس سكتت كعدت كباله ولزمت ايده هو راد يجره بس اني ثبتت اديه كتله : يعني شنو هذا كلامك ليث يعني راح نرجع لصفر ..

فتح عينه وباوعلي كال : انتي السبب اذا نرجع مثل قبل هذا بسببج ..

كتله: بس هذا جان من الماضي انسااه فدوه ..

: شنو من الماضي ولج شو اتزوجتج وانتي تراسلين بيه ولحد هسه شنو تضحكين عليه امشي روحي من يمي
زينب مابيه حيل لا تخليني هسه اصيح و  اهلي كلهم علينه يجون ..

كتله : تدرين لو مو عيب من الناس ومن اهلج جان كتلج روحي لاهلج على السويتيه ضحكتي عليه بس بقيتج هنا احترام لهلج فا روحي منا و لا تنسين السويتيه ..

كمت من يمه وهو انطاني ظهره ونام رحت طفيت الضوة اني واتمددت على الجرباية غطيت وجهي
بلبطانية وخليت ايدي على شفايفي ظليت ابجي
واشهك كل ماريد اشهك اخلي ايدي على شفايفي حتى لا يسمع صوت شهكاتي...

مانمت لحد ما طلع الفجر صليت ونمت بسبب الم راسي من وره البجي تعبت كلش ..

ثاني يوم كعدت مالكيته موجود طالع و اني نزلت جوه يم البنات ساعدتهن بتحضير الغده  وهم ما اجه يتغده ويانه ..

كالت جوري : لعد ليث وين ليش مااجه ..

كتله بهدوء : ماعرف ما كال وين يتغده..

سكتت هيا ويمكن عرفت صايره مشكله بيناتنه
بس ماحبت تحجي ..

مر اربع اياام على السالفة وليث ماشوفه فقط بليل يقضي يومه كله بره مدري وين يروح ومن يجي اصلا مايباوع بوجهي و كله لاحظت هذا الشي اهله كلهم بس ماحبو يحجون بيه خلونه على راحتنه  ..

وبليل من يريد ينام ياخذ مخدته وغطاه وينام على الجرباية  و اني منا احترك كل ما اريد احجي وياه هو يصدني ..

مره كتله : ليث خل احجي وياك فدوة ..

كال بدون ما ويباوعلي : ماكو بيناتنه اي حجي ماريد اسمعه لصوتج فدوة ..

حجه هيج و عافني و مشه و خلاني بوقته بس ابجي
من طاح حظ هيج حب يذل الشخص ذل كرهني بنفسي بسببه ...

.............................

شاهر /

متمدد على الجرباية  و افكر برسيل ابد  مراحت من بالي تعباان كلش بسببه اني ويني وين  هاي السوالف  ..

جنت شخص مرتاح من ناحية الحب وهاي السوالف
ماجنت احبه احسه تبهذل الواحد و اطلعه من طوره
بس من اجت رسيل  و دخلت لحياتنه كله تغير كلشي ..

اول بداية احسبه حاله من حال جوري عادي ماعندي اي شعور اتجاهه بس شو شوي شوي احسه كامت تسيطر عليه واني ماريد هذا الشي ..

لو من ادلعني وتسميني شاهير احير شسوي اريد احجي ماكدر تجرحني  كدامهم كلهم واعصب  بس من اطلع  من يمهم ابتسم على دلعه حتى بديت احبه واضوج اذا تسميني شاهر ..

كمت كل ماريد انام افكر بيه ومن اكعد افكر بيه و بأبتسامتة مرات اكول ليش هيج صرت شاهر شنو بس لا انعجبت بيه ..

كل مافكر هيج  اعصب ماريد الابنية تنظلم وياي
هاي وحده مرحه وطيبه على نياته و احسه طفلة مو مال هيج  سوالف و احسه ما تراهمني ..

اني واحد جدي وشخص عصبي وعندي التزام بكلشي
والمره الي اريد اتزوجه تكون تقريبا مقاربة لعمري  جبيرة و واعية اريد تفهمني ..

مو وحدة بس اخزرة تبجي مثل رسيل  لو تزعل على اقل كلمة  هاي شلون اعيش وياها  صح حبيته بس الحب مو كلشي لازم بيناتنه تفاهم و احس اني و رسيل  ماكو اي تفاهم ماحسه تكدر تصير ام بيتي و ام لطفالي و تربيهم احسه مو مال هيج مسؤولية ..

بس كل هذا التفكير و كلبي يكلي شي ثاني كمت مرات امشي  وره كلبي و اضوج من هذا الشي عرفت يا وقت اشوفه بس بليل ..

كمت اعرف هيا تضوج و تطلع بره تتمشى لو تكعد بلمطبخ  فا كمت اسهر بس علمود اشوفه و احجي وياها حتى لو ثانية وحدة مارتاح الا و اني اسمع صوته  ..

يعني اني بسبب شغلي انام من وكت بس بسببه ظليت انام متأخر لو مرات اسهر بس اسمع صوت طكة باب غرفته  اطلع وراها ارتاح من تحجي وياي و اسمع كلامه ..

بس من اجت و اعترفت بحبه الي صدك اتفاجأت
جانت  منفعلة و الغيرة واضحة على عيونه بداخلي ابتسمت و اتمنيت بلحظته احضنه و اكله اني الج وحدج مو لغيرج اني هم احبج و اعشكج و أبو فاضل..

بس ماعرفت ليش هيج حجيت وياها و جرحته كتله اني طفلة حسيته ما تناسبني بس حجيت هيج و كمت اشوف وحدة ثانية اشوف رسيل الوردة كاعد تذبل كبالي كامت ما تاكل و لا تشرب و اني وياها من اشوفه هيج كلبي ينعصر كمت لا اكل و لا اشرب حتى ابتسامتي اختفت من شفت ابتسامته ماكو ..

اخر شي عصبت عليه و ظليت ارزل بيه عود ردت انصحه بس ماحسيت غير واني ذاب حركت كلبي بيه من شفته هيج ..

من شفته وكعت حسيت كلبي طاح وياها ماعرفت شسوي غير شلته وخليته بحضني ماهتميت لانظار
اهلي وهمه يباوعولي كل الي اهتميت بيه اريد رسيل تصحى ..

اخر شي شلته ولبسته حجاب وصعدته رحت للمستشفى بيومه ردت اعتذر منه بس هيا فاجئتني من كالت نزلت من كرامتي و اني احبك .

وفاجئتني اكثر من راحت لاهله بلكوت من يومه واني ماكدر حتى انام و لا اكعد بلبيت من هيا ماكو احسه بكل مكان موجود بلبيت ابتسامته  ترن بأذني ما اكدر اتخيل هيا مو هنا مو يمي ..

تعبت من التفكير و الاشتياااق مشتاق اله بكد رحمة الله  ومتحسف لان صديته و ما كتله اني هم احبج ..

كاعد على جربايتي كله نايمه اهلي بس اني كاعد
و هم افكر بيه ماتروح من بالي بنت الاوادم استحلت عقلي و كلبي كلت بحسرة : اووف منج رسيل شلعتي كلبي شسويتي بيه ولج ..

كلت : طلعي ولج من بالي خل انام ..

شغلت بموبايلي اغنية حسين الجسمي
(بحبك وحشتيني)..

غمضت عيوني واني سارح بخيالي وي الأغنية
احسه تحجي عن حالي هسه صدك مشتاقله اخخ لو يمي يمكن اخلي طلقة براسه و براسي من وراها ..

كمت اتخبل اذا اكعد بلبيت لأن هيا مو بيه
ماموجود حسه مااسمعه لو ضحكته لو شاهير حرمتني من هذا الاسم بنت ال استغفر الله ماريد اغلط ..

ابتسمت على كلمات الأغنية

بحبك وحشتيني
بحبك وإنت نور عيني
ده وإنت مطلعة عيني
بحبك موت

لفيت قد إيه لفيت
ما لقيت غير فى حضنك بيت
وبقولك أنا حنيت
بعلو الصوت

ابتسمت واجت على بالي اتمنيت هسه هيا موجودة واحضنه بكل قوتي ماريد اعوفه و اعترف للجميع ياسادة اني متيم بحبه ولا استطيع الاستغناء عنها
اني اعشقه ..

...........

زهراء /

كاعدة بغرفتي واتصل على صديقتي
كتله : هااا شبيج بس تصيحين عليه..

حجت عليه بعصبية : وجع ان شاءالله شلون تسوين هيج اني من يمي انكسر خاطري على الطفل..

ابتسمت : لا ينكسر خاطرج و لا شي والله لو يقبل بيه شهااب الا اربي طفلة واعتبر اني امه ماعندي شي وي الطفل بس اني الي حارك كلبي جوري ..

: ولج ليش هيج سويتي ..

كلت بخبث : حتى اخليه يشك بجوري لان محد يعرف السالفة بس غسان و جوري و هسه اني ..

: بس شدراج شك بيه يمكن مااجت هيا على باله ..

ابتسمت ؛ شوفي شهاب يعرف جوري و مراح يكلله انتي سويتي هيج لان اعرفه يحبه بس اهم شي خليته يفكر انو هيا هيج سوووت و شوي شوي صبريلي انتي ..

حجت : ولج من تعرفين بيه يحبه شتردين منه ..

كلت بقهر : شهاب اريده الي مو لجوري والله اذا تصير اله ما اخليه تتهنى وشوفي والايام تثبت ..

: مادري شكلج ..

ابتسمت بخبث: لا تحجين اي شي بس شوفي وسكتي ..

يتبع ...🦋

انتهى البارت اتمنى يعجبكم 💜
لا تنسون الايك +التعليق ✔
الي ما متابعيني تابعوني حتى يوصلكم كل جديد
👉noorhaidar18

~~~~~~~~~~~~~~~~~~~~~~~~~~~~

شاهير 💜👇