Dumating ka sa panahong ramdam kong mag-isa
Sinalo mo ang bigat ng aking nadarama
Kahit sa kabiguan ay piniling sumama
Inaamin kong nag-alinlangan sa tulong mo
Tinantiya ano nga bang pakay sa buhay ko
Bakit ka ba dumating at dinamayan ako
Nang lumaon ay lubusang nakilala kita
Itinadhana ng Diyos na ika'y makilala
Kahit minsan malayo ay ramdam padin kita
Pasensiya kung di maibalik sa'yo lahat
Problema kong mabigat pasan mo rin at buhat
Kaya kahit man lang sa tulang ito, salamat