رحت كوه بجرح من سيف
بي ماضاج خلك السيف يتونس
رحت كوه صعدت صعود
اماطل والصعدته املس
رحت كوه اذب روحي على العطشان
واليابس كبل سنتين بيه الحس
رحت كوه مثل كاغد عتيج
وملتف ومشكوك ومعفس
اصوغ الونه بيها احجي
ورد__ فتت لغرفت خالتي حسب
جيبني وترجعني مابيها مجال
اواجها وافتهم سالفته شنو
ضليت كاعده وانتضر مرت
نص ساعه وهوه ماكو
طلعت للصاله ماهوه من يمها باوعت
للطرمه مسدود الباب دورت ماكو
عرفت رجع طلع دقايق فات بيده علاليك
مسواك
طببهن كال هاج عزليهن وطلعي
فواكه البيت خالتي
كال اني صاعد ابدل وارتاح
امي مااجت
يحجي ويفتح بقميصه توجه جوه
بدون ميسمعني
فات عاد اني ورا مدد والصوبه كباله
بده يدخن اباوعله مكتفه ايديه
باوعلي من جوه كصته رفع حاجبه
كال شبيج
رحت كعدت كباله سمعتك بلصاله
شحجيت
_رجع وجهه طبيعي نصه يكت المحترك
من جكارته اي وشسمعتي
استغربت بروده جاي اسالك الحجي
السمعته شنو تقصد بي ياهيه متريدها
تزوج
_ رد مو يمج عمري بيناتنه
شنو البيناتكم اسمعك مانع زواج وحده
تقصد بنات عمك فهمني تره مزوهره
_ابتسم شبيج محترك دمج لتخافين
البالج بعيد
رفعت حاجبي نهاد تره كلبي لاعب من
كلامك لتلوعني والله وقسم بسماء
الله بس اعرف وراك شي تحلم اضل
يمك اخذ ملابس وارجع لبيت جدي
خله ايده وره راسه انتجه صافن
شويه وكال ماعندي شي اطمأني
صدكته لان ملامحه جديه كال
تعالي مدام محد موجود
تقربت بصفه ساده الباب بس مقافلتها
هليت راسي على صدره وايده محاوطتني
مذب الجكاره لحد مخلصت
ضلينه ساكتين رفعت راسي اباوعله
مغمض عيونه منايم
رجعت وضعي همست ليش متقبل
تنطي هاجر لعباس ابن عمك
_حجاه وهوه مغمض ميتعاشرون
امك رايدتهم
_فتح عيونه ماادري امي شكالب
عقلها وتريدهم
يجوز زينين وياها لختك والبنات
اعرق علاقتهن قويه
_لتغرج مضاهرهم بيئتهم نفاق
وجذب وتهايم ادري بهاجر لسان
بس متكدرلهن خصوصاً مرت عمي
سنين بيت واحد واعرفها متتغير
ولا تحب امي وامن يمهم هاي
سالفت عمي مال يردوم هاجر
وعبالهم يحوشون الباقي
وخرت شنو يحوشون الكم
يمهم شي
استعدل رفع ايديه جر تشيرته
تلفه
_اي النه ورث يمهم
مماخذي
_منين وامي الفطيره مقشمريها
بكاع ومتنازله
يااا وشكد تطلع
_هواي عينج وماشافت بساتين
اراضي معمل دواجن بيوت
هااا شنو وكلشي مماخذين
صفك بيديه
_طلعنه بطرك الكاع مساحتها 300
ومتسوه ربع الربع النملكه ضاحكين عليها
وهاي شلون راح ترجعن
_وكلت محامي وكعدنه اني وياا
كومه طلعت شغلات حميد وياي
حجاله مدامنه قاصرين مندري
نطعن بلحكم ونشوف
يعني سالفه مطوله
_اي مطوله ويرادلها خلك
زبن شنو كلتهم يتنازلون
_لا مايتنازلون اقصداقدم دعوه
ومااتنازل عنها صير بلمحاكم
نهاد عفيه عيب عمامك دخلهم محاكم
_وانعل بهاتهم لابو رسهم
يااا نهاد والله زحمه الناس تحجي
_وخل تحجي شقابض من الناس
حراميه لغفو الاول والتالي وتردين
نسكت عن حقنه
بس مو بلمحاكم احجي وياهم
كام وكف هز ايده
_باع هاي ذوله ذيابه ميفيد وياهم
الحجي سنين صارلي احجي مغلسين
وهاي انت جرجرهم للمحاكم
_بابا تعرفين شنو حقنه وحق ابويا
تدرين هسه تطلع حصصنه شكد
ميخالف مو مال تشتكي
مشه
_ورد متفهمين شي عوفي السالفه
اني اصرف
صعد فوك
ضليت كاعده افكر هذا متعقله
يحجي كمت سويت عشه
نزل كغد يمي يكلب بلجهاز
وعقله مويمه منتبها عليه
خالتي طبت وياها ام احمد
سلمن وفاتن الغرفة هاجر
نهاد باوعلي شكو ليش طبن لهاجر
ابتسمت هاا جايباتلها ملابس
وين يودنهن غير الها
سكت ورجع على جهازه
شويه ام احمد طلعت جلبنه بيها
مقبلت خالتي رجعت الغرفته
شقتها صلي ونهاد يمي
عاد كابلته واسوي زلاطه
مدامني اثرم يلكط واني
اموت من هاي العاده
عينه بجعازه وايده بلزلاطه
بدون قصد ضربته رفع راسه
خزرني كال لتعيديها
ايدك نهاد خلتها
_اي الموسواك مكوم
بيه حيل ارجع اثرم
_شيرادلها
هاا
_وجعا
دهاك اكلها واني اطلعلك سوي
وخلصني
ماهتم ضل ياكل واني اسويها
متنوعه حتى تفاح وكيوي اثرم وياها
استلمها بلخاشوكه نسف الطاسه
صدك طلعتله المواد وخليتهن كدام
ذب الجهاز مانه عليه بزلاطته شيرادلها
عفته نكلت الاكل خالتي ضلي ممكمله
اشو هذا شويه وجاب الطاسه حطها بلصينيه
اباوع كل ثرمه بكد اصبعه وثارم بس خيار
وطماطه
رفعت راسي هاي زلاطه
هذا الموجود كلبي
لا والله مخليتني اسسوي
واكلت السويتها
_اهووو راح تمن علينه بزلاطتها
يوم بعد انتي سوي
خالتي التفتت سبح شبيكم تتناكرون
خاله بربج سويت زلاطه وتعبانه عليه
ياكل منها مخلاها كتله لتاكلها انتضر
نتر عاد كتله انت سوي اذا نمونه
رفت الطاسه باعي زلاطته ليكول
هوش هلكبر الثرمه
ابتسمت خالتي محسيت غير ضربه
على راسي من وره ايا هايشه منو
الهوش عوبه
موهيج اقصد
دسكتي لا تلوصين بحجيج
خالتي ردت يمه هوايش شنو
خاله حتلزكون بلحجايه
دكلو يمه برد الاكل
تعدت الايام وضع مستقر كمت
اخاف من وضعي لحد الان ماكو حمل
سبوع وكلت الخالتي
كالت موهسه يمه انتضري كم
يوم واخذج صدك كلت لنهاد
مهتم كال شسوين بلواق والويق خلينه
مرتاحين
نهاد اريد طفل على الاقل اسله بي
_هوه انتي طفله تحرين بطفل
جبيره وعمري 23 طفله شنو
_عوفينه من سالفة الاطفال
خلينه مرتاحين فتره نتونس
انسافر لاحكين
ضليت اجادل وياا مايرد
ولا يريدني اراجع
عفته وزعلت طب سبح وطلع
توضه يصلي كمل اني نزلت
يم خالتي حاجيته كالت بيناتكم
تراهمو لا دخلوني بينكم
خليت فكرت الاطفال براسي
لليل صعدت حتى موانع مداخذ
كاعد يصحح واوراق بصفه
كمت اسحب ورقه ورقه اشوف
شلون يصحح يبو الدرجات
رجعتني لأيام الدراسه
كتله ساعدهم خطيه
_شمسويلهم منطيهم اكثر
من استحقاقهم
اممظ انت نفس بقيت الاساتذه
هم جانو يمنون علينه ننطيكم
اكثر من استحقاقكم ياخذوها ويرجعوها
باوعلي
_ليش اساوي التعبان وجايبها بجده
ويه الكاضيها صياعه هذا طول اليل
يقره وهذا يلعب
لا حبيبي بس نجح لترسب خطيه
_والمايساعد نفسه شلون انجحه
هي هيته بعدين ورانه لجنه تدقيق
ينزل بيه كتاب
نهاد لسويه عضمها ندري التعليم
تايه يمكم والواسطات تشتغل لا
لجنه ولا تدقيق
_ورد استغرب جهلج بهيج امور
صح الواسطه موجوده بس الانضباطيه
هم موجوده لتصورين ماورانه نباش
اكو بيهم يدورون الزله
وبعدين اني مااضلم طالب اليستحقه
انطي وجاي اساعدهم بليوميات
والحضور ماانقص بس درجة
الامتحان لا نفسه تنزل ماازيد
ولا انقص درجه
سكتت هم صح كلامه صنفت اني
ليش مااكمل ماستر
سرسحت صافنه اجيبها منها
اردها منا والله خوش فكره على
الاقل اتعين احسن من المعيده
هاي راتب وضيفه حكوميه
ضليت افكر بيها منين اجيب
ملازم وشلون اقدم
حوالي بلربع ساعه على صفنه
وحده اشو دخلت بالي
حس بيه كال هااا اجتج الدالغه
خليت راسي على المخده دايره
عليه اباوعله وهوه يجمع وخلي درجه
كمل نص كلت اكله بلكت يقبل
همست حبيبي
كال همم وهوه عينه بلحاسبه
يجمع
شنو رائيك اكمل ماجستير
مارد
رجعت كررت السؤال
ذب التلفون منيده جايج اليوم
كل شويه سالفه جديده منين طلعت
الماجستير
كتله شكو بيها اكمل بله كعدت البيت
_الله كريم
ادري الله بخيل اكو اكرم منه يعني
السنت التجي اقدموهي دراسة سنه
وحده والثانيه الرساله
_ هينه بلحجي يرادلها فراغ
اي شعندي كاعده وساكته وهم اتفرغ
تعرف بيه زينه بلمواد ضابطتهن بس اراجع
مهتم ضل ساكت ندسته متحرك
همست نهاد موداحجي
_نزل من السرير صفط الاوراق خلاهن
بلنطه نزع نضاراته كعد كبال التلفزيون
طلع فلم اجنبي
صدك صاير مستفز شبي
رانيه _ سبوعين صرت زينه
بارق نازل اجه اخذني وثاني
يوم التحق طول ماهوه موجود
ضايج على الطفل
وخالتي تكله يايمه يصير
لا تخاف
وهوه يكلها يمه خلي النار
بكلبي عبالج مرتاح
كالت ليش يمه شبيك شناقصك
_ناقصتني راحت بال متلوع
يمه ناس متخاف الله ويكولون
رجال يروح مايرجع خلي
نريح كلبه
امه حست وهاي اجتها للحلك
كالت اي يمه كون مايرتاحون
كلمن يلوعك شرايدين منك
ميخافون الله ويحللون لكمتهم
رفعتله حاجبي يباوعلي
ضام ضحكته
عفتهم يحجون درت وجهي وطلعت
لليل نمت على السرير مااضمنه
بارق ضايره كلش اخاف منه مااعرف
ميحسب احساب ام اخت خطار
مريضه اذا صار عصبي هاي هيه
مكتوب عليه يفقد
نمت وادري بي مينزل نفسه ويدنه
واني رافضه للصبح التحق
مطول 3 ايام ورجع نزللنا
بهاي جيته كلش فقد صبره
وداشوفه يدور تحروشه
دعاء متعوفنه بايام وجوده تجي
كمت اتحسس منها واضوج
وهوه من يشوفني موجوده يشاقيها
لو هي ينزل عليها من السما عيونه تضحك
طير طير
اوخر منتقمه مديحترمي وكدامي عينك
عينك يغازلها بت خالتي الحلوه ونياله
الياخذج وذيج تموع
وكدامنه كلنه وخواته يكللها اي شناقصها
جمال ودراسه ومثقفه صدك هنياله الياخذها
لاوال مره هيج انغث مبينت صعدت
وبيدي رقيه وفضل ضل يمهم
شويه وصعد وراي شمر عليه
تراكه غسلي واني كاعده
غلست كمت ذبيته بلسله كعد
يخابر ضابط يحجون على
امور اداريه كمل
وضل على جهاز التفت شافني كاعده
كال مو كتلج غسلي تراكي
كتله اي هسه مطاير تراكك
اني طتله هيج لو عاط بيه
عيطه رقيه بجت من صوته
صاح شكتلج اني
شلت بتي شبيك تخبلت
حتى البنيه فزت من صوتك
_وسم لتراددين كتبج غسلي
ملابسي دكومين من ساعته
عندك كومت تراكات نضيفه
هسه رارده وين اغسله حتى
المي محار مخلص
محسيت غير شمر جهازه وكاملي
جر رقيه ودفعني امشيييي
ادبسزز حقيره لتعاندين
دااحجي خنسني بخزرته
اششششش ولا صوت
ولا نفس انعل والديج اذا
حجيتي اجنزج والكعبه
سكتت اخذت السله وللحمام
دمعتي بطرف عيني مهضومه
دااشوف ياهيه تتحمل هيج
مزاجيه ضليت واكفه اغسل
وكلبي مكسور فضل صعد
بيده لفه ياكل
وخرته طرته للغرفه ساعه
وشريتهنكل الملابس كفيت الشر
وسديت حلكي
ستوني طبيت نتر تنومين جهالج
وتحضرين روحجي
استغربت شنو وين موديني
_مااوديج حضريلي نفسج
ماخذج مااباوع على طولج
فتحت عيوني حرت شحجي
سوالي اششش ولا حرف
الاكوله تنفذي وكدامي اذب
واجيب واحط لسواد عيونج
شايف منج يله ولي نوميهم
فرشتلهم واني ارجف حصرني
بلزاويه ماكو مهرب
خليتهم على فراشهم وخليتلهم
ملاعيبهم بلكت يضلون كاعدين
هوه ملتهي بجهازه
شويه وكف نخنست كلت اجاني
جر بجامته وقبوطه كال
اجي الكاج جاهزه
طلع وضرب الباب حيل نزيت
اني وفضل اخذت نفس
مصيبه وطاحت عليه غصب
هي لو ماغصب شلون اله
نفس
رقيه وفضل تعبانين من فرت
النهار كله همه يلعبون ذبو
نفسهم هسه وين انطي وجهي
ميتفاهم كمت نزلت الخوانم
كاعدات على التلفزيون
خالتي نايمه
باوع دعاء لابسه تراك قديفه
حصر محدد جسمها
الشعر طويل ضافرته ورافعه
كذلتها الحمره وردي
والضلال ناعم اي واحد
يشوفها يتخيل عليها
وعلى جسمها من يمي
غرت
طبيت للمطبخ مشتعله نار
هذا نزل وهيج شافها
اني ليش ماالبس مثلها
اشو ماعدنه احد واستحرم منه
والافندي بلدوام اغلب الايام
عود من ينزل البس دشاديش
بعدني اسولف ويه روحي
دفع الباب طب لاف ركبته
بلفاف وبيده علاكه سوده
مبين بيها جباسه
تعداني وطب اشوفها
كعدت كالت اووي
سوده عليه رحت
بهل برد علمودي
كال نور جيس الكرزات طلعي الي
انطي الرانيه
خل وصعد
فتت اخذته وصعدت اريد اخلي
حد هاي شنو التموع كدامه
والبس الحصر
طبيت دينزل ملابسه لبس خفيف
كتله ملاحظ بت خلتك زودتها
_التفتت شكو
ماشفت لبسها الحصر
_شعلينه هي حره بروحها
هاااهسه انت تقبل خواتك كدام
اخوها هيج يلبسن
_اني ممسؤل عنها شتلبس
خل تلبس هي تحاسب نفسها
واخواتي اني المسؤل عنهن اكيد
مااقبل
اذا هيج متحاجيها متخجل ماكو حياء
انمحه علمود تتلزلز تلبس وتتمضيك
اني استحي اباوع مو عاد البس
_وانتي شعليج بيها وتحاسبيها بيت
خالتها بيت عمها تلبس اليعجبها حره
محد اله شغل يحاسبها
عكدت حواجبي يعني انت قابل
بتصرفاتها والسوي
_مالي دخل
اهاا مالك دخل بس الك دخل بيه
بت خالتك حبيبت الكلب مكيف عليها
والدليل ضحكم وشقاكم سوه عليمن
مخليها متاخذها
_باوعلي اكيف وين الكه منها بس
جسمها بشده غير تموت وعض
شفته
لعبت روحي من حركته صدك تحجي
متخاف طلع عين خواتك بهاي سوالفها
_لا مطلع عينهن وبعدين شحارك حمامج
ست رانيه بيج خير لبسي مثلها اعتني
بروحج نفس مسوي هي مو ضاله تنتقدين
وانتي كحل متعرفين تخلين
فكيت حلكي بارق شلك دخل بسوالف
النسوان عيب تره انت رجال
رفع حاجبه هاا عيب زين مو عيب
وحرام عليج من عايفتني حصره
اشوفج متمكيجن ولابستلي
ماخذلي عجوز
شوفيها وتعلمي منها شوفي تحير
شتخلي وترتب اني اباوعلها ادوخ
عليمت اباوع على الجسم الشعر
الوجه المكياج النضافه هاي اضافرها
شوكت مااشوفها مصبغتهن
من تفوت من يمي عطرها يهب كبلها
روحي سيح شوكت مااشوفج بهل
دشاديش والوانهن طلع الروح
شتردين رانيه تره واصله حدها وياج
واصوري بيوم من الايام جايب عليج
مره
ضليت فاكه حلكي علي منتبه لكل
تفاصيلها ما وجعني غير لمن كال
ازوج عليج
حجيته مو من كلبي مثل قبل
احجيه واني واثقه ازوج اني
ماافيدك
محسيت غير راكع الجهاز
بلحايط صاح خرب .....
لللج انتي منيا مله ماتحسين
هيج ........كاافي مومليت
مو بزعت طلعت روحي منج
على صوته كعدو الجهال يتعايطون
بسرعه داروحلهم جرني من ثوبي
خنكني انشك
دارني بسرعه جابني براشدي
وكض فكي حيل عصره
اذا مااكسرج وانعل والديج مااطلع
بارق وانعل امه وابو اليطلع وراج
دفعته متزوج وخلصني انتقام انته
بلاء ابتليت بيك حس مااريدك
كوه غصب عطت
اني اعلمج سحب الجهال طلعهم
وهمه يطكون سن بسن
ركضت لزمته لا فدوه شتريد اسوي
دفعني طلعهم وقفل الباب
التفت هسه اشوف منو المايريدني
رجعت مرعوبه لا فدوه لسويها ستوني
مسويه عمليه تلف بجامته
طكطكت لسويه بارق والله مريضه
مااكدر
_شسويلج هسه راااانيه خبلتيني شسوي
منين اجيبج وتجين روحي بيج شسوي
يمته ترضين وتريحيني
ميخالف بس اهدء واوعدك ايصير
التريده
_يمتاااااااا يا يوم ياساعه
بس انطيني مجال
_خرررررب سنه صارلي سنه لو ما
اغصبج مااخذج انتي مو بشر حيوان
متحسين شوفي حالي محترك علمودكم
بيششش مجازيتني بشلعان الكلب بلصد
مالتج بلعناد بلمرادد كلمه والثاني كلتي
مااريدك
اكو عطور كزاز عل الميز لزمه بعصبيه
ركعه تفلش حصرت رحي على الحايط
تصيحين عوفني وازوج حسسسسي
بيها حسي اتفداج تفدي ياهيه مثلج
يركضن يمننن عيشتج اذب نعالي
يطيحن عشره
صيحين زوجججج ماازوج
اخذني بصياحه خلاني ارجف
تردين ازوج وتفتكين مني؟
سكتت اختض على اي دقيقه يضرب
ومااتحمل جسمي يوجعني غادي
نار مااكدر احجي يجيبني براشدي
يفقدني عقلي ضخم ايده توجع
صاح احجي ترديني ازوج
داحجي عاط احجييييي
من الخوف هزيت راسي اي
كال ماشي يجرالج خله وراح
للسرير مدد
مااعولت طلعت ركض الجهال جوه
نازلين البنات سامعات الصوت
وماخذاتهم
نزلت ادورهم دعاء تباوعلي بشماته
كعدت بغرفتهن دنكت مهبوطه من
صوته الجهال يناشغون رقيه اجت
بحضني خانني دموعي
بسرعه مسحتهن اخذتهم وصعدت
للغرفه دخلت على طراف اصابعي
اخاف اطلع اي صوت ماادري نايم
لو كاعد
فضل على الدرج كتله بس تحجي
بابا يضبك وهوه منا مخنوس
سكت
رقيه نايمه على جتفي مددتهم بفراشهم
نيمتهم وضليت كاعده مخليت سوره
مقريتها علمود يبرد
سبوع ولتحق وطول الايام الفاتت
محد يحاجي الثاني
وكل حساباتي وضنوني خطئت
متعوده مثل كلمره ينزل ونسيت
الزعله ورجعت حياتي طبيعيه
لكن مرات من كثر الدك على الحديد يفل
وهاي نتائجها بارق كان صبور وياي
الى ابعد حد تحمل وكاحتي رغم عصبيته
وكرها للنسوان السان
تحمل جفائي وصبر متخذ مقوله الايام تنسي
واني مانسيت الايام تعوض واني محد عوضني
عنه
جرب كل اساليب الود مااجت واياي
احتوه جهالي ليس الاجلي لأجل اخوو
وهذا واضح من تصرفاته نفسه بحياة
نصير وبمماته
كنت غافله عن نقطة حبه الي
استخفيت بمشاعره نطقها
بقمت عصبيته كان متامل مني
ردود
اكتفيت بلصمت كانت نزلته
مغايره حديثه ويه امه قلب
الموازين طلبه وجها الي
مثل سهام الحرب بقمت
اندلاعها
(يام دعاء اذا امشي عليها ينطوها)
وداد__ اكتفيت من الالم واحساس
الغدر وجوهم هيه هيه متغيرت
شعور الحزن بكلبي تعبني اختنك
تالي اليل واتنفس بصعوبه دمعتي
واهسي بهل قصائد تشرح حالي
ماعدت اني القويه كسرت روحي
ماتنجبر وترد الي قوتي ولا الايام
تنسيني همي وحزني
كلشي ماعاد مثل ماكان فقدت حتى
نفسي صرت جسد بلايا روحي
عايشه على مغذيات الذكريات
مره ابتسم مره ابجي مليت
وضاقت بيه السبل هواي فكرت
بلهجره يم ماهر الي رجع يحن
ويون على رنيم الي مكتفيه
بدراستها طاويه حياتها القديمه
مااكدر احجي ولا اكدرافاتح ماهر
اخجل احجي ويا بهيج امور اكتفيت
بلمشاهده
كملو تجهيزات شقته متعاونين
مغفره وامين على اثاث الشقه
ماضل شي قليل ويبدون يجهزون للعرس
واني كاعده بوسط نار كل يوم يمر
يزيدون تلحطب اشتعل وكل روحي
تهيج
اصفن ليش حياتي مومثل باقي
البنات لا اهل لا استقرار لا حبيب
معقوله هذا عقاب على ايام الفاتت
القهر سلب حتى وزني نزلت للنص
ملابسي عرضن من كد مااكل بروحي
امين صار اغلب مبيته بشقته
امتنعت من اصعد غرفته كابرت
بكد ماعندي قوه كافي هذا حدي
وياااا
لحد مايوم طب واني اثرم بتيته
دااكلي ايسر ورا كال وداد
كلاص عصير بلعجل
باوعت امين بيده كانونه وجه اصفر
ركضت طلعتله عصير خوخ وديته
اخذه مني عمي ماجد
التمو داير مدايره
رجعت رغم بالي يمه محاولت اسأل
رنو اجت تساعدني وحايره
درت عليها شبيج
_خايفه على امين
شبي
_تعبان هليام يركض بهل شقه
واكع
عادي صير من التعب
_لا وحده طايح وبس يتقيأ
يجوز مسمم من اكله
هزت راسه ضلينه نحضر بلاكل
سبوع ومر والعصر كاعدين
مرت عمي كالت يبنيات
ماالله يهديجن اخذجن
نضف شقت اخوجن
نصيت ماريد اروح بس مكدرت
احجي وصدك اخذتنه اني ورنو
اجه عمي بسام وصلنه
طبيت واشوف العيني تمنته
كله من الراقي اثاث كامل
المطبخ وسط ماثث
الهول والصاله كلشي بي
حلوو ومرتب
ضليت بداخلي ادعي على مرت
عمي داخسها متقدصه جيبني
رتبنه كلشي ميحتاج شغل
بهل اثناء انفتحت باب الشقه
دخل امين ماانكر عيوني تكهلن بشوفته
فاتت وره خطيبته محملين علاليك
قسمن بذات الله العصره الحسيته
شلت جسمي شل كعدت لازمه كلبي
ديوجعني واحس روحي موتمام
سلمو وخطيبته كيفت بينه
طبت قدمتلنه عصير تصرف باريحيه
هي ام البيت وبلفعل
حاولت بشته الطرق نرجع تعبت بلفعل
جسمي يرجف مجاي اسيطر على
ساعه يغمه عليه
وجعي شحب رنو حست عليه
كالت نرجع ركضت كدامهن
لبست بشت وطلعت
رجعنه دموعي تنزل طول الطريق
ماسكتت بس وصلنه بوجهي
للغرفه دخلت جوه الغطه بجيت
من كلبي شكو هم زحته
خليت السماعات وقصيده وره
قصيده روحي تشتعل بيهن
اريد انسه والله مليت تعبت راح
اموت بحسرتي مااتحمل هلكد
هواي عليه شمسويه
اباوع لمي واعاتبها ليش هيج عفتيني
وحدي ضليتي بس نفس
لو صاحيه مااطلع من هذا البيت
مااكسب راحتي اني ضايعه
وضعت اكثر بزواجه ايام
ماضل القليل وينزف كدامي
ضليت اترقب مخبوصين
عمامي جدي وبيبيتي هوه
يجي يمهم
اباوعله لو هذا عرسي الي مو الها
اسكت مااكمل
سبوع وكالو الخميس الجاي العرس
الاربعاء الحنه
كانو صار مثل السرطان ياكل بيه
يوم بعد يوم وشويه شويه
تعدت الايام واليوم حنتهم
لبستني ورد فستان ازرك
صلوخ وطويل
بيبي ركضت عليه لبستني شال
على متني وتحذراني انزعه
متدري رايحه غصب
متدري روحي تموت متعرف
اكابر وطاقة تحملي خلصة
والقهر اكلني اكل وبديت اختنك
النفسه كوه اجره
وصلنه لهل العروس افز ويه كل
هلهوله
......يتبع
مرحبا
طلب من فتاة حلوه واتمنه متردوني
البنيه حنين المصابه بلمرض السرطان
الله يشافيها ويبعد عنها كل شر
قصتها كسرة روح اتمنه تابعوها وتفرحوها
وتتفاعلون وياها قبل موعد عمليتها
حسب ماوصلني