_ Tae ដើរចេញពីបន្ទប់ទឹកដោយប្រឹងធ្វើទឹកមុខធម្មតាបំផុតមករក Jimin ស្របពេលដែល Jungkook កំពុងឈរជាមួយម៉ាក់គេនិង Yarin ត្រៀមសម្រាប់ពិធី ។
« ឯងទៅយូរម្ល៉េះហាស? ទៅលួចយំមែន? » Jimin សួរភ្លាមព្រោះភ្នែករាងតូចក្រហមបញ្ជាក់ថា ទើបតែយំហើយប្រាកដណាស់ ។
« គ្មានទេ អត់បានយំទេ » Tae ប្រកែកហើយញញឹមឡើងអស់ពីសមត្ថភាព កុំឲ្យមិត្តបារម្ភ ។
« អឺៗ អត់ក៏អត់ទៅ » Jimin
« រួចចុះឯណាប្ដីឯង? តាំងពីមកដល់ដូចជាមិនទាន់ឃើញទេ » Tae
« អ៎ គាត់រវល់បន្តិចទៀតមកដល់ហើយ » Jimin ប្រាប់តែភ្លាមនោះ Yoongi ក៏មកដល់ល្មម ។
« សុំទោសណា៎ ផ្លូវស្ទះបានជាបងមកយឺត » Yoongi និយាយសុំទោសឯ Jimin ក៏ចាក់ទឹកឲ្យគេផឹកបំបាត់ហត់ ។
« មិនអីទេ ពិធីជិតចាប់ផ្ដើមហើយ » Jimin និយាយបណ្ដើរ ភ្នែកសម្លឹងរកមើល Areum និង Namjoon បណ្ដើរខ្លាចក្រែងមកដល់ក្រោយពិធីចប់ ពេលនោះសង្គ្រោះអីក៏លែងទាន់ដែរ ។
_ ពិធីអាពាហ៍ពិពាហ៍អធឹកអធមចាប់ផ្ដើមឡើងដោយការដឹកដៃកូនក្រមុំដើរយឺតៗដើរទៅរកកូនកម្លោះដែលកំពុងឈរចាំព្រមជាមួយលោកអាចារ្យ ។ Yarin ត្រូវបានប៉ារបស់នាងដឹកដៃដើរលើកម្រាល ព្រំពណ៌ក្រហមនិងមានអ្នកបាចផ្កាដូចនាងជាទេព
ធីតានាពេលនេះ ។ ខណៈដែលគ្រប់គ្នាមានស្នាមញញឹម Jungkook បែរជាមានទឹកមុខស្រពាប់ស្រពោនចេះតែសម្លឹងមើលទៅ Tae ដែលកំពុងមើលមកគេដូចគ្នាថែមទាំងញញឹមឲ្យនាយបាន ឃើញថាបើគេមានក្ដីសុខ រាងតូចក៏នឹងមានក្ដីសុខដូចគ្នាដែរ ។
« ប៉ាផ្ញើរកូនស្រីផងណា៎ » ប៉ាYarin ចាប់ដៃ Jungkook ឲ្យចាប់ដៃកូនស្រីទើបនាយញញឹមហើយទទួល ដើរដល់ផ្លូវនេះហើយទោះមិនចង់ក៏
បដិសេធមិនបានដែរ ។
« Tae...ឯងមិនអីទេមែនទេ? » ដោយឃើញភ្នែករាងតូចប្រិចញាប់ៗចង់យំទើប Jimin ចាប់ដៃគេសួរទាំងបារម្ភ ។
« អត់អីទេ Jungkook កំពុងតែមានសុភមង្គលយើងគួរតែសប្បាយចិត្តទើបត្រូវ » រាងតូចញញឹមដាក់មិត្តឯ Jimin ក៏មិនចង់សួរនាំច្រើនដែរ ។
< ទីង! > សារទូរស័ព្ទលោតឡើងទើប Jimin ទាញវាមកមើល ។
𝗔𝗿𝗲𝘂𝗺: " បងថ្លៃ ពួកខ្ញុំមកដល់ហើយ "
_ Jimin បានឃើញហើយក៏ញញឹមត្រេកអរធ្វើឲ្យ Yoongi ជាប្ដីឃើញហើយមិនឆ្ងល់មិនបាន ។
« មានអីឬអត់បានជាញញឹម? » Yoongi
« អ៎!! អត់មានទេ បងជួយមើលTaeផង អូនសុំទៅខាងក្រៅមួយភ្លែតសិន » Yoongi ងក់ក្បាលយល់ព្រម ។
« Tae!! យើងទៅក្រៅមួយភ្លែតសិនណា៎នៅទីនេះហើយ »
« អឹម » រាងតូចគ្រហឹមតបទើប Jimin រហ័សដើរចេញមករកអ្នកនៅខាងក្រៅ ។
« បងថ្លៃខាងនេះ!! » Areum បក់ដៃហៅធ្វើឲ្យ Jimin ចូលមករក ។
« យ៉ាងម៉េចហើយបានអីខ្លះ? » Jimin
« គឺនេះបងថ្លៃមានតាំងពីដើមរហូតដល់ចប់ អត់មានកាត់តទេច្បាស់ៗទៀតផង » Areum និយាយស្រប ពេល Namjoon បើកទូរស័ព្ទឲ្យគេមើលពីវីដេអូដែលបានមក ។
« ល្អណាស់ បើចឹងធ្វើតាមផែនការពួកយើងទៅ » ពួកគេទាំងបីមើលមុខគ្នាមុននឹងទៅធ្វើតាមអ្វីដែល បាននិយាយគ្នាទុក យ៉ាងណាក៏ត្រូវបកស្បែកមុខ មនុស្សអាក្រក់ឲ្យបានដាច់ខាត ។
_ Jimin ដើរចូលកៅអីពិធីវិញទាំងស្នាមញញឹមពេញចិត្ត សូម្បី Yoongi ក៏ឆ្ងល់ដែរតែមិនសួរព្រោះពិធីកំពុងតែដំណើរការ ។
_ Namjoon និង Areum ចូលមកក្រោយកម្មវិធី ដែលជាកន្លែងមានកុំព្យូទ័រសម្រាប់ចាក់វីដេអូរបស់កូនក្រមុំកូនកម្លោះនូវរូបថត Pre-Wedding ទៅលើផ្ទាំងស្លាយក្រោយលោកអាចារ្យសម្រាប់ឲ្យភ្ញៀវក្នុងពិធីបានទស្សនាបន្ទាប់មកពួកគេដេញបុគ្គលិកឲ្យចេញអស់ហើយរៀបចំដាក់វីដេអូរបស់ខ្លួនជំនួសវិញ។
« ពេលនេះខ្ញុំសូមសួរម្ដងទៀត តើមានភ្ញៀវណា
ម្នាក់ក្នុងពិធីចង់ជំទាស់លើមង្គលការនេះដែរឬទេ? » លោកអាចារ្យសួរបញ្ជាក់ គ្រប់គ្នាស្ងាត់គ្មានសម្លេង Jungkook វិញក៏វាសក្រសែរភ្នែកសម្លឹងមើល Tae ក្រែងលោគេជំទាស់តែរាងតូចបែរជាញញឹមជាមួយកែវភ្នែកជម្រុញគេឲ្យព្រមទទួលយកការរៀបការ នេះទៅវិញ ។
« អ៊ីចឹងបើមិនមានទេ សូមកូនក្រមុំបំពាក់ចិញ្ចៀនឲ្យកូនកម្លោះ » លោកអាចារ្យនិយាយទើប Yarin កាន់ចិញ្ចៀនពាក់ស៊កឲ្យអនាគតស្វាមីទាំងញញឹមបិទមាត់ មិនជិតទាំងដែល Jungkook មិនពេញចិត្តសូម្បីបន្តិច ។
« មុខរីកល្អណាស់ស្រីល្អ » Jimin ដែលមើលមក ទាំងជ្រេញក៏លាន់មាត់តិចៗធ្វើឲ្យ Yoongi លឺហើយលោរមុខកៀកសួរភ្លាម ។
« អូននិយាយថាម៉េចមិញ? » Yoongi
« ហឹម...បន្តិចទៀតបងដឹងហើយថាស្រីនេះមិន មែនល្អដូចដែលឃើញទេ » Jimin
« ចង់បានន័យថាម៉េច? » Yoongi សួរដេញដោលហើយក៏ស្រាប់តែបើកភ្នែកធំៗដូចគ្នាទៅនឹងភ្ញៀវទាំងអស់ក្នុងពិធីពេលបានឃើញវីដេអូអ្វីម្យ៉ាងនៅលើ ស្លាយ ។
« ជាស្អីហ្នឹង? »
« មើលទៅដូចជាកូនក្រមុំ!! »
« នោះជាគ្រឿងញៀនទេតើស!! »
_ សម្លេងចេចចាចក្នុងពិធីទាំងមូលធ្វើឲ្យ Yarin ដែលកំពុងញញឹមមានក្ដីសុខជ្រួញចិញ្ចើមមើលទៅ ពួកគេដោយមិនដឹងអ្វី តែពេលឃើញ Jungkook ងាកទៅមើលស្លាយចងចិញ្ចើមចូលគ្នាទើបនាងងាក មុខមើលអ្វីនៅខាងក្រោយ ។
_ វីដេអូជាងបួននាទីដែលបង្ហាញពីសកម្មភាពរបស់ Yarin ដាក់ថ្នាំញៀនក្បែរ Jungkook ហើយថតរូបត្រូវបានបញ្ចាំងឲ្យមនុស្សទាំងអស់ឃើញច្បាស់ៗនឹងភ្នែក នៅចុងក្រោយក៏មានរូបថតសារដែលនាងផ្ញើរទៅគម្រាម Tae ឲ្យបែកគ្នាពី Jungkook ត្រូវបានគ្រប់គ្នាជាពិសេសឳពុកម្ដាយទាំងសងខាងតក់ស្លុតនិយាយលែងចេញ មិនស្មានថាក្មេងស្រីស្លូតបូតម្នាក់ បែរជាប្រព្រឹត្តទង្វើថោកទាបបែបនេះឡើយ ។
« វាមកនៅទីនេះបានយ៉ាងម៉េចទៅ? » Tae សួរខ្លួនឯងទាំងមិនចង់ជឿហើយក៏មិននឹកស្មានថាមានរឿង នេះដែរ ចំណែក Jimin វិញក៏ញញឹមសមចិត្តដែល បំបាក់ស្នែងស្រីបិសាចនោះបាន ។
« ទាំងនេះជាស្អី Chae Yarin? » Jungkook សម្រួលអារម្មណ៍សួរទៅនាងទាំងកំហឹងរោលពេញខ្លួន ស្របពេលដែលស្រីនោះញ័រមាត់បើកភ្នែកធំៗរកផ្លូវដោះស្រាយមិនចេញ រឹតតែខ្មាសមនុស្សនៅក្នុងពិធីដែលកំពុងបាញ់ក្រសែរមកនាងហើយនិយាយខ្សឹបខ្សៀវហាក់បីស្អប់ខ្ពើមនាងជាខ្លាំង ។
« បង...បងKook ស្ដាប់ខ្ញុំសិន ខ្ញុំអាចប្រាប់បងបានថាទាំងអស់នេះមិនមែនជាការពិតទេ » Yarin អោបដៃនាយអង្វរករតែរាងក្រាសប្រឡេះដៃនាងចេញភ្លាម ។
« នាងធ្វើរឿងអស់នេះបានយ៉ាងម៉េច Yarin? នាងសប្បាយណាស់ទៅហ្អេ៎ដែលបានឃើញខ្ញុំបែកគ្នាជាមួយមនុស្សខ្ញុំស្រឡាញ់នោះ? » Jungkook
« អ្ហាយ៎!!!!!!!! » នៅសុខៗនាងស្រាប់តែស្រែក ព្រោះលឺច្បាស់ៗពេញត្រចៀកថាអ្នកដែល Jungkook ស្រឡាញ់ជា Tae មិនមែននាង នាងខឹងហើយក៏ស្អប់ខ្លាំងណាស់ដែរ ។
« ស្អីបន្តិចក៏វា!! ស្អីបន្តិចក៏វា!! ព្រោះតែវាទើបបង ព្រងើយកន្តើយដាក់ខ្ញុំ វាល្អត្រង់ណាទៅបានជាបងឆ្កួតងប់ងល់នឹងវាខ្លាំងម្ល៉េះ?? បើខ្ញុំដឹងថាបងនៅតែ ស្រឡាញ់វាចឹង ខ្ញុំច្បាស់ជាសម្លាប់វាចោលបាត់ ហើយ វាជាមារជ្រែកក្ដីសុខរបស់ខ្ញុំ វា!! វាសមតែងាប់!! » Yarin និយាយទាំងកំហឹងព្រមទាំងសម្លក់ រាងតូចដែលឈរនៅត្រង់នោះ មុននឹងនាងទាញស្នៀតសក់ស្រួចរបស់ខ្លួនឯងហើយដើរទៅរក Tae ជាមួយខ្សែភ្នែកចង់ផ្ដាច់ជីវិតរាងតូចតែម្ដង ។
« ឯង!! ងាប់ទៅ!! » និយាយហើយ នាងតម្រង់ចុងស្រួចរបស់ស្នៀតសក់ទៅចាក់ពោះរបស់ Tae តែរាងក្រាសក៏ស្ទុះមកចាប់អោបនាងពីក្រោយហើយយក ស្នៀតសក់នោះចេញពីដៃនាងបោះចេញទៅឲ្យឆ្ងាយមុននឹងរុញនាងឲ្យដួលទៅលើឥដ្ឋមួយទំហឹងទៀតផង ។
« ឈប់ឆ្កួតទៀតបានហើយ Yarin!! » Jungkook ស្រែកអស់មួយទំហឹងទាំងក្ដីខឹងហើយចូលទៅអោប រាងតូចកុំឲ្យភ័យទៀត ។
« Yarin...អ៊ំមិននឹកស្មានសោះថាក្មួយជាមនុស្សបែបនេះ បើចង់រៀបការជាមួយ Jungkook ណាស់ហេតុអីមិននិយាយតាមសម្រួលទៅចាំបាច់ដល់ថ្នាក់គម្រាម Taehyung ធ្វើអីទៅ? ក្មួយធ្វើឲ្យអ៊ំអស់សង្ឃឹមណាស់ » អ្នកស្រីJeon និយាយឡើងទាំងភ្លឺភ្នែកមិននឹកស្មានថានាងក្លាយជាមនុស្សបែបនេះឡើយ នាងក្រមុំគ្រាន់តែលឺបែបនោះក៏ងើយមុខសម្លក់គាត់វិញភ្លាម ។
« ចុះអ៊ំស្រីគិតថាខ្លួនឯងល្អស្អីណាស់ណាទៅ ក្រែងធ្លាប់ប្រើឲ្យវាម្នាក់នោះទៅបោកប្រាស់កូនប្រុសខ្លួន ឯងឲ្យនាំមកសេអ៊ូលវិញហើយបង្ខំឲ្យរៀបការជាមួយខ្ញុំដែរមិនចឹង? មកនិយាយធ្វើដូចខ្លួនឯងស្អាតស្អំ គួរឲ្យខ្ពើមមែនទែន!! » នាងពេបមាត់ពេបជ្រាយដាក់រាងចំណាស់ធ្វើឲ្យគាត់កាន់តែស្ដាយក្រោយដែលបណ្ដោយឲ្យមានរឿងទាំងអស់នេះកើតឡើងតែនាងក៏និយាយត្រូវដែរ កំហុសភាគច្រើនមកពីគាត់មិនគិតពីសុភមង្គលកូនប្រុសប៉ុណ្ណោះ ។
« ឲ្យខ្ញុំសុំទោសផងដែលប្រដៅកូនមិនបានល្អធ្វើឲ្យមានរឿងច្រួលច្របល់ សូមលាសិនហើយ » ប៉ា Yarin និងប្រពន្ធចូលមកសុំទោសរួចចាប់កូនស្រីនាំចេញពីកម្មវិធីទាំងអាម៉ាសមុខភ្ញៀវនិងអ្នកកាសែតទាំងអស់ ។
« បងKook នៅមិនទាន់ពាក់ចិញ្ចៀនឲ្យខ្ញុំទេ លែងខ្ញុំទៅ!! បងKook!! បងKook!! » Yarin ស្រែកហៅឈ្មោះកូនកម្លោះរបស់នាងក្ដែងៗទាល់តែចាកចេញទៅនៅសល់តែ Jungkook ដែលឈរអោបរាងតូចជាប់ទ្រូងប៉ុណ្ណោះ នឹកស្មានថាត្រូវបែកគ្នារហូតទៅហើយ ។
« អូននៅខ្លាចទៀតដែរទេ? បងសុំទោសណា៎ » នាយក្រសោបមុខតូចសួរទាំងបារម្ភតែ Tae ក៏ញញឹមហើយគ្រវីក្បាលប្រាប់ ។
« បងអត់មានខុសទេ បងល្អសម្រាប់អូនបំផុតហើយ » អ្នកទាំងញញឹមដាក់គ្នារួចអោបយ៉ាងណែនបំផុតតាមក្ដីស្រឡាញ់ដែលមានធ្វើឲ្យអ្នកស្រីJeon ឃើញហើយជ្រួតជ្រាបអំពីស្នេហារបស់ពួកគេថាតាមពិត មានតែការស្រឡាញ់ដែលគ្មានអ្នកបង្ខំតែព្រោះការផ្ដល់បេះដូងឲ្យគ្នាទៅវិញទេទើបជាស្នេហាពិតនិងបរិសុទ្ធបំផុតក្នុងលោកនេះ ។
To be continued.....🍯🍃🌻