يل مالك جذر ، لاتزعل وية الريح
خافنك بهويه وتنشلع سكتة
طيح علة الهوى وحب ايدة من يغتاض
خاوي انت وبعد ما بيك كل عتة
علي تضحك يخايب وانه علو الغيم؟؟
على ادموع الفرح هم تضحك النكتة
يبو جناح الشمع متعلي وين اتريد ؟
تدگ باب الشمس چنك ، غشيم انت
وداد_ اليوم جيت مغفره خطيبته مرت عمي
تركض منا ومنا واني دمعتي بطرف عيني
كابرت واني اساعده دكست على روحي
بيبي ويانه واكفه توصي
صار وقت جيتها جنت بلطرمه اغسل بيها
وصلت امسحها واعزل سمعت صوت
سيارته ذبيت الماسحه ركضت للغرفه
مااعرف شبيه ليش هلتوتر جاي
افقد حتى شخصيتي
وكفت بدلت رتبت روحي خليت
شويه مكياج بسيط نزعت الحجاب
مشطت وضفرت شعري طلعت
واسمع اصواتهم يرحبون بيها
بلصاله
لحد مطببوها للهول بيبي دكلها
شنو مدخلها للستقبال حبوبه
قابل غريبه بعد صارت بنيتنه
طبت اباوعلها طويله الوجه
طولاني ضعيفه حنطيه
البشره عيونها وسط دائريات
ملامحها مرتبه مبيها شي جذاب
ابتسمت البيبي وكعدت صدتلي
رجعت ابتسمت هوه طب رحت
سلمت عليها رحبت بيها لبقه
صاحبت لسان
عفتها وطبيت للمطبخ كلبي
اجه يوكف واني اباوعلها
امين يمها بلهول كاعد مدينه السفره
بعدنه دننقل طبت رنو همست اجت
هزيت راسي
مرت عمي كالت وداد البن ودي
اخذته البنيه كاعده سولف ويه
بيبي طبو جدي وعمي ماجد
جانو بلعقاري
رحبو بيها بوستهم ورجعت
طلع امين من غرفت امه جان يصلي
رفعت نضري اله باوعلها ابتسمت
بثقه درت وجهي
جدي كال اكلو يابه لاتنتضروني اصلي
بببي نبت متانيك
كلها ابطي وهوه يعكف ردانات دشداشته
عاد كعدو لتمو صار مكانها بصفه
جر البلم خلا مقابيلها
مدامنه ناكل يزلتها لحم وهي تاكل
منيده ولا كأنو امين الاعرفه
والله احس روحي غريبه عنه
شايلني من باله فرد نوب
ديمثل لو صدك كارهني
لحد مراحو اني الف موته
متت وعيوني تكت دمع
حسيت روحي هاي هيه خسرت
كلشي كرست ايامي بلصلا
ملاذي قرأني شفت الراحه ويه كل ترتيله
امي بينها وبين ايامها الاخيره شعره
خفت كمت مااعروفها دقيقه حتى شغل
البيت هملته ومرت عمي كامت تحجي
وسمعني غلست رغم اعرف رنو بلدوام
ومتلحك بين دراستها والبيت بس نفسيتي
تعبت بشكل كمت مااحس بلحواليه
امنيتي ماهر يفرغ شقته واخذ امي
والحكه المن ضاله هنا
يوم يعدي بلدمعه واكول هاي اخر مره
تنزل دمعتي اكابر وروحي تفرفح من
تسمع صوته
ودي اركض الحضنه واذب كل حملي
التها بشقته شويه شويه يجهزها
عمامي ساعدو بلفرش والاثاث
ويه كل قطعه روحي تطلع
والله عيوني احس حفقد نضرهن
مااكدر حتخبل رنيم تكعد يمي
تحضني شكد حاولت اكابر
مكدرت روحي بي كلبي وعقلي
وكل احساسي بي امين حب
نضيف تعلقت بي
شلون ازفه كدام عيوني شلون اشوفه
الها وتتهنه بي واني نفسي بي
شلون كدر هيج كلبه ماحس ماكال
هاي روحي
لليوم متحملت مفاد لا مكابر لا دعاء
تانيته يرجع لل12 طب صعد فوك
وادري بيهم نايمين
مهتميت شسوي وشراح يصير
غير ابرد ناري كلبي يحترك حرك
بدون ماادك الباب فتت وهوه ستوه
نازع قمصلته شامرها التفت متفاجئ
_عكد حواجبه كال شسوين هنا
تعبت منك تعبت من فراكك تعبت
من تصرفات صدك دسوي بيه هيج
امين اني وداد نسيت من جنت تكلي
انتي رويحتي انتي نفسي
وين هذا حبك هانت عليك ايامي
هانت عليك حبي هانت عليك دموعي
شوفني مكسوره ودوس عليه وتطلع
كبل لك اني بشر من دم ولحم وعندي
كلب حبك كلب يتمناك شنو الصار
راح انجن بيوم وليله تتركتي بدون
سابق انذار
احجي بحركة كلب دموعي يتسابقن
_كعد كال لسأليني ماادري ليش وداد
انزلي
هه ليش انزل تخاف يشوفوني
ومتخاف على كلبي الي يعصرني
واني اشوفك كدامي صرت الغيري
_شسويلج
بس كلي ليش عفتني شمسويه
_ممسويه شي
اييييييي ليششش عطت
_طفر سد حلكي وعينه على الباب
باوعلي كافي رحمه الروحه ارحميني
اني متخبل اكثر منج مااعرف ليش
نافرج واشوفج وانجن راسي راح يطك
مكدرت غير احضنه امين ابوس ايدك
عوفها مااكدر دونك انت حبيبي انت الي
تذكر شكد حبيتني وردت احبك
رفعت راسي وهاي اني اموت بيك
اعشكك موبس احبك عوفها وخلينه
سويه لتتركني والله اموت دونك
ضل ساكت
جاوبني حبيبي كلي راح تعوفها الخاطري
مااستاهل تضحي علمودي لزمت وجها درته
عليه اني وداد امين شوفني هاي اني كدامك
دفعني ودار يفرك بوجها وايده على ركبته
مسحت دموعي بس كلي شبيك
_نتر اششش اسكتي كافي
بس كلي راح تتركها مو
_انزلي
ماانزل لحد متختار
_مااريدج وداد كافي عاد حسي
يعني شنو
_سكت كعد مهدود حيله كال ماادري
كعدت يم رجليه شبيك حبيبي ليش تعبان
_ضل منصي عيونه على الارض
امين حبيبي شبيك
_روحي وداد تعبان اريد انام
نترت امين لتخبلني ريحني مو حرام عليك
علكتني وعفتني شنو ذنبي يمك شمسويتلك
دتنتقم بس كلي تنتقم مني
ولك يتيمه منو الي فقدت اخواني امي
بين الخيا والموت منو الي بس انت ضلي
بجيت بحركه والله حسيت هاي هيه فقدت
حتى روحي كلبي يوجعني من القهر
ضل ساكت وطال سكوته حسيت على نفسي
كمت نزلت مامنه امل بعد بقت روحي تلوب
بكل رنت صوته عيونه تحجي شي وتصرفاته
رانيه __ لتحق ومصر اغير شعري مااعرف
شناوي الدوخه مستمره تجيني الجهال كبرو
وكبرت وكاحتهم وياهم
انزلهم من اعزل الفوك لميت نص ملاعيبهم
وشمرتهن بغرفتي القديمه شويه خففت منهن
بين التعب والارهاق حسيت روحي بعد مااكدر
واكفه اجلف بلباب المطبخ متروس دهن ايديهم
مسحته بلوصله وارجع اغسلها حسيت بدوخه
لزمت الحياط كعدت تعبانه هاي شبيه
فاتت عمتي كالت شبيج كتلعا يمكن نزل ضغطي
راحت فشكتلي خياره وملحتها من اكلتها شويه
ستعدلت
سبوع اني على هلدوخه ولعبان النفس
شكيت بروحي لوتخبلت العاده كاطعتني
كمت الطم الوب شلون احلل اذا خالتي عرفت
طشها وهذا ميصدك انزله ولا اخلي يربطنه
لثاني يوم تحايلت على خالتي طالعه للخياطه
ومناك عبرت للصيدليه اخذت اختبار
رجعت للبيت لهيت خالتي ضليت منتضره
يجي اليل مو اصعد اصلي بغرفتي
واسوي
صدك صعدت سويت الاختبار ويطلع
خطين حمر واحد واضح واحد خفيف
لطمت على وجهي هاي مصيبه شلون
بيه وين انطي وجهي ماعولت يعوفني
يومين مزوهره كمت اصعد الدرج ميت
مره وانزل بلكت يطيح
من خبزت خالتي شلت الدبه وديته
للترك شكو شغل بلبيت طلعته بحيث
غرفتي درتها حولتها
نجنيت خالتي شافتني كالت شبيج
متخبله علتنضيف شبي البيت
انتضرت يطيح لليل حسيت بوجع
خفيف ساعتين وزاد الوجع
رغم الالم بس داخلي فرحت بلكت يطيح
شكد تبطرت على نعمت ربي من اذكر
اختنك من طيشي وانانيتي
لليل فضت بلدم فضل شافني ركض
لجوه صاح بيبيته صعدت شافتني
وركضت خابرت حماها يمنه ركضو بيه
للمستشفه واني اتكطع بين الطبيب
والتحاليل
دكتورتين فحصني ميعرفن شبيه
خالتي ضلت تلطم ولج شماكله
واني ابجي مماكل شي انطوني مسكن
ساعات وفك ورجعت اعيط
لحد مااجه رئيس الاطباء ومسؤل عن
المستشفه اسمه غني ..... بوكتها معروف
من احسن الاطباء راد يفحصني لو تخبلت
مقبل ضل يقنع ويحاول واني قافله
لحد مكال ضربوها ابره
سكتت ياابره فدوه كال بابا حالتج خطره
خلي افحصج تره ساعت الساعه نفقدج
تحاليلج مونضيفه صفنت عليه مصدومه
شيكول فحصني وخر كال عمليه فوريه
كتله شنو دكتوره فدوه بيه خبيث
كال لا بابا عندج طفل خارج الرحم وصاير
على المبيض لا زم نزله لا ينفجر بطنج
اذا كبر اكثر تفقدين رحمج ويمكن تموتين
خله وطلع بدوه يجهزون مخبوصين
خالتي اول مره اشوفها هيج خايفه علي
ساعه وكالو يله جاهزه
طبت خالتي همست خاله جهالي
اذا مطلعت امي تربيهم فدوه خاله
كالت لا يمه مابيج شي ينزلو وطلعين
بسلامه
روحي طافت الهم نصير معقوله
حجيك ومثل مدعيت اول مامتت
امنيتي جانت اطفالك منو الهم بعدي
وبعدك يصيرون يتيمين الام والاب
بارق شكد حاول وياي اشوف الحب
بعيونه رغم عصبيته وتصرفاته
احساسي ميخيب كان متمسك بيه
اني الرافضته اني الكلبي مويمه
ماكان بيدي
دخلت تحت تأثير البنج بعد محسيت
رحت بأمان الله شكد مرت الساعات
ماادري شنو الصار
لحد محسيت بالم فضيع فتحت عيوني
نهار شفايفي يابسه وعطشانه ميته عطش
كوه حجيت عيوني مديفتحن جفن ثكيل
حاولت افتح كدرت اشوف مره لاخ
خالتي كاعده وبصفه حماها ومرت حماها
شافتني كامت اجت يمي هااا خاله شلونج
همست جوعانه
_اي خاله هسه يجي الطبيب ونشوف
طول اليوم اعيط 4 ساعات اني تحت العمليه
مافادت مسكنات بس يفك اكوم اعض
بصابعي خالتي حارت بيه للعصر
طبت امي وبيبي ي كضن شافني
بجي وحجي يشتفسرن من خالتي
صاير طفل خارج الرحم على احد المبايض
اضطرو يشيلونه هوه والطفل ضليت بتك
مبيض وهذا هوه اليحدد نوع الطفل
اذا حبلت بولد يصير بزرتي كلهم ولد بعده
واذا بنت نفس الشي
لليل كاعده مسكنه من الالم محسيت غير
بارق فات كال السلام عليكم
بيبي وامي ردن باسهن من راسهن واجاني
بعده بلبسه العسكري وقمصلته الزيتوني
بوسني الحمدالله على سلامتج
الله يسلمك
_شجاج
كله من وراك
_فك عيونه اني شعليه
حجيت بصوت من حركت الالم الداحسه
لو مااتجبرني يصير
_هششش شبيج بلبل يصير بعد قدر
اي بس من يمي
_لزم ايدي باسها كافي كلبي متدري
2ار بيه اجيت اركض نزلت بدون
اجازه دفعت فلوس يله نزلوني
دفعت ايده التالم عضيت شفتي من الوجع
شويه وطب امين وعمي ماجد وجدي
وراها عمامي اجو والبنات صارت
وجبات شي وره شي
واني منا الالم بدي اعيط ومااكدر
ل11 راحو بارق رجعهم حتى امي
ماخلاها كلهم اني ضال
فرغت الغرفه تمدد على القنفه تعبان
ممكفيته هوه طويل عبرت رجليه الحافه
كال شيصير لو مريتي هسه سويلي مجال
واجي ادفه يمها
درت منه
_همس وجه بومه
بتسمت ميشوفني
شويه وسمعت شخيره خطيه
حتى زالك باب المستشفه يركض
ميدري بنفسه
غفيت ماادري شكد حسيت على ألم
كعدت اعيط فز اجاني كال شسويلج
بس كولي
بارق فدوه اي شي كللهم راح اموت
طلع ورجع كال ولج نص اليل
القاوش فارغ بس انتي
تعيطين
صحت واني شعليه مشوفني ارفس
من الوجع الحكلي اخخخخخخ
ضل يفتر ميعرف شيسوي ساعه واني الوب
وهوه وياي لحد ماتجت الممرضه ضربتني
مسكن
خف الالم ضل واكف يمي
كال هاا شلون صرتي
كتله احسن واني اون
طلع ورجع طفه انارت الغرفه شال الغطه
همست شسوي
كال ادفه يمج ولج ميت تعب
سكتت ستخطيته دنيت بحذر السرير عريض
شال راسي مد ايده مااعرف ليش حسيت
محتاجه دفو صدره بكل هدوء يشم
راسي همست لتشتم مسابحه
_ابتسم ريحتج تخبل من الله
سكتت ضليت هادئه لحد مغفه دنيت راسي
على صدره عطر خفيف ضال ضلت اشم بي
لحد ماارحت بنوم عميق
حسيت بي من كعد وخر مني رجعت نمت
لثاني يوم الطبيب جيك حالتي كال طلعوها
هوه اطمان عليه رجع التحق طلعت البت
جدي وهذا البيت يوميه يستقبلني بحاله
مره مطلكه مره محروكه واليوم مسويه عمليه
هلمره بغرفت عمتي خوله والبنات
دولبن بيه والجهال متعبين
وداد حايره برقيه صديقتها تموت عليها
ورنيم وامي وبيبي يدارني
اول ايام بلضيم كضيته البجي
والالم يزيد
بارق كل ساعتين يتصل مللني
خليت وغلقته من افتحه
الرسال تركع لحد مكتله كافي
شبيك تعبتني فوك الالم انوب
انت متعذر دكول تعبانه بحال
تلفون
هوه قراها لو ودالي كليشه
شطولها لاهي رزاله ولا هيه
عتب خابطه وموديلياها
ضليت صافنه بله شجاوب
عفته سبوع ادويه وعلاجات
خف الالم
خالتي اجت مرتين ورجعت
قبل نزوله بساعات
رنيم يمي وعمتي خوله سبحها وداد
بلحمام فاثناء الحديث رنيم كالت
غير جدي يريد يزوج لما لماهر
ضحكت اي شلون ثنين
رنيم_ تره لما حبابه
رانيه _انتي الحبابه خيه
رنيم _لا صدك رانيه وحتى ماهر خطيه
شاف شبع ضيم من السجن للغربه
رانيه _ اي من ايده اليجي منيده الله
يزيده احد كايله روح اشتغل بلتزوير
رنيم_ يابه شكد حقوده شبيج وياا
من زمان انتي تكرهي ولا طيقين شوفته
شمسويلج وسالتج قبل محجيتي
رانيه _عوفج منه وشوفيلي رقيه يم
امي لو بره ويه الغضب فضل
رنيم _لتتهربين ادري بيج متردين تحجيلي
احجي تره مو رنيم قبل عادي صار عندي
وطالع من كلبي
رانيه _شحجيلج ماكو شي
رنيم _ كعدت يمها احجي والله بيناتنه
اذكر مره جادلتو بلمطبخ علمودي وهواي
حجيتي اشياء لهسه مامستوعبتها
رانيه _ شجلبتي رنو عمري سالفه ولت وراحت
وجنه صغار نكعد نعيد الماضي
رنيم _هاي كلتيها نعيد الماضي شي
راح حتى لو نحجي بي فصار من
الماضي يله ام فضولي كلبي احجي
تره ضل بنفسي اذا مااعرف
رانيه _ شتحصلين اذا عرفتي رنيم
لتسمع امي والله سويلي كارثه هسه
رنيم_هلدرجه متنحجي
رانيه _واكثر
رنيم _لعد احجي وهاي كمت اشوف
شكو فترت شاف محد رجعت تلح
رانيه _سر يضل بيناتنه محد يعرف
بي غيرنه اني وياج وهوه
رنيم _والله بيناتنه وتدرين بيه مااحجي
رنيه _باعي اني من جنت بلابتدائيه
اذكر صف سادس ماهر ستوه 15
مراهق وطك من وكت جان يلمحلي
ويباوعلي رغم اني فطيره وصغيره
ماافتهم بس اميز نضراته
راحت سنين اجت سنين ماهر كام
يسمعني حجي من اطلع يم صاحباتي
ميقبل يعيط عليه وتوصل بي يضربني
واني وياا مكافش وجدي هواي مرخيله
الحبل ويحبه وشيسوي بينه ميحاجي
وانتي جنتي صغيره ستوج مولوده
لحد مااكبرت صرت ثاني متوسط هناك
وحبيت نصير كمت اتعمد افوت من يم
محله وهوه هم نصير مكعد يصجم
ويبتسم واني اطير من اشوفه
كل يوم يعدي اتعلق بي وماهر يتعلق بيه
نصير ماعافني كام يلحكني للمدرسه
بلحله الكا منتضرني باب المحل
كولي صارحنه بعض رسائل ورقيه
ويوميه نشاوف من امر من محله
بس مااحجي وياا ولا اوكف مجرد امر
من يمه
يوم عن يوم احبه اكثر صرت مجنونه بي
ليش مابيوم كاعده اقره واحفظ صفنت
واكتب اسم نصير داخل قلب حب بلدفتر
واكف فوك راسي ماهر ماادري بي محسيت
غير سحب الدفتر واركض وراا اريد اخذه
ميخليني قره اسمه لو تخبل عليه ضح بيومها
مضربني بس ضل وراي وراي يراقب
واني بعقلي الطفولي مامهتمه عرف منو
نصير ماهر ماسكت كان وكح بشكل
رايح متعارك وياا نصير اكبر منه ب5
سنوات وعاقل مومثله طايش ساكت
عنه وكايله مابيناتنه شي
عبرت الثالث متوسط واني ونصير
بس من يجي للمدرسه اشوفه
ماهر منعني من شارع محله الموجود بي
كمت افوت من غير شارع هددني يحجي
الجدي
كبر حبنه ونصير كام يحبني من صدك
توصلني رسائله من صديقاتي
وحده اخت صديقه جيبها الي واني اكتبله
لحد متقدملي بيومها نكلب تنطل ماهر
كام ميشوف ويحوم داير مدايري لا اوافق
واكل الجدي تسودن وستودن
مو هذا ماهر هسه لا جان مينجرع
وستوه خاطات شواربه ومتباهي
بيهن عود صار رجال
يطب يطلع يهددني اذا قبلت يكتلني
لو يكل لجدي على علاقتي بنصير
واني تخاف واسكت مرت سنه
واني ونصير ننتضر على نار بلكت
سبع البرمبه يفك من ياخه
لحد ماامليت وهوه نصير يوميه
مشي وجدي يرفض من وره ماهر
كايله عنده بنات ويصاحب
كمت وتعاركت وياا وكتله غصب
عنك اخذه لو اعرف اشرد
هوه سمع جرني من شعري ضرب
وغلط واستغل فرصة محد موجود
واني تواكحت وياا وعاندت وكتله
لو شسوي اخذه وشوف
هوه مراهق وميعرف يصرف بساعت
انفعال كضني راد يجردني من كلشي
وصل ياخذني في سبيل يكسرني
واصير اله هناا اني فقدت الوعي محسيت
غير هوه يرش عليه مي كعدت مخروعه بيومها
صخنت وسبوع بلفراش لحد موعيت
من ويمها كرهته وهوه شرد يم بيت خالته
ولزمتها عليه لزمه اذا يتقرب اسولف لجدي
خاف وسكت وصدك حاربته وحاربت ابويه
واخذت نصير عضيت اصبعي شكد ندمانه
رنيم متصورين مرات طيش الشباب يدفعج
ثمن عمرج كله
رنيم _ من سمعتها اخاف كان اكو ذرت
حب بكلبي نمحه ماهر ورقه وطويته
وسيستها بلمي يستحيل ارجعله
ورد_ شايفين من تخلون لحم على
نار هادئه علمود يستوي على كيفه
هاي حالي من رسالة حميد ابين طبيعيه
رجع للناصريه جاب ابنه واجه مطول
خالتي حايره بهاجر الي معانده متاخذ
غير حبيبها الي وده امن خالتي
من الباب طردتها ضليت مستغربه
ردت فعلها
سبوع وردو اجو ٢زلم و٣نسوان
دخلتهم للغرفه مال خالتي
بس عرفتهم كلبت وجها كمت ضيفتهم
شويه وطبت ام احمد هم سوالف جابنها
من عمها الخالها لحد مالمره فتحت الموضوع
وخالتي نبت ان جانكم جايين على بتنه
فلبنيه محجوزه لبن عمها
وان جانكم رايدينه بغير شغله امرو
واحنه حاضرين مانردكم
ضلت المره صافنه فشلانه
حاولت ويه خالتي قفلت
طلعو النسوان قبلهم الزلم
طب نهاد مستغرب
يسأل ذوله منين عرفو هاجر
نبت ام احمد كالتله اني دليتهم
رادو مره وكتلهم على هويجر
كال خوش ناس طرف من بيت
الشكرجي نسايبهم
امه كالت يمه من يمك وسدها اخيتي
عباس ابن عمك يريدها
ماهر كلها هاي شوكت الحجي
بنت عليه من ايام طلبتها مرت
عمك وكلت اكلك اليوم وهل صارت
جيت ذوله الناس
نهاد سكت سعدل بلحيته بسرعه
ضربله دالغه
يومين هاجر تنوح وتتوسل بمها
حتى اني حاجيتها قافل
نهاد كل شويه وكال هويجر وختلتها
ماعاجبتنه واني اسدسد
ستوني طالعه من الحمام داانشف
بعدني بلبرنص نزلت كلت اسأل
خالتي شسوي عشه
طبيت الغرفتها ماكو فارغه فتريت
بلبيت ماموجوده
حسيت باب الصاله نسدت داافوت
اسمع صوت نهاد يحجي
مديت راسي كاعد مبلابس الطلعه
وبحذائه على القطعه داصيحه
ينزعها
سكتت من سمعت اسم حميد
نهاد_يول لاتخليني اجي ادوس
ببطونهم شرايدين يسون خل يسون
خايف منهم غصب عنهم تكعد وتسكت
تزوج ست الحسن
.............
شلي غرض بيهم مالي دخل بيهن كلهن
خل يشوفن طريقهن بلعافيه عليهن
قابل اني هيج ناقص غيره وضمير واوكف
بقسمتهن هم عندي اخت واريدلها الستر
............
حميد خويه احجي عجمي بعد اخوك
هاي السالفه اطلع منها كلت ماكو زواج
ماكو زواج هسا ماا يركعون راسهم باكبر
حايط وزوج اليطلع وراهم
هاي انه كتلك غصب على خشمهم يتنازلون
لا وعلي اوصلها للمحاكم وازوعهم حتى
الايجارات والاملاك الباعوها وستر امي
.........
شتحجي يول مو اكلت حصو مو نمت بلايا
غطه ولك انت مومتورج عليه حبوبتك جانت
تقفل الثلاجه وهي بس البتيته بيها
اريد اشوف ياكبر يلفها وحك علي لوما عيب
من العشاير لااتبره منهم وانعل ساسهم لابو
الجابهم عليه طينه نكسه مناعيل كوا....
طالبيني بصار ماخذ ورثكم لان امي غريبه
وابوي اخذها عن حب مااخذ بت عمه
كلاب صاق..... شيردون بعد اكثر مو اكلو
الاول والتالي شخلو عدنه صفينه علحديده
مو زين من امي وماجدت بينه وعيشتنه
تره الله ساترنه وخال البركه بهل جدر
السوي وعشنه بركعه بعثره عشنه وصرنه
زلم
محمد كلما يذكر يسبهم واحد واحد من جدك
ونازل
اي اي يله خويه عود سلمنه على العائله
.....
لا اله الا الله دريت يابويه هيج انه نكس
واسويه ديله كتلك ساعت عصبيه وحجيتها
ماشي فيمالا
سده بسرعه رجعت
عليمن يحجي ويقصدمن متزوج
فد لا
.......يتبع