يوميات_كاتبة_صغيرة..
■غلطة شاب❌■
(الحلقة"3")
للكاتبه✍..شوشو المقرحي☆☆
بعدها دارلها الايميل وسمالها الاسم
علي: شن تبي تحطي الصوره
نادين: خش ع الاستيديو
وفتح ع الاستيديو اول مافتح عليه لاقاته صورتي في المقدمه علي فتح عليها وقعد يشوف
علي: هدي مني😒
نادين: حي هدي صاحبتي شكله امس بعد نرسل منها في صور حددت صورتها بالغلط
علي: هيا هدي نفسها الي تبيك تراسليها ع الفيس
نادين: ايه نفسها.. اسمع حطلي الصوره اهيا
وحطلها الصوره وزبطلها الإيميل
علي: هي شن ايميلها صاحبتك
نادين: تصدق انسيته تو بعدين انكلمها ونسألها
علي: كلميها توا
نادين: لالا تو اكيد مروحه من المدرسه تعبانه
علي: وين تقرا هيا
نادين: بطل قصقصه😒
علي: به خلاص هي صبي اطلعي وطفي الضي بنرقد
يوم الخميس●
الصبح🌅••
حوش علي🏡°¤¤°
امه: علي اوليدي نوض قريب التسعه
علي: اليوم محاضرتي 11 ياامي
امه: به نوض وصل اختك
علي: هي تو انوض😩
حوش عم علي🏩•▪▪•
بات وليد: وليد وليييد
وليد: همممم
باته: صبي للكليه
وليد: ماعنديش قصدي مش توا بعدين
وليد: به انا طالع رد بالك تفوت عليك المحاضره
وليد: باهي باهي غير اطلع
باته: سلام
وليد: اسمع نبي فلوس ياباتي عندي سهريه مع الشباب
باته: خود من الدرج
وليد: تمام
انا: ياابله يعني في الامتحان الوحده الاولى والتانيه مش خاشات
ابله حميده: لالا مش خاشات التالته والرابعه والجزء الي خديناه في الوحده الخامسه بس خاش
انا: به😍
حوش احنينه🏩●♡●●
خالتي نوال: هي نوضي افطري ياامي
احنينه: اليوم ماعندك كليه؟؟
خالتي: لالا ماعنديش
احنينه: باهي كويس
وطبعا نحنا كل خميس انباتوا حوش احنينه ومرات لا..
مع الساعه 11ونص••
نادين في يدها كبايه وفيها نسكافيه وطالعه من الكافتيريا هياوصاحبتها ووليد ولد عمها خاش مشى انخبطت فيه والنسكافيه انرش ع قميص وليد..
وليد: يلعن•• ورفع راسه
نادين: معليش وليد
وليد: هدا انتي لاهانيا ماادوريش
نادين: ريت علي وين
وليد: قبل شوي خش للمحاضره ع مااعتقد يطلع1
نادين: ايييه امطول
وليد: تبي تروحي انتي
نادين: ايه
وليد: هي انوصلك حتى نا طالع اصلا
نادين: لالا تو نستنى علي
وليد: تي علي مازال امطول
نادين تحشمت جنبها صاحبتها وسلمت ع صاحبتها وطلعت مع وليد عشان يروح بيها وطبعا اول مره تركب معاه بروحها..
وليد: شنجو
نادين: تمام
وليد: شني تقري كويس ع النصفي
نادين: انقولوا ان شاءالله
وليد: بالتوفيق
نادين: ان شاءالله انا وانت
بعدها ولع اغاني وقعد يغني ونادين متحشمه واتشوف من الروشن..
مع الساعه 1 ونص••
حوشنا🏠●▪●●
روحت ادوشت وصليت وقعدت نتغدى انا وامي
انا: مسكينه وجعتني نادين الي بوها مات امس كنا نحكوا ع نت طيووبه
امي: الله يرحمه مرته مثأثره بكل
انا: امي بابا ليش مشى وخلاني نا وياك
امي: هدا كيف صار
انا: به انا نبي انشوفه ونحكي معاه الله خاطري انشوف بابا
امي حطت الكاشيك بالقوه: معاش نبي نسمعه هالكلام باتك كان يبينا راهو ماخلانا وعدا
انا: به خلاص ماتعصبي
امي: هي تغدي وارقدي بعدين بنمشوا حوش حنتك
انا: حاضر
حوش علي🏠•°°•
علي: اهلين
امه: اهلين اوليدي هي ادوش وتعال الغداء
علي: نادين وين
امه: في دارها
ومشى لنادين في الدار وكان فاصل ع الاخر..
علي : من جابك انتي
نادين: وليد ولد عمي
علي: معاش تركبيلي مع حد فاهمه وتستني لعند مانطلع من المحاضره ونرفعك
نادين: والله قلتله بنستنى علي لكن هوا اصر
علي: المهم انا قلتلك وهدي اخر مره
نادين: باهي
وطلعت من دارها وحطوا سفرة الغداء ويتغدوا بعدها كملوا ونادين غسلت لماعين وعلي خش لداره ولع تكييف وطفى الضي ونحى التيشيرت متاعه ورقد ع السرير ونادين خشت لدارها كسدت شوي ع النت بعدها رقدت..
مع الساعه 6 ونص••
حوش احنينه 🏠°●●°
خالتي فرح: اهلين امي كيف حالك
احنينه: مرحبتين ابنيتي
ومدت سلام بنتها لخالتي نوال وقعدت سلمت ع احنينه
خالتي نوال: سوما حبيبتي مممموه😙
انا: نحنا جينا
احنينه: سرو😍
انا قعدت جنب احنينه وبستها ع راسها وضميتها
انا: استاحشتك احنينه
احنينه: سلمها ابنيتي السمحه
انا: اليوم بتحكيلي قصه مالاخير لنقني استاحشتك واستاحشت القصص متاعك
احنينه: نحكيلك ليش لا كم عندي سرو انا
انا: ينا علي😊
وليد: خير عمك انت ماتردش ع التليفون
علي: كنت انصلي في المغرب
وليد: تي باهي ياشيخ غير قول انت وين توا بس
علي: جنب الحوش
وليد: اليوم خميس ره شوي وانتكي عليك بنرفعك معاي للسهريه
علي: به تمام
وليد: زبطلي امورك
علي: تمام نستنى فيك
حوش وليد 🏩○••○
سامي جاء قعد جنب باته وباته يتفرج ع الاخبار
سامي: باتي
باته: نعم
سامي: نبي نتزوج
باته: 😒 تحشم ياولد
سامي: انكلم فيك جد
باته: خلي عمك يسكر سنه بعدها ساهل
سامي: لاسنه لاعام علي ماسكر سنه البنت اطير من بين يديا بتوقف معاي باهي كان هدا انديره بروحي
باته: ساهل ساهل
سامي: تو انشوفها الساهل متاعك انا
وناض طلع ركب في سيارته وفات••
وليد: هي اركب ياولد عمي
علي: لعشاء يأدن انصليه ونمشوا
وليد: تي غير اركب ياراجل وانت كيف العزايز
وركب معاه وفاتوا ماشيين للشقه••
علي: ديمه هنا تسهروا انتم
وليد: ايه انزل هي
ونزل هوا وياه وركبوا فوق للشقه وصلوا وليد طلع المفتاح وفتح الباب وطبعا الشله متاعه داخل مكسدين اول ماخشوا علي يسمع في صوت اغاني وضحك ومعاها دخان وسكير ودنيا زايطه..
علي: هدا شني كله
وليد: مازال ماريت شي ياحبيبي الجو هدا كله فايتك
بعدها خش وسلم ع الشله وطبعا هوا مش متعود ع الجو هدا بعدها قعد وشوي يسمع في صوت عياط..
"لاااا الله ايخليك خليني انا زي اوخيتك ماتلمسني الله يربحك وكان صوت بنت وتبكي من اعماقها وصوتها معبي الحوش"
علي مصدوم وشبح في وليد: شن الصوت هدا
وليد: هدا دريه شكله شدت معاه في وحده😃
علي: شني
وليد: هدا ايمن التوكه عليه اليوم شدت معاه في بنت الخميس الجاي دوري تبي انخليك في مكاني عادي😉
علي يسمع ومصدوم وناض بيطلع..
وليد: وين
علي: امروح
وليد : تي غير خليك مازال ماسهرنا
علي: اوعى علي روحك واصحى من الشي الي ادير فيه
اسامه: تي كنه اهوا استاك شن يخرط بالله عطيه طرف خليه يسكت
علي: طرف شني انت التاني
اسامه: ولد عمك نفخها ياوليد بالتريس ايوه
وليد: تعال قعمز تو انروح بيك
وعلي يسمع في صوت الاغاني مع عيطت البنت الي امبكري مازال في ودنه والدخان والشي الي يشوف فيه معاش قدر يتحمل مشى فتح الباب لقاه مقفول
علي: افتحه بالله عليك ياوليد
وليد ناض شده من يده وقعده ع الصالون
وليد: تي اهدى خير امك انت الهم لحرف
علي حط يده ع ودانه وطبس راسه وغمض عيونه
حسين: هاك عطيه يشرب خليه يتكيف شوي
وليد رفع الطاسه وحطله فيها حبه ومدها لعلي علي راسه مشوش رفع الطاسه وشربها وما حسب حساب لبعدين وشن بيكون وراء الطاسه هدي الي شربها ولا كيف حتتغير حياته..
انا راقده مع احنينه في دارها وتلعبلي بشعري وتحكيلي في قصه وامي وخالاتي في الدار ويهدرزن
خالتي فرح: والله انا كان تسمعي نصيحتي وافقي مابتلقي خير منه
خالتي نوال: المشكله انا انفكر في امي
امي: انا قلتلك من قبل امي ماتفكري فيها انا بنرفعها تقعد معاي وكم نحنا انا وراس بنتي وعندي محاضره وحده في الاسبوع نعطيها وانروح
خالتي نوال: والله مش عارفه
خالتي فرح: غير هيا وافقي وتوكلي ع ربي خلينا نفرحوا بيك
خالتي نوال: ان شاءالله
حوش علي🏠••□
نادين: اهدي ياامي تو ايجي
امه: وين يجي وين الساعه 2 توا بالله وين قاعد لهلوقت
نادين: بلكي حوش عمي
امه: اتصليلي بعمك تره
واتصلت بيه وكلماته..
بات وليد: لا والله حتى وليد مش قاعد بلكي معاه قال ساهر مع الشباب
نادين: باهي صحيت ياعمي
امه: ها شن قالك
نادين: قال مرات مع وليد سهران مع الشباب
امه: انا كان خلطلي ع وليد خلاص ضاع الولد
نادين: امي اهدي ولد هوا وعارف مصلحته
امه: كان خلطلي ع متاعين السكير والنكير كيف اندير بعدها
نادين: ان شاءالله لا
امه: ان شاءالله ان شاءالله والمشكله قافل تليفونه
نادين: امي تعالي اقعدي تربحي وهدي اعصابك
وادن الفجر وام علي ماجاها نوم وهيا خايفه عليه وتستنى فيه وناضت صلت ودعت..
امه: يارب احفظلي اوليدي يارب احميه وابعد عنه اصحاب السوء ومشيه في الطريق المستقيم اللهم اعود بعزتك وعظمتك من شر مايجد ويحادر يارب ماتخليه ينحرف يارب احفظه يارب يارب"
بعدها رجعت لمكانها وتحاول تتصل بيه ويعطي فيها مقفل بعدها قعدت أتفكر في راجلها وتبكي..
الصبح🌅●••
حوش احنينه 🏠•°
امي وخالاتي في المطبخ يديرن في الفطور وحنتي راقده وانا خشيت ادوشت وطلعت
انا: احنينه احنينه نوضي سادك نوم😔
احنينه: ااااه ياضهري هي نايضه
انا: نوضي ادوشي وتو انديرلك مساج
امي: سااااره هي تعالي طلعي الفوطه
انا: هي جايه
وطلعت الفوطه وطلعت سفرة الفطور وقعدنا نفطروا
وليد: هي انزل وزي ماقتلك الي صار بيناتنا
علي: تمام هي سلام بعد الجمعه نتلاقوا
وليد: ماشي
دق دق دق دق
ام علي طلعت تجري فتحت الباب
علي: صباح الخير
امه حضناته وقعدت تبكي
امه: وين كنت وين وين
علي: عليش تبكي به مش صايرلي شي كنت سهران مع الشباب
امه: من هما الشباب ووليد معاهم اكيد
علي: ايه اصلا مشيت مع وليد انا
امه: هدي اخر مره تبات بره ولا تسهر لامع وليد لاغيره
علي: باهي حاضر ماتبكيش خلاص
وخشت هيا وياه وناضت نادين..
نادين: وين كنت انت امك حتى الليل مارقداته
علي: بايت مع الشباب
نادين: به قول مره تانيه قبل ماتطلع وتقفل تليفونك واتخلي بالنا مشغول
علي: باهي خلاص ماصار شي حسستوني متت
نادين: هي غير تعالوا افطروا تو
علي فطر بعدها خش لداره ادوش ونادين حددتله عربيته لبسها وطلع للجامع..
امه: هي صبيه وتو يجي علي يرفعه
نادين: نحط معاه مشروب
امها: ايه اكيد
علي صلى وطلع من الجامع وروح للحوش..
امه: اهو الغداء ارفعه حوش عمك قبل لا تخش
علي: باهي شوي بس
وخش لداره قعد فوق السرير وطبس راسه وحط يديه ع راسه ويفكر في الي صار معاه امس الليل وصوت عياط البنت يرن في ودنه وراسه صداع بينفجر بعدها ناض رفع تليفونه واتصل بوليد ولد عمه..
وليد: ها اعليوه
علي: نبي حبه توا بسرعه راسي بينفجر
وليد: حبة شني
علي: الي امس عطيتني منها
وليد: شكلها شدت😃 تي باهي بعدين نتلاقوا ونعطيك
علي: تو انجيك بنجيب الغداء وتيها ليا
وليد: تمام نستنى فيك
حوش احنينه🏩••●••
احنينه: الحمدلله تسلم ايديكن ابنياتي
امي: سفره دايمه ان شاءالله
انا: هاتي عنك امي تو اندخلها
ونضت دخلت السفره وغسلتها بعدها طلعت كسدت ع النت شوي ولقيت نادين فتحت••
نادين: اهلين سرو
انا: شنجو ندوش
نادين: تمام وانتي
انا: الحمدلله
نادين: شنجو لقرايه
انا: تمام ماشيه
نادين: امتحاناتي يوم الاحد😔
انا: طبعا انا نستنى فيك ره مانسيت وعدك قلتي بعد تكملي امتحانات بتجيني
نادين: تي غير نبدا بس حاضر والله ماانسيتك
انا: امتى تكملي انتي
نادين: الخميس الجاي
انا: تمام معناها الخميس نستناك 😊😍
نادين: اوك😊
جنات: شنجو حبي
سامي: تمام ياروحي وانتي شنجوك
جنات: مش تمام مضايقه😔
سامي: شن فيه كنك
جنات: كلمت باتك ع الفرح
سامي: قالي خلي يفوت سنه ع وفاة عمي وبعدها ساهل لكن انا قاعدله
جنات: اسمع مالاخير ره فيه واحد متقدملي وامي قالتلي هدا شكله امطول كان مش ناوي يتزوج بنعطيك
سامي: كنها امك ازح
جنات: هدا كيف المهم انا قتلك وبعدين خلاص عمك مات الله يرحمه لعند امتى بنصبروا
سامي: باهي حاضر ياعمري انتي امتى يناسبك الفرح
جنات: الشهر هدا
سامي: خلاص تم كيف ماتبي
جنات: تو انشوفوا😞
بات سامي: سااامي
سامي: شوي بس حبيبي.. نعم ياباتي
باته: تعال تغدى
سامي: هي جاي.. حبيبتي بعدين نحكوا تو بنمشي نتغدى يستنوا فيا
جنات: اوك
وليد: تعال جاي افتح يدك خودها ورد بالك توريها لحد بعدها نحنا لتنين نمشوا فيها
علي: تمام
وليد: شني اليوم تبات معاي انديروا جو
علي: امي قالتلي معاش تبات برا
وليد: اي عليها قبل باتك وتوا امك تي مااتخليش امك تتحكم فيك شوفني انا كيف عايش حياتي خليك راجل وخلي عندك شخصيه
علي: به شن بنقوللها امي
وليد: تو تغدى معانا وخليك ماتروح بعد العصر نطلع نا وياك مشوار بعدها نرجعوا وانزل معاي وفوتها امك ماتكلمها وتليفونك اقفله
علي: به تمام
بات وليد: هي تعالوا ياشباب تغدوا
وليد: غير تعال نتغدوا توا بس
علي: هي فوت
تغدوا بعدها كل واحد خش لداره وعلي ووليد خشوا لدار علي وقعدوا يلعبوا بالبليستيشن
مع الساعه12 الليل ••
حوش احنينه 🏩○••○
امي: هي بالسلامه
احنينه: باهي بالسلامه واقري كويس
انا: حاضر احنينه
خالتي فرح: هي حتى نا جاني مندر خليني نطلع معاكم
وطلعنا مروحين وطلعت خالتي نوال توصل فينا جنب الباب
امي: خلاص تو انا انكلمهم وانقوللهم علي يوم يقدروا يتفضلوا فيه بعدها الي كاتبه ربي يصير
خالتي نوال: ان شاءالله
وطلعنا روحنا خالتي مشت لحوشها ونحنا مشينا لحوشنا..
نوره: حبيبي خلاص نوض ارقد
سعد: يااعيون حبيبك انتي كيف نرقد وانخلي العسل هدا كله
نوره: 😊
بعدها ناض طفى الضي وولع السهاره وجاء قرب منها وباسها
نوره: يامجنون
سعد: شن رايك ياعمري ناخد اجازه الشهر هدا ونطلعوا لمكان انغيروا جو
نوره: تدكر انك وعدتني بترفعني لتركيا😔
سعد: ايه ولعند توا الوعد قاعد لكن انزبط اموري قبل
نوره: امتى به😔
سعد: به تو انشوف كان كل شي تمام المشيه هدي نمشوها لتركيا شن رايك
نوره: حقا حبيبي😍
سعد: به تو انا فرحتك جاء دورك انتي تفرحيني😉
وقعد يقرب منها ويضحك
نوره: يااهبل
سعد: اشش ولا صوت
نوره: به اولع السهاره عليش طفيتها
سعد: لاهكي نبي انا
😍😍😍😍😍😍
علي ووليد راجعين للحوش..
علي: نقص السرعه ياراجل
وهما ماشيين😲😲😲😲😲😲
علي: ازح😣
يتبع•••
الرجاء تعليقاتكم ولايكاتكم والدعم للصفحه
للمزيد من الحلقات🖒
ياريت تفاعلكم والي يقرا الحلقه
يدير لايك ويكتب تم🖒
وعطوني رايكم😉
#منشن😊
#تأليفي🌺
#كتاباتي✍••
بعضها من حياتي والبعض الأخر من واقع اراه في مجتمعي••