ي بت لوني !
هدوئج ، ضحكتج ، لونچ
كلهن ونسة عيوني .
#عشك بنيتي
#ملاك الشيطان
………………………………………………
الحاضر:
كعدت م̷ـن صفنتي على صوت الباب هو يدك
عرفت هاي خالتي اجت لو يمكن بابا لين راح
يجيب مسواك بمناسبه خالتي جايه وزايرتنه..
لاول مره فلازم نضيفهة ضيافه حلوه تلوكلهة
تستاهل خالتو شفت ماما مخبوصه كمت اني
افتح: خليج انتي اني افتحه
رحت افتح الباب لزمت المقبض اخذتلي نفس
وابتسمت اول مفتحتهة صارر بوجهيي وجهة
البشوش ضحكتلهة وذبيت نفسي عليهة
:خالتوو
طبطت على ظهري تمسح عليه اني ضليت ..
حاضنتهة اشم بيهة اوف يريحه امي امممم
متختلف عنهة شي بالحنان والمحبه: يعيون خالتج انتي يولي مشتاقتلج
ابتعدت عنهة ولزمت ايديناتهة: والله اني هم
واخيرا خالتي زارتنه هههه
ضربتني بجتفي :شنو تقصدين ولج
هزيت راسي بضحكه: هه موكل مانكلج تعاي
متقبلين الطريق طويل
دخلتهة جوه: اي شسوي ياعيني الطريق هم
بعيد ولاين اجيت من البصره كلت خلي
ازوركم
:نورتي البيت بيتج
اجت ماما هم سلمت عليهة ويبووو ضلن بس
يسولفن واكفات ادري ددخلن واحجن مو يم..
الباب اجتي زمرد هستوهة كاعده م̷ـــِْن النوم
كبل ركضت لاخالتي وحظنتهة
: شلونج خاله شعجب جايتنه شو شماكلتولي
:هلا يبعد خالتج صارت صدفه اليوم الصبح.
كلتلهة لامج
كعدت يم خالتي وزمرد بصفهة اجه حسن هم
يلعب بالسويج ويضحك:هلا شو ماكو اسقبال
الي
عيبتله اطلع لساني: مالك اي استقبال ولي
باوع عليه عدل مثل المتفاجاه: هاي منو هنا
عشق ها ولج صايره تخبلين ام خدود كبرانه
حسيت بغصه م̷ـن كلي ام خدود لزمت صدري
لين اختنكت حاولت مابين هلشي بس رفعت
راسي: عاد لاتزحف قابل نضل صغار
كعد على قنفه: امشي لج ازحف
بوسته ماما كلعاده مجلبه بيه عاد هو ميكعد
كلساع متحارش هههههه وي وحده نوب هاي
تتخيل منه زمرد ضل يصنف
:بله زمرد ام عطوب شمسويه لاشعرج ونايم
شوكت يكعدن لاعطوبات مالاتج
ضحكتله بتصنع امبين هلاشي: ههههه كولش
سخيف ماضحك
:ومنو كلج داضحكج
اباوعلهم واضحك سئلته: انته شوكت تزوج
متفك عنه ياخي وضل تحارش بمرتك
لزم كلبه يحجي بهيام: اوف بويه لاتذكريني
ولج خليني ساكت
عمزتله:هاا هاا حاط وحده ابالك موخالي انته
مو اني كلت امبين عاشك ههههه
شمر عليه السويج بس وخرت قبل لايضربني
بيه اجه بابا واخذت منه المسواك وحط ايده
على راسي غمضت عيوني بالم ماتدري يا بابا
بنتك جاي تتالم
:الله يرضى عنج بنيتي اجتي خالتج
فتحت عيوني واخذت نفس هزيتله راسيي و
رحت لمطبخ اودي مسواك بابا راح يسلم على
خالتي ضلو يحجون واني واكفه حاطه ايدي..
على الكاونتر كلبي يوجعني
غمضت عيوني حيللل و اتنفس سريع سمعت
صوت زمرد وراي: بعدج تتذكريه
لزمت جتفي بخفه مــِْن وره: موماكافي عادد صارلهة سنتين هلاشغله عشق كافي دتاذيننن نفسج بس
بلعت ريكي كلبي صار يوجعني اكثرر واكثررر
صارت واكفه يمي خترعت خطيه كامت تفرك صدري اكثر حتى تخفف عني :يعني هاي حاله بعدهة تصيرلج
هزيتلهة راسي اي كل مانقهر او انصدم ينكطع
عني النفس واختنك شربتني ميي يله هديت
شويه...
باوعتلهة عيوني كلهة الم بس هيه الي تحس
بيه حظنتني اني ماقصرت حظنتهة حيل:اف
عيوني انتي كافي تعبين نفسج كافي شو شو
باوعيلي
رفعت راسي م̷ــِْن حظنهة: يو اني غاليه عليج
يعشق تنسين كلشي يله عشق ارجعيلنه اييي
ارجعيلنه عشق المرحه لمايكسرهة شي اريدج
توعديني بعدين ساره هم تسئل عليج
هزيت راسي: لٱ لاتهزين راسج انطقيهة يلهه
اخذت نفس حتى اكدر احجيهة كلمه كولش
صعبه بالنسبه الي: ا اوعدج زمرد انسه انيي
كولشي اطيني وقت
-أهَلكتُ نَفسيِّ بـِ حَربٍ لا أراءَ لهَا !.
ابتسمتلي سمعنه صوت ماما تصيحلنه نتغده
رحنه كعدنه يم بابا ضل يطيني سمج ويكولي
:اكلي بعد ابوج ضعفانه بنيتي
باوعتله صافنه بيه
"لْـۆ الجميع مثلك لما انكسر قلبي يا أبي"
باوعلي وضربني بصبعه على خشمي:هاا بنيي
اكوو شي ليش صافنه بيه
هزيت راسي اي مثل الطفله: بس ليش صاير
هلكد حلوو
ضحكلي بصوت وبينت سنونه يهمسلي: هههه
بويه ترا امج ماتقبل تتغزلين بيه هههه
باوعنه على ماما م̷ـــِْن كالت: هاا شكو خير
حضنن ايد بابا حيل اغور بماما: ابوو عشق و
عشق ديحجون شي خاص اكو مانع اعتراض
طلعتلهة الساني ٱڅڑ شي هي تاشرلي بيديهة
اني اعلمج صبريلي ضحكت ورجعت اكل هه
ادري ماسويلي شي
خلصنه غده و طبعا ماتخلو م̷ـــِْن شقه حسن..
ويانه شقاه هاذه يخليك تضحك حتلو جنت
واصل لاكبر مرحله م̷ـــِْن الحزن
سويتلهم جاي كعدو همه يشربون ضليت بس العب اني بالخاشوكه فاصله عنهم ولا اعرف... شديحجون الا وان كال حسن: اي عيني عشق راسلي موو كخه احنه ماشي
رفعتله راسي وتذكرت
الماضي :
وحده تصارع وي الثانيه لاحد ماا يااا عزااا لٱ
سمعنه صوت دزه رساله عافتني واني باوعت
للمحادثه بصدمه
دازه سمايل بوسه لطمت على خدي: ولج ولج
اسويتي يانعال اني اعلمج تعالي
بسرعه قفلت المربايل وذبيته على.. الجربايه
لزمتهة م̷ـــِْن شعرهة واجرجر بيه هي تتوجع
وتكلي:اييي عوفيني ولج والله مادري موبس
انيي تعاي هاي منو هااا احجي لاروح اكوللهة
لاماما والكعبه
وخرت م̷ـِْن يمهة وضليت افتر وامسح كصتي
م̷ـــِْن التوتر وادردم: لايربي هسه يروح باله
بعيد
هاي لطمت على خدودهة: عزاا بعينج يعشق
منو هاذه احجي
صيحت باخر كلمه حيل صراحه خفت لاتروح
تكول لاحد لزمتهة م̷ـــِْن ايدهة وكعدتهة على
الجربايه وكفت كبالهة
:سمعي راح احجيلج بس تخليه سر والله ثم
والله اذا حجيتي لاحدد يا زمرد
:دنجبي م̷ـــِْن شوكت احجي اسرارج
جتفت ايدهة عند صدرهة تبارع بغرور : هه
اصلا متلكين مثلي محامده ربج والله
عكدت حواجبي اباوع من فوك ليجوه عوجت
حلكي اقلدهة : لاخطيه واضح ضامه اسراري
وديله انجبي اسمعي وبس لاتحجين ولا كلمه
هزت راسهة اي متحمسه بديت احجيهة كول
شي م̷ـــِْن الف للياء اريدهة تعرف اخاف اروح
اقصد اسوي شي غلط اني لاين هي اكبر مِڼـّي
واكيد تفهم اخخ ياوكت خلاني الجأ لازمرد....
و ضلت تهز راسهة محجت شي بس تسمعني
لحد ماخذت نفس علكد محجيت وزفرته اف
:وهاي كولشي
حجيتهة بساطه جان تكوم راحت يم الباب يا
هاي شبيهة صيحت: ويننن
التفتتلي: اروح اكول لاماما كولشي
فتحت عيوني بصدمه كمزت على ظهرهة هه
مثل القرده جريتهة م̷ـــِْن ملابسهة:تعاي تعاي
وعدتيني متحجين بعدين ممسويه شي غلط
اني
هي مجلبه بمقبض الباب واني ادفعهة الي و
هي تدفع نفسهة للباب: انجبي وخري خلييي
اروح اكول لاماما معليه هديني
ضلينه على نفس الحاله لاهي تقبل تهد ولاني
اقبل اعوفهة سمعنه صوت الموبايل يعلن بيه
رساله تندز وحده باوعت للخ طفرنه سويا ...
عليه
اخذته داريد افتح الرمز هاي خبصتني: اوفف
يله عاد فتحيه خنشوف شنو كتب يربي هسه
اني ليش متوتره شعليه
كامت تهفي بوجهة واني هسه يله فتحته و...
دخلت على الرسايل الواتساب لكيته كاتب
:هممم رساله بلغلط يله عاديي نمشيهة
عكدت حواجبي يربي يخوف هاذ شمدريه ..
احس نفسي من اوكف يمه داخله معسكر هه
:حمدالله وشكر طلع عنده عقل ويفتهم
هاي زمرد طببت راسهة بالموبايل:اي بعد بعد
طبي بيه وروحيله احسن سلمي عليه وتعالي.
ضربتني على راسي م̷ــِْن وره لزمته م̷ــن الالم
كعدنه على جربايه وكتبتله
:اي بنبي بلغلط مادري ودزيته والله والله
صيحت زمرد بنفاذ صبر: اي كافي عاد م̷ـــِْن
يمي صرعتيني والله والله هو شيكول
دفعتهة بجتفي: انجبي معليج احسن ميفتهم
غلط كبور
ضليت اهز برجلي باوعنه لموبايل كمزنه احنه
سويا :ديكتب
:اي اعرف لاتحلفين مصدكج وهاا الكنافه امم
طيبه
ابتسمت بخفه هاي تباوعلي تهز ايدهة اشرت
عليه بصبع الشهاده: . لج اذا تسوين شي غلط
اركعج بنعال واروح اكول لابابا مو لاماما
كلبت عيوني: مستحيل انزل راس ابويه
هزت راسهة: اي نشوفف
كتبتله: بالعافيه
نطت هاي: هاا عرفتج موخاليه اخ اخخ
كمت بلعم احاول تجنبهة حتصرع راسي هاي
يبووو رجعنه ليوره سندنه نفسنه على جربايه
سمعنه دكت الباب احنه باوعنه اله بصدمه و. بسرعه طفينه الموبايل وطبت ماما
كالت بشك:اكللجن شو خانسات امسويات شي
وحده لزمت ايد الخ من جوه الالحاف بخوف
وحجينه بنفس الوقت نهز براسنه : لاااا
حجت ماما بشك : هاا الله يثخن لبنجن اممم
حروح اني انام لاتسهرن هواي
هزينه راسنه ب اي واول مراحت تنهدنه اوف
براحه وبهلحظه دك الموبايل شفته هو رجفت ضلينه وحده تباع للخ حايرات خليت المخده عليه ونمت فوك المخده حتى لاينسمع
الصوت هاي زمرد طفرت م̷ن الجربايه فتحت المجر و جابت سماعات
باوعت بعجوبه: عفيا تعرفين تفكرين طلعتي
غمتني واجتي: انجبي اصلا يو مو اني انتي
مادبريهة
تفلت عليهة تفله وهميه شكلنه السماعات الهة وحده والي وحده فتحنه الخط وتغطينه عدل
محد حجه شي ولا اني لاحد مكال
:حتضلين صافنه
فتحت حلكهة زمرد بصدمه لمن سمعت صوته
كامت تهفي بوجهة همست باذني :لايا قوندرا
يامكصوفه لركبه منين جايبته هاذه اذا صوته
هيج شكله شلون
رديتلهة بهمس:هههه اشايفه اشايفه هاذه بس
تسجيل دخول
هزت ايدهة وغمت نفسهة: لاعد كلمه السر
شلون
باوعنه للموبايل وحجيت:ها يعني شنو اكولل
ماعرف اقصد ماعندي شي اكوله
جاوبني ابرود: امم زين رديتي هسه جان بعد
لوماخذالح صفنه زايده عبالي نمتي
عزا بعيني هاذ شبيه شلون يحجي عزاا هاي
بس لاديقصفني نوب اباوع لازمردد حاطتلي
ايدهة على حلكهة حتى لتضحك غميته كتله
بعصبيه
:لا مانام لاتخاف عليه
: بويه ماحجينه شيي لاتعصب بنيتي اخافف عليهة
خجلت لزمت خدودي اضحك: اممم
:لانكولين اممم
:ليش
تنهد: تحرك كلبي
هاي زمرد العوبه حتموت نفسهة سوت عودد
جاي تتخربط وكعت على لافراش هزيت يدي
رجعت كعدت وعدلت نفسهة: واحد منه بليزز
تفلت عليهة ورجع كال: هم صفنت ام خدود
يله بويه عندج مدرسه باجر روحي نامي يله
بنيتي لاتسهرين
بلعت ريكي يما شكد احبه م̷ـــِْن يكولي بنيتي
:ماشي باي
سديته بعد ماودعته هاي كامت تتنفس سريع
وتكول:يما يما احس اني داحجي وياه موانتي
لزمت كلبي وهزيت راسي بدراميه: لعد شنوو
اتكولين عليه يعوبه
تمددت وغطت راسهة: اليوم اني خطار يمج
تمدتت اني هم : هلا بيج
ضليت اكلب بالموبايل وافكر بيه دخلت على
الوتساب متصل محسيت غير ديكتب بسرعه
طلعت م̷ـــِْن صفحته شيكول هسه مراقبتني..
:ها بنيتي بعدج منايمه
:لامنعسانه
دك عليه وفتحته : منعسانه واني منعسان
تعاي نحجي احجيلج وتحجيلي
عشق : ماشيي انته اول عرفني عليك
:اني صكر من البصره شيخ. عشيره م̷ـــِْن
بعد جدي عمري 29
صيحت كايمه م̷ـــِْن مكاني:29
هاي وخرت اللحاف م̷ن وجهه وكالت بصدمه فاتحه عيونهة: 29
غطيت وجهه بلحاف حتى لاتشوشني اكثررر
خليني بهاي صدمتي : اي جبير مو هممم
والله جبير بلعت ريكي: اي بس مامبين عليك
:اممم عندي شركه واتاجر ومكمل اقتصاد
:ماشالله
:وعائلتي متكونه م̷ـــِْن جدي والحجيه وامي
واختي اولاد عمي وابويه بيت عميي بصفنه
جدي يستلم المشيخع بالديوانيه هو صاحب
القرارات واني م̷ـــِْن بعده
لاين هو الرباني والعلمني عليهة ماخذ منه ال
شبه وصرامته
:يعني جدك عصبي وصارم
:اي كولشش وكلمته وحده ماتصير اثنين
:تدري تحجيلي عنه وخفت منه زين ابوك هم
:لاتخافين ماكول اني موجوده لتخافين ابويه
عصبي باوقات بس ماكو م̷ـــِْن طيبه كلبه
الحجيه هاي غاليتي اموتن عليهة تحبيهة من
اول مشوفيهة صحيح صارمه. تطي قرارات و
متتفاهم بس ماكو مثلهة
:الله يحفظهم
وخرت زمرد اللحاف م̷ـــِْن يمهة: منو هم الله
يحفظهم
كلبت عيوني غطيت وجهة مرھٌ ثانيه بلحاف
حتى لاتحجي ضلينه تفريبا لل4 حجيتله ههه
حجيتله عن حياتي كولش حلو تشارك انو ....
شخص حياتك ويتفهمك ٱڅڑ شي كلي
:ترا عيوني قفلت وباجر وراي طريق
:ويعني حتروح باجر
سمعته يتنهد: اي اروح وراي شغل
:امممم
:هم كالت اممم يله بنيتي روحي نامي وباجر اني اكعدج م̷ن الصبح علـى مدرستج الساعهه
ب6
فتحت عيوني بصدمه يمااا م̷ـــِْن 6 هاي شنو
شعندي: بس بس بعد وكت ب6
:كسوله يله بويه لافراشج ومثل مكتلج ب 6
تكعدين يله اريدج نشطه وتتريكين هم
ابتسمت على هتمامه حتى بهاييي هو نظامي
:اوك ماشي
سديت الموبايل ورحت قفلت الباب حتى م̷ـِْن
يدك عليه مشوفه ماما هه خليت موبايل يمي
تلفلفت بلاحاف مبتسمه على طريقه كلامه
غمضت عيوني وغفيت كعدت على الموبايلل
هو يدك فركت عيوني بنعاس فتحته اني ههه
اصلا ماعرف منو المتصل: الوو
اجاني صوته الحلو م̷ـــِْن الصبح: بنيتي كومي
تاخرتي على المدرسه يله بويه
ابتسمت بدون وعي نايمه على المخده خالته
باذني الموبايل :صكريي هاذه انته موو
:اي يروح صكرج كومي كافي كسل
عكدت حاجبي ستغراب شهكت فاتحه عيوني
بصدمه كمزت م̷ـــِْن الفراش خليت ايدي على
حلكي اني شنو حجيت كبرر الي امدايه اوف
اني م̷ـــِْن اكعد م̷ـــِْن النوم موبوعيي
:ه ه ها اي
:ادري موبوعيج عادي لاتحجين يله اني رايح
وراي طريق طويل وشغل
باوعت على نفسي بالمرايه عدلت كدلتي :
هسه انته وين
جاوبني مستعجل: هستوني حطلت من البيت
ابتسمت وكتله: اوك ماشي
طكيتهة ركضه فتحت الباب مشيت بخطوات
بطيئه حتى لٱاحد يسمعني مشيت تاتي تواتي
فتحت باب البره بسكوت وهمزين نوعيته.....
الصوت ميطلع حيل طلعت والتفتت يم بابب
بيتهم شفته هستوه طالع ديفتح باب السياره
جان يشوفني م̷ــِْن شافني بينت معالم صدمه
بوجهة ابتسمت لعبت بكدلتي ونزلت راسي...
خجلانه اهز بجسمي مثل الطفله سد الباب...
مال السياره بعد مفتحهة اجه يمي واني بعد
على حطتي منزله راسي بالكاع من خجل اف
اول مَـرّھٌ اسوي هيج
لزم حنجي ورفع راسي ضل صافن بعيوني و
اني اباوعله عبالك دنحجي بلغه العيون.ومااا
ادراك ما لغه العيون
كَثري تعبي برآحتچ أبقى أحبچ
عيونچ الحلوآت عآشگهن وربچ ....
نزلت عيوني وكلتلهة :ي يله كافي تباوع راح
تتاخر روح
:عيونج ماريدهن تنزليهن من عيونيي رفعيلي
راسج دشوف هذني المدوخاتني
رفعتله عيوني اطرف جسمي ترجف م̷ن كليي
: -صَوبيْ بـ؏ِـيَنيكِ ؏ـليّ بِقوة وَ ﭑقتليَنيَ ،فَأنْ قتلتيَنيْ بـ؏ِـيَنيكِ سأبعثُ حياً .
ابتسمت بخجل دفعته كلتله بطفوليه : يله
عاد روحح حتتاخر
باوعلي بدونن اي رده فعل منه تدرون شنووو
اني احس موهو يعني اقصد اوف ماعرف هو
يعني مادري مادري جاوبني يلتفت: ماشي باي
وكفته قبل لايروح : صكررر
لتفتلي واجت عيني بعيونه هو دائما يباوعلي
بعيونه اول شي اول ميلتفت اول ميباوعلي ا
احسه يتعمق بيهن يخترقهن مثل السهم كتله.
:دير بالك على نفسك
اخذ نفس وهز راسه رجع اندار يروح بسيارته
صعدهة لزم لاستيرن اشرتلهة بيدي باي واني
ابتسم بلهفه جانت امبينه عليه واضحه انييي
دوما مفضوحه مشاعري
جان لزم لاستيرن. وظهره مرجعه على الكشن
رفع وجهة عليه وصفن اي صفن باوعلي
بنظره جنت صعبه افسرهة لاهي حنيه ولاهي
نظره عشك وهيام نظره بارده خاليه م̷ـــِْن مشاعر
جموده كلبه هدوئه المخيف بروده المعتاد ...
خله كلبي يرجف ليش ماعرف صعب افسررر
هاذ الشخص الكدامي غامض ڱڵـه. اسرار منو
انته يصكر
تجاهلت مشاعري للحضه وياريتني مسويتهة
ولاكملت بهلاطريق الغامض صعب هواي .....
صعب للي راح احس بيه
أخافُ أن أعتادك ثم تختفي فجأة تاركً خلفك اُغنية لا تزال تشق قلبي كلما سمعتها ...
طبيت جوه كعدت على الميز افكر خاله ايدي
على خدي جفلتني ماما من صيحت حاطتلي..
يدهةعلى صدرهة : اعوذبالله. م̷ـــِْن الشيطانن الرجيم بسم الله الرحمن الرحيم
بوزت شفتي وكلت بشبه اصياح : ادري ماماا
شنو شايفه كدامج جني كبالج متكوليلي
دخلت للمطبخ ورفعت اردانات تراك مالتهة....
طبعا ماما خلوه موحبيره حيل وتلبس تراك :
والله شايفه اخوه
وكفت بسرعه لمن سمعتهة هيج تكول.. يعني
شنو اني جني: نعممم
فتحت الثلاجه:شعندج كاعده م̷ـــِْن الصبح ها
منج م̷ـــِْن الشيطان
كعدت مَـرّھٌ ثانيه حجيت بملل وهزيت جتفي
:عُاَدّيَےّ شنوو الغريب
طلعت البيض والطاوه م̷ـــِْن الكاونتر وغسلت
:امم والله اي غريب ماعلينه الله يهديج انتي
واختج شرايده اني بس الله يهديكم
صيحت اعصابي تلفانه:ادري هسه رايحه اني
للحشد ولزمه سلاحي كاتله كل مسلم بريئ....
حتى الله يهديني
غمتني وهزت ايدهة ضلت مستمسره تكمل ..
لريوك خليت راسي على الميز نايمه خاله يدي
جوه راسي غمضت عيوني محسيت الا على...
لمسه ايد بابا لخدي يمسح عليهن بنعومه ههه
ابتسمت وعرفته هو لاين هاي حركته دائماااا
يسويهة رفعت راسي
:صباح الخير يا غالي انته
ضحك وكعد بصفي على الكرسي: اخخخ من
لسانج
فتحلي ايده واشرلي اكعد بحظنه على رجله
بسرعه بدون اي تردد او تفكير كعدت اني بحظنه شبكته م̷ـــِْن ركبته
وهنا حجت ماما.: تره والله ابد ميصير هيج
ضحكت وكلتلهة: الج ام عشق مابايكيه ترااا
احنه
ضحك بابا يمسح على شعري يسئلني شلوني
وعن اخوالي واحاوبه نمت على صدره اوفف
يا امانك ماكو منه اثنين وربي
كعدت زمرد تغرد م̷ـــِْن صبح: كومي لج خلي
اني اكعد اني الجبيره هنا يله ولي
حضنته لابابا حيل وبوزت شفتي شنو يعنيي
هو بس الي: معليه شنو انتي جبيره مايصير
اخذهة بابا وكعدهة بصفحه الثانيه هاي شنو
اني احجي شي وهو يسوي شي ثاني
:يابه لو تصيرن عجايز يضل هاذه مكانجن ما
يتغير شعندي غير عشوقه وزمرد
باوع لاماما وغمزلهة:وام زمرد اكيد
طكيناهة ضحكه اني وزمرد وضلينه نشاقيهه
ونتريك السوالف وي بابا تجنن مولانن ابويهه
لٱ والله بس بابا سبورتي بس بحدود ربانه......
على احسن تربيه
ولاول مَـرّھٌه احنه نجتمع كولنه على الريوك...
خاصتا زمرد نايمه يو اني ماحب اتريك وكلل
هاذ بفضل صكر اي صكرر
بدلت ملابسي حتى الحكك على هاي الغضب
المدرسه مشطت شعري وركضت لامدرستيي
وزمرد راحت هم لامدرستهة بعد ماودعناه ...
لابابا
وصلت للباب لكيت بعد وكتت حمدالله شفت
عمو ابو حيدر سلمت عليه: شلونك عمو
جاوبني ملتفت بعد مجان يباع كتب ماعرف
مال شنو ابتسملي: هلا بعشوقه الغاليه تعالي
اكعدي يمي بعد عمج
كعدت كدامه على الكرسي هو كعد بالمسطبهه
:شلونه ابنك حيدر بصف لاول متعبكم موو
ضحك هاز راسه: ههه شالع كلبنه مايقره
ضحكت ورفعت حاجبي: عزاا هاي هسه هيج
الله يستر بالمستقبل
ردلي يهز راسه بخيبه امل ويضحك: اي والله
رتبت كعدتي سئلته متحمسه: اي عمو شنوو
درس اليوم عن الحياه
،جاوبني يباع للكاع: الحب
كعدت حاجبي مردده :الحب
:اي بنيتي تعرفين الحب يدخل ويجي بدونن
اي اذن م̷ـــِْن يمنه او م̷ـــِْن كلبج الحب يبنيتي
المرر والحلوو وما احلى الحب اذا حبيتي ماا
راح تكرهين ميسمه حب هاذ اكو اشياء تخلي
انضحي ونبتعد
عكدت حاجبي:ليش يبتعد
هز جتفه: يمكن حتى الشخص الثاني يصيرر
فرحان
رجعت سئلته: شون يصير فرحان وهو بعيدد
عن الي يحبه
:اكو ضروف خارجه عن سيطرتنه المرء تخلي
يضحي ويبتعد عن محبوبته اسباب لن تعيش
بها محبوبته سعيده وكلمن حسب ظرفه اكيد
هم تفكيره وحسب العيشه والحياه
دك الجرس كمت من مكاني نفضت صدريتي احجي:شكرا عموو دروسك بالحياه مستحيل انساهن
ابو حيدر:لاتنسيهن يعشق لاتنسيهن مِڼـي الج
نصيحه للحب امشي بكلبج شيكولج لاتمشين
لاعقلج شتسمع اذنج شتشوف عيونج اسئلي
كلبج على السمعتيه وهو يكولج الحقيقه مهما
كانت نتقبلهة
باوعتله حايره ضحك وكلي: هههههه موهسهه
يعشق موهسه م̷ـــِْن تعشكين يعشق حتفهمين
وبعدين تعالي كوليلي
:اوك عمو انته اول واحد اكولك اذا ضاك
خلكي
مسح على شعري لوحتله بيديي باي ودخلت
للمدرسه وكلماته ترن باذني اخذوووو نصايح
م̷ـــِْن عاش حياه اطول لانه اكيد قد مر مثللل
التجربه مالتكم في سفر حياته
طبيت للصف وشون اني دافكر وشون شفتلي
منظر خلاني افوررر بدمي هاي سرى حابستلي
ساره بزاويه ووياهة طالبات كورت ايدي بقوه
وصيحت بعلو صوتي: هاي شنوووو
كلهن التفتن منهن الخافن وراحن ومنهن البقن وساره بعيونه الخوف واشوف بعيونهة اتكلي نقذتيني الضلم الضلم يعشق شكد تكرهيه مرر
احيانا لٱ دائما
جتفت ايدهة سرى وتباوعلي ببتسامه خبيثه رفعتلهة حاجبي. :عوفي ساره
باوعت لاساره ولزمتهة من ياختهة وتجرجرر بيهة وهاي ساره خوافه اخذت نفس و اهمس النفسي: اشش يعشق اشش لاتتهورين لا لٱ لا تتهورين
رفعتلهة راسي وعوجت حلكي بستهزاء رحت
يمهة وتقدمت البنات كلهن اطشرن على
صفحه
يتفرجن صرت مقابيلهة حيل لزمت يديهة الي
لزمه بيهة ساره عصرتهة حيل باوعتلي بحقدد
صحكيت على سنوني: عوفيهة لاشوفج شيي
تندمين سويتي هيج
ضحكت بعلو صوتهة وكفت ورفعتلي حاجبب
بخبث:اوه ندميني حبي ندميني
ابتسمت بتصنع وكتلهة رافعه حاجبي لاثنين
بنفس الوقت:تدللين يعمري انتي
رجعت ليوره كم خطوه نزلت جنطتي باالكاع
ودنجت افتح السحابه رفعت راسي الهة انيي
ابتسم بخبث طلعت كتابي ورفعت نفسي.....
فتحته وطلعت منه صوره رفعتهة اني خالته
كبالي استهزء :الله الله علاقتكم مطوره اوف
لزمت ايد وبوسه رومنسيه هاي اني ماعرفج
هيج
غمزتلهة بنهايه حجيي درت الصوره عليهة و
وجهة صار اصفر تباوع منا وما تقدمت وانيي
هامسه باذنهة: بله هسه انشرهن بكل مدرسه
شراح يكولون عليج همم
همست اكثر خفه: الفاض ماكولهة توسخليي
الساني يحلوه انتي يله سباعيه تعوفين ساره
وديري بالج تندكين بيه
رجعت ليوره وخليت اصبعي على شفتي:وهاا تعتذرين يله شطوره وكدام الطالبات وتعدلين بياختهة بسرعهه
كامت ساره م̷ـــِْن الكاع جريتنة لايمي اخذتت
نفس سرى وكالت بدون رضى: اسفه ساره
هاي ساره رادت تحجي:عاد
ضربتهة على بطنهة بيدي اخ هاي شتحجين
وياهة بعد كول السوته بيهة تكوللهة عادي ..
اشرت على اذني استهزء: شنو شنو مسمعت
باوعت للبنات: سمعتن انتن يو لٱ احددد سمع
شي
هزن بروسهن لٱ وصاحن :لاااااا
جتفت ايدي لاعندي صدري لزمه الصوره: امم
علي صوتج اكثر مشوفين احنهه. مدنسمع يله باباتي
اخذت نفس وشاده على ايدهة: اسفههه
كالتهة واجتي كبال ساره عدلت بياختهة اني
مبتسمه انتصرت عليهة ريحت كليباتي جانن
تفوت م̷ـــِْن يمي جرت الصوره
:خير عشق خير
همست باذني وراحت انداريت وصيحت: اني
عندي100 نسخه للعلم يعني اخاف ماكو علم هههه
صيحت وطكيتهة ضحكه عدلت كدلتي بفرح
يسس هسه رتاح كلبي اوف مي بار ونصبتتت
عليه محسيت غير ساره تلزم ايديي وتكعدني
برحله
:احجي شلون طكيتيلهم صوره
باوعت علـى ساره واتذكرت
قبل اسبوع :
جنه اني وزمرد وماما رايحات للسوكك فتنه
م̷ـــِْن يم محل محمد الحلاق لامسويه علاقه
وياه سرى
مشيت اني م̷ن يمه وجان الباب مفتوح شويه
ماما وزمرد راحن سبقاتني اني وراهن سمعت
صوت: يااا محمد كافي
بسرعه اجه اباليي هاي صوت سرى ماغيرهة
ابتسمت هازه راسي بشرر: اني اعلمج سرى
طبيت شويه للمحل وباوعت م̷ن الباب طلعت موبايلي م̷ن جيب البنطرون وطكيتلهم فد كم صوره وفلتتت قبل لايجي احد
سمعت صوت ماما تصيحني:وينج عشقق
ركضتلهة قبل لاتشك:اي اجيت لاتسبقوني
فتنه للسوك واشتريت غراض جان هناك اكوو
مصور قريب على السوك كلت لاماما اسحببب
صور ممثلين المهم عبرت على ماما
ركضت اتفقت وياه على 100 صوره صحيح هواي بس قليل بحقهة مو عهههه
خلصن بعد انتضار طويل خلاهن بضرف اني
اطيته لافلوس ومن وكتهة اني خالتهن يمي..
بالكنتور وحاطه وحده احطياط للتهديد هههه
بجنطتي
رجوع:
ضربتني بجتفي لزمته ابالم: والله انج كفو
وخرت شعري من جتفي بغرور: شعبالج انيي
اعجبج انتي مصاحبه شيطانه مو بشر
لزمت خدودي وجرتهن:ملاك الشيطان انتي
حطيت اصبعي على شفتي كلتلهة :زين منوو
شيطاني اني ملاك منو هو شيطاني
عكدت هذيج حواجبهة:اممم بالمستقبل راح
نشوف شيطانج
تفلت عليهة تفله وهميه طلعنه م̷ـــِْن المدرسه وجان احجيلهة بالطريق كل الي صاررر وياي
البارحه وكفتلي بنص الطريق تصيح بعلوووو
صوتهة مصدومه :شنووووو
جريتهة من ايدهة وخليتهة تكمل مشي :بس
كوليلي انتي ماتبطلين هلصياح هاذه خاطر
ربج
باوعتلي وابتعدت عود تمثل خايفه:والله اني
بديت اخاف منج يعشق
كلبت عيوني لزمت ايدهة ورجعتهة يمي :تف
اشايفتني كاتله واحد بعدين اليوم العصر لزم
تجين يمي اذا متجين ونبي اموتج خلي نتعلل اني وياج وزمرد هسه تكيف هذيج لاين
حتجين تعرفين ماعدهة صديقات وانتي بس
الوحيده وكذا...
هزت ايدهة معاجبهة: ماشي خرطتيهن كلهنن
شنو احجي اكيد. راح اجي
صفكت اصبع بصبع : يس حتى ماوصيج بعد
لاين اذا متجين مثل كل مَـرّھٌ اجي اني راحح
اسحلج م̷ـــِْن بيتكم لابيتنه ترا اسويهة وهاااا
جيبي امج هم حتى تتونس وي ماما تعرفين
صديقات بعد
اي ماما وام ساره صديقات كولشش دائما هم يسئلن عن بعض وهلشي حلو من صالحنه اني وساره نزورهم ويزورونه
طبيت للبيت فرحانه وتعبانه لين خليت سرى
تخاف وترتعب مِڼـّي متعه حقيقيه واخيرااااا
انتصرت غسلت وجهي وبدلت رحت
اتغدى لكيت زمرد تبوك م̷ن دولمه من جدريه
مثل الحراميه مشيت خفيف وخرعتهة م̷ـــِْنن وره:اااااا
هيه جفلت وخلت ايدهة علـى صدرهة انييي وكعت م̷ن الضحك:لج شوفي شكلج الخايف
ضلت تضرب بيه تدفر برجليهة: انجبي انجبي مضحك
عدلت كدلتي وكمت م̷ـــِْن الكاع:احممم الًيَوُمًِ
راح تجينه ساره نتعلل سويا لاين طاكتني......
الكائابه فولل
هاي كامت تكمز وتصفك: صدك ايي خوشش
فكره تعرفين تفكرين لاول مره
كلبت عيوني ورحت يم الجدريه مالت دولمه
ضليت اكول واحجي:لج يوتدرين شنو سويت بسرى الًيَوُمًِ خبلتهة جننتهة
التفتت وسندت نفسي على الكاونتر بس اكل
بالدولمه حجيتلهة كولشي وهي كاضيتهة بس
تضحك :ياملعونه والله انج موقليله يعشق....
ترست حلكي دولمه واحجي بصعوبه هلكد ما
عبيت :شعبالج اتعلمي مني شلون تندك هي... بصديقتي لاعد
طبت ماما شافتني متروس حلكي اااا فتحت
عيوني طكيتهة ركضه للصاله حتى لٱ تكتلني سمعت صياحهة:لج عشق شمسويه بالدولمه.
طايحه الحض
خلصت لكمتي بلعتهة وشربت مي :ترااا حتى
زمرد ترا اليوم ام ساره حتجي كيفي دبرتلكم
موعد تحشون على الناس
خلصنه أكل واليوم مفتحت موبايلي كعدتت اقره خلصت ونزلت جوه وشفت ساره وامهة طبن رحت بوستهن وحظنتهن
بكت ساره م̷ــن امهة وغمزت لازمرد تجي هم
ورانه وجيب المعسكر ويانه ههه اقصد تعلوله
طببتهة واجتي وراهة زمرد شايله اغراض...
بلكوه وتدردم:ادري تعوفني بوحدي ضالمات
سديت الباب وغميتهة: طبي لاتلغين
سمعنه صياح ماما م̷ـــِْن جان بسرعه التفتنهه
على الباب فاتحين عيونه
يتبع…لٱ تنسو التصويت