#خوخه_والكراش
__ انتي يا انسه ايه الي جابك هنا ده مش السكشن بتاعك🤔
__ مين انا🌚
__ هو في غيرك ايوه انتي🙄
_ ما هو ده سكشن صاحبتي😂
__ ما تخلصي يا انسه انتي هتحكيلي قصه حياتك😡
__ ما هو انا مبفهمش غير لما اقعد جنبها يا دكتور🥺🥺
كتم ضحكته بصعوبه علي منظرها وكلامها 🤭
__ طب اتفضلي بره علي السكشن بتاعك ومتتكررش تاني
**************
__ شوفتي يا منه طردني من السكشن يخربيته انا هفرقع
__ 😂😂😂😂 مش دا كان الكراش بتاعك الي كنتي مصدعاني بيه قولتلك دا معيد رزل وصعب جدا مصدقتنيش اشربي بقي 👊😂
__ بلا كراش بلا زفت بقي متجبليش سيرته تاني خالص
__ والله
__ ااه لمده ساعتين تلاته كده 🌚 الواد مز قوي بصراحه جاته القرف في حلاوته 😂😂😂
__ مفيش فايده فيكي طب يلا قدامي يا اختي خلينا نغور نروح 😏
********************
__ انتي تاني يا بنتي انا مقولتش متجيش هنا تاني
__ يا دكتور بليز افهمني انا فعلا مش بعرف اركز في السكشن التاني 🥺🥺😭
__ ليه بقي
__ التركيز هنا احلي 😉🙈😍🥰😂
__ نعععم لا دا انتي جايه تهزري طب اتفضلي يلا
__ اوك انا ماشيه بس احنا عندنا امتحان بعد يومين ولو سقطت هيبقي ذنبي في رقبتك بس
قولت كده وطيرت من قدامه قبل ما يطربقها فوق دماغي 🤭😂😂😂😂😂
فعلا مكنتش عارفه الم الماده وليله الامتحان حاسه اني مش فاهمه حاجه ودماغي وقفت وقعدت اعيط حسيت اني هسقط خلاص كده
جاتلي رساله علي الواتس من رقم غريب فتحتها لقيت الماده متلخصه في نقاط بطريقه واضحه وحلوه جدااا والخط رهييبب حلو قوووي وكل حاجه مشروحه
استغربت مين الرقم ده وباعتلي الحاجات دي ازاي وازاي عارف اني عندي امتحان بكره 🤔🤔 توهت قوي ممكن يكون حد من الدفعه مثلا 🌚 مش عارفه انا هذاكر دلوقتي وبكره ابقي اعرف مين
بصراحه الكلام شدني ان اذاكره كله واحفظ النقاط الي هو مركز عليها
دخلت تاني يوم الامتحان لقيت الي انا ذاكرته معظمه قدامي في الورقه 😳 فرحت جداا وحليته طبعا
وفي اخر خمس دقايق من الوقت دخل الكراش الي بيخطف قلبي بجد بطلته القمر دي وسويت شرتاته الي تجنن 🙈🥰 وبرفانه الي بيجيب اخر القاعه و عيونه ونظراته وحركه ايده وكل تفاصيله
بجد معرفش في ايه هو مش مجرد كراش وخلاص ده ساعه ما يبقي موجود في اي مكان بيخطف عيني وقلبي من غير ما احس بلاقي نفسي مش شايفه غيره بركز في ادق تفاصيله تعابير وشه فرحان زعلان لما بيكون مضايق تلقائي بضايق زيه لغايه ما اشوفه بيضحك مع حد صحابه
بتخنق لما بلاقي بنات كتير واقفه تتكلم معاه او خارجين من مكتبه او حتي بيشكروا فيه 🙄
المهم انه جه ولف لفه في القاعه كده وحسيت انه واقف ورايا ومركز معايا قوي بصيت ناحيته لقيته بيبص الناحيه التانيه 🌚
وبعد شويه طلع بعد ما هزر وضحك مع المعيده الي بتراقب علينا طبعا 👊😡🙄😏
*************************
كان عندنا امتحان شفوي للدفعه كلها ومعيدين كتير بيمتحننونا ولاول مره مكنتش عايزاه يمتحني ولا اقعد قدامه خالص هتلخبط وهعك الدنيا ومش هعرف اجاوب ولا كلمه انا عارفه نفسي 🙆♀️🤦♀️🙂
وللاسف علشان حظي ضارب في السما قعدت قدامه
يا نهار اسود عليا طب هركز في عنيه ولا في جماله ولا في الي بيقوله 🤔 🙆♀️ هو ماله حلو من قريب ليه كده 🥰🤩😍
__ اممم انسه خلود مش كده
__ هااه تقريبا 🌚
__ 😂😂 احمم انتي يا بنتي متاكده انك معانا هنا في الكليه انتي دخلتي علوم ازاي
__ والله ما اعرف جت بالصدفه لقيت نفسي قدامك
قصدي قدام حضرتك يعني 🙈🥰
__ طب نبدأ الاسئله بقي
__ هو لازم يعني،
__ لا خالص اتفضلي مش لازم واهو تشرفينا السنه الجايه كمان
__ بهزر والله.. 🥺 انا جاهزه
__ بتهزري مع دكتورك طب اتفضلي
__ اتفضل اروح فين مش هتمتحني
__لا
__ هتسقطني يعني بجد
مردش عليا ودخل الاسم الي بعدي وبدا يسال فيه وجاوب وخلص وانا لسه قدامه
__ انتي لسه هنا ليه
__ امال اروح فين انا عايزه اتسال
__ يعني هتجاوبي
__ اكيد جربني بس
رزعني حته سؤال لو قعدت يومين واقفه قدامه مش هعرف اجاوب
__ لا انا بقول امشي بكرامتي احسن 😂
***********************
عدي الترم الاول والغريبه اني لقيت نفسي واخده درجه الشفوي كامله ايه ده هو نجحني كده من غير ما اجاوب معقوله... اكيد صعبت عليه يسقطني..... 🤔
بس بجد اهتمامي بيه الزايد قوي وتفكيري فيه كتير بدأ يخوفني ده مش مجرد اعجاب طب لو مش اعجاب هعمل ايه ده عمره حتي ما هيبص ليا ده حواليه بنات كتيرر جدااا و طول النهار يهزر مع المعيدات بيستخف دمه قوي 🥺🙂
بدا الترم التاني ودخلت السكشن بتاعي لقيته قي وشي ايه ده 🌚 ده اكيد جاي القاعه غلط يا اما انا الي اتلخبطت قعدنا وانا فضلت عنيا متعلقه بيه مش قادره اشيلها
ايه ده ده هو بجد الي هيبدأ المحاضره 😅
__ انا الدكتور محمد الي هكمل معاكوا الترم ده علشان دكتوره بسمه قررت تسيبكوا وتاخد سيكشن تاني انتوا زعلتوها في حاجه مش كده 🤔 عملتوا فيها ايه 😂😂
يلا ما علينا 🤭😌 نبدأ محاضرتنا ب......
انا بقي طول ما هو بيشرح مفهمتش ولا حرف هفهم ازاي انا وانا قاعده قدامه اصلا هو في قمر كده 🙈🥰🤩
*******
__ ايوه يا عم الدكتور محمد سابنا وجالكوا
__ اسكتي مبسوطه قوووي متتخيليش تنحت ازاي اول ما شفته عندنا
__ وانا كمان مبسوطه قووي انه سابنا مبروك عليكوا 🤭😂😂😂😂😂 مش فاهمه انا بتكراشي علي ايه ده
__ طب ابقي اغلطي فيه كده هتلاقي البوكس في وشك 👊👊
__ بت انتي بتحبيه بجد ولا ايه ده عمره اصلا ما هيبص ليكي ولا هيشوفك من اساسه انتي مش بتشوفي البنات حاوليه ازاي ده لغايه المعيدات بيحبوه وكلهم عينهم عليه
__ لا انا غيرهم بجد،، هما كلهم شايفينه حلو عريس لقطه..،،
لكن مفيش فيهم حد بيحبه وبيفكر فيه بطريقتي
__ بس انتي كده هتتعبي انتي تشيليه من دماغك خالص ومتحضريش محضراته كمان
__ ملكيش دعوه انتي... قال محضرش غوري يا بت من وشي 🙄 🌚👊
كنت عارفه انها خايفه عليا بس حقيقي مكنتش قادره اتحكم في نفسي ولا في مشاعري تجاهه خالص
******'' '' *******'' '******
عدي شهر من الترم التاني وكل الي بينا نظرات وبس كنت بتلكك علشان اتكلم معاه او اسئله قي اي حاجه وكان بيساعدني في حاجات كتير اوقات كتير بحس انه كمان بيتابعني وبيبصلي بنظرات مختلفه عن بقيه الطلبه بس كنت بكدب نفسي علشان مش اعيش نفسي في وهم
كانت نفسيتي وحشه جدا فغبت اسبوع بحاله من الجامعه ومروحتش خالص وبردوا تفكيري فيه طب انا كنت عايزه ابعد علشان اشيله من دماغي مش علشان يوحشني وافكر فيه اكتر 🤦♀️🙆♀️
***************'
__ خوخه حبيبتي اخبارك ايه
__ الحمد لله تمام
__ طب ايه مش وحشتك الكليه مش عايزه تنزلي 🌚
__ مش عارفه هنزل من اول الاسبوع ان شاء الله 🙂
__ ايوه انزلي اصل في ناس سالت عليكي النهارده 😌
__ ناس مين 🌚
__ الدوك 😉😂💃
__ ااه الدوك🙂...😳 💗💗🙀عااااااا ايه بتقولي ايه يا بت مييييين احلفي وحياه عيالك يا شيخه انطقي بقي🧐
__ يخربيتك براحه صرعتيني هقولك كل حاجه😁😂😌
__ لا قولي من الاول🙃
__ هو انا لسه قولت حاجه 😂😂 بصي يا ستي كان طول المحاضره تحسيه متلخبط مش علي بعضه مش مركز قووي وحتي مكملش المحاضره وبعد ما خلصنا نده عليا قالي تعالي عايزك
وانا قلبي وقع في رجليه قولت اكيد مصيبه
لقيته بقي بيقولي
__ امال صحبتك مبتجيش ليه
__ صحبتي مين يا دكتور انا صحابي كتير
__ صحبتك اسمها... خلود تقريبا
__ ااه خلود ليه هيا عملت مصيبه ولا ايه في ايه يا دكتور قولي
__ لا بس هيا غابت اسبوع كامل هظطر انقص من درجاته ودا هيضرها جداا علشان تبلغيها بس
__ لا هيا هتيجي اصلا من اول الاسبوع اصلها كانت غايبه اهلها جايبن ليها عريس وبيظغطوا عليها وكده بس هيا خدت موقف وموافقتش
__ عريس ايه... اتفضلي يا انسه من قدامي يلا
بس كدا يا ستي وجريت من قدامه
__ يخربيييتك هتطيري المز يخربييتك عريس ايه وهباب ايه علي دماغك دا انا هقتلك النهارده
__ يا بت افهمي انا لما لقيته مهتم وبيسال وكده شغلت دماغي بسرعه قولت اشعلله علشان يتحرك بخدمك يعني
__ تخدميني ايه متشغليش دماغك تاني حرقتي دمي الله يحرق دمك يا شيخه..... اعمل فيكي ايه انا دلوقتي 😡😠
__ الحق عليا كنت عايزه مصلحتك 😌🌚
__ مصلحتي 🙄🙄👊👊👊👊👊👊
******'*******' '' '******' '' '******
روحت من اول الاسبوع وحضرت محاضرته علميا كان بيشرح عمليا منزلش عينه من عليا مش عارفه ليه 🤭🌚🌚😌
بعد المحاضره قال الي عنده سؤال يجيلي علي المكتب
بصراحه جريت وراه علي المكتب 🤭😂
دخلت لقيته قاعد علي مكتبه بهيبته الي بتخطف قلبي
__ اذي حضرتك يا دكتور
__ الحمد لله كويس جداا ...، كويس انك جيتي...
__ ليه 🌚
__ ليه ايه
__ ليه كويس اني جيت
__ انتي عندك اسئله في المنهج
__ ااه عندي يجي ميه سؤال كده
__ 😂😂😂😂 طب اتفضلي قولي الميه سؤال
__ هااا انت ضحتك حلوه قوي 😄
عمل نفسه مش واخد باله انا مش عارفه انا قولت كده ازاي اصلا خد كشكولي من ايدي وبدأ يشرحلي فيه
__ ها فهمتي كده الجزء ده
__ ااه تمام
__ كل يوم ابقي تعالي شويه علشان اشرحلك الي فاتك
__ بجد يا دكتور مرسي جدااا
__ الف مبروك
__ علي ايه
__ متاخديش في بالك
__ لا ما هو انا رفضت 🤭😂
*************************'**' '*****
#خوخه_والكراش
بعد ما روحت فتحت الكشكول وركزت في خطه قووي وبعدين فتحت الفون بسرعه فتحت الصور الي كانت جيالي من رقم غريب الي كان فيها الملخصات
ايه ده ده هو نفس الخط مش معقول هو والله نفس الطريقه ايه ده قلبي هيقف من الفرحه انا كده في باله فعلا مش وهم لا لا مستحيل... لا مش مستحيل بيفكر فيا والله واخد باله مني 😄😄💃💃
بسرعه سجلت رقمه وبحثت عنه علي الترو كولر وبرامج كتير بس مظهرش حاجه حتي مش حاطط صوره شخصيه ايه ده 🙄🙄
نزلت ستوري كمحاوله بائسه مني انه ممكن يشوفها لكم مشفهاش
يلا مش مهم المهم انه مهتم بيا 💃💃🥰
**************'''''**''***'
الكليه عملت رحله ليوم واحد للفيوم صحابي كلهم رايحين وانا اول ما عرفت انه من المشرفين قررت اروح علطول 🤭😂😂🌚
صحست يومها متحمسه جداا لبست دريس وحطيت ميكب خفيف واستعديت وروحت اول ما وصلت لقيته واقف جنب الباص
__ ايه الي اخرك كده يا انسه
__ انا متاخرتش ما في ناس لسه جايه اهيه اشمعنا انا الي زعقتلي
__ طب يلا اركبي وبطلي غلبه يلا يا جماعه مش عايزين نتاخر
ركبنا وطول الطريق البنات بيهيصوا ويغنوا وانا عيني كانت عليه
وهو اول ما اغنيه رومانسيه تشتغل القيه بصلي وابتسم
وانا حرفيا حاسه اني طايره
وصلنا الفيوم (( محميه وادي الريان)) المكان كان تحفه خيال الجو رائع وحقيقي من اجمل الاماكن الي ممكن الواحد يزورها الشباب بدأوا ينتشروا في المكان وفي منهم نزلوا المايه وكمان البنات
لكن انا قعدت قدام البحيره في ركن هادي علي صخره
لقيته جه قعد جنبي
__ قاعده ليه كده منزلتيش معاهم ليه
__ بحب اتفرج علي المايه بس لكن مبحبش انزلها
__ فعلا منظر المايه جميل والمكان رائع بيهدي الاعصاب بس المفروض تقتلي خوفك ده
__ ازاي
مسك ايدي واتفاجأت جدا حاولت اسحب ايدي منه مقدرتش خدني ووصلنا المايه
__ لا لا لا مش عايزه بخاف لا
__ طول ما انتي معايا متخافيش وبعدين احنا مش هننزل يدوبك هننزل برجلينا بس
__ دخلني المايه معاه وهو لسه ماسك في ايدي وانا محرجه جدااا وبعدين سبته وخرجت
جيه ورايا
__ طب بلاش مايه تعالي لما افرجك علي المكان
مشينا سوا وفضلت اصور في المكان وكنت باخدله صور من غير ما ياخد باله لغايه ما هو طلب نتصور مع بعض ومقدرتش ارفض خدنا كذا صوره سوا
قضينا كذا ساعه مع بعض رغينا كتيرررر وفي مواضيع مختلفه طلع مش بس شكله حلو كمان طلع دماغه وتفكيره قمررر بصراحه عجبني ارائه في الحياه عموما
واتصورنا احنا والجروب كله وقضينا يوم حرفيا من اجَل ايام حياتي.....
*****'**************' '' '**********
عدي اسبوعين مفيش جديد غير ان بقيت بتكلم معاه بطبيعتي من غير رسميات وهو كمان بقي بيندهلي باسمي ودي حاجه كانت مفرحاني جدااا اسمي منه حاجه تانيه شكل تاني طعم تااني.... هييبح 😍😂
في يوم كنت طالعه من السكشن بتاعه وولد من دفعه اكبر مننا جه وقف قدامي
__ خلود عامله ايه
__ وسع كده من قدامي يا حضرت لو سمحت
مشيت خطوتين جه وقف قصادي بردوا
__ طب استني بس عايزك في موضوع والله
__ مفيش بيني وبينك مواضيع واتفضل امشي بدل ما اندهلك الامن
مشيت وسبته ودا بردوا ماشي ورايا والمشكله ان مكنش معايا حد من البنات
__ طب والله ما بعاكس ما انتي لازم تسمعيني
مشيت وكنت وصلت اخر الممر وهنزل علي السلم خلاص لقيت ده شدني من ايدي
__ طب استني بس دقيقه واحده
__ ايدك يا بنأدم انت اتجننت
مشلهاش روحت جايه رزعاه بالقلم علي وشه
وكان هيردهولي ورفع ايده فعلا بس فجأه ايده اتعلقت في الهوا لقيت محمد قدامي ومسك ايده
لقيت نفسي تلقائي بجري واستخبي وراه وكأنه الامان بالنسبالي وجوده كافي...
الامن جه ومسكه الولد ده وروحنا مكتب العميد كلنا بس محمد مخلانيش اتكلم خالص وكان مصمم علي فصل الولد بس بس فصلوه اسبوع من الكليه و اعتذرلي بس بصاته خوفتني بجد لكن وجود محمد معايا طمني
فضل معايا لغايه ما طلعنا وكنت بعيط حاسه ان كل البنات بتبصلي طلعت علطول بس محمد جه ورايا لغايه مل طلعت خالص من الجامعه
__ خلود تعالي هوصلك
__ لا
__ انا قولت هوصلك
__ وانا مش هركب مع حد لو سمحت عن اذنك 😭
روحت كانت نفسيتي زفت بس الي هون عليه الموقف كل ما افتكر نظراته خوفه لهفته عليا حاجات كتير بتقول انه بيحبني وانا كمان كل يوم بتعلق بيه اكتر بصراحه بقيت بعشقه وحاسه اني لو قلي كلمه كمان هقوله بحبك 🤭😂😂😂
تاني يوم مرَحتش الجامعه قضيته مذاكره في البيت
يومها بالليل تليفوني رن رقم غريب ظهر علي التروكولر دكتور محمد اتخضيت ورميت التليفون ومسكته تاني بسرعه لقيته لسه بيرن وقبل ما يفصل لقيت نفسي برد
فتحت وسكتت
__ الو... يا خلود
__ نعم
__ 😂😂😂 اي ده اي حد بينده عليكي بتقوليله نعم علطول
__ لا والله انا مبردش اصلا اصل... اصل..... استني هو مين معايا
__ لو لسه معرفتنيش هقفل
__ لا متقفلش
__ يعني عرفتيني
__ لسه عرفاك دلوقتي حالا 🤭 هو حضرتك بتتصل في حاجه
__ احم.. لا مفيش اصلك مجتيش بعد موقف امبارح وكده كنت عايز اقولك انزلي متقلقيش من حاجه
__ لا مش قلقانه الموقف عدي خلاص
__ خلاص عايزك بكره تيجيلي مكتبي
__ لا مش جايه
__ خللللود
__ نعم 🥺
__ هستناكي
وقفل مستناش ارد عليه 😭😍
المكالمه خطفت قلبي فضلت حاضنه تليفوني للصبح
تاني يوم نزلت الجامعه بكل تفاؤل وعيوني بتطلع قلوووب كان عليا محاضرتين خلصتهم وجريت علي مكتبه
من لهفتي وجناني دخلت بسرعه من غير ما اخبط بس اتفاجأت انه قاعد علي مكتبه ومعاه معيده لزجه في ايدها ورق وواقفه جنبه وبتوريله حاجه تقريبا بس مميله قوي عليه ناقص تقعد علي رجله
اتلخبطت ووقفت وهما اتفاجاوا بيا
__ انا اسفه دخلت من غير ما اخبط عن اذنكوا
محمد اتكلم بسرعه...
__ استني تعالي عايزك
__ هاجي وقت تاني لما حضرتك تخلص شغلك
__ احنا فعلا مش فاضيين يا محمد لسه في حاجات كتير لازم نراجعها
بصتله وبصتلها وعيوني بتطلع ناار ومشيت
روحت وانا عايزه اولع فيه وفيها البت المايصه دي 👊👊🙄
لقيت نفسي بكتب ستوري (( حينما عرفتك ادركت معني الحب ولكن حينما اغار اضع الحب جانبا وافكر ان احرقك حيا))
لقيته فتح الستوري ااه وربنا فتحها وكمان معلقش عليها كمان بيغظني 👊👊👊🙄🙄🔥
تاني يوم في السكشن بتاعه منزلش عينه من عليا وكل لما عيونا تتقابل يضحك حتي لو في وسط الشرح
خلص شرح وقعد يتكلم مع الطلبه الي عنده سؤال وكده
حتي لو بره المنهج محدش سأل اصله له هيبه كده كله بيخاف منه 🤭😂😂🌚
وبعدين قال
__ طيب هسالكوا انا... انتوا بتحبوا شرحي في الماده بتفهموا
كلهم ردوا وقالوا ااه يا دكتور طبعا
وبعدين كتم ضحكته وبصلي وقال
__ ايه ده امال انا وصلني ان في حد هنا عايز يولع فيا ليه 🙄
كلهم بصوا لبعض واستغربوا هو بيقول ايه
قال كده وطلع وهو منشكح قوووي
هو كان عايز يوصلي انه فهم انه اقصده هو 🌚🙄
طب وايه يعني عادي هعمل نفسي من بنها ولا يهمني
😁😎
خرجت من الجامعه ولفيت شويه مع صحابي وبعدين روحت ولسه هدخل من باب العماره لقيت صوت جاي من ورايا
__ ايه الي اخرك يا هانم لغايه دلوقتي المفروض تكوني في بيتكوا من تلت ساعات
مصدقتش ودني وربنا هو صوته لفيت وانا خايفه يطلع حد تاني.. لكن طلع هو 😳
__ ايه ده انت جيت هنا ازاي
__ جيت بعربيتي
__ طب خدها وروح
__ مش قبل ما اعرف
__ تعرف ايه
__ ايه الي اخرك
__ محمد
__ قولتي ايه.. قولي تاني كده
__ اقصد لو سمحت يا دكتور ممكن تمشي كده ميصحش والله ابويا لو شافني هيقتلني 😭😂
__ 😂😂😂 لا متخافيش هقولهم انا جوزها مش هيعملولك حاجه
__ انتي جاي تلبسني مصيبه
__ لا في الحقيقه انا جاي البس في اكبر مصيبه في حياتي وبكامل ارادتي للاسف
__ انا مش فاهمه حاجه 🌚
__ طبعا ما انتي ما بتفهميش اصلا 😂
__ شكرا انا هطلع
__ انا بحبك
__ هاااااا
__ ايوه بحبك وهتجوزك والله ما انتي مصيبتي وقدري هعمل ايه انتي سكتي ليه اوعي يغمي عليكي بس
انا كنت فعلا هيغمي عليا وفضلت واقفه متنحه وقلبي بيدق بسرعه وعقلي مش مستوعب
جريت من قدامه مش عارفه كنت زي الهبله طب انا بجري ليه 😂
دخلت اوضتي بحاول استوعب الموقف معقوله ربنا استجاب لدعائي وجه لحد عندي وقالي بحبك
فضلت اشكر ربنا واعيط بعديها بربع ساعه كده ماما ندهت عليا خرجت لقيت بابا وماما وحد معاهم
ماما خدتني من ايدي وقعدتني جنبها ببص لقيته هو ااه وربنا يخربيته هيموتني النهارده انا مش حمل الصدمات والمفاجأت دي كلها في يوم واحد
ماما وبابا دخلوا وسابونا لوحدنا
__ خلود.. انتي يا بت... انا عايزه اعرف اللماضه بتاعتك راحت فين
__ انت بتعمل ايه هنا بجد🙄
__ هو انا مش قولتلك اني هتجوزك😍🥰
__ ايه دا انا فكرتك بتهزر 😂
__ 😂😂😂 ااه جاي اهزر معاكي انتي واهلك ما تنظبطي يا بت 👊😂
__ الله ما هو محدش يخض حد كده
__ مش مصدقه نفسك طبعا 😎
__ ايه ده هتشوف نفسك عليا طب مش موافقه
__ يا شيخه اتنيلي دا انتي ما اصدقتي انتي بتموتي فيا اصلا
__ محصلش فين دا
__ ما بلاش انتي 😜😂😂
__ ما هو انا خايفه اوافق عليك
__ ليه بقي قولي كل الي جواكي وانا هجاوبك علي كل اسئلتك
__ ما هو انت بتاع بنات
__ نعععم
__ الله ايوه طول النهار تهزر وتتكلم مع البنات وانا مينفعنيش كده
__ 😂 هما الي بيجوا يهزروا ويتكلموا وانا علشلن اخلاقي عاليه مبحبش احرج حد 😎🤭
__ يا سلام
__ بجد مشوفتش حد فيهم مفيش حد خلاني اجي اقوله بحبك وهتجوزك غيرك انتي
__ طب بس متلخبطنيش ومتقولييش بببب بحبك خالص لما اخلص اسألتي
__ ماشي يا ستي 😂 ها ايه تاني
__ حبتني امتي
__ مش عارف بجد انتي خلتيني احبك وسيطتري علي تفكيري امتي بس لما كنتي بتغيبي كنت بتجنن
ومبقتش بعرف انام غير لما اتفرج علي صورنا بتاعه الرحله.. مفيش حد عمل فيا كده قبل كده
__ طب انت الي بعتلي الملخصات ليله الامتحان من رقم غريب صح
__ فعلا انا... بس وقتها مكنتش بحبك كنت مشفق عليكي وعلشان مشلش ذنبك مش اكتر
__ اممممم.. بس كان بدايه 😎🌚
__ ااه فعلا كان بدايه من غير ما احس....،، قوليلي انتي بتحبيني من امتي ولا بتكراشي عليا من امتي مثلا
__ اييه لا طبعا بكراش ايه فين ده
__😂😂 ايه ده يعني مش كنتي عايزه تولعي فيا
__ ااه كنت عايزه اولع فيك وفيها 😡😡👊👊
__ وانا بحبك 😍🥰
**'' '' '***' '' '' *****'' '' '****' '' '' ******''
ماذا؟🖤
ماذا لو كان شُعوري يُرى؟!
ماذا لو كان لقاؤنا في الحلمِ حقيقه؟!
ماذا لو شعرتَ بحبي؟!!!!
ماذا لو بلغكَ ما أكتب؟؟!
ماذا لو علمت أنك المقصودُ في قصائدي؟
ماذا لو علمت أن كل الذي حدث معك لم يكن صدفه؟!
ماذا لو شعرتَ بكلِ ماأحدثته لي؟
اسكريبت بقلمي ايمان العطار