تابوت احط للزفه
وترجع بديه الدفه
وشفه احط عالشفه
وترجع خدود الترفه
ومسموح همس الشفه
ومسموح بالحب رجفه
وكل الي كلته الكم....جذب ؟؟؟
شاعر مسودن من احب
ابغداد مسموح العشك
ابغداد ....بس احنه الصدك
وغصبا عللى الكل تصفه
غصبا على الكل تصفه
وداد __ عيوني راحن واني مستمره
كل مااذكر نضرته وضحكته الغابت
فاز متت الف موته
رنيم تتنهد طول اليل مدامني كاعده
هي تتكلب لحد مكفت الغطه وطلعت
شويه ودخلت بيده دولكة مي اشوفه
بدون مشوفني الغرفه ضلمه
همست شسوين
نزت خلت ايدها على كلبها
_خايبه شمالج وكعتي كلبي
شعدج كاعده
_اني لازم اسألج ليش منايمه
مااجاني نوم
_ تكعدين نشير
هسه بهل وكت
_اي شبيج مدامنه كاعدين والبيت هدوء
ومحد يداهمنه
غطيت راسي مابيه حيل
_اووو دكومي حبابه وياي علواهس
ضلت تلح عاد كمت وياها شعلت الضوه
على كيف لتكعد امي
هي جرت الكرسي طلعت الغراض
كعدنه لل6 الصبح ماسكات
ونضافه وعنايه
بحيث بيبي اول مشافتنه كالت
دهر فرجن كون مغبشات تلمعن
شاريلجن
رنيم ردت شورانه نونس روحنه
بيبي_بلعافيه لمعن صبغن عود ذكرن
حبوبتجن هل جدجن يباوع الشيباتي
يرد اصبغهن واني روحي بلحنه
كتلها بيبي الحنه سوي احمر اني
اصبغه الج اسود تمري
عاد بيبي كيفت
عافتنه وردت الغرفتها
رنيم طبت غسلت واني وراها
رجعت نامت لملمت الهوسه
طلعت زتيت كلشي نزل امين
اني مطيه ضهري للباب
من طكت حذائه حسيته
مدرت فات عطره كدامه
اختنكت طلع واني حصرتني البجيه
صايره الدمعه بطرف عيني
دخلت للغرفه حتى كلبي تعب من
القهر لفيت راسي حاولت انام
ماهر الضوجه مبينه عليه راح البيت
خالتي شافر لما والاطفال
اجانه مختنك جكاره وره جكاره
بيبي تسأل بي ميرد عليها مفول
يومين معرفنه شبي عمو باقر
اجه عليه حاول يطلعه
كله راسي مصدع عوفني ارتاح
انطيته براسيتول
لليل ملتمين ماهر مدد راسه بحضن
بيبي عمي ماجد ومرت عمي ديشربون
جاي
مدري شحجو وبيبي نبت والله لو الله
يهديكم نزوجكم سوه
مرت عمي كالت ياهمه تقصدين
كالت ماهر وامين ونخلص منهم
جدي كال يازواج ماهر مستقر حتى
ازوجه
بيبي_ليش شعايز شقته موجوده
نحولهه مناك يجهز روحه
عمي ماجد_ حلتها الحجيه يام
قابل هي لعب منو ينطي وهوه
بلخارج
ضلو يتناقشون لحد منب جدي
كال ليش مياخذ مرت اخوو
ويربي ولد اخو
ماهر مصفن على جدي
بيبي كالت يااا رشيد من عقلك
اخذله لما شعايزه
كلها معايزه شي ام ماجد بس
البنت خوش بنت وانضلمت
بعدها عروس ورجلها راح
لدار حقه
بيبي كالت ميخالف انه شايله
همها وهم ذوله الاجو للدنيا وهما
بلايا اب بس مومعناها ناخذها اله
_وشبيها خوش بنت ويكسب اجر
بولد اخووو
بيبي_لا ابو ماجد هذا مو حل شولفك
غير سالفه موهينه عليه ياخذ مرت خوو
جدي دار عليه جدي الحجي وياك شكلت
ماهر نصه مضايق كله جدي مال سالفت
تستر على مرت اخوك وتحافظ على
اطفاله انساها ولتعيدون سالفة الزواج
وسدو الموضوع
خصمها من الاخير كام طلع
بيبي ردت على جدي انه موكتلك
لا تحاجي البارحه كتلي وكتلك
ميقبل هل ضايق وكام جان فرحان
وتدري بي نفسه بت عمه عليش
بعد
كلها شلون واطفال مهدي وين يربون
امهم هم كم سنه وتزوج نعوفهم يم الغرب
كالت هسه هي ازوجت راحت عود بذاك
الوكت نجيبهم يمنه ويربون بيناتنه الولد
جاي يرتاح يمنه شايل هموم الدنيا فوك راسه
تجي ازيدها علي
عفتهم يجادلون مرت عمي من زمان طلعت
تركب ورنيم بلغرفه تكوي بملابسها
للمغرب التمو الولد واني ورنيم وكفنه
نرتب الصحون ونصب صاحت بيبي
يله يبنيات عشاجن
عاد نكلنه كلشي ومدينه السفره
التمينه ماهر اباوعله مثكل ايسر
وامين واحد بصف واحد عيوني
دورته ضرت مقابيله ستونه مدينه
ايدنه دك جهاز امين
رفعت نضري سحبه من جيبه ابتسم
من شاف الشاشه ايسر كال اي عيني
الحب يمه الحب
بلعت ريكي نصيت امه كالت منو
رد ايسر اكو غير مغفره
هنا نار بيه شتعلت ابتسامته فاضحته
ماارد سده شويه ورجع يدك يمكن 5
مرات عاد جدي كله بويا رد عليها
كام واخذ جهازه مااعرف شلون بلعتها
وشلون راح يكضي عمري واشوفه كدام
عيني هاي بعدها مجاي من يزوجون شون
بيها
محرد فكره تمر على بالي اموت قهر
مكملت اكل عفتهم متحججه بأمي
واني موكلته من وكت ونايمه
مختنكه وين اروح وابتعد لابيت عدنه
مثل الناس ومااشوفه كدامي ولا اكدر
اخذ امي واروح ويه ماهر وانسه
العراق باكمله
كعدت مهمومه ثكل على كلبي
نهضمت من ابتسامته دمعت
وكفت متوتره لا تبجين احاجي
نفسي اله البجي وعدت روحي
ماابجي كمت اخذ نفس وازفره
لحد مهدئت
يومين وماهر كال ارجع خلانه
مصدومين جدي حاول وياا
كلهم مااكدر اضل اكثر عايف
الشغل واجازتي ماخذه من ابو
المطعم 15 يوم
حسيت بي نغث من سالفت لما
وجدي طلب منه يزوجها رغم
اشوفه فرحان بجيته وعيونه
مفاركت رنيم وهذا الشي
زعجها حسيت بيها من كامت
متطلع بلهول اذا كان موجود
تتحجج بدراستها
رجع ماهر واول طلقه صابتني
وخلتني انشل من امين بلش
يدور على شقه واجر
وبدت مراحل الموت البطيئ
واني وعلى قيد الحيات
اسبوعين امه تطلع تجهز ياخذها
لو عمو ياخذها وتذبه بشقتا
مرات تاخذ رنيم
اكل بروحي مالكيت ملتجأ غير
قراني يريح نفسيتي رغم دمعتي
بعيني
اشوف فرحتهم بتجهيزات العرس
مرت عمي الضحكه مفاركه وجها
ورد _سبوع قلقين خالتي مكفت
من هاجر يوميه اطب تتعارك وياها
وكم مره ضربتها واسمع صياحها
مانعتني ادخللهم اكتفيت اهدي بيها
من نكون وحدنا
كاسره خاطري خالتي حبابه وتحب
البنيه مؤدبه المطالعه منها شي
الله بلاها بهاجر مره
على المغربيه سمعت بجيها بلطرمه
فاكه زيكها وتدعي تزوج وتستر عليها
لثاني يوم نهاد سال عليها كال هاي
وتالي وياها خاتلها بهل غرفه
اكوم اسحلها وانعل والديها
خالتي كالت عوفه يمه اني معاركتها
وزعلانه عليه
شبيها
_مابيه ياامي بيناتنه
كلها اول تالي تعاركيها حبيبت
الكلب هاي اك الهياجر المدللها
_تنهدت مهربها غير دلانه
ااا لازم سالفتها جبيره وهيج
تحجين
_لا جبيره ولاصغيره كلي اخوك
مكالك شوكت يجي يشوفني هذا
مايخجل ميكول عندي ام والها حق
عليه ماعنده بس بسوم خانم واهلها
لا حجيه تدرين محمد غاط بشغله
وندوات حتى جهاله مشايفهم
_اي شمحصلين منه ومن شغله
الكاتل روحه عليها
كلها يام شغله هذا قابل يعوفه
وكابلنه
_موعنده عياده شيسوي بلمستشفى
يلفي النه نشوفه احس عندي ولد
جبته وتعبت عليه وربيته
ضلو يسولفون على ابنها وبتها المزوجه
يم عمامها
لليل صعدت متانيته يجي شويه
وطب بيده بالطو زته على الكسرير
كعد ينزع بجواريبه وكف
ذب البنطرون تمشه طلع تراكه لبس البجامه
وانزع التشيرت الثخيت لبس بدي
فتر خله جهازه على الميز كال راح اطب اسبح
طلعيلي روب من اصيحج تعالي
كتله ماشي
طلع منا جهازه كام يرمش مديت
جسمي جريته فتحتها بصمته
على بصمتي وبصمت نهاد
اباوع اسم حميد
ضل يدك خجلت ارد ماعندي هاي
الميانه اجاوبه واسلم عليه
انتضرت نهاد يطلع شويه ودز رساله
نهاد عمي متانيك ليش مجاي علينه
من اجيت جان نهيت السالفه وياا
انه اضل اطمطم وراك ماتريدها
اخصمها وياا خل البنيه تمشي
بفالها
جن جنوني واني افسر كلامه
لحد مصاحني واني فكره تردم
فكره عضيت اصبعي بكل حركتي
لو البالي صدك
حيره شيقصد حميد طلع ينشف بشعره
ووسنونه طكطك لاف روحه كال شنهاي
البرد يابويه كعد كدام صوبة يدفي روحه
شويه وكام مشط وتعطر تمشه للكنتور
سحب برموده عريض يلبسها تريحه
وتعلاكه كال ولج البرد يكص اليوم
عود الصبح طلعت الشمس
تمدد واني على صفنتي شال الغطه وجرني
على ايده تقرب باس خدي نزل لركبتي
يمكن ربع ساعه هوه مندمج واني على
صفنتي ولا يمه احس بي بس بالي
مو يمه لحد معضني نزيت وخرت
اووووي نهاد هاي شبيك
كال انتي الشبيج وين عني ماخذتلك
دلغه
ادري جا هيج تعض
_سالي روحجي بيش اوعيج عن صفنتج
ملكيت غيرها
وخرت مقبل ضل محاوطني كال بيش
سارحه عمري
كصته على كصتي
مسارحه يمك
_جذابه مويمي
لا حبيبي يمك
سكت يباوعلي حس عليه ابتسمت
_تنهد شبيج
مابيه وعيونك
تقرب بلهفه متركني لحد مااخذه
شغلته واني شويه اغيب عنه وشويه
اتفاعل
_وخر وهوه يسب بيه خرب هسه وكتج
لمن سبحت
ضحكت ليش عمري
_ تعبت من السبح ويضحك عليه
لا تباوعلي هيج مااسبحك متشبع
_عصرني وهوه يكزكز اي مااشبع منج
كم حبيبه عندي هل وحده
سكتت شويه وكام يغفي نام واني
بحضنه تصرفاته مااخالتني بس
بشك لليوم محسسني بشي
نهاد متغير حبه بي وميزيد متاركني
من غير لهفته عليه وميمل يوميه
اني اضوج واضايق منه ميشبع
وهوه عادي يزيد مينقص
مرات اساله تاخذ شي
يضحك على عقلي يكلي شنو قصدج
كبرت ومابيه حيل بعد
اكله موطبيعي تره
كال ولج بعدني بشبابي وبصحتي
المصفني شنو تفسير كلام حميد
قصده عليمن من بنات عمه
لثاني يوم كضيته مناسيه اجه
تغده ونام واركض على تلفونه
فتشته واشوف الرساله محذوفه
كمت اوهس وكل حركه اباوعله
نهاد راح يخبلني
سبوعين متاركته ويا ويا حتى هوه
مستغرب تواجدي يمه مااعوفه
تلفونه بكل دخلته للحمام من ينسا
ويطلع اسوي تفتيش عليه مابي شي
اغلب كلامه ويه جماعته والاساتذه
وياا اكو كم دكتوره بلجامعه علاقته
كزملاء عمل وكلامهم كله بحدود
سجل الاتصالات مابي اي شي غريب
عفته وحاولت اشيل الفكره من بالي
اليوم كاعده من وكت نزلت لملمت البيت
بالشه بي بلمكنسه الكهربائيه خالتي
تركب لحد مدخلت ام احمد اختها سلمت
عليه بوستني طبن للغرفه وبعد مطلعن
لشويه واسمع صياح هاجر
خالتي دكلها اذا مااكشف عليج ياهويجر
اني بنفسي اذبحج واطم عارج نكسه
انتي نطفه نكسه ولو جايبتلي ابن زنا
جان جازه رباي
ضليت فاكه حلكي وهاجر بس دموعها
تحجي وتحلفلهن هي بنيه وميصدكن بيها
وصدك ساعه واخذنها صديقت
خالتها من ايام المدرسه دكتوره ومسولفتلها
الحاله والخاطرها قابله تفحصها
ماطولن ساعتين ورجعن خالتي وجها
فاك شويه احسن عرفت مامجيوسه
وماسكتت عنها لهذا الحد يومين وطبت
خالتي واختها وكبل الغرفت هاجر
ومااسمع بس صياحها
ركضت واشوفه تصيح ماازوج غصب
والله انتحر وماازوج
خالتها كالتلها صمين حلكج وغصب عنج
وتعرفيني ماعندي لحيه مسرحه احطهن
بيد اخوج سويلفاتج وحده وحده
او اني برجلي اروح العمامج عاد ذولاك
شون يحبون امج وعلي يذبحوج على
قبلت اليهود ويهلوج عبره لبناتهم
هي جن جنونها كامت دكمز وتخرمش
بروحها لزمتها واكلها خاله خطيه شنو
سالفتجن وياها غلطت وبعده طفله
تتعلم بس لسون وياها هيج وزوجنها
غصب هم الله مايرضه
خالتها نبت ورد اطلعي منها خاله
عليج برجلج وبنفسج خلينه نصرف
وياها
لا ول مره هاجر تحضني وتبجي وتستنجد
بيهخلصيني ورد الله يخليج يردن يزوجني
غصب عني واني مااريده
عاطت خالتي شتردين الحبابه الشريفه
شتردين ازفج لبن العاره لو بيها حظ
متخلي ابنها يطفر عليج
خلي استر على خوانج قبل مصخمين وجهي
ولج اخوج يذبحج ويدفنج ويرجع شعبالج
ينكسر كلبه عليج وانتي مصخمه وجها
يكول اي اختي وغلطت عملتج عملت وحده
بنت ناس ومؤدبه عملتج مال كحا..... ال......
المالفيهن بيت بنات اليل مطببن صاحبهن
واهلهن موجودين احترام موخوف
انتي ...... مطببته وين بنص البيت ساااقط......
اخخخخ ربي محسينه غير ركضت عليها
ملختها تملخ وهاجر مثل الميته بيدها
وخالتي تبجي وتضربها بحركت كلب
من يمي رجفت الله يساعدها
خالتها تكلها حل حيل بيها اصيح عليها
تجي تفكها وياي كاعده
خاله عوفيه واذا ضربتيها شيفيد
صاحت خليني افرغ ناري ولج بنص
بيتي هويجر ماخفتي الله ماكلتي
امي مره مريضه لاتنجلط كحبااااااا
ربي بيش بتليتني بوحده عاقه
ورجعت تكومت عليه عمت عيني
ويجي يومي كبل مااشوفج
طينين راس ابوج وهوه بكبره
كحيبه ماخفتي على اخوج ولج
ماكلتي واحد يشوفه ماكلتي امي
تدخل مرت اخويا تنزل اخويا يرد
ولج كلبج ماخاف يمه شكد كوية
عين كلبااااااا اخخخ ياربي كون اشرب
من دمج كون اخلي ركبتج بين علوه
ونصه وانهيج وافتك من عارج
فحطت كعدت وفتحت شيلتها
اخخخ يايمه ربي اخذها هينه
لينه ولا تخليني اشوف عليوم
الاهي بجاه حبيبك المصطفى
اخذ عمري ولاتخليني اشوفها
كدامي
ام احمد كالتلها كافي عيوني
ام نهاد تحركين بروحج من وراها
هسه غصب عنها تقبل وسد حلكها
وداد _ مااكدر اكول تعودت ولا راح
اكدر اتعود الشي الوحيد النصفني
مو كدام عيوني يزوجون عزل بشقه
يوم وره يوم امين يبتعد اكثر من قبل
كم مره بات بلشقه والكه روحي
بغرفته احظن فراشه وانام
على ريحته ودمعتي بعيني
لحدما مرت عمي كالت اليوم عازمين مغفره
رنيم كالت خير شكو عازمتها
نبت امها غير مرت اخوج هم
نتعرف عليه اشوف بيت جد
رجلها
بيبي كالت هلا بيها شوكت متحب
البيت بيتها
مرت عمي كالتها امين يجيبه مباشرتاً
بعد ميعقدون وحذرته مياخذها للمطعم
.....يتبع