اسفه ما جاي أرد على التعليقات بس جاي احاول اخلص القصه قبل المدرسه
عسل ..كلتله ابخوف وابحه. .. ابيوم من الأيام جنت راجعه من المدرسه ..، بقت تمشي وراي سياره وانه ابتعد عنه بس بقت تمشي وراي الشارع الي ايوصل البيت جدي ايصير فارغ والمحلات كله مسدوده.ابهيج كت وكت رجعتي
... بقيت امشي وحسيت واحد يمشي وراي هو نزل من السيار وبقه يمشي وراي لأن السيارة ما تدخل ابهذا الشارع ...بقيت امشي حيل ..
. بس هو أسرع مني ... ركض وراي ابسرعه وخله شي على خشمي ... بلعت الغصه الي ابداخلي وادموعي بقت تجري وكملت ... وما حسيت ابشي بعده غير انه ابنياه مهجوره وجواي دم ... يعني اغتصبني. ..كلته ابغصه وادموعي تجري
جبار،،، بقيت صافن واعصابي على آخر حبه بس مو بيدي اسوي شي ولا هيه بيده كلتله ابصوت مهزوز .،،، يمكن مو الج هذا الدم يمكن هو انجرح
عسل..،، ابجي ..، بس بس آثار ابركبتي وابجسمي كله موجوده ومن كمت ضهري يوجعني ..
جبار...، خليت راسي أبين ايدي ..،كلبي احسه راح يطلع والله اول ما شفته دخلت الكلبي بس ليش ايصير الأول بنت تدخل الكلبي هيج ... رفعت راسي وكومته مسحت ادموعه وكوبت وجه بيدي وكلتله ... ما عندج عمام
عسل،،،، هزيت راسي لا وكلت ..،بس ابوي الوحيد واستشهد من سنتين
جبار... الله ايرحمه ...عدلت حجابه وانه اكوله ..،راح اتروحين ويه هذا الرجال يم مرته اجي عليج بليل نعقد انه وياج على ما اشوف حل علمود تتحلل كعتج عندي لأن انتي امانتي واطمني ما المسج ماشي انتي مثل بنتي
عسل ..،رفعت عيني اله وسئلت. .. ليش انته متزوج
جبار..، ابتسمت وكلتله ... لا ما متزوج يله انروح بس سؤال اذا شفتي الرجال اتعرفيه..هزت راسه اي وطلعنه ...زين اتعرفه ايسهل علينه أقدم شكوه
غيث..، بقيت كاعد بره انتضره ...وره نص ساعه نزلو واجت البنت لافه ابجرجف السديه ...هههه ضحكت عليه وصعدته كلتله يجي وياي بس هو كال بليل يجي ...
وصلت البنت للبيت وصيت ورد وكلتله امانت جبار ...، المهم اتعشينه واجه جبار وياه السيد عقد على البنت وابوي الي كفله. ،، المهم اخذه وراح ... صعدت للغرفه لكيت ورد نايمه .،رحت نزعت ملابسي وشبكته من وره ونمت
ورد.،، ليوم كله احاول وياه ماكو راح الجبار وره اشويه واجه ..ويا بنت كال امانت جبار ... أخذته وانطيته ملابسه ..اشويه واجه جبار وأخذه. .. انه عليه الشهريه اتعبني واخلصه بس نوم .،ف ابسرعه نمت ...كعدت ثاني يومي حسيت ابغيث شابكني من وره ..درت وجهي وخليت راسي ابركبته ... وغمضت عيني وبقيت أفكر ...شنو اسوي صاير يتحسن اهواي ..لازم اسوي شي هو ليش من إجالي الأمس ... امممم يمكن مشتاقلي اي ... لازم ابتعد عنه اي لازم ... اممم مدام عليه الشهريه اتحجج بيه أي ومن تخلص اروح لأهلي لازم اروحلهم ... لازم اتعامل وياه ابروده هاي الفتره علمود يشتاق ...،اتباوعت الركبته والشفايفه كلت لا مو اليوم نبدي خليه لباجر خلي أشبع منه ..، خليت راسي ابركبته وعضيته حيل هو كمز كمزه
غيث.... جنت نايم وما حسيت غير شي نبت ابركبتي كلش قوي ...طفرت من الجربايه وكفت يمه وصحت ..،ولج هاي اسويتي خبله
ورد.،، كعدت وتجيت ضهري على التاج مالت الجربايه وكلتله ابراء وانه احرك كتفي ....ما سويت شي بس عضيتك
غيث.،، فتحت عيني على وسعه ورحت يم المرايه وشفته صايره حمره كلتله .،،بس عضه مو
ورد،،،، ابراء. .. أي والله بس عضه
غيث..، رحت ابسرعه وصرت فوكه سحبته من رجليه نامت على الجرابه. ..اتقربت منه وهيه ايده على صدري كلتله ... يعني هيه بس عضه
ورد..، هجمه عليه ابسرعه ونومني على الجربايه ..،خليت ايدي على صدره اريد ادفع كلتله. ،،أي غيث بس عضه اشبيك امكبره ...كلت هيج هو اتباوعلي ورفع حاجبه ما عاجبه ... وكبل دفع راسه ابركبتي بقيت اصيح عليه لأن بقه ايعضني. ،،غغيييثث لا لا عفيه اه اه غيث اتوجع كافي غيث ههههه غيث ... بق ايعض ابركبتي ووايمصه حيل متتت وجع وخر راسه من ركبته وكلتله ..،هاي ليش هيج خبيث
غيث....هجمت على ركبته وعضه وامصه ...وما مهتم الصياحه ومتلذذ ابطعم ركبته ....وخرت عنه وكلتله وانه اقلد عليه... أي هاي اشبيج هيه بس عضه
ورد.. دفعته عني وكمت رحت للمرايه صحت .،،عزه غيث هاي بس عضه لك شوف اشلون صارت ركبتي شوهته
غيث،،،، كمت من الجربايه وانه اكله...لا لا لا تهتمين حبيبتي لا اتشوهت ولا شي صارت احله
ورد.،، رحت هجمت عليه واتعلكت ابركبته وانه اكله .،احله مو تعال ركبت هم يرادله تجميل ...اريد اهجم عليه بس هو لازم راسي ما ايخليني صحت ..،غيث لازم ايصير تعادل
غيث،،، هجمت جنه جيري من ايعصب. .اتعلكت بيه اتريد بس توصل الركبتي وانه لازم راسه كلتله ...خوش خلي انه اتعادل وياج اول
ورد،،،،يا غيث اتريد أكثر من ذني
غيث،،، أي ليش مو أكثر بله خلي انضوك. .، رجعت راسه لوره من شعره وبقيت ابوس ابركبته وهيه ساكته ابحضني جربته من خصره الي وضغطت من وره ركبته الي ...
وهيه بقت حاضنه راسي اله ...بقيت اكل بيه رجعت نفس البارحه ..،هم جسمي احترك بس ماكو تجاوب ..،وخرت منه ابسرعه ورحت للحمام. ..ما أريده اشوفني هيج ...
سبحت ونسيت ملابسي صحت عليه اجت جابتهن. .،اخذتهن ولبست وطلعت. ..لكيته كاعده على الجربايه وتللوه وجه أصفر رحت ابسرعه كعدت يم رجله ورفعت وجه وكلتله. ،وردتي اشبيج هيج ذبلانه بيج شي وجهج أصفر
ورد..،عافني وراح مثل البارحه .،، شفته ما أخذ ملابسه حضرتهن منا لمن صاحلي. .رحت اطيتهن اله ..، رجعت للغرفه وبطني بقت توجعني لأن ما شاربه علاجي ..، اوف ولا متريكه.
بقيت كاعده على الجربايه وامنزله راسي منتضرته يطلع علمود اسبح واروح اتريك...هو اجه كبل عليه انتبهلي خليت ايدي على خده وطمنته وانه اكله ...ما بيه حبيبي شي عادي
غيث... بست ايده وحجيت ابقلق ...شنو هو الشئ العادي كلبي وجهج أصفر وتتلوين من الوجع
ورد... اتباوعتله وابتسمت وكلتله ... حبيبي شي عادي لأن الشهريه عليه ... اتباوعله بقه يتحمحم ويتلفت كام وايده على ركبته بقيت اضحك وكلتله ....هههههههه لا غيث انه ما خجلت انته تخجل
غيث..،من كالت هيج من صدك خجلت وحتاريت شنو اسوي كمت من يمه ... متوتر خرب اول مره اتمر عليه هيج شي ابحياتي وهيج كالته طك ابطك ..خرب درت عليه وكلتله ..،أي شنو اتريديني قابل متعود عليه اول مره اسمعه من مره لا بدون خجل وغسل أي والله
ورد...، هههههههاي غيث متتت خرب ليش أخجل بله اول تالي لازم تتعود عليه هههههههه ...احجي وانه اضحك على خجله كمت وكفت اكباله وخليت ايدي على ركبته وأيدي الثاني كرصت خده وكلتله ..،اويلي اتخبل من تخجل
غيث.... اتقربت مني احب جرئته أكثر شي ايطمني بيه .... جرئت البنت الحبيبه مو قلت ادب لا هاي ثقه على كد ما ثاقه بيه هيه تتجرئ وياي ..وهيج هيه ورد على كد ما ثاقه بيه تتجرئ وياي ... حاوطت خصره بيدي ..،وأيدي الثانيه اخذت بيه ايده الي على خدي وكلتله ... لازم هذا الحوار انه اكوله
ورد... بست خده وخرت عنه كلتله .،غير مره حبيبي خلي اروح اسبح ..رحت فتحت الخانه مالت الملابس جان صاحلي
غيث،،، ردت اسئل اشوكت تخلص بس هم خجلان منه خليت ايدي على ركبتي وكلتله ابتوتر ... احم اكول ورد
ورد..،، وانه اختار شنو البس كلت ....هااا
غيث.،،،ابخجل ... اشوكت تخلص هاي
ورد.،، ابتسمت وانه دايره وجهي كلتله وانه اتصنع الستغراب ..،شنو هيه
غيث.،،، ورد اتعرفيه
ورد.،،،ههههه أربع ايام
غيث...، ابتفاجئ ....شنو خلص دمج هيج وين اروح بيج
ورد.،،، اتمددت بلكاع وانه اضحك..،،هههههههههههه غيث باجر ابجي من الضحك يايمه هههههههههه
غيث..، ابحرج. ،اشبيج وسم فوك ما خايف عليج خلي اطلع احسلي ...خليت ونزلت خبله بس والله اهواي هيج أربع ايام انه ما باحث عن الموضوع خلي أبحث عنه واشوفه شنو تحتاج شنو تأكل شنو الموفيد. ..خاف تتئثر. ..لازم أبحث عن الموضوع لازم ...كعدت يم امي وانه أفكر انو لازم أبحث عنه
ورد،،،،، خرب يمكن صدك باجر ابجي اشكد ضحكني. .، رحت سبحت وانه مبتسمه نزلت ..،لجوه رحت اسوي ريوك.ردت اصيحله ،،شفته يلعب بلابتوب ..
بس لا يبحث عن الموضوع الدنيه دواره انه خجلت هسه اشلون يبحث عنه لا شنو السالفه يبحث عنه رحت صحتله. ،غيث الريوك ..،
غيث،،، نزلت هيه وانه كبل صعدت اخذت اللابتوب. ،وأبحث عن الموضوع يعني خجلت الصراحه اول مره بس بعدين لا عادي ...
طلعت هاي طبيعي وحمدت ربي هيه بس أربع ايام منهن أسبوع. ..شفت التغذيه والعلاج الازم ...صاحتلي ..،
رحت كعدت اكل كلتله ابهدو...، من اتخلصين ريوك اشربي حبوب مو تنسين وكلما اتحسين ابوجع اسبحي ماشي ...اشوفه اتباوعتلي ابصدمه كلتله ..شكو
ورد،،، اجه وبقه يشمر أوامر العرفته صدك بحث يعني عرف بلكلشي خجلت كلتله ابصدمه ...احم بحثت عنه يعني
غيث.،، ابمكر وايديه على خده ... يو خجلتي يحلو
ورد...، وخرت ايديه مني اتباوعتله ابغضب وهمست ...خبيث ... كملنه ريوك ومر اليوم ضحك وشقه انه وياه صار اليل هو شبكتي وانه هم بادلته ونمت ... كعدت الصبح هوا ماكو شفت الساعه 9 اوف نايمه اهواي ..،
فكرت لازم اليوم ابدي كلبت وجهي لضايجه. ،اموت من هذا الوجه احب بس اضحك بس لازم ...كمت سبحت ونزلت ابملل. .، ورحت على الكرويته الكباله هو كلي
غيث.،، كعدت ثاني يوم نزلت اتريك ويه ابوي ..، اتئخرت ورد بلنومه بس نزلت. .. اشو كالبه وجه كلتله ..،وردتي اشبيج ذبلانه
ورد،،، ابضوجه ..،غيث لا تحجي وياي نفسيتي زفت
غيث.،، اتفهمته لأن من بحثي عرفت نفسيات وبيهن الي يتمرضن والي اينام كلتله ..،عادي كلبي اطلعج
ورد..، ابضوج .،، لا صاعده بس ...صعدت وانه ضايجه من نفسي ليش هيج اعامله خطايه. ،، رحت غطيت راسي ونمت مره ثانيه ولا جني توني كاعده ...
كعدت على حركته ايده على شعري ... لازم اتجاهله اهو ... رفعت الغطه وغطيت راسي وهو كال
غيث..، صعدت ابضوجه .،استغربت من كلت الهل درج توصل ...كمت وراه لكيته نايمه كعدت على التلفزيون وكل اشويه اتباوعله خاف تكعد ...
امي صاحتلنه على الغده. ...يمه وأمسح على راسه ..هيه كعدته بس غطت وجه وخرت الغطه مره ثانيه وكلتله ابلطف ..،وردتي كافي نوم مو زين عليج كومي اتغدي
ورد.، كلتله ابعصبيه ...، غيث ما اريد وخر عني
غيث.،، كمت عنه ابعصبيه وكلتله ...طبج طوب عسى ما ... ما طاوعني كلبي اكوله اله بس كلت ..،أستغفر الله يا ربي ..،رحت من يمه نزلت امي سئلت عنه كلتله ...معذوره ونفسيته مو زينه امي صفنت. .. وراحت
ام غيث ... من كال هيج استغرب مو هيه اول ما اجت من تجيله ما اتهمه اصلن لو وجع لو ماكو اي تأثير عليه خاف صدك ...
غيث... كعدت اتغده بلكوه اتعودت هيه يمي من تتغده اوف أكلت لكمتين وكمت امي كالت
ام غيث..، يمه غيث ما أكلت شي
غيث.... لا يمه شبعت الحمدالله ..صعدت للغرفله لكيته كاعده وتتباوع لتلفزيون اتباوعتلي اعيونه حمر باجيه. ،، أي هيه ابسببه هيه الازم تعتذر ..، رحت كعدت على الجربايه وبقيت العب ابتلفوني ..
.مليت من التلفون رحت اتوضيت وأخذت القرأن وكعدت ردت أقره بعدين صحت عليه ابغيض وحده ... ورد تعالي ..،
هيه اجت سحبت راسه وخليته على رجلي وبقيت أقره عليه علمود ترتاح نفسين ...اشويه وحسيته نامت زفرت ابضيق. .، سديت القرأن ...
وشلته خليته على الجربايه ونومته ونمت انه همه وانه حاضنه... كعدت على العشه ... نزلت اتعشه وهيه هم بس ما كعدت يمي. .،
أكلت اشويه ورحت .،الجبار ..وحسام وياي افترينه. .، رجعت لكيته امغطيه راسه ونايمه امغطيه ..
،انه هم انطيته ضهري وكوه نمت ..،ثاني يوم هم اتجاهلتني كلش.،،ما حجينه ولا كلمه رجعت بليل جنت اتمشه وحدي ..
، رجعت ولكيته كاعده واعيونه حمر واتهز ابرجله. .، دخلت هيه ما حجت وانه هم رحت نمت وهيه هم درت وجهي وردت أنام بس ما اتحملت ..
درت وجهي وشبكته من خصره الي هيه اتريد اتوخر بس ما خليته نمت وهيه ابحضني ...كعدت ولكيته ملتفه مثل الجنين ابحضني ..،
بست راسه وكمت .،نزلت جوه اتريكت ويه ابوي وابوي كال شهر وتعال اشتغل وياي .،كلتله مثل ما اتريد ...
صعدت للغرفه هيه بعده كاعده وصافنه. . رحت يمه وهيه دارت وجهه ..،كضيت وجه من فكه ودرته الي وكلته ابهدوء ..،، وردتي هسه شنو اتريدين ليش هيج زعلانه
ورد،،،من كام مني ابعصبيه بقيت ابجي راد ايكولي عساج ما متي الخبيث بس حته انه دست ابطنه ...
رحت كعدت اتباوع التلفزيون واعيوني حمر هو ما همه كلت هسه يعتذر بس ماكو ...من صاحلي فرحت بس راد بس يقره عليه هم فرحت لأن فكر بيه .،، ما دريت نمته نمت..كعدت وياه ونزلنه للعشه واتعمدت ما اكعد يمه ..
رحت ساعدت عمه وكلتله على وضعي كالت عاذرتج .. نضفت للبيت انه وصعدت نمت انتضرته يجي ..، سمعته اجه عبالي رايح يحضني بس ما حضني اوف هو هذا لازم ايصير بس هوه نمته يحجي وياي علمود افتح ادرامتي. .
مر ثاني يوم وبليل كمت افرك بعيوين علمود ايصيرن حمر عود ابجي .،،علمود ايحاجيني بس ماكو...هو راح نام وانه هم اشويه واجه شبكني اريد اوخر بس هو ما خلاني ...
وانه هم جنت مشتاقتله نمت ابحضنه. .،كعدت لكيته ماكو ،،اشويه ودخل ... درت وجهي عنه هو داره اله وكال هيج مثلت البجي محترفه بلتمثيل انه كلتله .... ضايجيه ومشتاقه لأهلي
غيث...، انقبض كلبي من كالت اهلي كلتله وانه اامسح ببهامي على خده وكلتله ابهدوء..،، أي حبيبتي خابريهم
ورد،،،،ابجي مصطنع ... ما ما اريد اشوفوهم فدوه فدوه غيث خلي اشوفهم
غيث،،،بست راسه وحجيت ابصوت مهزوز ... خلاص كلبي اكول لابوي وانروح اشوفينهم انه وياج ونرجع
ورد..،، ما ما ابقه عدهم
غيث،،، ابحده. ،،شنو تبقين عدهم
ورد،،، ابجي ..،هو بس ثلاث ايام فدوه غيث اول مره اطلب طلب فدوه غيث ...وشبكته من خصره وخليت راسي على صدره
غيث... زفرت ابضيق ...وبقيت امسح على ضهره وعلى شعره ..،ماشي حبيبتي ماشي بس هدي ،،
ورد،،، رفعت راسي وبسته من شفته .،وخرت هو ابتسم وكام طلع بره دريت بيه أتضايق بس لازم اجرب واسوي اي شي ايضوجك فتره بس بعده تفرح
غيث،،،، طلعت بره الغرفه ..، الفكره انو اتخليني وحدي خنكتني هلكد اتعودت عليه اوف طلعت رحت للهول حاجيت ابوي كال عادي ...
اتمنيت ودعيت من كل كلبي ابوي يرفض بس ماكو زفرت ابضيق ورحت الجبار ... واكف اكباله واحجي وياه ابعصبيه. ..، شوف راح اتروح لأهله الحقيرة ما ادكول وراه واحد انربط بيه يختنك بدونه الخبيثه
جبار،.،، إهداء غيث اشبيك ثلاث ايام وترجع مو هيج
غيث.،، ابعصبيه. .. أ مو هيه ثلاث ايام هينه ولك ذني ثلاث ايام بيه ثلاث ليالي انام بدونه أربع مرات اكعد الصبح وما الكاه وما ابوسه شعلت شيب الخلفني بلفكره
جبار..، اشبيك اهدئ هيه أي وحده لازم اشوف أهله
غيث..،، كعدت ابعصبيه وكلتله ...شوف فكرة اتعوفني خبلتني
جبار..،، صرت مهوس بيه
غيث.،، كمت وانه اكله .،فوك ما تتصور ..اي ليش ما امنعه اسويلي شو شنو يا الله.خبارته وكلتله........
........2177 كلمه تعويض