البارت 23
رواية...جولييت واسرها...غياهب الإنتقام
بقلمي...نور سمو العراق
💔💔💔💔💔💔💔💔💔💔💔
بارت مفاجئ لعيونكم وهديه للواتبادين والفيسبوكيين 😂😂😂
فديتني مدري منين نازل عليه هل كرم 🙄
........................
معدان… بعشگنه…
.وشوگنه خبالات
وطبع بينه….. النحبه انخضر بعينه
لا نعرف قليل…
..ولا طبخنه اگدار
ونعتب…
ع الحبيب الما يحاجينه....
................................................
ريهام
صلاح لحد الان زعلان مني لان تعبت نفسي واجيت اسقط اني والله محتاره حييل اذا ما نضفت الكل يحجي واذا انضف صلاح يحجي والله حييره
هو صح الشغل ما يموت ولا الطفل لازك بعلج بس والله اني ورطت نفسي من دخلت جامعه ردت ابطل بس حرامات والله تروح عليه سنه
شهد هاي الايام مخبثه مدري شبيها هي طفله ما عليها عتب وتعاين سجئ وسجئ اخس منها وعرك بينهن ما عليهن عتب رغم جعفر قسم الشغل بينهن بس هن بس من يشوفنه ...
انوب ثنينهن شايلات خاشمهن عليه وزعلانات مني وشهد كل شويه وكال...اني مو حامل اشو ما اتعاير مثل النسوان
ردت عليها خالتي ام فلاح...ولج انتي عرفتج ما بيج خير وما يجي منج خيير ولج ذيج مرة جاسر عميه ودخلت الهم لكيته كاعده تغسل مواعين وهي ما تشوف
وانتن عيونجن سته علئ سته والمواعين مدهنه
رديت عليها بهدوء...اني والله عمه اغسل المواعين زيين وكل جمعه وسبت اجلفهن كلهن
باوعتلي بحسره...مو قصدي عليج يمه علئ هل خايسات اني ادري بيج مريضه وحامل واحنه كون نعلك النه رايه لان طبتي وحبلتي وادري بيج ما تقصرين
بس ذن شبيهن
ردت شهد...ترئ اني طفله
دخل جعفر كلها...والله موتتني التفله وحق ابو فاضل يا شهيده اذا ما مشيتي عدل هذن رجليج اكصصهن وذبهن للجلاب واشمرج علئ ابووج
ولج شو انتي صايره حييل وكحه وادبسز واني ساكتلج انتي تفرعنتي وتخبلتي انتي وذيج سجيوه
طلعت سجئ وعاطت بصوت عالي....اني شدخلنننننني خووو انت بس تجي عليه وهاي الشهيده شيطانه والله وتخبث عليه
شهد ردت عليها...صدك ما تستحين احترميني اني مرة عمج
تنهد بقهر...شلون هسه الزمهن واركع راس براس والله ترئ موتنا يعني سوالفجن حييل تعبانه وبطرانات ومزعطه
امه ردت عليه...اي مو هي هاي الردتها وخبصتني بيها وعاندت الكل واخذتها يالله استلم هاي النادره بنت الاصول الجبتها اليه
هو باوع الشهد بغضب وهي جانت عاقده حواجبها كله...امشي ولي كدامي من طاح حضج والله اليوم صدك اربيج
هي خلت وراحت ترددم وسجئ باوعتله باستهزاء ودخلت جوه وهطرت الباب
عمتي جرت نفس...خابر جاسر وهو يحتار بيهن ذن والله ما يمشن عدل اله واحد يطيح حضهن
صدك خابرته هو جان بالدوام كله من اخلص اجي وان شاء الله امر عليكم
صدك اني رغم مريضه صح اتوقف عندي النزف بس لسه تعبانه بس نضفت جان بيها طالبه اجازه من الجامعه...
شويه ودخل جاسر سلم علئ امه وكعد بالاستقبال اني دخلت سلمت عليه وسألته عن جولي كال تمام الحمد لله...
امه ضلت تحجي وتشكي منهن كلتله لو ريهام تنضف لو هن ما يمدن ايدهن انوب ياكلن ويشمرن مواعين
وهاي سجئ موتتني سوت اندومي اكلته وشمرت الصحن شربت جاي شمرت الكلاص انوب ما تشيله
وذيج مرة جعفر تشوفها تسوي مثلها احنه هيج جان بيتنا احنه وين جنه وين صرنه
كون يطلع مهيوب من كبره ويشوف هل مهزله والله يتخبل علئ هل خييسه ...
جر نفس بهدوء وهو يدخن كلها...صيحيلهن يمه
عمتي راحت صاحتهن واجن هنه بس اجن وجوهن مخطوفه سلمن وكعدن
هو جاسر باوع الهن وطفئ الجكاره بالنفاضه وباوعلهن بهدوء...شبيجن بابا علئ شنو مشاكلجن ليش البيت يشكي منجن احجن خلينه نفتهم...
شهدت نزلت عيونها ومجاوبت وسجئ،باوعتلها رادتها تحجي بس من شافتها ما حجت هم سكتت
رد عليهن ببرود...احجن شبيجن وحدجن تكسر الخاطر وبس اطلع اللسانها اطول منها
سجئ بلعت ريكها كالت...اءءء عموو والله اني الشغل كله عليه ما يصير وهنه مخبثات ويايه وهاي ريهيمه تحرض بعمو صلاح عليه...
باوعلها بغمووض وركز بيها ثواني وهي كملت كلامها بفشله وتبلع بريكها...اءء يعني مدري شبيهن وياي ويكرهني ويكرهن امي
جر نفس عميق وكله...خلصتي كلامج ؟
سكتت ومجاوبته بس هي بلعت العافيه كلها...كومي سوي جاي بسرعه
هي خلت وراحت تركض تسوي جاي وهو اجاه اتصال ضل يخابر وسجئ شويه وجابت الجاي خلته كدامه وجايبه بس استكان واحد
هو قفل الخط كلها ...سجئ،عمو انتي طفله لو جبيره
ردت عليه...لا اني طفله
حك طرف شاربه باصبعه كلها...اهااا تمام جاا منا وهيج بعد ممنوع عليج الموبايل لان انتي طفله
ردت عليه بسرعه بارتباك ولهفه...لا عمووو اني جبيره وبعدين والله موبايلي فارغ وحتئ ارقام مابي وكل يوم عمو صلاح يفتشه...
تنفس بهدوء...اهااا يعني جبيره اعترفتي وجنتي قبل تتحججين انتي طفله مدام انتي جبيره يا عمو اتعلمي من تجيبين الجاي صبلي للكل حتئ ما تقللين من احترام احد ...
جاوبته ...مو عمو بس انت ردت جاي
كلها...زين سالتي بيبيتج تريد جاي لو لا
ردت عليه....لاااا
باوعلها بهدوء...مدام ما سالتيها قدريها وجيبلها او اساليها طليلها بيبي تردين جاي لو لا
عمتي هزت ايدها...هههه هي اتوسل بيها اكلها انطيني علاجي ما تقبل دكول كلي الجناينج
ركز بنظره علئ سجئ وهو يرمقها بنظرات ما تتفسر كلها...صدك عمو كلام بيبيتج ؟
هي حسيتها اختنكت...لاااا عمو ببب ببب بس بس
جر نفس...لا تضلين تبسبسين الاكبر منج تحترمينه وتقدرينه وهاي بيبتج بجت دم علئ ابووج وتحملت امج الخاطرجن انتن جازنها ولا تشلعن كلبها
هزت راسها بخووف وقبول
واذا دكولين اني طفله محد طلع من بطن امه يعرف كل شيء عمو احنه نريدج ترفعين راس ابووج بكبره
والناس تترحمله مو تسبه من وراج اسلوب امج خلي علئ صفحه لان امج مهما سوت وطغت وتفرعنت الله طيح حضها والظلم عمره ما يدووم
واني ما اعتقد الشغل يموووت
ويالله كومي بوسي راس بيبتج واعتذري منا وازعل عليج واني زعلي مو هين اذا سمعت امي تشكي منج
هي راحت باست راس عمتي وضلت كاعده يمها...
باوع الشهد الي بسرعه نزلت نظرها ولا جنها الي قبل شويه خبصت الدنيا وتصيح وتغلط
كلها...وانتي عمي شنو مشكلتج ؟
بلعت ريكها ورفعت اديها...اءء اني الحمد لله ما عندي اي مشكله احترم الكل واحب الكل وعايشه وياهم علئ الحلوه والمره
ضحك باستهزاء وهز ايده ...شو كلهن طلعن مؤدبات وعاقلات ومخلصات الشخص معقوله يمه تتبلين عليهن..؟
عمتي هزت ايدها وحطت ايد علئ ايد كلتله...اي يمه اتبلئ اتبلئ ...ولك يمه يوميه اني عركه ماكو ذول رضاوي ومجتبئ افهم منهن واعقل دكول مزعطه
شهد كالت...يعني والله اني انضف وهنه اببد ما ينضفن واني ليش انضف اذا هن ما يمدن ايدهن علئ شئ
هاي ريهام عود اذا اجت من الكليه تنضف وهي تجي متاخره خلي تنضف وتروح ترئ ميطير نصها
رد عليها جاسر...وبيش الساعه تكعد تنضف بتلاثه باليل شنو طالعه عماله شبيجن بابا تخبلتن
ترئ هذا البيت بيتجن انتن انتي وسجئ و ريهام
وترئ الي يجي ويحجي مراح ينقد امي او ينقد مرتي لو ينقدنا احنه ينقدجن انتن لان انتن كاعدات بهذا البيت
انتي يا شهد جنتي زعلانه وريهام مريضه ونايمه مستشفئ ولا سجئ ولا نوال ولا امي تشتغل
بس جولييت وامي رضيه وامي رضيه مو دائما تشتغل الي تسوي بس الغدا
جولييت جانت عندها طفلين والكاع ما تجرعهم ومو بس هيج حامل حالها حالجن وما فديوم واحد دخل علينه وكال بيتكم وصخ
وترئ طفله جولييت من اخذتها لحد الان ما شفت الها ثوب وصخ ولا شفت بيتنا وصخ
واحنه كومة ولد وترئ جان صلاح وجعفر عليها هي تغسل ملابسهم شو ما شكت مثلجن
والله اتذكر لحد الان ما مر علئ زواجي منها غير يومين وهي تنضف بالمطبخ ودخل الها ابوي ضحك عليها كلها ...بويه اكعدي بعدج عروس ترئ بعدين تملين من التنضيف
وما شفتها بيوم ملت وهسه هي مريضه وما تشوف والله وما تكعد اله تشتغل بلي تكدر عليه
واتذكر جانت دائما دكول اغسل وجهي ما اعرف منو يبوسه وانضف بيتي ما اعرف منو يدووسه
ريهام..
اني ضحت من كال هيج اتذكرتها صدك جان هيج دكول وهو جاسر جان يكولها اني ابوووسه...
اردف بقهر...زين هسه ميخالف هاي وقار مو مثلجن ولا تتنعم مثلجن فاقده اصابعها وحركتها معاقه وهي ما فديوم بيت عمي اشتكوا منها وما فديوم اتاخر غداهم....
فانتي يا شهد لا عوزج رجل ولا ايد وكاعده وساكته واذا جنتي حامل يعني الحامل علئ راسها ريشه
ام مرتضئ جانت حامل بتوم وشافت مصايب الدنيا كلها ومصار بيهم شئ ليش؟ لان ربي قاسمهم الحمد لله
فانتن اتكلن علئ الله وان شاء الله اذا نضفتن اني اضمن الجن لا تطير منج ايد ولا رجل ولا يطكجن عرج ....
وهسه هذا الكلام ما يفيد وياجن لذلك كل وحده تلزم الها شغله وما تحتك بالثانيه
رديت عليه ببتسامه ...ابو مرتضئ اني خلي عليه الطبخ والعشا ومواعين العشا والغدا لان اني عندي
دوام
واني قررت اسوي الغدا واخلي بالمجمده ومن ارجع بس احمي وبهيج اكون ما قصرت ان شاء الله
هو باوعلهن كلهن ...شوفن ترئ ريهام معزتها غاليه عندنا مو لان بنت عمنا لا بالله بس بنيه مؤدبه وما تتجاوز ولا تاذي
هي كلنه جنه نعرف جانت مريضه بالوكيميا وهذا المرض طلعت منه بمعجزه ومريض السرطان ما عنده مناعه وهي حامل هي ينراد الها واحد يداريها وهاي شوفنها ممقصره وياجن
وانتن ثنينجن وزعن الشغل بينجن
شهد ردت عليه...اني سوي ريوك اغسل مواعين الريوك الصبح وانضف البيت وسجئ خلي تنضف البيت العصر
رد عليها بقبول وباوع السجئ...عاجبج ست سجئ لو لا
هزت راسها بأي
وكف وعدل قميصه كال...يالله اني رايح وان شاء الله بعد ما اريد اسمع اكو مشاكل بيناتجن ترئ المشاكل مو حلوه وما تجي منها بس المصايب
وانتي سجئ مهما نقسئ عليج تضلين بنت اخونه وهااا ديري بالج ترئ جهازج مربوط بجهازي للتحذير طبعا...
اني ما فتهمت وهي انصدمت وضلت تفرك باديها
اردف بهدوء....وانتي شهد ما اريد اسمع اي واحد يشكي منج مفهووم بابا
جاوبته بلباقه...اي تدلل عمو ابو مرتضئ والله اني احبكم
رد عليه بستهزاء...عمي لا تحبينا حبي بس جعفر ولا تسوين مشاكل...
شويه واجه جعفر كعد وطلعن من الملاهي غسلهن غسل كدام جاسر وطلع سوالفهن كلها
وهن خلن وشردن كله جاسر...بعد ما يعيدنها صدكني
جعفر جر نفس..والله موتني اني هاي شهد مدري شبيها متخبله رسمي وذيج سجيوه مخلصتها عليه ماما اخذت ثاركم وماما اخذت ثاركم وبابا لو يدري هيج مسوين بينه ما يقبل عليكم
واني فلاح اجاني بالحلم تفل بوجهي كال ولك عود انت زلمه زوجناك نويله وضاله تلعب بكيفها وانت كلشي ماكو
خالتي لطمت خدها. ياااا صدك عووود فلاح تفل بوجهك ؟ ولك خاف مو زين بس لا تموت
رد عليها جاسر...هههه جذاب جايه علئ جعيفر وشفتيلج عار مات
باوع الجاسر...لا ابو مريضي لا دكول عار ترئ صرت متدين اصوم صلاة اليل ومادي واجبي الديني
رد عليه وهو يضحك...ولك انت حتئ الملائكه ما تفهم شتحجي انت اذا صلاتك اسرع من البببيب
وصيامك بس اول يوم تسجل حضور وبعدها تبطل
لزم ادين جاسر بفرحه...تدري ضليت ما اسكر صدك احس مفارك وحده عاشكها بس مي خالف دست علئ كلبي اهم شئ الحلال والحرام
عمتي ضحكت كلتله...جاا العاشكها مو اخذتها وارتاحيت
اشر علئ نفسه بغضب...هو اني مطي اتزوجت شهيده تاخذني للشط وتجيبني جوعان يمه هاي داهيه نويله مصغره
ضربه جاسر علئ كتفه...تعلم بعدها صغيره
جر نفس عميق ومقهور...ذاك دكلي انت شنو عمتي جنك عجايز قبل
وكف جاسر وجر نفس...جدر ولگه غطاه وين المشكله
عمتي هزت ايدها...اندري وين المشكله غليج ولكاله طبيج
ضل شويه يسولف وبعدها خله وراح البيته واحنه الحمد لله مرت علينه ايام مشن عدل
شهد تنضف الصبح وسجئ باليل واني اطبخ واغسل المواعين
بس سجئ لحد الان ما تكعد وهاي خالتها ضلت تجي البيتنه بس من الولد ما موجودين هي من تجي خالتها تصير فوعوون
ومن تتاخر لا البنيه تمشي عدل اني دا احاول اكسبها هي واخوتها والله كريم....
............................................
وقار
ما جنت اعرف غايتهن هيج ولا جنت اعرف هن من طرف شام المفقوده والله لو اعرف جان ما جبتهن هسه وجان تانيت ولا اجيت
لان جولييت مريضه وجاسر محتار بيها مو وكت شام ابد ضربتين علئ الراس توجع
رغم صدمتي بكلامهن بس فشلت من نفسي باوعت الجولييت لونها انخطف واحتقن وجهه الصغير وحطت ايدها علئ صدرها وهي تتنفس بضياع وحيره ...
اما جاسر
فجاسر فتح عيونه مصدوم من كلامها المعلن ومن ذكر اسم حبيبته شام
باوعت علئ اديه رجفت بقوه اول مره اشوفه هييج بتوتر فضييع و وجهه انخطف
بسرعه تقرب منها بخطوات ملهوفه تارك الكل وره ضهره وصدره يصعد وينزل دلاله علئ ضيق تنفسه وكف مقابيلها وتكلم وياها بجديه...صص صدك انتي،من طرف شام
اشر علئ نفسه ما مستوعب كلامها ومذعور من هل سر الغامض...شش شام مرتي اا انتي من طرفهااا؟
نزلت راسها وهزت راسها بأي وبعدها رفعت راسها وهي ترسم علئ شفايفها ابتسامه حزينه...ايه انا رفيئتها لشام لما كنا في ليبيا اممم انا ما بعرف شو بحكي بس بصراحه شام بتحبك كتيير
اردفت بصعوبه وعبالك داخل حنجرتها موس حااد...ايه شام بتحبك وتعزبت كتيير وانا ما ادرت اسكت اكتر من هيك...لهيك اجيت من دون علم منها
قبض علئ اكتافها باديين من حديد متناسي هي محرمه عليه وهزها بغضب عارم هز اركان البيت...ويننها شاااام ويييينها احجيييي اريد اشوفها وييينها
باوعتله وبسرعه باوعت الجولييت ودموعي تنزل علئ خدي شفت بيها انثئ ضعيفه مكسوره منهكه والشحوب طاغي علئ ملامحها...عبالك انسانه ميته والظلام محاوط عيونها الزمرديه الحزينه
شفايفها صارن احمر دم بسبب كتم الحركه داخل صدرها
اشحت بنظري عنها علئ صوت السوريا من نطقت وكالت...هي معنا ما صار كتير من اجت لهون للعراء بس هي ما رطت تجي لعندك لانو نحنا حكينا الها ان انت تجوزت
ابتعد عنها وحط اديه علئ راسه بضيااااع وعلامات الحزن وضحت علئ محياها اتقرب منها مره ثانيه وبلع ريكه بحيره وصعوبه ورد عليها...اخذيني الها انتم وين ساكنين وهسه هي وين ساكنه أخذينيي الهاااااا
صرخ بيها بصوت رجف كل جسمها وارتبكت همست برعب وارتباك...بس هي زعلانه منك كتير وما بدياك
زمجر بغض كااااااسح ....كتلج اخذذذذيني الها...
هزت راسها بقبول ومشت خطوات وهو طلع وراها اني خليت ورحت وراهم لزمته من ايده وهمست بدموع...جاسر هدي نفسك والله اني ما ادري بيهم من طرف شام...
ما جاوبني وركب بسرعه بسياره وهن ركبن اني ركبت وياهن وهو ساق بسرعه جنونيه بعد ما هي وصفت المكان اله...
اني باوعت الها بغضب وكلتلها...انتي وحده جذابه انتي جذابه شلووون دكولين يخص اللاجئين ليش ما كلتي عن شام
ردت بجمود وبدون ما تباوعلي...بعتأد شام كمام لاجئة
صرخت بوجهه...بس انتي جذبتي عليه انتي وحده جذابه جذاابه
باوعتلي بحده وتوتر وكالت...ممكن تسكتي لانو عنجد انزعجت منك
سكتت وهمست واني افرك باديه...بسيطه بسييطه اني الغبيه المطيه الحيوانه الي جبت واجيت
ضلت توصف اله المكان منا لمن وصلنه عند خرابه تكون باحد المناطق النائيه وجانت بيوتها عباره عن بلوك ما ملبووخ والشارع ما مبلط...
نزلنه عند بيت يرثئ اله الحال وتعبان حييل دخلتنه جوه هو ضل واكف وباوع الها كلها بحده...وينها شاااام
دورت بالبيت ماكو سالت عنها وحده منهن كلتلها...شام راحت مع ام ياسر لعند ناس بتعرفهون مشان تجيب مصاري
باوعت الجاسر وابتسمت بفشله..ااااء يالله لكن انا بتصل فيها...
اتصلت بيها وكالت راح افتح مايك مشان تسمعها شويه واجه صوتها الناعم الحنون...شو بدك ياسمين
جاوبتها ببتسامه وهي تباوع الجاسر...احزري مين عنا
ردت عليها باستهزاء...مين ابو زيد الهلالي
ضحكت...لا عنا جاسر جوزك
ختفئ صوتها ثواني وبعدها نطقت بكلمات متقطعه....اءء شش شو جابوو
ابتسمت بفخر...انا جبتوا واجييت
مجاوبت ومبين جمودها من اول لحظه جاسر خطف الموبايل من اييد ياسميين ورد عليها بلهفه...الووو شام حبيبتي تسمعيني احجيي
جاوبته بصراخ وانهيار...انا مش حبيبتك انا مش حبيبتك انا بكرهك انت واحد كزاااب بكرهك بكرهك
واردفت بحزن ممزوج بانهيار... تجوزت مش هييييك اييه مبروووك ان شاء الله بس بدي بنتي وغصبا عنك
رد عليها بحيره...ويينج انتي تعالي خلينه نتفاهم تعالي لو اني اجيج
صرخت بصوت ...ما بدي اجيييك ما بدي ولا راااح ارجع لهدااك البيت وانتي يا ياسمين يا حقيره بكرهك كتير انتي مو رفيئتي انتي عدوتي
صاح بصوت عالي وعصبي وبتر باقي كلامها...شام شبييح تخبلتي غصبا عنج تجيين واشوفج ونتفاهن ولج انيي مشتاقلج اني تعذبت لخاطرج ليالي ما غمضت عيني واني اشكي حالج
جاوبت بسخريه وذعر....اي واطح كتييير لهيك تجوزت بنت صغيره وعندك توم اولاد...
مسح وجهه بتوتر وهمست ...استغفر الله يارب
ردت بضحكه..بنتي ويين عم تئول ياسمين ما شفتها اببد مرتك ام عيون ملوونه ما بدئ بنتي وطلبت منك تخليها بدار الايتام مو هييك وانت سوايت متل ما طلبت ههههه ما تادر ترفض الها طلب للجميله
فتح عيونه بذهول من كلامها وصرخ بيها بصوت حااد وغاضب ....انجبيييييي انتي تعرفيني ما تمشيني مررره
ضحكت بالاستهزاء...لكان وين غزل وينها
رد عليها بتنهيده طووويله تحمل الف ااااه...تجيين واكلج ويين
جاوبته بعناد وبحده ..ما بجيييي وما برجع لهاد المكان يكون بعلمك مو انا شام يلي بتتجوز عليها
بترت كلامها وقفلت الخط تنهد بضيق ونفخ نفسه اشر اليه نروح واخذ رقمها وانطئ الموبايل الياسمين وخلينه ورجعنه هو وصلني البيت عيالي واني ابجي
بس ما حجيت وياه ولا كلمه لان شفت شكد متعصب،وطالعه روحه
نزلت يم عيالي همست...جاسر انزل وياي شويه ارتاح
ما جاوبني وانتظرني ادخل وحرك السياره وراح بس ما عرفت وين راح البيته راح يدور شام الله اعلم...
....................................
لا حضينه ، ولا نسينه ، ولا فرحنه
- ولا جمعنه الله وبقينه محيرين
عريان السيد خلف
جولييت.....
شكد حقيره اني جنت اضنه يحبني ونسيت ان بعض الضن اثم اي ما شفت شئ بس وصلني احساسه وانهياره عليها وصلني نبرة صوتها وجزعه ولهفته عليها...
من كل كلمة ينطقها احس جسمي كله يرتعد واوصالي كلها تكطعت حاربت الدمعه لاول مره ما خليتها تنزل وبثيت الثبات بروحي المهشمه...
حسيت نفسي مقيده باغلال من الحقد والظلم وفقدت الامان مره ثانيه ...
البيت اختلئ من الكل بس امي رضا الي جانت ساكته وما عندها حق بالنطق علئ شنو تحجي شام زوجته واني مجرد دخيله عندهم ...
مشيت خطوات يائسه انضربت بحافة القنفه وتماسكت لزمت بالقنفه وعضيت علئ سفايفي اكتم عبرتي و حرارتها...
لزمتني ماما رضيه وحطت ايدها علئ اكتافي الهزيله وساعدتني كالت...شبييج تعاي اكعدي ان شاء الله ما يضلمج لا تخافين
رجفت شفايفي والانكسار انبعث من عيوني تمتمت بغصه...لا لا ربي وياي شلون اخاف والله موجود
مسحت وجهي بكفوف اديها وهي تتنهد وباستني بجبيني همست بصعوبه..ماما وين مرتضئ ومجتبئ
ردت عليه..بلعبون يمه بالحديقه لا تخافين هسه اروح اجيبهم...
همست بغصة...بس اخذيني يمه اريد انااام تعبت
جرت نفس حزين كالت...تردين تهربين من واقعج بالنوم يجكليته
سكتت مجاوبتها بس حسره تاكل بروحي...
اخذتني الغرفتي ونمت علئ فراشي حسيت بيها قفلت الباب اني تكورت علئ نفسي ولزمت بطني بوجع احس عندي وجع بضهري وبطني لا يطاق
اني ما عندي نزف بس اول ما صحيت جان عندي نزف بس احس اكو شئ فارغ ببطني مو مثل قبل ...
رفرف الدمع بعيني وحضنت نفسي وبطني ...المن تجي ترئ امك قلبها كسروا وروحها ذبحوها وعيشوها بجحيم وبضلمة ليل ونهار عشت بنار عمرها مراح تنطفي
اول ما ذكرت اسم شام گلبي طار من بين ضلوعي وصوت روحي الي نسيته من سنين صوت يصررخ بداخلي انتي انتهيتي انتهيتي...
لزمت گلبي الي يخفي كم هائل من الحزن وتنفست بضييق تركني وررراح عميه مهجوره ويتيمه ومحد الي حتئ هووو. الكل تخلئ عني حتئ هو
الله يسعدهم حطيت ايدي علئ شفايفي وبجيت بصوت عالي...اغص من اكول الله يسعدهم راح يعيش وياها يحبها يدللها وانيييييي؟
الئ متئ الئ متئ والله مو عدل ابببد مو عدل شنو ذنبي شنو ذنبي والله ما الي ذنب
واعرف هي ما الها ذنب بس نار شاعله بصدري...
اتذكرته البارحه باليل اختنكت وطلعني للحديقه وهو يلف علئ جسمي وشاح جان قديم عندي وبي شراشيب اشترته الي امي من اول ما تزوجت جنت حييل احب الف روحي بي
هو مثل الشال بس يكوون طووويل وكبير وثخيين...
لف الوشاح عليه وحضني حييل وضمني الصدره همس عند اذني...دفيتي ؟
ابتسمت بحنان...اييي دفيت شال امي يدفي
رد عليه بقهر...طاح حضج وحضني شبي،ما يدفي ؟
ضحكت...لا حضنك صوبه علاء الدين من ذن الاصليات
باسني بخدي وهو حاضني،من وره كال ...يالله بوسني واعتذري
رفعت حاجب...علئ شنو اعذر ؟ ممسويه شئ والله
رد عليه بزعل...لا سويتي دكولين الشال ادفئ من حضني وطلعا حضني انتفض وزعل يكول هاي جكليته ما يجي بعينها...
ابتسمت...ياااا هو هيج يكول هذا الحضن هوايه يعتب وااعتب ترئ مو حلوو
رد عليه ببرود...اي بس،خطيه زعلان راضي
حضنته وهمست...يالله راضيت حضنك ههههههههههه
رفع راسي كال...واني دخلت بينج وبين حضني واسطه خيير ولازم هم ترضيني
رفعت حاجب بعدم قبول...ياااا انوووب هاي بس،انت وحضنك هييج ترئ محد كلك ادخل واسطة خيير
حضني حييل ورد بقهر...هاي زادها فوك ما داخل بالمعروف ومسوي اصلاح رومانسي بينج وبين حضني يالله بوسيني
لزمت وجهه بضياع واني ادور عنه همست انطيني خدك يالله ابوسك وافتك منك كفيان شر يسموها...
تقربت منه دا ابوسه حسيت بملمس دافي علئ شفايفي عزااا هذا مو خده ليش هيج يستغلني جويسر ابو الإصلاح...
لزم وجهي واني ضايعه بي وهايمه وهو كذلك ويضغط علئ خصري،بين لحظه والثانية...
فزينا علئ صوت مرتضئ وهو يكول بعصبية....سكييييييييته بوتييين بابا ادل امج رطيه والله...
ركض عليه جاسر وشاله جابه يمي وهو لزم وجهي ما جنت اشوفه بس احس بي ساله ...بابا انت عب يمااااا
رد عليه ...اييي احبها شعندي غيرها غير هي جكليتي
جاوبه بغضب وبغيرة...شداب هي سكيته عبني ...مو عبيني سكيته؟
ضحكت...اي احببك اموت عليك انت ومشمش
سحبني الحضنه وهو شايل مرتضئ ودخلنه جوه وهة يمشيني شويه شويه....
رجعت الواقعي واني اشهك جذاب ما يخبني والله جذاب منافق يكول احببج واني حسيت بحزنه ولهفته عليها...
هي مرته وحبيبته وملك گلبه اني منوووو ؟ اي والله اني منووو ؟
.........................................
وقار ...
نزلت من سيارة جاسر سلمت عليه وفتت للبيت ، مقهورة كلش هذن شون وثقت بيهن شون استغفلني ولا ادري بيهن من طرف شام
لا ابد مو وقتها شام ترجع ، خطية جوليت بوضع مو طبيعي ومكسورة خطية يربي شسويت اني!!
دخلت للبيت سلمت على عمتي سألتني عن جوليت حاولت اتظاهر بأنو ماكو شي يشغلني وطمأنتها على جوليت وصحتها
ورحت لغرفتي
بدلت ملابسي وكعدت ع السرير وبالي مشغول بالموقف الي صار
دخل جابر كمت تلكيته بابتسامة وبوسته
هو راح للسرير مدد بالعرض واديه جوه راسه
وكفت يمه كتله حبيبي تريد اصبلك الغدا؟
كال لا تعبان شوية ارتاح وبعدين عود ناكل اني وياج ..
عدل كعدته لزمني من ايدي وقربني اله كعدت بصفه
حوط كتفي باديه وسألني شونهم بيت جاسر مرته ام مرتضى صحتها شونهه ؟
دنكت راسي وكعت خصلات شعري صارت حاجز لحتى مايشوف نظرات القلق بعيوني
هزيت راسي ، بلعت ريك وغصة كتله الحمدلله زينين
وكمت من يمه ..
وكفت على ميز التواليت صارت نظراتي كباله بالمراية تجاهلتها ودنكت راسي اعبث بالحاجات الي كدامي بدون هدف بس لحتى اضيع الموضوع ولا يحس بشي ..
اجه يمي لزمني من اكتافي ودارني عليه
كال شكو شبيج ؟ ترة وضعج معاجبني شصاير!
دنكت وهزيت راسي ، هو مد ايده لحنجي رفعه بأصابعه ، التقت نظراتنا ، عضيت شفتي
جابر احجيلك بس اوعدني ماتعصب عليه ؟
عكد حواجبه بغضب احجي شصاير وقار ؟ وبلا لف ودوران احجي شمسوية!
اريد افلت روحي منه ، رجع لزمني بقسوة وصار يهز بيه بعنف واني قلبي احسه حيصعد لحنجرتي ....
حجيت اله الي صار كله .. والله جابر مجان قصدي والله خدعوني جابر مو قصدي
عاط بوجهي ولج اخووووج ومرته بيا حال هسه وانت تفتحين عليهم هيج مواضيع ؟؟؟
سكتت اعض بشفتي واعصر بأصابعي ..
جابر ..... اني
صاح سكتي ولاااا كلمة انت ماتتوبين كم مرة اكلج تتركيهن ذني ليش تعاندييين ليش لج انتي شنووو ؟ لوين تردين توصلين بهاي سوالفج وبهذا عنادج!
اني مو حضرتهن وانتي رجعتي الهم وعاندتيني انتي دومج ما تحترميني وتكسرين كلمتي
مد ايده عبالي راح يضربني دنكت وكنبصت ع الكاع واديه على وجهي احمي
بس ايده امتدت للاغراض الي على ميز التواليت دفعهم بيده وكعهم كلهم ع الكاع
وظل يصيح انتي شنو تردين تهجمين بيت اخوووج يله ترتاحين لو تردين اطلكج حتى تتأدبين ..يعني اخووج بيا حال وترحين تاخذيله السوريات
انتي تتصرفين من كيفج ومو من حقج تاخذيهن بدون علم منهم يعني اخوج يدري بيج جايه الوحدج شلون تفاجئينه بكوم مال نسوان
رفعت راسي صرخت لاا عزاا جابر بس افهمني فدوة
لزمني من زندي رفعني عن الارض ويدفع بيه لنص الغرفة وشكو شي كدامه يدفره متت من الخوف واني بأيده ..
كال تدرين هسه انتي هجمتي بيت اخووج لوو لا ؟؟
ظل يهز بيه
واني ابجي بحركة واكوله لا والله مو قصدي مادري جابر ماادري جذبن عليه
اني احبها لجوليت والنبي بس الي صار موو بأيدي
لزمني باثنين اديه ويعيط بوجهي
لأن غبية ومتاخذين حجي وثووولة وراح تبقين هيج الى ان تهجمين بيتج بيدج اكليها وووقار اكليها ...
ليش ما كلتيلي ليش ما كلتي انتي من رايحه وياج سوريات لو هاي غلستي عنها
دفعني بقووة ارتديت وطخ ظهري بالميز مال التواليت توجعت حيل وبجيت بألم وهو فتح الباب وطلع برة الغرفة وركع الباب حيييل ..
.........................
جولييت...
ساعات من اليل الطووويله وهو ماكووو اكييد عندها واني هنا ضاله يتيمه مجروحه محد الي
رضيه نامت من زمان هي من طبعها تنام من وكت واني ضليت انهش بروحي
هسه اكيد يمها نايم بحضنها يكلها احببج واريدج وجولييت راح اطردها...
شهكت برعب ...لاااااا بس لا ينطيها ولدي تعويض عن بنتها لااااا والله اموووت يستغلوني لان عيوني ضريره
جنت اتعلم خياطه كلت اخاف ترجع وما يضل الي احد تكون صنعه بيدي اعيش بيها نفسي واعيش أطفالي...
بس للاسف نوال دمرتني من ضربتني وعمت عيوني شلون ياربي بعد ما اكدر اشوووف راح يعوفوني هنا ويملوني
اي هو حقه شيسوي،بوحده عاجزه ما تكدر تعيين نفسها اكيد ينبذني مثل اهلي ...
زحفت علئ الارض وحضنت نفسي واني ابجي والدنيا وظلامها المحاوطني حييل اذتني...
الخووف دب بعظامي همست . يارب دخيلك كن معي انت وكيلي يوم لا ينفع مال ولا بنون ربي اني امانتك
نمت علئ الارض حسيت ببروده وكفت ردت انام علئ السرير مشيت خطوات واني اتلمس اديه بالهوا واريد اشوف وين المكان...
ارتديت خطوات من اضر ضربه علئ جبيني صرخت بصوت خافت وتلمست جبيني حسيت ايدي تبللت بالدم
كملت طريقي وما عرفت بشنووو انضربت ضليت اتلمس بالمكان لحد ما وصلت للسرير تلمسته بهدوء ونمت عليه وحسيت الدم نزل علئ حاجبي
ضليت اردد اذكار من القران خايفه من الضلام اني من زمان اخاف من الضلمه ومحد منا ما يخاف بس اني اكسر هل خوف بقراءه القرآن.....
حسيت بخطوات حذاءه عرفته هو سديت جفووني اول ما حسيت بوجوده وعصرتهن حييل
حط ايده علئ خدي وهمس بهدوء...ليش سديتي عيونج من حسيتي بوجودي
عضيت علئ شفايفي بحسسره وفتحت عيوني ومجاوبته اتمنئ اشوفه من بعد شااام
حط ايده علئ الكدمه الي بجبيني ومسح الدم عليها وسالني بلهفه وذعر....هااااي منو ضربج ؟ اكيد انتي وكفتي وانضربتي مووو؟
جان السكوت هو سيد الموقف عندي وهماتين مجاوبته
تنهد بضيق وكال....شبعانه لو جوعااانه
كعدت بلهفه وعضب وانهيار...شبعااااانه شبعاااانه قهر وذل وضيييم والله شبعت شبعتتت كااافي موتوني موتوتي
لزمني من اكتافي وجاوبني وهو يهديني...شبييج اهدي اهدي لا تجيج نوبة الصرع اهدي حبيبي
دفعته بغضب...خااااايف تجيني حالة الصرع وتبتلي بيه لااااا تخاف لا تخاااف راح اطلع من حياتك راح اعوووفك ارتاح مني مراح اكووون هم علئ كلبك والله
لزم اديه بقسوة وهزني بعنف...شبييج اليوم انتي مو طبيعيه اهدئ منو كال اتركج انتي ليش تحجين من كيفج
ضحكت بنهيار والدموع ماليه وجهي...نسيتي من اول ما سمعت اسمها نسيتني والله بيش الساعه هسه يالله تذكرت عندك ضريره بحاجتك ما تدري عنها ماتت اكلت شربت جاعت عطشت شنو الصار بيها
كتلك والله راح تنساني وبس اووول يوووم صدكني اني ما احب اكون عاله علئ اي شخص والله مستحيل اكون عاله علئ شخص
وحتئ لو ضريره ما اقبل اي شخص يمن عليه واعتمد علئ نفسي وراح اشوفك
احتضن وجهي بكفوف اديه وحتضني الصدره بعد ما سحب راسي
تشنجت كل اعضامي وحسيت مثل السجيين الحاده نبتت بظهري
صرخت بصوت عالي وحاد ومرعووووب....جااااااسر جااااااسر
عبالي شخص ضربني سجيين لزم وجهي مذعوور من صراخي...جوووولي شبيييج جولييت
فتحت عيوني برعب و وجع لا يطااااق...ظهري ظهررري يمه راااااح امووووت الحكلي جااااااسر راح امووووت ضهري
ما حسيت بس حجابي نلف علئ راسي ونرفعت بين اديه وخطيه سمعت صوت رضيه الظاهر اجت علئ صوت صراخي كالت بخووف...شكووو شكوو يمه شبيها بنيتي
رد عليها وهو يتجاوزها ويمشي بيه ملهووف...ما اعرف شبيها راح اخذها للمستشفى ديري،بالج علئ الجهال
جاوبتها بحزن وبصوت مرتعش...يمه فدوه الكلبك طمني لا تخليني بقلق...
خلاني بالسياره واني ارجف من الوجع وابجي وبطني حسيتها تكطعت من الوجع والألم وظهري عبالك طلقه نابته بي...
وصلنه للمستشفئ وهم اخذوني بالطوارئ سوولي فحوصات وما اعرف شنو وخلوني للصبح تحت المراقبه...
كالت الدكتوره...شكد عندج اطفال
جاوبته بتعب...ثنين ولد توم
ردت بتفاجئ واندهاش...بطنج جنايه هههه تحب التوم
والصبح دكتوره نسائيه سوتلي فحص وسونار وجاسر جان يمي ولازم ايدي كالت...ماما انتي حامل تعرفين بنفسج وحامل بتوم بس واحد من الاطفال ميت و واكع والثاني مابي نبض ...
نهاية البارت....يتبع
كونوا انتم كونوا بخير....احبكم 💔
نور سمو العراق..😘
لا تنسوا التصويت و المشاركه بكم نكتمل 🌹
تابعوا هذا الحساب فضلا وليس امرا😘 Labua18
طلحه وسوالفه الحلوه 😍 Talha-25-3
فديت اهل السعوديه الي مخجليني بكلامهم الحلووو اعشقكم ترا اني وايييد احبكم 😍😍😍...
💔💔💔💔💔