"លោកនេះដូចជាខ្ញុំធ្លាប់ស្គាល់? តើយើងធ្លាប់ស្គាល់គ្នាដែរទេ?"។ បន្ទាប់ពីលឺសម្លេងនាយកម្លោះបាននិយាយហើយនោះនាងក្រមុំក៏ងាកមកសួរពេលដែលប្រហែលៗនឹងសម្លេងរបស់គេរួមនឹងកែវភ្នែកមួយគូដែលលាក់ក្រោមវែនតាខ្មៅរបស់គេនោះជាកែវភ្នែកដែលនាងក្រមុំអាចប៉ាន់ដឹងច្បាស់ថាជានរណាព្រោះពេលនេះនាងកំពុងតែផ្តោតអារម្មណ៍សម្លឹងចូលទៅក្នុងវែនតាខ្មៅរបស់គេទើបអាចមើលឃើញកែវភ្នែករបស់នាយសង្ហា។
ពេលនោះកម្លោះ Yoongi ខ្លាចថាសមាសភាពគេត្រូវបែកការក៏លែងតបតសម្តីនឹងនាងទើបជ្រើសមកក្រវីក្បាលឈប់បញ្ចេញសម្លេងធ្វើឥ្យនាងក្រមុំចងចិញ្ចើម។
"ម៉េចក៏មិនឆ្លើយ? រឺក៏ពួកយើងធ្លាប់ស្គាល់គ្នាមែន? សម្លេងលោកដូចជាគាត់ណាស់! នៅមានក្លិនខ្លួនមួយនេះទៀត!"។ នាងក្រមុំនិយាយបណ្តើរក៏អោនមកស្រង់ក្លិនគេធ្វើឲ្យនាយកម្លោះភ្ញាក់ខ្លួនក៏ខិតខ្លួនចេញពីនាងហើយក៏ខំលើកដៃមកខ្ទប់មុខគេជាមួយកន្សែងរុំមុខនោះយ៉ាងជិតដូចជាភ័យខ្លាចនាងមើលដឹងមុននឹងបម្រុងក្រោកឈររត់គេចចេញពេលដែលសង្កេតឃើញថានៅខាងក្រៅនោះគឺជនអាក្រក់អស់នោះបានចេញទៅបាត់អស់ហើយទើបគេមិនចង់ឲ្យនាងដឹងថាគេតាមជួយនាងតែជើងនាយកម្លោះនេះក៏ឈឺព្រោះមុននេះក៏ត្រូវនាងក្រមុំជាន់មិនតិចកម្លាំងនោះទេ។
"អេ៎? ចង់ទៅណា៎! មិនទាន់ឆ្លើយសំណួររបស់ខ្ញុំគឺមិនឲ្យទៅទេ!"។ នាងក្រមុំដែលឃើញគេប្រវេសប្រវាសចង់រត់គេចក៏សំដៅទៅទាញអាវគេមកវិញដោយអាការៈក្លាហានលែងភ័យខ្លាចគេដូចមុនទៀតហើយ។
"លែង!! ឯងមិនខ្លាចខ្ញុំចាប់ឯងរំលោភក្នុងគុម្ពព្រៃនឹងទេអី?"។ នាយកម្លោះដែលចង់គេចតែត្រូវ នាងចាប់អាវជាប់ក៏ងាកមកថាឲ្យនាងក្រមុំដែលលែងខ្លាចគេទើបនាយពេលខំបន្លំសម្លេងរបស់ខ្លួនឲ្យប្លែកជាងមុនហើយឲ្យកាចជាងមុនបំណងចង់ឲ្យនាងខ្លាចតែនាងក្រមុំបែរជាញញឹមចុងមាត់ដាក់គេទៅ។
"បើគិតថាចង់រំលោភខ្ញុំមែននោះ!!! លោកក៏មិនមែនបែរខ្នងចង់គេចមុខខ្ញុំបែបនឹងនោះទេ! កុហក!!"។ នាងក្រមុំចាប់បានចំណុចគេក៏តវ៉ាហើយនាងក៏កាន់តែច្បាស់ក្នុងចិត្តបន្ទាប់ពីអាចដៅចេញបានថានាយនេះជាអ្នកណាទើបនាងកាន់តែហ៊ានចូលទៅជិតបំណងទាញកន្សែងរុំមុខនេះចេញឲ្យដឹងសខ្មៅ។
"មិនចេះខ្មាសគេ! ក្រែងមុននេះខ្លាចខ្ញុំណាស់ហី!ឯងអាចចាកចេញឥឡូវនេះបានទាន់ខ្ញុំនៅចិត្តល្អឲ្យឯងទៅ!!! បើមិនចឹងទេខ្ញុំនឹងធ្វើមែនទែនហើយ!"។ នាយកម្លោះក៏ធ្វើជាសម្លេងមាំហើយបែរខ្លួនមកចាប់ដៃនាងបេះចេញតែនាងក្រមុំខាងនេះក៏ញញឹមចុងមាត់មុននឹងខិតមករកគេកាន់តែជិតលើសដើម។
"ខ្ញុំមិនចេះខ្មាសគេស្រាប់ហើយព្រោះតែគេនោះគឺជាពូ Yoon !"។ Jiyou ក៏និយាយដោយញញឹមស្រស់ហើយញាក់ចិញ្ចើមយ៉ាងច្រឡើមដាក់ Yoongi នេះធ្វើឲ្យកម្លោះចាស់ដូចជាគេម្នាក់នេះហាក់ភ្ញាក់ខ្លួនពេលដែលគេត្រូវនាងទាយដឹងទើបនាយប្រញាប់រលាស់ដៃនាងចេញពីគេយ៉ាងរហ័ស។
"តែផ្តាស! ខ្ញុំជាចោរ! ឯងកុំមកក្បែរខ្ញុំប្រាប់ឲ្យហើយ!"។ នាយកម្លោះក៏ថយខ្លួនទៅក្រោយតែលើកដៃចង្អុលមុខនាងក្រមុំដែលអោនមកមើលមុខដោយញញឹមឡកលើយនេះធ្វើច្លួនហាក់បីដូចជានាងតូចនេះជាអ្នចង់ចាប់គេរំលោភទៅហើយ។
"ចោរអីខ្លាចស្រីចឹងពូ? កុហករាក់កំផែលដូចពូចឹងកុំមកចង់បន្លំខ្ញុំ! ដកកន្សែងរុំមុខនោះចេញទៅ!!! បើមិនចឹងទេប្រយ័ត្នខ្ញុំចាប់ពូរំលោភវិញ!"។ នាងក្រមុំក៏វារមករកគេធ្វើឲ្យគេរំកិលច្លួនទៅក្រោយពេលលឺសម្តីនាងនិយាយបែបនេះ។
"នែ! ឯងឆ្កួតជ្រូកមែនទេ Jeon Jiyou !!"។ ដោយសារតែភ័យពេកនាយសង្ហាក៏ភ្លេចខ្លួនក៏លេចធ្លាយការហៅឈ្មោះនាងក្រមុំចំៗដែរធ្វើឲ្យនាងក្រមុំនេះក៏ញញឹមចុងមាត់ពេលដែលបញ្ឆោតគេឲ្យបញ្ចេញការពិតហើយនាយកម្លោះក៏លើកដៃខ្ទប់មាត់ពេលដឹងថាគេជ្រុលសម្តីមុននឹងខំគេចមុខចេញពីការសម្លឹងចាប់កំហុសរបស់នាងហើយក៏បម្រុងខ្កួនរត់ចេញពីនាងតែម្តង។
"អេ៎! ចង់រត់គេចពីខ្ញុំផងរឺពូ Yoon !"។ នាងក្រមុំក៏មិនបង្អង់យូរក៏តាមគេហើយចាប់ទាញស្មានាយកម្លោះមួយទំហឹងធ្វើឲ្យរាងក្រាស់បែរមករកនាងមុននឹងនាងតូចច្រានរាងក្រាស់គេឲ្យដួលលើដីហើយប្រញាប់មកទ្រោបពីលើគេមុននឹងនាយកម្លោះនេះមានឪកាសតបតនឹងនាងវិញ។
"លែងខ្ញុំ? ឯងកុំផ្តេសផ្តាសណា៎! ជាស្រីហេតុអីក៏យកខ្លួនមកមកប៉ះពាល់ប្រុសផ្តេសផ្តាសចឹង!"។ នាយកម្លោះខំលើកដៃច្រាននាងតែនាងតោងស្មាគេជាប់មិនលែងទើបនាងញញឹមុននឹងលើកដៃមកទាញវែនតាខ្មៅគេចេញហើយបោះទៅម្ខាង។
"ខ្ញុំថាហើយយជាពូ! ចាំបាច់លាក់បាំងធ្វើអី?"។ នាងក្រមុំក៏ឃើញកែវភ្នែកមួយគូុដែលមានឥទ្ធិពលលើបេះដូងនាងនោះច្បាស់ហើយទើប Yoongi ក៏រហ័សគេចមុខទៅម្ខាង។
"នែ! ឯងកុំចេះតែថាណា៎! ខ្ញុំមិនមែនពូ Yoon របស់ឯងទេ!"។ ពេលនោះនាងក្រមុំក៏ចង់ទាញកន្សែងគ្របមុខរបស់គេចេញថែមទៀតតែនាយកម្លោះក៏ប្រទាញវាជាមួយនាងមុននឹងខំប្រឹងចាប់ឃាត់ដៃរវាមរបស់នាងដែលមានះចងចាប់ទាញកន្សែងរុំមុខគេរបស់គេចេញ។
ដៃម្ខាងរបស់គេទប់កន្សែងរុំមុខព្រោះខ្លាចរបូតព្រោះតែនាងក្រមុំនេះក៏ដៃរហ័សដែលព្រោះវែនតាគេត្រូវនាងដោះបោះចោលបាត់ទៅហើយក្នុងពេលដល់ខ្លីហើយពេលនេះគេក៏សល់តែកន្សែងដែលជាក្តីសង្ឃឹមមួយចុងក្រោយដើម្បីរារាំងនាងកុំឲ្យឃើញមុខគេទើបនាយយកដៃម្ខាងទៀតនេះមកតតាំងនឹងនាងហើយនាងក្រមុំនេះក៏មិនសុខចិត្តចាញ់ទើបមកអង្គុយពីលើរាងកាយក្រាស់គេដោយខំប្រវេសប្រវាសទាញកន្សែងគេវិញ។
"បើមិនមែនជាពូ Yoon ចុះហេតុអីក៏ខ្លាចខ្ញុំឃើញមុខ?"។ នាងក្រមុំដែលប្រទាញបណ្តើរក៏ចោទសំនួរដាក់គេបណ្តើរហើយនាយកម្លោះក៏ចាប់ដៃនាងជាប់ម្ខាងនៅម្ខាងទៀតដែលប្រវាសប្រវាសចង់មកទាញកន្សែងពីមុខគេដោយពិបាក។
"ថាមិនមែនគឺមិនមែនហើយ!"។ នាយសង្ហានៅតែប្រកែកទើបនាងក្រមុំក្នាញ់នឹងចរិតដែលមិនព្រមទទួលការពិតរបស់គេនាងក៏រលាស់ដៃម្ខាងនោះចេញពីការចាប់របស់នាយមួយទំហឹងហើយក៏អោនមកជាប្រញាប់ដើម្បីទាញកន្សែងរបស់គេចេញ។
កន្សែងត្រូវបានរបូតចេញពីមុខនាយសង្ហាហើយបង្ហាញយ៉ាងច្បាស់ថាជានាយកម្លោះ Min Yoongi តែពេលនេះម្នាក់ៗបែបជាលែងមាត់ករពិសេសនាងក្រមុំដែលនៅទ្រឹងពេលកន្សែងរបូតចេញហើយនាយកម្លោះក៏បើកភ្នែកធំៗដូចជាភ័យនឹងហេតុការណ៍ដែលកំពុងកើតមានចំពោះមុខគេពេលនេះ។
ក៏ដោយសារតែដៃក្រាស់គេពេលនេះក៏កំពុងតែចាប់ដើមទ្រូងក្រមុំរបស់នាងក្រមុំមួយចំហៀងពេញដៃធ្វើឲ្យគេភាំងទ្រឹងទាំងនាងក្រមុំដែលភាំងដូចគ្នាមុននឹងអោនមកមើលឃើញដៃក្រាស់គេចាប់ដើមទ្រូងរបស់នាងតែម្តង។
"អឺ...អឺខ្ញុំ...ខ្ញុំ-គ្មានចេតនាទេ! សុំទោស!! ខ្ញុំមិនដឹងអីទេ! ខ្ញុំ-ខ្ញុំ!"។ នាយកម្លោះពេលនេះក៏ដកដៃមកវិញយ៉ាងរហ័សហើយក៏ប្រកែកដោយរដេបរដុបព្រោះមុននេះដោយសារតែនាយប្រញាប់ចាប់ដៃនាងតូចនេះក៏ឲ្យទាញកន្សែងគេតែក័ចាប់ខុសទិសដៅបានជាមកជ្រុលចាប់ចំដើមទ្រូងនាងតូចពេញដៃបែបនេះទៅវិញ។
រីឯនាងក្រមុំបែរជាស្ងាត់មាត់ឈឹងមុននឹងងើបមុខមកសម្លឹងគេដោយមិនមាត់ករធ្វើឲ្យ Yoongi ហាក់ធ្វើខ្លួនលែងត្រូវទើបនាយកម្លោះនេះខំរកនឹកពាក្យមកនិយាយ។
"ពូ...ពូសុំទោស! មកពីឯងរវាសពេកក៏ចាប់ដៃមិនជាប់តែពូក៏មិនចង់ឲ្យវាទៅជាចឹងទេ! ពូ....ពូគ្មានចេតនាទេ! កុំ..កុំខឹងណា៎!"។ នាយកម្លោះក៏ខំលួងលោមនាងតូចតែនាងក្រមុំបែរជាក្រវីក្បាល។
"ខ្ញុំមិនខឹងពូទេ! តែខ្ញុំគិតថាអ្នកដែលកំពុងខឹងជាពូច្រើនជាង!"។ នាងក្រមុំនិយាយដោយធ្វើមុខមិនសូវសនមកកាន់គេដែលធ្វើឲ្យនាយកម្លោះត្រូវសម្លឹងមុខនាងភ្លឹះៗ។
បន្ទាប់មកទើបគេដឹងថាហេតុអីបានជានាងក្រមុំប្រែមកជាអង្គុយធ្មឹងលើខ្លួនគេហើយនាងតូចក៏ប្រែជារឹងខ្លួនហើយក៏សម្លឹងមើលមុខនាយដោយធ្វើមុខមិនត្រូវនឹងសម្តីនោះមករកគេទើបនាយពេលនេះកាន់តែដឹងថានាងនិយាយត្រូវព្រោះពិតជាមិនមែននាងទេជាអ្នកដែលខឹងតែជាគេទេដែលខឹងនោះ។
( គេខឹងអីទៅណ៎ ??? 🤔🤔🌚 )