عيونه على اخته خازرها واني اباوعله
كال شتردين جايه
وداد_وهذا اسلوب تحاجيني بي
امين_شلون احاجيج اكلج عفيه
خوش سوين جايبتها وجايه
وداد_ عادي اعتبرني مريضه حالي
حال اليجون مجايتك بمكان خاص
لو دائره محدد وتخاف يشوفونه
امين_ فضيني عندي تور
يباوع الساعته
رنيم_على كيفك امين عادي سولفو
وافتهمو على بعض ليش صاير عصبي
ومتتحاجه
سحب نفس ويتنهد بضيق همست اروح
هنا يم الورد والبايسكل تحفيه شويه
هزيت راسي
راحت ضل يتابعه يشوفها وين مدري
يتهرب من عندي
همست حبيبي
دنه جسمه منتجي على الكرسي سحب
نفس بتعب دار باوعلي على شنو
جايه بحيث منتضرتي اجي للبيت
وداد_ ضحكت بستهزاء ليش تعتبر بيت
جدي بيت ليش مسمي دائره استخبارات
امين _ كولي وداد وراي مرضه
وداد _اريد افتهم شبيك وياي ليش متغير
عليه
امين_ مابيه شي مصل مااني بس شويه
تعب وتعرفين خفاره وصاير ضغط علينه
وداد_ مدااقتنع انت متغير اريد اعرف شبيك
موهذا حبك الي كان منصي رفع نضره بتعب
دار ميكدر يباوعلي يااربي شبي
امين_ وكف شال سويج سيارته وتلفونه
كال يله اوصلكم مخلاني اكمل وطلع ليكدام
اجت رنيم واني عيوني غرغرن اخذتني منيدي
تسأل سويتلها مااعرف نزل دموعي مسحتهن
اجه بسيارته اشر يله
مااعرف شون صعدت وياا وتمالكت روحي
وصلنه للركن ورجع الدوامه
من هنا بدت تغيراته انقلب بشي مو طبيعي
انتضرته يحاجيني انتضرت نضره منه
دموعي تسابق ايامي مر عشتها كلبي
يوجعني مااكدر اخسره اتكطع من
الداخل وين انطي وجهي لو راح منيدي
شسوي بروحي
بيبي حست بيه وره يومين اجتني للغرفه
رغم اطلع وانضف بس من اختلي وحدي
يهيج عليه حسرت كلبي
بوقته مطلعه صوره بلجهاز وصافنه
عليهن واتكطع على تصرفاته كالت
وديده بيبي نزيت قفلت الجهاز
ابتسمت ها بيبي
تعالي حبوبه شبيج تقربت كعدت على سرير رنو
مقابيلي
همست مابيه شي
كالت هاا على حبوبتج ضمين اشوفج مكدره
مو مثل الاول فرحانه وعيونج تلالي
نصيت ذكرت ماهر وانقهرت عليه خطيه
كل مايريد يجي تطلعله عراقيل وميته
على شوفته
كالت احنه مثلج يابيبي طايرين بجيته
يجوز ربج بيه اراده يدفع عنه البلاء
وانه صارلي فتره اصدق اله
يجوز
كالت يابيبي الدنيا تجارب ويوميه تمرين
بسالفه توعيج وتكبرج وتنطيج حكمه
عوفي زمن الاول يمه كلشي تغير
هزيت راسي كامت يله بيبياجيت
اشوفج ليش مالج خلك دنت يم امي
جانت نايمه شافتها خلت وطلع
رغم كلشي كنت مستعده ارجعله لو
بأشاره لو بنضره وحده كلبي ميدك
الغيره هيج عيوني رايحه عليه
من يجي لحد ميطلع واني انتضر
عدت الايام وماكو تغير ماهر اجل
جيته وامين بي وميكش مني
من اشوفه هيج احساس مااتمنه
لعدوي كلبي ينعصر عيوني دغوش
من الدمع اركض الغرفتي
اكوم اعض بصابيعي من القهر
بحياتي ممتخيله يجي هذا اليوم
الي انهار بي
ايام اشوف متي شيماء العصريه
تلبس عباته وتروح ويه جيرانه
لحد مااجت كالت كدامنه لكيت مره
الامين شلون بنيه جنه فلقت كمر
بيبي هزت ايدها اي بله منين
كالت كرايب بيت مساهره
بيبي ردت واحنه شنعرف منهم
كالت اووو ياعمه نسأل العالم تسال
وتعرف قابل بعيده عنه وهم دكتوره
اسنان
بيبي نبت وابنج يدري لو منج هاي
طلعاتج وطباتج
كالت يدري وهوه كلي يمه بكيفج
هنا مدري شصار بيه طلع موصيه
لزمت روحي وكعدت اسمع
لليل طب امين وايسر سوه
وره العشه واني اتكرضم
مااصدك
فتحو الموضوع بدون حتى ميباوعلي
كال اي اني كتله على كيفج دوري
بيبي نبت وهاي حنين
كال بعد البنيه عدها شروط وراح تطلع
ويه اخوها تكمل هناك
جدي كال بيه الخير نسال ونشوف
كام كلهم طالع ويه جماعتي
كان مبدل دك تلفونه طلع يحجي
مااتخيل دااباوع مسرحيه امه منطت
مجال ثاني يوم انطت خبر الهم
خلتني افور والله صرت مثل الذليله
واريد فرصه احاجي ليش يسوي
وياي هيج تالي عمري اركض ورا
ودمعتي بعيني
ورد سمعت اجتني تهف كضتني تهز بيه
وهي شوف دموعي مخلتني اصعد احاجي
طول اليل كاعده يمي
كدام عيني يحجون بيها بيبي تباوعلي كل
شويه وتنصي متحسفه اسمع بأذني قابل
راح اتخبل بيوم وليله نسه كلشي ممر
كم شهر شنو الطلع مني اريد اواجها
تلزمني ورد لحد ما راحت حلفتني
اعوف كلشي ومااذل نفسي
مكدرت لليل صعدت كدام باب غرفته
واكفه ودموعي تنزل يومين ويخطوب
عصرت ايديه شنو هل ضعف الصار عندي
نسيت منو اني ونسيت كرامتي
طبيت بدون حتى ماادك كاعد وبيده كتاب
منتجي بعكس ايده على الميز التفتت بسرعه
وكف كال شبيج
واني وجهي ينطي الوان ودمعتي نازله
شهكت لتخطب
فرك وجها عيونه رايحه التعب بي
واضح ملامحه باهته
همس مو بيدي وداد نافرج ومجاي
اطيق وجودج
ليش فدوه شنو البدر مني
نتر ماادري ماادري بس هيج مطايقج
ومااتحمل وجودج يمي
بجيت بتوسل منصيه حايره كلبي
يعصرني امين مااعيش دونك ليش
علقتني بيك اذا انت موكدها
ليش خليتني احبك اذا متريدني
فدوه فهمني شنو كانت غايتك
كعد على السرير حيله مهدود
دنك يعصر بكصته دتنفرزيني
مااطيقج كلشي بيج يوترني
ويفقد اعصابي غلط مني وحبيتج
هسه تغيرت مااعرف وين جنت
وتاملت بيج
مكدرت اتحنل اكثر وهوه بكل
ثقه يحجيها غلط حبيتج
مكلتله غير الله لينطيك وتطلع
خوبتي بيكم واحد واحد من امك
الك
بسرعه هجم عليه عت ايدي
لتدعين على امي فاهمه السانج
اكصه ونزلي لصعدين بعد خلي
عندج حشمه وغيره على نفسج
باوعت بعيونه ليش انت عندك غيره
على عرضك حتى اخلي غيره عندي
عكد حواجبه شتقصدين
تعرف قصدي انت لو عندك ذرة غيره
ورجوله متلعب عليه
ديمد ايده لزم روحه ونزلها دفعني
وصلت للباب من قوته اطلعي
لا احركج
نزلت مهدوده بلبجي طبيت
الغرفتي دموعي موكفن الشهكه
جلبت بيه امي تحركت من طكت الجربايه
همست وداد يمه شبيج تبجين
رفعت راسي ستوج حسيتي
مدكعدين وشوفين حال بتج
لو الله هم ذبج عليه بلاء واتحمل
شبيج عيون امج منو وياج
اوياي كلهم ضدي يمه كلهم لتمو عليه
الله ينتقم منهم لعبو عليه لعب وشمروني
كالت كولي ياالله واقري قرأن يبرد كلبج
حبيبتي وسولفيلي منو يمج
سكتت شحجيلها وهي وره ساعه تنسه
وتنسه حتى اسمي عافتني مااحجت نامت
نص اليل نزت شافتني كاعده
كالت اختج وين شو منايمه يمج
ورد رجعت
وين رجعت ولج وراها دوام
عصرت راسي يمه اختي ازوجت
ورجعت لعياله اجتج الحاله
كمت انطيتها حبايه شويه ونامت
مفكت ياخه تسال ميت سؤال عليها
مرات تذكر حتى ابويا وترجع توعه
على روحها وتسكت
اليومين شربتهن بمروره كلبي ماعاد
يتحمل كمت احس بنزغات يعصرني
دموعي تنزل بكل صفنه رنيم متعرف
شسوي
وصارت كعدتهم ولتمو واشوفهن كدام عيني
يحضرن الوحيده رنيم كلشي بغرفت امها
خوفن على مشاعري
حضرو نفسهم اليوم خطوبتهم شي
بيناتهم كلشي كسمعت منهم متوقعين
اروح ورد تخابر وتتحلف بيه اذا محضرت
واني روحي رايحه حيلي مهدود
كالت ولج حكريهم شوفي انتي متهتمين
كلتلها اشش ورد اني روحي محتركه
ترديني احركم نفسي كدامهم صدكي
اسويها عوفيني مااشوف شي خلي
كلشي بخيالي
بيبي عمامي سألو ليش متجين رنيم
تسد عني حاولت تاخذني شافتني
مابيه حيل كلش
سدت عني جدي كال ساعه بس تكمل
الخطبه اجي ضليت وحدي
اني وامي معاد حسيت بشي غير
انو هاي هيه كلشي انتها راح مني
بدون سبب
مرات الجرح بلجسم يطيب ونتحمله
بس جرح الكلب شنو اليطيبه وجعه
يدوم يوم وره يوم
اخذت فاليوم من امي ونسيت الدنيا
رجعتلي الرعشه مثل اول مفقدت قيس
نمت وغطيت بنوم
رنيم _وصلنه لهل العروس
استقبلونه طبينه واني بالي يم
وداد وبيبي طول النص ساعه
تضرب بيديها لو جايبتها وياي
امي مكيفه جيب منا وتحط هنا
رتبت ويه ام العروس ورد اجت
طبت شويه وكالت وداد مااجت
ضليت حايره شكلها فهمتها مقبلت
تجي تعرفين سكتت
بيبي مكعدت خابرت جيرانه
ودتها دك الباب هنا كالو اجه
السيد حضرو العروس
امي وعماتها ركضن خلنه وره الباب
هنا حسيت بشعور وداد افضل مااجت
يمكن جان ماتت بمكانها
بيبي طلعت على صفحه لحكتها
كالت ولج هاي ام فلاح دكول محد
يطلعلي
لزمت كلبي فدلا سوت بروحها شي
بين النسوان طبت اخذت عباتها
دكت على عمي بسام طلع
كال ها يام شكو خزرني لان واكفه بصفها
نتر مطبين مشوفين الشباب
بيبي نبت عوفه هاي وداد مترد لا على
الخط ولا على الباب
عكدت حواجبه ليش مجايه وياكم
كالتله لا مااجت ضلت يم امها
طلع تلفونه دك عليها مترد
هنا كلنه خفنه بيبي اجت تكعد
وتلطم لوما الناس
طبيت رانيه تلكتني شكو عايفين
العروس وهنا ملتمين
كتلها الحكي وداد مترد لا على
الجهاز ولا على ام فلاح
فتحت عيونها عزه هاي فدلا
سوت بنفسها شي
كلنه راح كلبنه نعرفها تسوي بروحها
شي متخاف ولا تتردد
وصل الخبر العمامي طالعين
مترخصين ورد عرفت كلبته
مناحه كوه سكتناها كدام الناس
عاد متحملنه بيبي اعتذرت منهم
فهمتهم وداد بلبيت عفناها مريضه
ومترد علينه
جدي مقبل كلنه نرجع كال بس
واحد يشوفها ويطمنه
بيبي ماقبلت ضل ولا البنات
بس امي كالت ضلن عيب
هسه شعليها ست وداد
بيبي خزرتها
رجعنه كلنه بس امين ضل وايسر
وعمي باقر
طول الطريق نلوب عليها
وداد _ فزيت على رانيه تنده بيه
بس فتحت عيوني
كالت عزه العزاج خايبه وكعتي كلبي
وكت نوم خليتي بيت جدي نص العقد
ورجعو رفعت راسي
كلهم بلغرفه جدي كاعد يم رجليه وبيبي على
سرير رنيم وبصفها عمي ماجد وبسام
كتلهم مابيه شي شويه تعبانه جاسني
عمي باقر كال حاره
نب جدي بويا غير تخلين الجهاز يم
راسج ندك عليج لمن ملينه وانتي ماكو
لا جدو مابيه شي بس غطيت بلنوم
بيبي ردت ولج خليتينه نترادم وديت عليج
ام فالح خطيه اجت دكت الباب عليج وانتي
ماكو كلت البنيه بيها شي
عمي بسام كال ليش محضرتي الخطوبه
وياهم
رنيم بسرعه كالت عمو هي من البدايه
كالت مالي خلك وجسمي تعبان عاد
كتلها ضلي هنا اذا شوفين نفسج
مابيج حيل
بيبي ردت اي انه شفتها الصبح
الوجه اصفر كلت هاي الفرخه
مو على بعضها
عاد كام كال هسه اوصي امين
يشوفها ويجيب علاج
طلع جدي اطمان هوه وعمي ماجد
ضلت بس بيبي ورد الي من طبت وجها
مخطوف رانيه كاعده وبحضنها بتها
بيبي شويه وراحت مرت عمي همست
عياره كانت قريبه مني راحت
ضليت عيوني تقفل ورد كعدت بصفي
شبيج مريضه
هزيت راسي لا
شيوجعج
مابيه شي بس نعسانه
شنو منايمه
لا ماخذه فاليوم
غمتني خبال ضاربج
همست مااريد يسمعن وخري ورد
ميته نعاس
وخرت مني ساكته رانيه تباوع بعيونها
رنيم بدلت واجت
رجعت نمت محسيت بعد
لنص اليل كعدت جوعانه ميت
بطني فارغه الكل نايم طلعت
دورت لكيت بس جبن حميت
الجاي وسويت لفه كملت
ورجعت لمكاني
مددت فزت رنيم
همست شلون صرتي
هزيت راسي
كالت ليش هيج سوين
شنو ممسويه شي
ليش هلكد تنامين
اخذت فاليوم
كعدت عدل ياا عزه ولج شسوين بي
ردت انام واضيع وقت
وشيفيد
فادني هواي
رجعت مددت ساكته
رانيه نايمه بلكاع وجهالها بصفها
ذكرت ورد مبينه راجعه صاير
مطيق بيت جدي
صافنه وفكره وره فكره مسألت
عقدو اكيد عقدو لبسها الذهب
لمس بشرتها شحست مثل شعوري
مثل دكت كلبي
منمت للصبح طر الفجر واني الفكره
بالي دور اتخيل حركاته نضرته
بس موالي الها
شي ياكل بيه يوم وره يوم
شماته بعيون امه وهوه الدوام
يجيبه ويرجعه مكدرت مااطلع
مجبوره كلشي بيه مجبور عليهم
بيبي تتنهد وتتحسب كل ماشوفني
لحد مااخذتني بحضنها واني دمعتي
ستقرت بعيني مهضومه صدك تمنيت
امي صاحيه تمنيت عدنه بيت
تمنيت ابويا عايش مهداوي موجود
ماهر يمي شيصير لو مثل كل
العوائل خلي يحبسوني ويمنعوني
قابله بس شوفتهم يمي تكفي
منو اشكيلها همي غير ورد وماطالع
بيدها شي وين اروح كرهت نفسي
ذليله بيدهم
امين حطمني كمت اشهك دكت على ضهري
كافي بيبي ذكري الله همست ذاكرته بس هوه
ناسيني
ضربتني بخفت ايدها حرام حبوبه ربج
مينسه عبده احنه الننسه ادعي بكلبج
وخليج صافيه يجي يوم يجازيج على
صبرج واله بيها اراده
رفعت راسي بيبي ماعندي صبر بعد
تعبت ليش مكتوب عليه يوميه افقد
واحد كل الاحبهم يرحون مني
مدت ايده وخرت شعري يمكن اله بيها
حكم ويختبر صبرج وايمانج ويجوز
مونصيبج بعد بيبتج عيونج الحلوه
وجهج الحلو غسلي وعوفي الحزن
هوه الخسران انه يمج وبعد ماله حكم
يجي نصيبج الي تتمني
نترت مااريد مسحت دموعي اكتفيت بعد
كلهم نفس الطينه
لا بيبي هسه انتي عصبيه من تبردين والايام
كدامج تنسين ودكولين وين جنت وين صرت
متعرفين شمضموملج عيوني
رانيه __رجعت بعد العقد والهبطه الاكلتها
بارق ملتحق وعسا لارد كارهته ومطايقه
اسمه بعد اخر عركه بيناتنه
عزلت فراشي يم الجهال سكت رغم
خوفي من عصبيته التحق واحد
ميحاجي واحد
بنزلته الثانيه احسن كسر الجو
على الجهال طلعهم مرتين للمطعم
حاول يبسمرني ويوصلي كلام
عود تجين مرديت التحق واني
مطايقه شوفته
يومين وبارق خابر خالتي نازل
ثاني اليوم صبح بالتسعه طب
ستوهم رقو وفضل كاعدين ياكلون
طفرت رقو وبحلكها البيض
وصيح اباا اباا وفضل
ركض شاله ويضحك اجيت
بوسه اي اجيت طب
سلم
نصيت اعدل بلصينيه شوفته
تنرفزني كمت احمي الجاي
اكيد ممتريك
امه سلمت عليه كعد ماد رجل
وثاني والاخ امه كابلته
الله يساعدك يمه
ويساعدج ماكو جاي باوعلي
مرديت كمت شفته طلع دخان
صبيتله
كلها يوم شنو البنات وين
كالتله نايمات
باوع لساعته بتسعه ذني
تنابل
وين يرحن يضلن سهرانات
ويكضنها نوم
كلتله ممتريك
كلها لا مااريد نزلنه بلطريق
كالتله سويت على خطيب اختك
تنهد بس ارتاح وباجر اسال
شرب جايه كام بهمه باوعلي
حضريلي ملابسي
صعد قبلي ورا لكيته طاب للحمام
طلعت ملابسه خليتهن على السرير
ونزلت
شويه وسمعت صوته رااانيه
بيدي طاست الطماطه داعصر بيها
بين مغسلت وصعدت طبيت
لكيته يكلب بجهازه
هاا
شغلي الهيتر وملابس
ضليت صافنه
نتر شبيج
تامر
همس غصب عنج
عفته سحب باكيته نزلت البردات
شغلت الصوبه
دخن ويه فرتي عينه عليه
جريت باب الكنتور سديته سحب
داانزل صاح رقو صعديه
موتنام
بعد
نزلت غسلتلها واني اغم بي
صعدتها بيد اخوها
لعصر نزل ملتمين يمنه بيت عمهم
جاي وكعك والصوبه بلنص
كال هاا يابه شلونكم
سلم عليهم كامت دعاء بوسته
رجعت كعدت جايه ويه امها
بعد اخر عركه وياي وصلت
كلام الببت جدي بعدها
بارق متعارك ومسمعها كلام
زعلانه عاد عمهم وره زواجنه
جابها طاحت عليه هي امها
عاد ماساكت ومحذرها لتندك
بيه
ومبين اول مطبت كالت شلونه
بروقي وغمزت مريحج
خلتني فاكه حلكي شهل صلافه
طبت طك بعلجها
خالتي كالت كومي خاله سوي
غده لرجلج كمت حميتله
حضرتله الصينيه اشوف وراي دعاء
تبتسم زودي اشو اشتهيت اكلكم
شهل صلافه صدك دتحجي شايله
المستحه اني ويا بيت واحد
لليوم مكابلته وحدي غير لمن
احتركت
خليت الصينيه واباوعلها صدك كابلته
وتبتسم تسمحلي موو
كلها اي تفضلي يابه
سحبت نفس هاي ليوين توصل
مجرد درت كالت عيوني دولكت
مي
طبيت اجيب هزيت ايدي عرامه
بحد ذاتها
لليل وهمه يمنه اباوع ماخذه راحتها
نزعت الحجاب صابغته لون ياكل
ويشرب وياها ضافرته ومنزله كذله
محركت بيه شي غير نفسيتها التعبانه
توصل بيها تغري بارق مويمها
لا فكرها ولا منزلتها
دارسه وحلوه مناقصها شي
لهيت بين الجهال فضل عاند اله
يطلع يلعب بلبايسكل بره
طلع دااطلع ورا وكفت مصدومه
بارق ودعاء حاضنته وهوه
رفع ايده يريد يحضنها
.....يتبع