#أولاد_سلطان 10
#ibrahim_qurji
لايك قبل ما تقروا يا حلوووين ❤❤
بنت:مدام في عينك بعدي
عبله:هي انتي داخله وين ماشية و مين عايزة
كلثوم:خيركم شن في و من انتي
البنت:رفعت خيمارها ... اني ماما شهد
كلثوم:😱😱 شهد ... اءء انتي شن اديري هنايا
شهد:اني رجعت يما
كلثوم:طووول 👋👋 كف ... انتي كيف عندك وجهه تجي هنايا ... بعد كل اللي درتيه فينا لليوم و احني قاعدين نعانو منه ... مرض بووك و موت خووك شن تبي جاية
شهد:بكل برود ... حطت يدها ع بطنها ... رجع لحوشي يما اني وولدي
كلثوم:اطلعي البرا بعد كل اللي درتيه و جايتيني حامل تبيني نأخدك بالاحضان انتي وولدك ... بري للي هربتي معاه تو ينفعك ...
شهد:ما سألتيش بنتك وين كانت طوول الفترة هذي علاش ما اتصلتش و لا تواصلت معانا و لا جت حتى في عزاء خوها و لا اي حاجه
كلثوم:ما يهمنيش ... وين كنتي و لا شن صاير فيك
شهد:بنتك كانت مخطوفه ليها 4 شهور ... حتى عزي ركان ما حضرتاش يما
كلثوم:و لا يهمني ... اكيد هذا مخطط منك
شهد:عارفه يما اني الشي هذا كله مخطط منك انتي ... انتي اللي جبرتيني نهرب مع عزيز ... فما اديريش جوو البرائة تو ...
كلثوم:اني امك يا حيوانه كيف تتكلمي معاي هكي
شهد:اي امي صح ما ننكرش ... لكن زي ما كنتي السبب في طلعتي من الحوووش ... تو انتي رح ترجعيني ع الحووش و رح تخلي بابا يسامحني
كلثوم:لالا انتي مش بنتي اللي ربيتها ...
شهد:لا بنتك ... و تعلمت الشي هذا منك ... سلام ماما
كلثوم:صبرك يا رب ... هذي مش بنتي اللي تهددني هكي
_____________
كندة:تألقمت مع الوضع بخسارة ركان و قاعدة في العدة عند اهلها و تفكر شن ادير كيف رح تعيش حياتها بخسارتها هذي و قاطع تفكرها صوت التلفون ... ترن ترن
كندة:اوووف الارقام هذي لدت تتصل بيا لكثره ... ما حبتش ترد ... لكن الرقم قعد يتصل بإستمرار ... ردت بدل برووود ... الوووووو
شخص:كندة
كندة:كان الاتصال هذا اللي رح يغير حياتي هذا الاتصال اللي كنت نستنى فيه طووول 4 شهوور هذي و اني في العده ... ما عرفتش نفرح و لا نبكي ... اءء الوووو ركان
ركان:اي يا كندة
كندة:قعمزت ع السرير ... و مش عارفه شن تحكي و شن تقول ... انت حق و لا اني نتخايل
ركان:بصوت تاعب ... اسمعيني يا كندة احو احو ... تو تطلعي من غير حد ما يشوفك ... و تمشي نهاية الشارع تلقي سياره تستنى فيك الغادي توصلي و نحكيلك كل اللي صار
كندة:عيونها دمعوا ... ما عرفتش شن ترد ... اكتفت ب تمام و صكرت ... يا رب اني في حلم و لا في علم ... كان ركان عايش معناه ع من ربطت و خشيت في العدة ... كان كل تفكيرها شن بتقول لما تتلاقي هي وياه بس ... خدت عبايتها و طلعت
________________
فريدة:كنزة يا كنزة
كنزة:في المطبخ ... نعم يما
فريدة:اختك وين
كنزة:من هي
فريدة:مسعودة
كنزة:ما نعرفش عليها
فريدة:قرصتها ... كندة وين
كنزة:اح يما ... ما نعرفش وينها شوفيها في الدار
فريدة:كان في الدار ره لقيتها ... وين مشت البنت هذي حتى العدة ما طلعتش منها ... مزال لها اسبوع و تطلع غير ع شن مستعجله بس ... شن ببحكوا علينا الناس بنتهم في العده و طالعه
كنزة:يما انتي بس قاعدة في قولت قال ... الناس اطوروا يما ... معادش يدوروا في مشاكل الناس ... كل واحد لاهي في همه
فريدة:الهي في الغداء انتي خيرلك 😒😒
________________
جابر:مش كأنك استعجلت يا ركان في اتصالك لكندة
ركان:اصلا من البداية اللي درناه غلط يا جابر ... لكن عمار لازم بمشي عليه جو المووت هذا باش نكمل اللي بداه هوا
جابر:به شن بتقول لكندة تو
ركان:رح نقوللها كل شي ...
جابر:لينا 4 شهور يا ركان مختفيين ... و تو تبي تقول لكندة بس ...
ركان:اتصلت حتى بمازن رح نقووله باش يخبر امي و بووي
جابر:به شن مخطط باش تنتقم من عمار
ركان:خدي نفس عميق ... مع شوي وجع ... رح نضربوه بأهم شي عنده
جابر:اللي هو
ركان: ..........
_________________🔥رواياتي🔥_______________
_____________🔥ibrahim qurji🔥____________
كندة:كانت الطريق ترابيه و طويله و راكبه من الخلف و نشوف في الشجر الطويل ع اليمين و اليسار ... و ما فيش حد في يفوت منها الطريق الباين انها قديمة هنايا بدي الخووف يتمكن مني ... اءء لو سمحت وصلنا
الراجل:بدون و لا كلمة
كندة:خيرك غبية يا كندة ... كيف تركبي مع واحد ما تعرفيشي ... و انتي قاعدة في العدة من غير محرم هذا اللي درته حرام ...لكن مش متأكدة هل اني في العدة و لا
الراجل:وصلنا
كندة:كان في كووخ خشبي في منطقه نائية ما فيها حد بكل ... تشجعت خشيت للكوخ ... و نشوف في شخص مقعمز ع الكنبة ... هوا اي هوا نفسه نفس العيون و نفس الجسم و نفس الشكل ... غير مكبر لحيته
ركان:كندة
كندة:هووووب ... اغمى عليها
ركان:جابر جابر جيب طاسة اميه ... كندة كندة فيقي فيقي
________________
عمار:ها شن صار في البنت وصلتوها للمكان اللي تبيه
تمر:اي وصلناها ... حطيناها عند اهلها
عمار:به زوجها وين
عمر:من يووم الحادث ... معادش حد يندري عليه
عمار:امم به ... جهز السيارة
عمر:وين انشاء الله
عمار:بشبحه مستفزة ... عند شيووم حبيبتي
عمر:مش كأنه هالشيماء خداتك هلبا ... لدرجه انها خلاتك تنسى انتقامك
عمار:كل شي يهون الا شيماء
_______________
رانيا:صباح الخير عمتي
كلثوم:بإستحقار ... فاتت من جنبها و خلتها
هيثم:يما المرا صبحت عليك
كلثوم:طالما هيا هنايا ... ما نبيش نسمع منها صووت بكل و الافضل ما تخلينيش نشوف وجهها
هيثم:اهي كندة كنتي تكرهيها في الدم و تو بديتي تحبيها و لانها مرت الغالي ركان
كلثوم:يا حيف الترباية عليك و خلاص
هيثم:مش عارف علاش كارهيني ... تقوول مش ولدكم و من لحمكم و دمكم
كلثوم:كانت رح تتلكم ... لكن سكتت في اخر لحظة ... شن رح كانت تقوول 🤷♀️🤷♀️
______________
كندة:وعت هي بين يدين ركان ... اءء ركان هذا انت حقيقة مش خيال نقدر نشوفك و نقدر نلمسك و نقدر نحكي معاك ... اءء به علاش درت معانا هكي خليت قلب امك و بووك محروقين عليك علاش درت فينا هكي ... طووول 4 شهور مرت علينا 4 سنين يا ركان علاش درت هكي ... علاش خليتني نفووت للعدة ع واحد ما تربطنيش معاه اي علاقة علاش فهمني ... و بدت تخبط ع صدره ... احكي ركان احكي
ركان:مسك ايدها ... رح نحكي غير انتي اهدي بس
كندة:وخرت ... هي احكي
ركان:خدي نفس عميق ... و بدي يحكي 👇👇
فلاش باك ... يوم الحادث
ركان:وصل للمكان اللي في المسج ... و لقاه هنقر كبير مظلم و يشوف في شخص مكتف و مغمض عيونه ... اطلع اهو جيتك هي ... ثواني و طاااااف 🔫🔫 ... جت وحدة في كتف ركان و طاح اغمى عليه و التانية في رأس الشخص التاني ... طبعا ركان كان باعتت عنوان المكان هذا لجابر ... وصل جابر للمكان لقي ركان خارق في دمه
جابر:ركان ركان فيق من اللي دار هكي
ركان:بصعوبه ... اءء شوووف هذاك الشخص من
جابر:مشي شاف الراجل ... اءء هذا محسن يا ركان شن اللي صار
ركان:كان فخ يا جابر فخ نصبه ليا عمار ... و رجع اغمى عليه
.
.
.
بعد 3 ايام
ركان:وعي بعد ما كان في غيبوبه ... و يتنفس بصعوبه و بصوت تاعب ... اءء جابر جابر
جابر:نعم يا ركان اقعد ما اتعبش رووحك
ركان:شن اللي صار
جابر:حكي كل اللي صار لركان
ركان:به العيله وصلهم الخبر
جابر:اي في شخص فات من جهه المستودع و لقي التلفوون ... اتصل بمازن و قاله كل شي
ركان:به شن داروا وفاة و لا شن
جابر:اي داروا لكن لان ما فيش جثة ... فما فيش جنازة ...
ركان:تمام ... خلينا هكي لعند ما يجي اليووم المناسب
جابر:شن بدير به
ركان:تو دوري اني باش ننتقم من عمار خليه يسرح و يمرح كيف ما يبي و يفرح بالفووز متاعه
جابر:يستر الله و خلاص انتقامك هذا ما يوصلش فينا بس
ركان:رجع رأسه للخلف ... و هو كان كل لحظة و دقيقة يفكر في كندة و حاسس بوجعها و شن رح تكون ردة فعلها 💔💔 👇👇 الحاضر
كندة:هذا كله صارلك
ركان:اي كندة
كندة:من عمار هذا و شن قصتك معاه
ركان:هذي قصة تانيه تو نحكيهالك ... تو انتي شن مدايره ... بجد استاحشتيني
كندة:يا بارد ... ضرباته ع كتفه
ركان:اوووه وجعتيني
كندة:اووو اسفه ركان اسفه
ركان:شن صار سامحتيني و لا
كندة:وقفت و تشجعت ... اءء اني معادش نقدر نتحمل اكثر من هكي
ركان:شن في
كندة:اني معادش نقدر نتحمل اللعبة هذي
ركان:لعبت شن
كندة:اني مليت و تعبت اني نمثل عليك اني نكرهك و مش طايقتك ... اءء ركان اني نحبك كل يووم اكثر من اليووم اللي قبله ... و ما نقدرش نعيش من غير و لا لحظة ... و
ركان:قاطعها ببوسه طوييله ... تعرفي ليا 4 شهور و اني نستنى الكلمه هذي ... خداها في حضنه و .... يعني جاهزة
كندة هزت برأسها ... اي
ركان:فات للدار ... و دارو العيب 🤭🤭
_________________🔥رواياتي🔥_______________
_____________🔥ibrahim qurji🔥____________
ترن ترن
كلثوم:ايواا ها شن تبي
شهد:ها ماما شن صااار
كلثوم:بووك مزال تاعب ما قدرتش نفتح معاه الموضوووع
شهد:ماما ما تعطليش ... توقعي نجي في اي وقت و نحكي كل شي
كلثوم:مش اني اللي نتهدد ... اني اللي جايبتك مش انتي
شهد:المهم يوومين بس و الا نجي و نحكي
كلثوم:به سكري سكري ... يا رب لو حكت اني السبب في قصة هروبها مش رح يرحمني السلطان
_______________
طق طق طق
شيماء:جاية هي ... فتحت الباب و سكرت بسرعة
عمار:سبقها و حط رجله ع الباب ... و فات
شيماء:شن تبي انت
عمار:علاش اديري فيا هكي شيووم حبيبتي
شيماء:اطلع اطلع عمار كان يشوفك يزن
عمار:حتى لو شااافني به
يزن:ماما من اللي ذي
شيماء:حبيبي فووت العب بألعابك
عمار:تعال يا بطل تعال ... اني عمو عمار و اني صديق ماما
يزن:بث ماما ما عندهاث ثحاب
عمار:اني كنت مسافر و تو رجعت
شيماء:هي برا يزن العب ... و انت برا تطلع معادش نبي نشووف وجههك بعد ما دمرتلي حياتي يا واطي
عمار:اني ماشي يا حلووة ... لكن خليك متأكدة رح نرجعلك ... و طلع
شيماء:درب السد ما يرد انشاء الله
.
.
.
عمار:شفت حاجة غريبة يا عمر
عمر:كيف شن
عمار:في الولد ... كأنه في شبه مني حتى الوحمة نفسها ع رقبتي من الخلف
عمر:ما نعرفش يا عمار
عمار:زعما يزن ولدي
عمر:لالا ما ضنيش
عمار:بدي يراجع في رووحه ... شيماء اطلقت بعد 6 شهور من ركان و قبلها دارت معاي العلاقة ... معناه ركان بعد اكتشف علاقتنا كانت هي حامل معناه الولد ولدي
عمر:الاستنتاج هذا استنتجته في اقل من 3 دقايق ... المفروض يحطوك محقق الحق ... بالله يا عمار طلع الافكار هذي من بالك
عمار:رح نثبت ان يزن ولدي يا عمر
____________
كندة:به تو شن بدير يا ركان
ركان:تو بنكمل اللي بداه عمار
كندة:شن اللي بداه عمار
ركان:الانتقام
كندة:به امتى بترجع و بتوقف المهزله هذي و اني شن رح ندير
ركان:اني شرحت لمازن كل شي و هو رح يفهم العيله كل شي
كندة:يالله امالا اني ... كان بودي نقعد هنا لكن خلاص الوقت تأخر ... معناه تو اني نعتبر مش في العده
ركان:اي ... و سألت الشيخ قالي انك مش في العده ... معناه تقدري ترجعي لحوشك امتى ما تبي
كندة:حضنت ركان ... دير بالك ع رووحك ركان و خبرني شن يصير معاك اول بأول
ركان:بادلها الحضن ... حاضر حبيبتي
كندة:نحبك❤
ركان:و اني اكثر❤
كندة:باسته و طلعت ...❤
.
.
.
مازن:ها وين بتمشي تو
كندة:لحوشكم ... بنأخد حاجات و بعدين حطني في حوش اهلي
مازن:حاضر مرت الاخ
كندة:ضحكت
______________
فريدة:اتصلي بأختك يا فرخة شوفيها وين
كنزة:اتصلت يما و تلفونها خارج التغطية
فريدة:خلاص المغرب قريب ... معقوله طالعة من الظهر لتو ما ترجعش
كنزة:يا ماما كندة مش صغير ... عارفه مصلحتها كويس
طق طق طق
فريدة:اهييي جت
كنزة:خليك يما تو نفتح الباب ... و فتحت ... اءء من انتي
شهد:رفعت خيمارها ... اني شهد
كنزة:😱😱
_____________
كندة:وصلت للحوووش و ركبت لدارها ... بدت تلم في شوي حوايج و طلعت ... شافت باب دار كلثوم مفتوحه و تحكي مع سلطان
كلثوم:كله منك انت ... كان ما جبتش المصيبه هذاك قدامنا ره ما صارش هكي
سلطان:انتي عارفه اني كنت رح نحكي كل شي لكن انتي منعتيني تو تحطي اللوم عليا
كلثوم:خلاص تو معادش ينفع ... ركان و رحمة الله عليه و هيثم:اهو قاعد معزز مكرم هو و مرته الفوق
سلطان:خلاص امالا ... لازم يعرف هيثم انه هو و ركان مش خووووت
كندة:😱😱 #يتبع
هي قيموها عادي ... اهي حلقة تعويض لأمس ... هي تفاعلوا حبايبي ❤❤ نحبكم ... و شن رأيكم في اسرار اليووم ... للعلم مزال الخافي اعظم ❤