♥️
يَــلا نبدي بالبارت الـ 14 💬
قراءه ممتعه ♥️ و اعتذر عن الاخطاء الاملائيه ان وردت 🌸♥️
***********************************************
سافر فهد بعد مـا وصله ناصر للمطار و رجع لبيتهم
جانت هذه الليله مـن اصعب الليالي ؏ لينا و فهد
لينا الي ظلت كاعده و دموعها تنزل بغزاره و تحس الم بكلبها و فهد الي ميعرف شون رح يتحمل فراگ محبوبته
طلع تلفونه مـن جيبه و دخل على الصور و طلع صوره للينا هي ونايمه
ابتسم بحزن وهو يذكر مـن دخل لغرفتها من زمان مـن دون متدري و طك الها صوره و طلع
ظل يقرب بالصوره على وجهها الملائكي و ظل يتمعن بي
اخر شي باس الشاشه .. الي يشوفه هسه يكول مخبل بـس هـو صـدوك مخبل بحب لينا و مُتيم بعشقها .
مرت الايام على ابطالنا بسرعه
تشافت لينا و رجعت تداوم بـس جانت جسد بـلا روح
تشتغل بكثره حتى تلهي نفسها و متفكر بفهد الي راح و اخذ ڪلبها ويه روحته
و جانت كلما يخابر فهد على اهله تنزل جوه بسرعه و تسوي نفسها كاعده تقرا كتاب بـس بالها و ڪلبها كُلـه يم صوته مـن يحجي بـس جانت كلما تسمع صوته وهو يحجي تحس بيها نبره حزن او تعب متدري لـيش او يجوز مجرد اوهام و جانت تطمئن عليه مـن تشوفه نشط على الواتساب و كلما تريد تدزله شي تتراجع و تنام
حتى فهد الي جان كلما يشوفها نشط يظل يشيط مـن الغضب و الف فكره تجي باله اولهم ويامن دا تِحجـي !! شعدها فاتحه نت لسه ؟ و يظل التفكير ياكل بكلبه و الغضب و العصبيه تصير هي سيده الموقف
اما سحر فجانت اقل مـا يقال عليها انسانه خبيثه
كُـل يوم تنزل ليجوه و تتصرف كأنو هي مزوجه فهد مـن رضا و جانن البنات دائما يتعاركن وياها بـس اخر شي تتدخل ام فهد ووعد و تحل النزاع
اما لينا فجانت ابد متحتك بيها حتى متسمعها كلام محلو ولينا مـــو بظرف يسمحلها ترد عليها
جومانه الي جانت فرحانه و بدت تجهز لعرسها و اكيد بمساعده البنات و سلوى الي ابد مـا عافتها اما داليا جانت مجرد تذب سمها عليها و تطلع و تخلي جومانه تبجي على تصرفات امها وياها
اما دنيا جانت تعيش ايام هادئه و حلوه بوجود حبيب ڪلبها حسن الي جان يتحجج أنــو يساعدها بالدراسه و بعـدين يكضون الوكت بالسوالف و تغزل حسن بيها و خجل دنيا
ورده و مـا ادراك مـا ورده
جانت هي و مصطفى احلى ثنائي بشقاهم و عركتهم الي تنتهي بفوز ورده و جان مصطفى يحسب يوم يوم لزواج احمد حتى يتقدم لورده الي جانت تسوي نفس الشي
اما سنار جانت تأمل نفسها بأنو ناصر كُـل يوم رح يحاجيها او ينعجب بيها او يحبها بـس كُلـشي يروح بالشط مـن تشوفه يعاملها ببرود و مـــو بـس هي حتى ويا الكل خصوصا مـن سافر فهد صـار انسان كُلـش حدي و عصبي و دائما ساكت وجان اغلب وقته يم الشيخ هاشم
يوم جديد
جانت لينا بالمستشفى تفتر تعاين المرضى مالتها
وكفت يم الاستعلامات دا تملي استماره و جانت تشوف خيال واكف بصفها ندارت ؏ اتجاه الخيال و شافت شخص فارع الـطول واكف كدامها و لابس نظارات و الابتسامه تزين وجهه
توترت لينا مـن قربه و ابتعدت شويه : تفضل !!
نزع الرجال و الواكف كبالها نظاراته و الابتسامه لسه مرسومه على وجهه
تفاجئت لينا مـن شكله جان اقل مـا يقال عليه أنــو هـو وسيم و الي استغربت منه اكثر أنــو هـو ينطي شبه لفهد بـس اكيد فهد احلى و اضخم منه بشويه
حجه الرجال : دكتوره لينا !
هزت لينا راسها بهدوء : Ⴢ̤Ι تفضل
خله الرجال ايده بجيوبه و حجه بنبره ثقه : ممكن احـجي وياج على انفراد
تفاجئت لينا مـن الثقه مالته و ابتسمت بثقه اكبر : اعتقد هذا مكان شغل حسب مـا تشوف ف الي تريده احـجي هسه
كبرت ابتسامه الشخص الواكف كدامها و بينت رصعته الي نتبهت عليها لينا
: ادري هذا مكان شغلج بـس ضروري احـجي وياج
لينا برسميه : تكدر تنتظرني بالغرفه مالـتي و مـن افرغ عـود احاجيك
حجه الرجال و بنفس الابتسامه مالته : Ⴢ̤Ι لـيش لا انتظرت كومه مـا انتظر هسه قابل
باوعت لينا باستغراب للشخص الواكف كدامها ... شنـو قصده بانتظر كوومه ؟؟
بعـدين راحت مـن يمه بعد مـا هزت راسها اما الرجال جان يباوع على اثرها و همس بخفوت : طلعتي اجمل مـن الصور بهووايه يالدكتوره
جانت ورده و دنيا و سنار كاعدات بغرفه جومانه لان اجوها الظهر حتى يكعدون يرتبون وياها الغراض مالتها
بعـدين استأذنت منهم سنار حتى تنزل تشرب مي
نزلت سنار بهدوء و جانت لابسه جينز ضيك و فوكا تيشرت نص ردن خالته جوه البنطرون لان هي تلبس عبايه اسلاميه مـن تطلع و جانت رافعه شعرها على شكل كعكه و الي تدري بي أنــو ناصر هسه مـا موجود بالشغل
طبت للمطبخ و فتحت باب الثلاجه و شربت مي و بعـدين صفنت ؏ الصوره الي موجوده كبالها بجامه الكاونتر
جانت الصوره لناصر ... ابتسمت سنار بحزن و اخذت الصوره و ظلت تتمعن بيها بهدوء و بعـدين رجعتها لمكانها و اول مـا ندارت جان تنصدم بالجدار الي كبالها و للاسف جان ناصر هـو الجدار
فزعت سنار مـن مكانه و ظلت تسمي مـن الخرعه و بعـدين رفعت راسها للشخص الي واكف كدامها و جانت ملامحه مصدومه على متفاجئه
توترت سنار مـن وجوده و رادت تروح مـن يمه بـس وكفتها ايده القويه الي رجعتها لمكانها و الي هـو كباله
حجت سنار بتوتر و هي تتحاشى النظر لناصر : اا ناصر ولله مـا ادري انـت هـنا
اما الجدار الي واكف كبالها جان غايب عن الواقع و صافن بـس على هيئتها و شكلها اول مـا طب للمطبخ و صفنته بوجهه سنار زادت مـن خجلها و احمر وجهه مما انطاها مظهر يجنن
حجه ناصر و اخيررا : سنار !
رفعت سنار بنظراتها اله و بداخلها تِحجـي عليه : لـعد مـنو اميي
: عفـيه ممكن تعوفني لان وكفتنا هـنا مـــو خوش
وعى ناصر على موقفهم و ابتعد منها بسرعه و بلمح البصر جانت سنار عايفته و صاعده اما ناصر جان يباوع عليها و يبتسم بـس بعـدين وعى على ابتسامته و حلت محلها الجديه و طلع مـن البيت
اما سنار ف هي رادت تصعد للغرفه بـس سمعت صوت داليا صادر مـن غرفتها و هي تِحجـي بعصبيه
قربت سنار اذنها مـن الباب حتى تسمع الحجي و جان تنصدم صدمته
؏ ُــمـرهـآ بالحجي الي سمعته و بسرعه صعدت ليفوك و طبت للبنات الي تفاجئن مـن هيئتها
ورده : شبيج ولج ؟؟
دنيا : باعي وجهه صاير احمرررر
جومانه و هي تغمز الها : لجج خاف شافج ناصر
باوعت سنار لجومانه و رادت تِحجـي عن الي سمعته بـس مـا كدرت لسبب مهم وهو أنــو متريد تخرب فرحه جومانه و تحجيلها الحجي الي سمعته ف فضلت السكوت و كعدت بهدوء يم البنات الي استغربن مـن هدوئها
طبت لينا لمكتبها و اول مـا وكع عينها ؏ الشخص الكاعد الي وكف بسرعه اول مـا شافها
راحت لينا وكعدت ورا مكتبها : اخرتك مـــو
ابتسم الشخص الكاعد كدامها بهدوء : لا عادي
لينا : Ⴢ̤Ι تكدر تِحجـي استاذ ..
الشخص بابتسامه : سرمد .. صيحيلي سرمدد
هزت لينا راسها : Ⴢ̤Ι استاذ سرمد شنـو ردت تِحجـي
عدل سرمد كعدته وحجه بثقه : طبعا انـي اعرفج مـن زمان
وقبل ليكمل كلامه قاطعته لينا بسؤالها : مـن زماان !!
ضحك سرمد بهدوء : هههه خليني اكمل كلامي
لينا بخجل : اعتذر Ⴢ̤Ι تفضل
كمل سرمد كلامه : لا عادي المهم مثل مكتلج انـي اعرفج مـن زمان و قريت ملفج و شغلج هـنا و شطارتج و حاب أنــو تشتغلين وياي
لينا بعدم فهم : العفو بـس ويـن اشتغل وياك !!!
سرمد : انـي عندي مجمع صحي كامل و تحت اشراف طبي جيد جدا و حبيت أنــو تنظمين اله و اكون ممنون
لينا : و حضرتك شنـو عملك ؟
سرمد : انـي رجل اعمال و احب أنــو اوسع مـن شغلي و انوع بي فكتلج عندي مجمع صحي سويته و فتحته مـا صـار فتره بعيده و حبيت أنــو تشتغلين وياي
لينا بابتسامه : اعتذر منـك استاذ سرمد بـس انـي احب شغلي هـنا
سرمد : حتى لو تكونين هـنا احد المدراء المهمين !
رفعت لينا حاجبها و حجت : دا ترشيني ؟
ضحك سرمد و حجه : لا فهمتيني خطأ بـس انـي جنت ناوي اخليج تكونين المسؤوله هـنا عن احد الاقسام الي ترديها وهسه و بعد اريدج تكونين وياي
لينا : شُكـرا جزيلا الك بـس مثل مكتلك احب شغلي هـنا
وكف سرمد مـن مكانه و طلع بطاقه تعريفيه برقمه و اسمه : هذه بطاقتي شــوڪـت متحبين تغيرين رأيج اتصلي هـنا
وكفت لينا و ابتسمت بهدوء : مـا اعتقد اغير رأيي
حجه سرمد بثقه وهو يدكم سترته : Ⴢ̤Ι نشوف
و بعـدين طلع مـن الغرفه تارك لينا تتمعن بالبطاقه الي انطاها اله هذا الشخص الغريب
رجعت سنار لبيتهم و حسبه توديها و حسبه تجيبها
صعدت لغرفتها و كعدت و هي تفكر بالكلام الي سمعته مـن داليا و هي تِحجـي بعصبيه
الي سمعته هـو
جانت داليا تِحجـي بعصبيه : لججج كتلج ثبتي وجودج بالبيت و فرضي شخصيتتج لتظلين كاعده بالغرفه
بعـدين رد الطرف الثاني و ردت عليه داليا : Ⴢ̤Ι عفـيه هيــچ اريدج سحر الـگويه الي اعرفها
هـنا جانت صدمه ؏ُــمـري يعني داليا هي الي جانت تساعد سحر بكولشي !!!!
غمضت سنار عيونها بتفكير
شون رح تتصرف و المن رح دكوول .. اذا كالت لجومانه رح تموت مـن القهر و اذا كالت لناصر رح يكلبها كلاب لان كُلـشي و لا فهد زين المن تِحجـي !!
بعـدين فكرت و فكرت و مـا لكت غـير بـس شخص واحد هـو الي رح يساعدها
سنار بحزم : ماكو غـيره هـو الوحيد الحلال لهاي المصيبه
جانت لينا كاعده بغرفتها و خاله البطاقه مـال سرمد كبالها و هي تفكر و تفكر متعرف لـيش أنــو ورا هذا الرجل سالفه مدري لـيش حست هيــچ و هي دائما احساسها ميخيبها ابدد
و بسبب أنــو لينا تحب المغامره و تحب تكشف اسرار العالم بسبب الفضول مالتها لمعت بدماغها فكره خلتها تبتسم بـس متعرف أنــو هــاي الخطوه الي رح تخطيها رح تقلب حياه بيت هاشم رأسا على عقب
طبت سنار و كعدت يم جدها بعد مـا سلمت ؏ الكل و جانت نظرات ناصر تراقبها ويـن مـا تروح
هاشم : شونها امج جدي
سنار : الحمد لله جدي بخير
هاشم برضى : الحمد لله
ادنت سنار مـن يم حدها و حجت بخفوت : جدو اريدك بموضوع
ابتسم هاشم : جنت ﭑ؏ـــرُف عنـدج بربوره ... انـي رح اروح للديوان و انـتِ لحكيني
ابتسمت سنار : صـار
جان ناصر يشرب جـاي و يباوعلهم و بوده يكعد بنصهم ويعرف هــاي البلوه الي كدامه شدا تهمس لجده لاززم اكوو شييي و الي خلا يتاكد أنــو هاشم كام و كامت ورا سنار و طبوا للديوان
كام ناصر وراهم و هـو يباوع ؏ الكاعدين كُلهـم جانوا ملتهين بالسوالف و هـو استغل هذا الشي و راح للديوان ووكفت ورا الباب حتى يسمع الحجي بين جده و هــاي البلوه
حجت سنار بتردد : جدو انـي اريد اڪولڪ شي و مـا ﭑ؏ـــرُف شون اتصرف
هاشم : احـجي بويه
سنار : جدو اليوم مـن جنت بيت عمو جلال صارت وياي سالفه
نصدم ناصر الي واكف ورا الباب مـن كلام سنار معقووله رح دكووله لجده عن الي صـار بينها و بينه !! لا لا مـا معقووله ... وكفه عن تفكيره صوتها و هي دكـول
سنار بتوتر : جدو عرفت أنــو مره عمي داليا هـي الي متفقه ويا سحر و تساعدها
هاشم بصدمه : شنوووو ؟؟؟؟
و بسرعه ينفتح باب الديوان و يظهر شكل ناصر الي واكف مصدوم و عروقه ظهرت مـن الغضب و العصيبه
كام هاشم و سنار الي كامت ترجف مـن الخوف بسبب منظر ناصر الي يخوف ووكفت ورا جدها
دخل ناصر و الشياطين كُلها بعقله ووكف كبال هاشم بـس يباوع على سنار الي واكفه ورا جدها و تستنجد بي
ناصر بعصبيه : تعاي طلعي
لزمت سنار دشداشه جدها بخووف
هاشم بعصبييه : مـنو كلك تتصنط علينا ينااصرررر
ناصر : جدي مـــو وكت هــاي الكلااام و كــول لهاي الي واكفه وراك تِحجـي شسمعت لا اكلب الدنيا على راسها
سنار بخوف : ولله مـــو قصدي مـن سمعتت ونبي
لزم هاشم سنار : لتخافين بويه و احـجي ؏ كيفج شنـو سمعتي .. و انـت اكعدد خلي نفتهمم
كعد ناصر وهو يهز رجله بعصبيه و يباوع على سنار الي دا ترجف مـن الخوف بسبب الكاعد كبالها
ناصر : احجيييي فضيييني
فزعت سنار مـن صوته و ندارت على جدها بخوف
هاشم : احـجي بويه معليج بي
بدت سنار تِحجـي الي سمعته مـن مكالمه داليا و جانت تباوع الناصر الي عيونه اسودتت مـن الغضب
سنار : و هذا كُـل الي صـار
هاشم : هاهيه بويه روحي طلعي
كامت سنار بسرعه و لحكتها نظرات ناصر الغاضبه
هاشم : نااصر
ناصر : شيخ لدكولي اهدأ
هاشم : لازم تهدأ فهمتتت بطل هالرعوونيه
خلا ناصر ايديه على راسه بقوه و كعد يفرك بشعره بعصبيه وهو ميدري شنـو يسوي مـن جانب أنــو امه الطلعت سبب المصيبه و مـن جانب اخو و ابن عمه هـو الواكع بيها شيسوي
هاشم : لتخاف وليدي ان شاء الله مـن يجي فهد ﭑ؏ـــرُف شون اتصرف هسه كُلـشي منحجي
ناصر : شوون تريدني اصبرر لجيه فهد جدددي شلوووون وهذه الـكح.. كلما جايه تنفش ريشها و امييييي اخخخخخخ امييي شلون بيه بـس فهمنييي
حجه هاشم بهدوء و تفكير : لازم نسكت و كُلـشي منسوي و كتلك مـن يجي فهد نصرف
هز ناصر راسه بتوعد و عيونه حمرر بسبب الغضب : الله كريم الله كريم
صعدت سنار لغرفه لينا و جفتت عليها وهي ادك على خذها : لججج لحكيلييي
كامت لينا بفززع : لججج شكوووو
و قبل لتحجي سنار طبت دنيا و الخوف على وجهه : لـج سنار شكووو صعدتي تركضين
كعدت سنار على الجربايه : و لجننن ناااصر
لينا و دنيا : شبيي ؟؟
سنار : دررره أنــو امه هي الي تعاون سحر
لينا و دنيا بصدمه : شنووووو !!!!!
جان فهد كاعد بالشقه الي جانت اله و كدامه اللابتوب و يشتغل و جان يدك تلفونه برقم دولي عراقي
استغرب مـنو الي يدك عليه و هـو حافظ كُـل ارقام اهله
فهد : الوو
حجه الطرف الثاني بهدوء : شونك يالفهد
ابتسم فهد ابتسامه شر : سررمددد
سرمد : كـفـو ولله عرفتني بسرعه
فهد : شون لـعد مـا ﭑ؏ـــرُف هذا الصووت الخايس
سرمد : لو تدري اليوم ويـن جنت
فهد بريبه : ووين ؟!!
سرمد بخبث : ولله مـا عرفت الدكتوره رح تطلع هيــچ انسانه متواضعه
كام فهد مـن مكانه بعصبيه و حجه بصيااح : شعنددددك يم لييين
سرمد : اووو اهدا اهدا مـــو دا نتفاهم
فهد : ولله و الي اسمه الله اذا شفتك تقربت مـن يم ليناا مووتك على ايدي فهمتتتت
سرمد : شفتت شون خفت عليها لـعد انـي شكول مـن اخذت كُلـشي مني
فهد : انـي بعمرري مـا اخذتت شي مـن احددد
سرمد : انـت اخذت حــيآتي يفهد
و قبل ليرد عليه فهد ينسد الخط
شمر فهد التلفون ؏ الجربايه بغضب و بده يفتر الغرفه وهو لازم شعره بعصبيه و بعـدين وكف وهو يفكر بكلام سرمد : شنـو قصده مـن يكول انـي اخذت حياته منه !!!
بعددين حجه بحزم : لازم ارجع للعراق
جانوا حسن و احمد و مصطفى طالعين يفترون حتى يشترون قاط لاحمد و يشترون الهم هـم
مصطفى : احمد تـرا طلعت روحي رح اعوفك و ارجع
حسن : ادري لخاطر الله شنكلك على قاط ميعجبك شتريد مدكلييي
احمد : يـاا اخي لازم القاط اول متشوفه تنعجب بي بعـدين تحبه بعـدين
مصطفى : تنام ويا
احمد بفرحه : لكك يييييي
مصطفى : خاب انـت شكد طايح حظ لـعد
احمد وهو يعوفهم : لـك لكيت القاط
حسن : Ⴢ̤Ι يـاا الله
طبوا الولد للمحل و اخيرا اشترى احمد القاط مـن بعد دعاوي مصطفى و حسن بأن يقبل بي
مصطفى : كلوووووووووووش
احمد : لـك اسكتتت فضحتنااااا
مصطفى : يووم طهوورك ان شاء الله
حسن : العببببب
احمد : انـي صوجي اطلع وياكم
مصطفى : هسه صوجنا مـــو و صارلنا سا ...
استغرب حسن و احمد أنــو مصطفى مـا كمل كلامه و ظل يباوع على واحد وراهم ويندارون يلكون مصطفى يباوع على شخص كاعد و يباوع لمصطفى بابتسامه
حسن : هيييو مصطفى
احمد : شبييك صافن على الرجاال
بـس يتفاجئون وهمه يشوفون مصطفى يعوفهم و يروح للرجال الي جان يباوع عليه
مصطفى بابتسامه غضب وهو يوكف كدام الرجال : اشوفك هناا
ابتسم سرمد بهدوء ووكف كبال مصطفى : Ⴢ̤Ι لـيش الكعده هـنا ممنوعه !
تقرب مصطفى مـن سرمد و الشرار يطاير مـن عيونه: لبالك نسيت الي سويته بفهدد
سرمد : بعدني مـا مسوي شي انـي بـس مجرد مقبلات
مصطفى : وعلييي دم فهد هذيج المره ميروح ؏ الخالي
استغرب سرمد مـن كلام مصطفى : دم ؟؟
ضحك مصطفى باستهزاء : ههه تسوي نفسك متدري بـس صدكني يسرمد لوما العالم هـنا واكفه جان شوفتك مصطفى مـنو
ابتسم سرمد بهدوء : لتخاف اعرفك كُلـش زين
و قبل ليجاوبه مصطفى يجي احمد و حسن
احمد : مـا عرفتنا مـنو هذا الـحلو
مصطفى بغضب وهو يباوع لسرمد : ميحتاج يَــلا امشوا
راحوا الولد و ظل سرمد يباوع الهم و بشكل خاص لمصطفى و الابتسامه تزين وجهه : ولله و طلعت مـــو بـس تحشش يمصطفى
كاعدات البنات بغرفه لينا و نضمت الهن ورده الي اجتهن تركض مـن البيت لان بيت ورده بنفس فرع بيت جدها
لينا : بنات يعني هسه شنسوي احناا !!
ورده : و لكم بـس خلوني انـي و داليا بغرفه وحده و نعال اخخخخخ
سنار : ؏ـزاا اذا درت جومانه شيصير بيها
دنيا : لا رح نحاول نخلي جومانه متحس بشي
لينا بحزن : ولله خطيه جومانه حرامات عدها هيــچ ام
سنار : ؏ـزاا لو تشووفن نااصر و هيئته مـن دره
ورده : مـا اڪـول بـس الله يستر مـن الجاي
جان مصطفى واكف يم ناصر
مصطفى : تدري المن شفت اليوم !!
ناصر : المنن ؟
مصطفى : سررمد
ندار ناصر على مصطفى بغضب : ولله ؟؟؟
مصطفى : Ⴢ̤Ι ولله بـس جانوا الولد وياي و جنا بنص عالم
ناصر : حجيت ويا ؟؟
مصطفى : اافه طبعا قابل تريدني افوت هــاي السالفه
ناصر : Ⴢ̤Ι و شحجيت ؟؟
مصطفى : سالوفات حلوات بـس تدري شنـو الي ظليت افكر بي ؟؟
ناصر : شنـو ؟؟
مصطفى : مـن كتله على سالفه اصابه فهد و دمه هـو مثل الي استغرب
ناصر بشك : يعني شنـو ؟
مصطفى : مـا ادري بـس حسيته استغرب كأنو واحد ميدري
صفن ناصر وهو يفكر بكلام مصطفى : ولله السالفه بيها انه يخوي
مصطفى : انه هـم هيــچ كلـت و هـا نسيت اڪولڪ سالفه اهم
ناصر : احـجي
مصطفى بابتسامه لعوبه : شترينا قاط لزوج اختك
نزع ناصر شحاطته و ضربها على مصطفى الي اول مـا شافه يسوي هيــچ شرد : اذا بيـك خيرر تعاال يمييي يالجباان
مصطفى وهو يطب للديوان و يضحك : شبيه بايع نفسي
طبت لينا لغرفه عادل بعد مـا دكت الباب
جان عادل كاعد كدام المكتب مالته الصغير و اللابتوب كباله و جان لابس نظاراته الطبيه و اول مـا شاف بنته
عادل : تعاي باباتي
كعدت لينا كبال عادل : بابا اريد احاجيك بموضوع و اريد نصيحتك
عادل باهتمام : Ⴢ̤Ι بابا ڪولـي
لينا : اليوم اجاني شخص و عرض عليه اشتغل بالمجمع الصحي مالته
نزع عادل نظاراته الطبيه : Ⴢ̤Ι !! و مـنو هذا الشخص ؟
كعدت لينا تشرح لابوها الحديث الي دار بينها و بين سرمد بـس مـا حجت لابوها ؏ احساسها بهذا الشخص وحاولت تخلي سر بينها و بين نفسها
عادل بتفهم : باباتي انـي اشوف هذا العرض كُلـش ممتاز و يوسع مـن معلوماتج و مكانتج الطبيه هـم
لينا : انـت هيــچ تشوف ؟؟
عادل : Ⴢ̤Ι بابا و يبقى القرار يمج و لتنسين انـي وياج بكولشي
ابتسمت لينا بحب و حضنت ابوها : الله يخلييك اليا يـاا ررب
عادل وهو يربت على ظهرها بحنان : ويخليج باباتي
طب عليهم حسن وهو يكول : هــاي شنـو مـن وراي
ضحكوا عادل و لينا على كلام حسن
لينا : لتغااار
حسن وهو يكعد بنصهم : نـجـبي نـجـبي بشنو جنتو تحجون
عادل : جـاي عرض شغل لـ لولو و حبت تناقشني بي
حسن : شغل شنـو ؟؟
لينا : اكون مسؤوله بمجمع صحيي
حسن باعجاب : واوو ووافقتي !!
لينا : بعدني دا افكر
حسن وهو يحضن اخته : على راحتج فكري لولو و انـي وياج اذا تحتاجين شي
ابتسمت لينا و حضنت اخوها و جان عادل يباوعلهم بحنان و يدعي أنــو رب العالمين ميحرمه مـن هذا المنظر
صـار الصبح
جانت لينا كاعده بمكتبها و بيدها البطاقه الخاصه بسرمد و مـن بعد تفكير طويل البارحه بليل حسمت القرار و رح تخابر سرمد
خلت التلفون بأذنها و مـن اول دكه و الثانيه اجها صوت سرمد المرحب
سرمد : اووو الدكتوره تتصل علينا
لينا : منين عرفت رقمي !
سرمد : كتلج كُلـشي اعرف عنج دكتوره
ابتسمت لينا بهدوء : خابرتك حتى ابلغك أنــو انـي موافقه على عرضك
سرمد بسعاده : جنتت ﭑ؏ـــرُف رح توافقين و تكدرين هسه تجين للمجمع
لينا : لا مـا اكدر اليوم لازم انهي كُلـشي بالمستشفى و باجر ان شاء الله اجي الكم
سرمد : Ⴢ̤Ι كُلـش عادي و انـي هسه رح ادزلج العنوان بالضبط
لينا : تـمـام .. مع السلامه
سدت لينا الخط ورا ثواني اجتها رساله بيها موقع المجمع
ظلت مركزه بالرساله وابتسمت بهدوء : خلي نشوف هلمره احساسي هـم يطلع صح لو لا
جانت ام فهد واكفه تطبخ ووعد كاعده تسوي زلاطه و جان يدخل عليهم فهدد
ام فهد بفرحه وهي تركض تحضنه : يمممه وليدددي رجعلييي
حضن فهد امه : Ⴢ̤Ι يمه رجعت
بعـدين اجته وعد و رحبت بي : يبعد عمتك شتاقينالك
فهد : انـي الاكثر يالغاليه .. لـعد ويـن الشيخه
ام فهد وهي تمسح دموعها : بغرفتها روح شوفها
طب فهد جوه و دخل لغرفه بيبيته الي اول مـا شافته فتحت ايديها : يمممه الغاالي اجااني
ضحك فهد و تقدم وهو يحضن بيبيته بسعاده صح مثل مـا كالت شمحلاته الواحد مـن يكون بين احبابه و ناسه
الكل اجتي رحبت بفهد و رجعته مـن السفر و خصوصا هاشم الي جان متلهف لشوفه حفيده و جان اللقاء بينهم مؤثر كأنو فهد غايب قرن مـــو كم اسبوع
و همه كاعدين طب عليهم ناصر وهو يتنفس بقوه مثل الي جان يركض و جانت عيونه تدور على فهد و اول مـا وكعت عينه عليه ركض بسرعه و ووكف فهد و حضنه بقووه و لهفه تحت انظار الكاعدين الي تبتسم على لقائهم المتوقع بسبب قوه علاقتهم
ناصر بفرح : اخخخخ خويه و اخيرا رجعت
فهد : Ⴢ̤Ι يناصر مـا تحملت و رجعتت
تدنى ناصر مـن فهد و حجه بخفوت : لازم اشكر لينا الي مـا خلتك تتحمل وترجع
كعد فهد بصف ناصر و حجه بهمس : لكك خيي لسه مـا شفته
ناصر : تشوفها لتخاف
بالمستشفى
تلقى عادل اتصال مـن حازم أنــو فهد رجع و فرح كُلـش و راح لحسن الي بادله الفرحه و بعـدين اخذوا اجازه زمنيه و راح حسن حتى يبلغ لينا و يرجعون
حسن : لولوو يَــلا نرجع لان رج
لينا مقاطعه اله : حسون ارجع انـت انـي عندي كوومه شغل لازم اكمله اليوم
حسن : بـس
لينا : لتخاف حَــبيبي مـن اكمله ارجع بليل
حسن : ماشي لولو احنا رح نطلع لـعد و رح اخليلج سيارتي حتى ترجعين بيها
طلعوا عادل و حسن و ظلت لينا تكمل شغلها الاخير بهذه المستشفى
جان فهد كاعد منتظر جيه لينا على احرر مـن الجمرر بـس الي جان مـا متوقعه أنــو لينا مـا اجتي وياهم و فسر عدم جيتها أنــو متريد تشوفه
فهد بداخله بغضب : كُـل هذا حتى متشوفيني يليين مووو ؟؟؟ ماشي يبت عمي
صعد فهد لغرفته بعد مـا سلم على حسن و عمه عادل و اول مـا طب شاف سحر واكفه بغرفته و مـن دون سابق انذار تقدم منها ولزمها مـن فكها بقووه و غضب : شعندج هنااا لججح
سحر بألم : اجيت اسلم علـيك ولله
نتر فهد ايده مـن وجهه سحر الي رجعت ليوره بسبب ايد فهد : طلعي مـن غرفتي ولله اذا شفتج بغرفتي بعد اخليج اطلعين منها مكسرره
ظلت سحر تباوع لفهد الي عاط بهدر : يلاااا
وبسرعه طلعت سحر و هي تدردم بداخلها على فهد : انـي الك يفهد اذا مـا ندمتك على تعاملك هذا وياي
رجعت لينا للبيت بليل و كبل صعدت فوك لغرفتها بعد ما سلمت على دنيا لان شافتها بالمطبخ و حاولت دنيا تِحجـي وياها
لينا بتعب : دندن مـــو هسه حبابه حصعد انام و لحد يكعددني
دنيا بتفهم : ماشي ماشي
صعدت لينا لغرفتها و شمرت بجسمها على الجربايه و نامت بملابسها مـن التعب و مـن دون متحس
صـار نص الليل
فتحت لينا عيونها الخضر و فتحت تلفونها لكت الساعه ب ٣
لينا بنعاس : ولا حسييت ؏ نفسيي
بعـدين سمعت بطنها اطلع اصوات تبلغها أنــو تحتاج اكل
نزلت بهدوء حتى مطلع صوت لان الكل نايم و دخلت للمطبخ و مـا علكت الضوه لان جان الضوه الخارجي قوي و يعكس ؏ المطبخ
و اول مـا وصلت للثلاجه حست بأيد تلف على خصرها و ايد على حلكها و ندفعت ؏ الحايط
فتحت عيونها على مصرعهم و ووكف ڪلبها وهي تشوف عيون الشخص الواكف كدامها تباوعلها بغضب
نزلت الايد بهدوء عن حلكها و همست لينا مـن بين انفاسها العاليه : فهد
ابتسم فهد ابتسامه هزت گلب لينا من الخوف و قربها على صدره حييل و همس كبال وجهه بنبره خلت اوصال لينا ترجف : رجعلج خيالج يمهره
********************************************
مرحبا حبايبي ♥️
رح يصير تنزيل البارتات كُـل يوم بليل مـا عدا الجمعه و السبت هـو اجازه و راحه اليا 😂♥️ اما باقي الايام ف رح يستمر بيها تنزيل البارتات ♥️
شنـو رأيكم باحداث البارت لليوم ؟
كومنت 💬 و نجمه ⭐️ للتصويت ♥️
احبكم كُلـش هووايه ♥️