احدهم لم يكن صدفه

بارت ١٣

FATMAALKHALID🔮⭐:
بارت ١٣
اجاني اتصال من علاء بساعتها قررت انهي كلشي بيني وبينهم من رجعو لحياتي دمروها همه وامهم ما اريدهم بعد غلقت التلفون بوجه نزلت لكيت امي راجعة
_ليش رجعتي وعفتيني
_دخت رجعت نمت
_شلونها زينب وياج
_زينه
_لا بالله شلون تعوفين رجلج يمها همه داينها سوالف وضحك وانت هنانه ما تخافين ترجع تاخذه منج
_لا ما اخاف واذا هوه يريدها خل ياخذها بالعافية علي اصلا هذا المتوقع طبيعي راح يرجعون لبعضهم
_هاي لتريد تموتني شبيج انت
_يمه ماعندي شي احجي خليني مشترية راحت بالي ولو سمحتي لا تدخلين بينه انا وعلي ما مسموح لأحد يدخل بينه
خليت وصعدت فوك فتحت التلفون حتى اخابر للشركة اكللهم باجر راح اداوم  اول ما فتحت التلفون مكالمه من علاء يتصل كمت وجاوبت
_علاء شنو تريد فهمني
_انت وين اتصل عليج من مساع ما تردين
_تشوفني ما ارد ما تتصل تعوفني على راحتي شنو تريد
_نورس شبيج انا شعلي حتى هيج تحجين وياي
_انتم من دخلتوا لحياتي خربتوها يااخي ما اريدكم عوفوني بحالي
_افاا هيج صارت يا خيتي
_لا اختكم ولا اريدكم جنت عايشة مرتاحة وانتم ماكو اجيتو دمرتوني بعد ما اريد اشوف رقمك على شاشة تلفوني وكل لاخوك بعد هل حجي وخل تمر هل فترة ويروح يهطب حبيبة الكلب ويفسخ العقد ما بينه زين لو لا
سديته بوجه رحت لفراشي ما عندي مكان غيره نمت كعدت على صوت المنبة احس شوي بديت ارجع لحياتي بس ناقصها حريتي اتحرر من علي وارجع اعيشها صح كمت لبست قاط اسود وقميص زيتوني غامق وميكب خفيف اخذت الجنطة الشغل والابتوب ونزلت
_صباح الخير يمه
_صباح النور يمه شنوو وين
_على دوامي... يمه عفية جهزيلي الريوك وراي ادويه والغده احتمال ارجع اتغده هنا مااريد اكل مطاعم ماشي
_على راحتج يمه انتظريني دقايق
اجت امي وبيدها صنية الريوق تريكت وطلعت للدوام بديت احس ان غلط الحجي الكلته لعلاء هوه وكف وياي وما ضرني الاذيه من علي تنهدت ماعرف شنو اسوي تذكرت ان اليوم لازم اروح للجامعه اجت ابالي خطة اخذ زمنية اروح للجامعه وهم ارجع للبيت اتغده واطلع وصلت للشغل سلمت عليه الموضفين دخلت مباشرةً اجتماع اكو عقد وي شركة خلصت بالضبط ب ٩ ونص اخذت زمنية وطلعت للجامعه ضليت اسأل عن قسم هندسة النفط لكيت طالب طالع من القاعة مرحلة الأولى كتلة يمتى محاضرة دكتور علاء كال بعد عشر دقايق كلت حلو نزلت للكفتيريا اخذت ماي بارد وكعدت شوي كلت خل يعبر الوقت وادخل اله بنص المحاضره ضلت اتصفح التلفون صارت ب ١٠ ونص كلت اجه وقته صعدت الممرات جان فارغه تماماً وصلت سمعت صوته يشرح صاير دكتور عليو دكيت الباب
_ادخل
_ممكن ادخل دكتور
علاء؛ انصدمت من شفتها من مكالمتها امس حسيت بعد خلاص حسرتها للمره الثانية حاولت ما احسس احد انا اعرفها كتلها
_وين جنتي
_استاذ انا طالبة نقل جديدة وتوني اجيت آسفه على التاخير
_احم اي حياج الله شنو اسمج
_اسمي نورس دكتور
_تفضلي يم زميلتج اشرت الها على مكان شهد.... وبعد ياريت ما تتأخرين على محاضرتج
_ان شاء الله دكتور
ضل يشرح علاء وكلساع يباوعلي انا بالكوة كاضتني الضحكة واسكت لحد ما انتبهت لوجود شهد يمي حجيت بصوت ناصي
_هلوو
_هلاوات
_انا نورس
_انا شهد
_احم عادي نصير زميلات
_كلش عادي
_شلونج
_الحمدلله بس الظاهر راح ننطرد
_ليش... اشوف شهد تغير لونها وتباوع فوك راسي اثاري علاء واكف ومنتجي على لستيج ومتخوصر
_اي اي كملي وياها سوالف ست نورس
_لا دكتور العفو الك كل الاحترام
_ لا ابد كملي كملي
_لا شسالفة دكتور اسفة
_كومن طلعن برا
شهد؛ دكتور والله م......
علاء؛ اشش ويالله تفضلوا برا
نورس؛ كومي خل نطلع عازمتج
علاء؛ لا صدك
نورس؛ استاذ هم مطرودين وهم ما تريدنه ناكل طلعت انا وشهد شهد مبرطمة
نورس؛ حظي شبيج تعالي خل نفتر نتونس
شهد؛ يامعوده هذا حاد اسنونه علي
نورس؛ ماعليج اولها وتاليها راح تتخرجين وتفتكين منه ماعليج يكبر وينسه كليلي شنو اسمج عمرج مرتبطة لا هواياتج
شهد؛ هم مطروده وهم تردين تسولفين
نورس؛ قابل اموت روحي يالله احجي
شهد؛ اسمي شهد ماعندي هوايات معينه.... ما مرتبطة ومرتبطة
نورس؛ شلون يعني
شهد؛ ما متزوجة بس عندي بنيه
نورس؛ ما فهمت
شهد؛ سالفة طويله
نورس؛ اي احجيها شورانه نحمل نجيب سولفي.
شهد؛ من جنت صغيره ما جنه عايشين بالبصره جنه بغداد كاعدين ووو........
حجيت الها كلشي صار وياي لحد لليوم ما اعرف شلون هية ارتاحيت الها وسولفت بس هيه شكلها مريح  واحس انا شايفتها من قبل بس وين ما اعرف
نورس؛ اووي وجعتي كلبي عليج امشي خل ناكل عازمتج
شهد؛ لا ما يصير انا اعزمج
نورس؛ اشش ماعليج اعتبريها عربون صداقه بدل لا زميلات صحيح انطيني رقمج
شهد؛ انت شكلج جبيره شلون مرحلة اولى ويانه
نورس؛ هههههههه ولج انا محامية وهسه اجيت ادرس هندسة نفط دفعت فلوس الدنية والدين والواسطات يالله انقبلت هنا واول يوم الي انطردت من استاذ ابو ربطة
شهد؛ استاذ علاء هوه هيج عصبي شوي انا هم شكد منقص مني وطاردني هم
نورس؛ شكلة حلو مهظوم شرايج بي
شهد؛ كتلج انا بديتها وياه بعركة وانا تعرفين لصار وياي

ما ضل رجال يدخل بعيني أثناء الحجي وياها اتصل تلفونها
نورس؛ حبي اجه السايق كتبيلي عفية الجدول والمحاضرات كلها خوش بوستها وطلعت لكيت علاء يم سيارتي واكف
علاء؛ ها عيني الزعلانه اكلتي
نورس؛ وخر وخر عن سيارتي يالله
علاء؛ اهووو اذا صارت حاجتك يم فلان
نورس؛ ابن امك كملها حتى اراويك الحاجة شلون صايره
علاء؛ عازمج على احلى مطعم خمس نجوم
نورس؛ اكل امي ينتظرني وخر اشو ميته من الجوع طاح لساني من السوالف
علاء؛ امشي وياي انا اوصلج لباب المطعم والبيت وسيارتج انا اجيبها بس فضيني سولفي
نورس؛ ماكو ويالله منا خل اذلك شوي
طبيت للبيت واجه علاء وراي  طبينا سوه هوه يمشي وراي ويحجي
_يامعوده مشغله محرك دنتظري
_اي برا شمس ترديني بنص الشارع نسولف
_ها يمه اجيتو هلا يمه علاء
_هلا بيج خاله
_ها شكو شبيكم
_خاله بتج موتتني ذلتني على سالفة لو انا ماشي بيها ولا هل مذلة
كعدنه تغدينه تالي سولفتله كلشي راحت الايام ومشت الايام استمريت اسبوعين انا اروح للجامعه بس بوقت المحاضره والاكثر ننطرد انا وشهد بس علاء ما يسجلها غياب علمود لا تنفصل اما علي ف ماكو منه اي خبر... صار شهر علي ساكت وانا ساكته رجعت التهي بشغلي واطب واطلع امي عرفت ان مالنا رجعة انا وعلي وقريب ننفصل علاء دايماً وياي وياي نرجع للبيت نتغده سوا لحد ما يوم اتصل علي علي
_شلونج نورس
_الحمد لله تفضل
_احم انا حاجيت خالتي على زينب من سبوعين واتفقت وياهم على الشهر الجاي اخطبها ف بعدين راح احاجي اهلي علمود نفسخ العقد
_ماشي موافقة وياريت على اقرب فرصه
_ماشي
_باي

علي؛ فاتحت خالتي بالموضوع ورحبت بيه رجعت باليل للبيت لكيت امي وابوي وعلاء ومهند كاعدين طبيت كلت
_السلام عليكم
_وعليكم السلام
_ها جا وين فهد وميا
_طالعين
_اريد احجي وياكم بموضوع انتم تدرون بيه انا كلبي ما اخذته بس زينب الفتره كلها والسنين ما نزل حبها بمقدار ذرة وماصدكت هسه رجعتلي ف هسه اريد اخذها
الاب؛ شجاي تخربط انت
علي؛ يبا انا هذا الي اريده ولو سمحتوا لا تبنون سعادتكم على حساب غيركم انا ونورس ما عمرنه ردنه بعض ولا حبينا بعض انا وهيه اخوان
الام؛ وين هذا حجيت اول ما شفتها ومن كالت انت اخوي شو لسانك مديته عليها من يمتى صارت اختك بالله
علي؛ من اليوم الي رجعت زينب للبصره ورجعت النفس بيه انا نورس ما اريدها ولا راح اتزوج غيرها ونورس انا وياها اتفقنا يومين وننفصل عند السيد وكلمن يروح بحاله
الاب؛ تخسي تطلك بت البيوت الشريفه وتاخذ زينب لو صدك تحبك ماجان عافتك وهذا اخر حجي عندي اذا عفت نورس مالك كعده بهل بيت واتبرى منك ليوم الدين
انصدمت من كلامه خليت وطلعت قررت باجر الا اسوي الي اريده سبحت بدلت اجيت انام اجتني امي
_ابوك يوم على راس الشهر راح يكون زواجك من نورس راح يحجز القاعه ويسوي لبطايق حظر روحك وانصب غرفة جديدة
_كلت بكلبي خوش انتم جبتوها لروحكم ضليت اخطط وافكر شنو اسوي باجر
نورس؛ كعدت الصبح من النوم لبست قاط لون حليبي وقميص وردي فاتح كلش حضرت غراضي وطلعت للشركة صارت ساعه ١٠ كلت ارتاح اروح لكوفي قريب انزل اشرب قهوة شي واصعد توني اباب الشركة وما احس الا انجرييت من ايدي والا علي
_علي شبيك عوف ايدي جاي تاذيني
_امشي ولا نفس منج
_صعدني بسيارته وركع الباب قوي ضليت خايفه وين ماخذني
_انطيني تلفونج
_شتريد شبيك علي تخبلت
_انطينياااه بصياح
_طلعت التلفون وانطيته اله راح على صفحة علاء بالواتساب كلة (علي راح ادزلك موقع تعال للبيت هذا ضروري) ضليت صافنه
_كتبت رسالة لعلاء  علمود يجي ثواني ودزلي ماشي رسلت الموقع ردته يوصل قبل لا احنا نوصل وكفت السياره على صفحة نص ساعه وتحركنه هيه كلش سكتت ما سمعت الها نفس بس معصبه وتهز برجلها وصلت للبيت
_وين جايبني
_نزلي وماعليج
_ما انزل انا مو لعبة بيدك
_كتلج امشي جريتها من ايدها حيل انضربت ايدها  عكسها بالسياره حيل تاذت بس ما همني طبيت للبيت مال خاله زينب لكيت علاء توا واصل والشهود والسيد وخالتي اجت وزينب علاء شاف نورس هيج كاضها ومتاذيه كام الها
_نورس شبيج شكو
_نورس؛ جان يتعامل وياي بطريقه وحشية يجر بيه جر وايده سم احس ايدي راح تموتني من الألم كام علي علاء سألني شبيج شكو ماعرفت شنو اجاوب علي
علي؛ يالله سيد هذا علاء الي راح يكون شاهد من طرف خطيبتي نورس السيد يالله
_اجره السيد صيغة الطلاق وعلي طلقني علاء واكف بهت لونه واكف صافن ومصدوم باوعتله
_نورس والله ما ادري بشي يحجيها بصوت ناصي ومصدوم
_ماعليك احنا الردناها اجيت اطلع اجاني صوت علي
_انتظري نورس
_نعم
_انتظري اعقد على زينب حتى علي يوصلج لان اريده شاهد
_حسيت هاي الثالثه انهان بيها وينزل من قيمتي وكرامتي والله يا علي والله يجيلك يوم
طلعت انا بالطارمه امشي ومصدومة  معقوله هيج يرصخ بيه انا شسويت بروحي كله مني ومن اهلي همه الجبروني طلعت ودموعي تنزل من بحدهن لحد ما اجاني علاء
_نورس نورس بس سمعيني
_وكفت اباوع ودموعي تصب ما وكفت وكاضه ايدي الم الي بايدي ما يساوي شي من الي بداخلي
_نورس والقران خيول

ي ما يستاهلج الله لا يهني ويكسر بي مثل ما كسر بيج ولج ودي هسه اموته اذا يويحج هل شي اسوي
_اباوعله وساكته
_لج احجي شي كولي صرخي اي شي بس لا تضلين ساكته خليت ايدي على اكتافها اهز بيها لان صنمت بس هزيتها صرخت من ايدها
_ايددي
_شبيها
_علاء فدوه ايدي ما اتحمل الألم
اخذتها للمستشفى جانت تبجي بس ادري من الألم الي سببه الها علي طلعت الاشعه كسر
_شلون انكسرت
_علي كسرها جرني حيل وانظربت  بالسياره
_حسابه ثكل والله الا اكل لابوي
_علاء لخاطري اسكت
_لج انت عندي اغلى حتى من ميا انت اختي الماجابتها امي ترديني اسكت
_لخاطري تسكت
_استغفر ضربت الميز الكدامي بكل قوة فوزت هيه من الخرعة ضلت تبجي بالزايد اجه الدكتور ضل يجبس بايدها ويحركها شَي هيه ضلت تبجي بالزليد لحد ما جر العكس هيه ما تحملت رحت يمها جرتني حيل وشبكتني وضلت تنحب ادري بيها متاذيه حيل ضليت امسح على راسها وهيه تبجي منتهيه من البجي جانت الحلقه بايدها سحبتها من ايدها وضميتها خلص الدكتور هيه على حطتها كاضه بيه حيل  بعدتها عني وكتلها
_محد ينزل دمعتج وانا اخوج يروحلج فدوه والله ما يستاهلج ومو زلمة صحيح هوه اخوي بس هوه عنده ٣ غيري اما انت ماعندج الا انا ف لا تظنين بيوم انا اوكف ضدج حتى لو انت جنتي غلط راح اسويج صح واوكف وياج
نورس؛ شاغت روحي روحي من الالم صحت علي تمسكت بي حيل وضليت ابجي ما تحملت لحد ما احس تعبت من البجي والنحيب بعدني عنه هلي استحيت منه لان هيج سويت كلي كلام طمني حمدت الله وشكرته لان انطاني اخو مثله  رجعنه للبيت نزلني هوه ساندني
_نورس وين جنطج انت مو اطلعين بثنين جنط
_وحده بالمكتب والثانيه بسيارة علي
_انا اجيبها الج
جبتلها اكل وامها خطيه تسأل شبيها وانا شوصلني الها لحد ما نورس حجت وكالت
_يمه طالعة من المكتب والكعب انلوت رجلي بي وطحت على ايدي التلفون جان عندي اتصلت على علاء واجة عليه واخذني للمستشفى
_فشلة منه هسه انت الا تتصلين بعلاء جان رحتي وحدج
_علاء؛ لا خاله هاي ما حبيتها منج يعني الغريب ياخذها وانا اخوها ما اخذها الا اجي اخذها وعصبا علي جا عليمن انا اخو
_بعد كلبي يمه الله لا يحرمها منك ياربي
_آمين خاله
_رجلج درا
_ماريده يقلق وايدي ما مطوله ما تسوى اكله
_اي خطية مساع اتصلت امه وكالت العوس نهاية هلشهر حضري روحج يمه
_باوعت لعلي اشرلي استمري بالحجي
_كتلها انا راح اجهز كلشي اطلب من تركيا توصيل
_عليمن هلمصاريف منا نشتري
_يمة خليني على راحتي
كاعدين وما نحس الا اندك الباب امي راحت تفتحه الا يطلع جاينه........