آؤُؤُؤُفہ يّــّألـعٍشُڪتڪ🙁
شُبَسرٍعٍه ملُِيت وُرٍحٍت😫
آشُوُفُ آلُِموُت يقٌترٍبَلُِي وُآسڪت🤕
يمته تحٍن عٍلُِيه جٍنڪ بَدِوُن رٍجٍعٍه رٍحٍت💔
مروان
ورا 3 ساعات طلع الدكتور وكال مستحيل تكدر تعيش اكثر من 24 ساعة💔هنا اني حسيت الدنيا اسودت بعيني باب السعادة انسدت من كل مكان اجه ابوية وامي وهدى وسارة ورونق ..وعمر وحسين اصلا موجودين يحجون ويايه بس شنو ماكد اسمع سمعت صياح ومرة اجتي تركض وياهه ولد وتصيح اجت على ابوية يمه شيخنا فدوة اروحنلك بنيتي وين بس دليني
محمد:هم الج عين تجين بعد سوايتج الشينه
حسن:عمي انت ماتعرف الصار ف رجاءا بس دلينه ولاتدخل
محمد:ولك ادبسز اطلع من المستشفى لاقسم بالله احرك المستشفى على راسك
فرح
كعدت اني بغرفه بيضه وشاديلي اجهزة ومحد موجود بس الممرضة وسمعت صوت اللي متوقعت اسمعه بحياتي الصوت اللي جنت اتمنى يدفيني باحضانه وعطره يملي انفاسي والصوت الثاني اللي اتمنيته سندي بهالدنيا السودت بعيني لصوت اللي اتمنه احضنه واشكيله همومي💔
كمت وشلعت الاجهزة الممرضة ضلت تهدي بيه عفتها وطلعت ودموعي مثل الجمر على خدودي شفت حياتي وحبيبي حسوني شفت امي رويحتي من الدنيا شفت طيف ابوية يمهم ويصيحلي تعالي بنيتي هذا مكانج بين اهلج وسندج صحيت على صوت
مروان:فرح ليش طلعتي ايدج كلها دم
اجه راد يفوتني جوه وخرت ايده مني ورحت يم حسن وضحكت بشكل هستيري وكلت:هاي اني كدامك شفتني مو هذا الردتوا صح انو اتخبل على اخر حبة اضحك من جهة ودموعي تصب من جهة مو؟حضن وجهي بايده ومسح دموعي وكال
حسن:منو الكال هيج بس كوليلي منو؟
رزان:يمه فدوه اروحلج ايدج دم فوتي جوه يمه والله راح اموت عليج
فرح
دفعتها حيل ولزمها حسن وكلت:انتييي اخررر الناس اللي تفكر تخاف عليه وتحن(بعياط)
حسن:فرح افتهمي ليش سوت هيج يله تحكمين
فرح
دموعي بعيني وكتله:تدري شكد حبيتك تدري جنت مستعدة اعوف الكل علمودك تدري لو لا تدري شكد بجيت وتمنيت تمسح دموعي من عيون بايدك هاي[لزمت ايده]بلعكس ابوية هوه للي مسح دموعي بكل مرة ابجي بيها وين جانت هاي المرة الحنينة من جان عمري12 سنة وعافتني لك الله يقبلها حتى جنت بعدني مداخلة سن قانوني ابجي ليلي ونهاري ودراستي رسبت بيها ويحجون عليه بنت الشيخ راسبة بت الشيخ امها عافتها وانزمت ويه عمها هذا من غير الكلام اللي سمعه باباتي كل هذا وتكلي تفهمين !💔
محمد:اخذها وروح منا لاابتلي بيكم
فرح//انهاريت حيل وكعدت بالكاع ابجي واشهك بقوة
مروان//اول مرة اشوف فرح لهل درجة منهارة حتى من مات عمي مابجت هلكد ومن سمعتها من عاتبتهم شلون وشفت اللمعه بعيونها من شافت ذاك الرجال اللي اجه بحيث عيونها تكله:اخذني اترجاك وبعدني عن هل ضيم وامها شلون كدرت تعوفها وهيه عمرها 12 سنة وتروح ويه عمها رحت عليه وكتلها:فدوة اروحلج لسوين هيج بروحج
فرح//حضنته وكتله:هاي انت هم هيج تروح وتعوفني مثلهم😢!
مروان:منو كال اموت وماعوفج
محمد:مروان وليدي فوتها جوه خطيه
عمر:والله اذا متفوتين اموتج بال صونده
فرح:هههههه لاعمي مرايده روحي
مروان:يله نفوت
فتنه جوه ورجعلها الدكتور الاجهزة مغذي وباقي اشياء واني بس اتصفن اكول 24 شلون رح تروح واكووول اه شافتني فرح
فرح:مروان شبيك؟
مروان:مابيه شي
فرح:لابيك شي
الدكتور:عفوا صار خطا بالموضوع
مروان:شقصدك دكتور
الدكتور:عزيزي اني كتلك 24ساعة بس تعيش كان قصدي على غير مريضة
مروان:لا بربك صدك تحجي
فرح:هههههههههههههههه اخ بطني ضايح على مود هاي
عمر:ولج غير على شوية جان رح يتخربط😂
حسين:لا نوب سواهه مناحه بس يبجي
رونق:ازيدكم من الشعر بيت جان رح يتخبل😂
مروان:والله جان موتتكم بس حرامات بالمستشفى
فرح:والله جان تزوجتك بس حرامات مزوج😂
سارة:انجبي لج تبوكين رجلي من طبعا بت شوارع وممحجبة ولبسج مشلح
مروان//من سمعت حجي سارة كمت عليه ضربتها
راجدي وكعها بالكاع فرح تكولي:مروان عوفها لخاطري ..اني ماتحملت وسحلتها من ايدها للبيت ردت اضربها لحكني عمر جان يكلي:لك فرح وكعت مداتتنفس...هنا تخربطت احوالي كبل رحت بوجهي للمستشفى شفت فرح رادت تطلع راح عمر عليها
عمر:ترا اذا ضربني اموتج كتل انتي كتيلي واني نفذت
مروان:لك طايح الحظ خليتني مااندل دربي
فرح:لك مروان عوفه بس تريد تتعارك دعوفه للولد تعال انت سوق سيارتي مابيه حيل اني
مروان:ماشي يله صعدي
صعدت وصلنه للبيت كبل لغرفنا لان ميتين تعب وهم جانت دنيا ليل بس اني ماكدرت انام ظل بالي يم فرح منو اللي جان السبب باللي صار اليوم زين اروح اسالها؟ اوووففف عقلي رح ينفجر خل اروحلها وشيصير خل يصير عود
مروان:🤛🚪🤛🚪
فرح:تفضل
مروان:بس اريد احجي وياج بموضوع اذا تعبانة عوفي
فرح:لا عادي اصلا مجايلي نوم بس مو مال واكف وتحجي اكعد
مروان:ماشي..........اللي صار اليوم وحالتج هاي منو سببها؟
فرح:مروان عوف هاي السالفة
مروان:لاماعوفها منو هيج سوه
فرح:رح احجي بس ماريدك تتصرف اي شي من كيفك تمام؟😕
مروان:لا ماوعدج شلون يسوي هيج وحتى ميفكر ياخذج للمستشفى عافج ب دمج انفاسج كوه تطلع
فرح:اممممممم
مروان:احجي شنو امممم
فرح:يمه راح تموتني خل انام احسن😛
مروان:هاي جديدة نوب.....وخري الغطا وكومي حاجيني
فرح:اكولك بس بشرط
مروان:فضيني عاد
فرح:جيبلي نوتيلا وجبس ليز
مروان:جاهل انتي😂
فرح:اي طفلة غير هسه تجيبلي لو انام
مروان:راح اجيبلج امري لله
نزلت ورحت وجبتلها علاكة حلويات وصعدتلهيا همزين سارة نايمه جان موتتني بال نك مالتها
مروان:هاج هاي علاكة حلويات
فرح:يمه فدوه اروحلك[انطاني العلاكة وجريته من ايده وبسته من خدوده]شكرا
مروان:{والله لو ادري هيج جان المحل كله جبته الج}
فرح:همممممم
مروان:ماتنطيني ابن الحفافة اني😂
فرح:هاك اكل
مروان:همزين حسيتي
فرح:مو زين مني انطيتك😏
مروان:ليش منو جابهن🙄
فرح:انت بس صارن الي يله شو كوم اريد انام
مروان:شكد كلاوجيه😂
فرح:وافتخر😜 سد الباب وطفي الضوه بدرب
ورا ماطلع مروان ضليت ابجي وادعي ميعرف منو اللي سوه هيج حتى لايتورط بمشاكل واسال باباتي ليش عافني وليش هذيج المره اجت بعد كل هاي السنين ليش خلتني انكسر مرة ثانية ليش حسن مكاعد يحس بالوجع اللي كاعده احس بيه ليش💔غفيت واني ابجيي واشكي
كلساع افز بالليل واتذكر باباتي نمت ساعة ب4 الفجر وحلمت بيه يكول:بوية سامحيها لامج ماغلطت وحسن هم عشكج ومتخلى عنج
فرح:باباتي ليش هيج تكول ليش تريدني اتاذه
شيخ عمر:ساليهم ليش هيج سووا يبعد بيتي
فرح:باباتي لتعوفني والله مااتحمل بعد
مروان//كعدت تقريبا ساعة ب9 لان تعبان حيل غسلت وبدلت نزلت اتريك لكيت الكل كاعد ماعده فرح
زينه:صباح الخير وليدي
مروان:صباح النور يمه
زينه:يمه تعال تريك حتى تروح للفاتحه
مروان:اي يمه بس وين فرح ماهيه
زينه:والله ياوليدي مانزلت بعدهي نايمه
مروان:مو من عوايدها تنام ل هل وكت
هدى:اخاف صاير بيها شي
مروان//من كالت هيج هدى ركضت رحت لغرفتها ادك الباب ماكو كلهم صعدوا يشوفوها كسرت لباب ودخلت جانت قافلته شفتها نايمه وجسمه صاير مي وبس تبجي وتكول:باباتي لتعوفني اخذني وياك
مروان:فرح فرح اكعدي.جيبولي مي بساع
رونق:هاك مروان
مروان//غسلتلها وجها يله كعدت اول مكعدت حضنتني حيل
فرح:مر.مروان فد...فدوة اروحلك لتعوفني
مروان:ماعوفج لا ماعوفج تعالي يله كومي
فوتتها للحمام غسلت وجها شوية صحصحت صحت على رونق كلتلها:ساعديها تبدل
رونق:ماشي....يله حبيبتي تعالي
مروان//نزلت جوه وكلت:سارة سوي ريوك ل فرح دتاخذ العلاج
سارة:والله عيني مااشتغل عند الخلفوها
هدى:{عزا لسانج شكد طويل ولا تسكت اله تنكتل يله}اكولك خوية مروان اني رح اسوي لفرح الاكل بس ثواني
مروان:ماشي خيتي وانتي حسابج بعدين[واشر على سارة]
يتبع....