البارت السادس عشر
رواية ...جولييت واسرها...غياهب الإنتقام
بقلمي...نور سمو العراق
💔💔💔💔💔💔💔💔💔💔
- لِماذا أنتِ غريبةٍ جدًا يا فتاة....؟!
=لِمَ هذا السؤال ماذا فعلتُ أنا..؟!
-رأيتُكِ تنصحينَ هذا وذاك ليَظلوا أقوياء وأنتِ التي ينهار كُل شيءٍ بِداخلك كقلعةً رملية على الشاطئ.!!
تزرعي بِداخلِ قلوبِهم زهورًا حتى يبتَهِجوا
بينَما جذور قلبِكِ يابسة وأرضهِ جرداء...
تُلملمي شتاتِ أرواحِهم وتُعيديهم إلى رُشدِهم في حين أن روحكِ تتمزقُ من الداخل حتى تتبعثر في كُلِ الإتِجاهات، بينما أنتِ في نفسِ المكانِ باقيه.
=لا أدري رُبما لأن فاقدَ الشيء يُعطيه وبِشدة..!؟
........................................
من تصعب علينا الحياة نتمنى نرجع نعيش الطفوله ونتخلص من حياة الحاضر ...
شكد صعب من الانسان يتمنئ السنين المضت علئ السنين الحاضره...شكد واصل بينه العذاب حتى نتمنئ ماضي راح وانتهئ وعشنه قساوته
اذا فعلا المستقبل والحاضر اصعب من الماضي
ياريت ارجع طفله بس العب واضحك وأنام بحضن امي وما عندي مسؤؤليه واكعه علئ اكتافي
ومشاكلي طفوليه والحل الها بسييط...والحب بيها ما بي شروط وما بي مقابل
هسه اني ام وحامل وطفلين علئ عاتقي،وزنديق سكير يتهدد عليه
بهل يوم جنت اريد احمي منو نفسي،لو طفلي النايم باحشائي وبعده ما شاف النور
لو هل ثمرتين الئ نوروا حياتي،بعد جانت عتمه ويسودها الظلام...
حضنت اطفالي باديه وختلت بزاوية الغرفه وضامه نفسي،هو هجم عليه بسجينته الحاده
صرخت بصوووت عالي وصرت لبوووه لازم احمي اطفالي منه هذا مو بوعيه هذا تخبل رسمي
خليتهم ورايه وهو لازمته ماما رضيه و خالتي ام فلاح
خليت اطفالي وره ضهري وهم يتصارخون من خوفهم من جعفر وتهجمه المباغت
صرخت بوجهه ببركان ثاير بصدري....اطلللع اطلللع منا والله والله اذا مسيتني اني واطفالي ما تلوم اله نفسك
رد عليه بثورة عاااارمه وبصوت جامح ..بنت الكلبببب،بنت الزمال والله والله والله اليوم اله اذبحح بيدي،ولج عاااار تحرضين جاسر علئ بنات اخووي
كد صدره وهو بيده السجين. لا والله ذن مو بنات اخووي ذن بناتي،
صرخت بوجهه واحس گلبي سيوف تطعن بي...لا تسبببب ابووووويه لا تغلط عليه والله مو اني الي كتله
ردت عليه نوال بعصبية...جذااااابه جذاااابه وروح فلاح ذاك النام برملة النجف وشلع عيوووني اني سمعتها هي دكوله سجاوي مصاحبه
خي مكالت هييج جعفر انكلب طنطل فلش غرفتي تفلش كلها تريد تلزمه ماكووو ويصييح ويغلط عليه واني ابجي من الرعب وحتئ انقهرت حيل
لزمت اطفالي واني ارجف وحضنتهم اسكت بيهم وهو رجع هجم عليه مره ثانيه ويصررخ بصوووت احس اركان الغرفة انهزت اله....اطلعيييي برااا اطلعيي انت اخت كتال ابونه ما تضلين ولا دقيقه
خمطني من نصهم وسحب الثوب مالتي الي مخليته علئ راسي،
اني عز عليه اوكف هيج بدون حجاب كدامه ردت اسحب الحجاب منه هو ضربني بالسجيين بقسوووه بيدي،
انجرح باطن كفي والدم تناثر علئ الارض صرخت بألم ناااازف وهو بعده بتهدد ويكولي اطلعي برااا اذا ما تطلعين احرك البيت والله
سحب اطفالي وطلعت اركض وشعري انفتح وهو لسه هاجم عليه وامه وماما رضيه يركضن وراه وريهام خابرت اول ما صارت العركه
جنت لا نعال ولا حجاب الذل شفته بعيني وعزت عليه نفسي اطلع هييج بدون حجاب وبهل بهذله ...
لكيت ثوب رضيه مشرور علئ كرسي بالحديقه لبسته وخليته علئ راسي...ومن شفته اجه يركض عليه وكع مني بس ضليت لازمته بيدي
طلعت للباب الرئيسي واشوف جاسر وصلاح طبكو بباب البيت
شفته من بعيد والتوتر والقلق والارتجاف واضح علئ اديه
من شفته بجييت بصووت عالي دا احس بخنجر يخترق روحي خنجر مسموم نابت بين شراييني و اوردتي...
الوحش الي جان هاجم علئ فريسته من شاف صكاره وكف بكل صدمه واذلال
عاد هو نزل من السياره بسرعه هو وصلاح واتجهه اليه بعد ما سحب الثوب من ايدي وغطه شعري
حطيت اديه علئ شفايفي وكتمت صرخاتي اول ما شفته لزم ايدي بقسووووه وباوع الجعفر
اني اذا صرخت والله وروح ابووويه المنطقه كلها اجمعها عليهم
باوع الجعفر كله شكوووو؟
سحبته ماما رضيه وامه كلتله لا ماكو شئ هييج سوء تفاهم
هو سحب ايده بقسوه من ايد رضيه وصرخ بيهن ...شلووووون ماكووو شئ ومرتي تركض بالشارع مثل الاسيررره هااااا
بجيت بصوووت عالي وبين كل هل ضجيج الصاخب صرخت بقهر ويأس....اااااااااااه ياربي موووتني،وخلصني،والله ما اريد اعيييش ياربي رحمتك
باوعت الجاسر بدمووع...بروووح بنتك بروح غزل ذييج الماتت محرومه مضلومه اني محرضتك علئ،بنات فلاح ؟
هو باوعلي،بحده وتقرب من جعفر جابه براشدي وكع من طووووله
جعفر وكع علئ الارض ونوال صرخت بصووت عالي...هااا ارتاحيتي هااا تردين تكاتلين الولد
وكف جعفر بغضب من ضربة جاسر اله وركض بهجوم عليه جابه ببوكس علئ حلكه خلاه يصب دم
والنسوان تصرخ وصلاح محتار ويه منو يصف صارت مكاصب والعالم الجيران التمت علينه
جاسر موت جعفر تموت ...
اني ركضت الريهام بخووف لزمت اديها بتوسل...فدوه رهووومه خابري ابوووج خلي يجي بسرعه حتكاتلون
باوعتلي،بخوف...اخاف جاسر ميقبل لان ميحجي،ويه اهلي
رديت عليها بدموع...خابريهم خابريهم هو عمهم وبمثابة ابوهم هو يسكتهم احسن ما الجيران ملتمه علينه والله انفضحنه
هي خابرتهم واني طلعت للحديقه بسرعه شفت العالم ماخذين جعفر عندهم جيرانه ذوول اسمهم بيت ابو حاتم
وجاسر واكف بنص الشارع ويصيح وصلاح واكف بصفه يهدي وهو يصيح...مالكم شغل انتم انطوني،جعفر والله اليوم وين يروح وين ينطي وجهه اني اليوم كتاله كتاله...
صلاح لزمه ...كافي جاسر يجي ونحاسبه
صاح بصلاح...بالله انت وخر من يمي هذا جعيفر تمرد هووواي ومحد لازمه ومطييح حضه
رد عليه الرجال...عمي بعد هو دخل عدنه واحنه ما ننطي دخيلنه
هو كعد بالباب وطلع باكيت الجكاير ضل يدخن...بسيطه جاااا وين يروح لو يطير للسموات اليوم الزمه الزمه...
مسحت وجهي بقسوووه باوعت الايدي اختلط الدمع بالدموع المالحه ولا حسيت بالجرح جرح گلبي،والله اعمق...
هنه دخلن جوه ونوال دخلت خالتي ضلت تصييح بصوت عالي...الله اكبر الله اكبببببر ولجن تردن تكاتلن ولدي الله ينتقم عليجن الله يطيح حضجن والله اذا واحد من الولد صار بي شئ ثنينجن اطردجن...
شويه واجه عمي الشيخ وجابر احنه دخلنه جووه وخطيه ريهام راحت سوت جااي...
اني كل شويه واجت عليه نوال...هااا ارتاحيتي هيج احسن الج الفضيحه احسن الج والله بنيتي يتيمه تشور...
كتمت غضبي بالكوووه ومسحت وجهي المحتقن بقسوة...
جرت نفس وكملت...وروح فلاح اليوم لو اني لو انتي،بالبيت اله افضحج كدام شيخ عكاب حتئ يعرف انتي حية تبن
رديت عليها من بين اسناني ...والله العظيم ورحمة بابا وترابه هسه اذا ما وخرتي مني ارتكب بيج جريمه وادخل سجن
لطمت صدرها وصاحت بصوووت عالي،...تعالووو يا ناس يا عالم اخت المجرم تهددني
اني درت وجهي ودا اساعد ريهام بالجاي دخلت رضيه وضربتها علئ كتفها حييل وصاحت بيها...ومرض حتئ مرض يا ما تستحين
شوفيها البنيه شلون هادئه وانتي صوتج يجيب التايهه ام المشاكل ام العلوم...
عاد هي فتحت عيونها بعصبية وتخصرت وردت عليها بصوت عالي....انيييي انيييي ام المشاكل اي،مو اني الي،اخوووي كتل رجلج واني الي حرضت جاسر علئ سجاوي واني كلبه بت سطعش كلب
دفعتها رضيه بغضب...دروووحي موتينه
خلت وراحت وهي تدعي ووتحسب ...
ماما رضيه باوعتلي كالت باسئ...روحي يمه روحي شدي ايدج
جريت نفس حزين ...هسه ماما بس،خلي اخلص
كملت الجاي وخليت و رحت ويه ريهام خطيه هي شدت ايدي بوصله قديمه ما عندها شاش
شويه واجو الجيران جابو جعفر وكب الصياح والغلط.. والتهديدات جان يوم مرعب ضليت اقره ايات وارجع ليوره....
بلكي الله يهدي سرهم...
..........................
جابر...
جان دنيا اليل واني هسه دخلت للبيت لكيت وقار تخابر بصديقتها ضجت من هاي البنيه حييل احس ما خذه وقار مني
بس اني اتغاضئ عن كل هذا اكول خطيه وقار محد وياها بالبيت خليها تلهي نفسها بصديقتها السوريا
مرات اشك بهاي البنيه تعرف بيت عمي بس حذره باسئلتها وتسأل بطريقة غير مباشره
وقار من شافتني ابتسمت وحجت ويه البنيه بهدوء...يالله يعمري اني اترخص اجه زوجي
قفلت الخط واجت وكفت مقابيلي وابتسمت كالت...اصبلك عشا
كرصت خدها واني افتح بازرار القميص...شمسويه عشا
رفعت عيونها بتفكير...اممم سويت اكله طيبه وسريعه وبسيطه وبيها جبن ههههه
كرصت خدها بمرح...شنو حزوره ههههه
ضحكت ولزمت ايدي...سويت بيتزا وعمتي وعمو يكولون كووولش طيبه بس عمو عكاب موتني ضحك
عقدت حواجبي واني مبتسم...ان شاء الله ضحكة خيير بس علئ شنو ضحكج
حطت ايدي علئ شفايفها وهي تكتم ضحكتها البريئه.....هههههههههه يكولي انطيني خبزه اكل بيها البيتزا كتله عموو هيج تنوكل مو بخبزه
ضحكت وسحبتها من خصرها...ههههه رجال باچچي ويه و وين البتزا وين اكو شيخ ياكل بيتزا
ويه مجاي نحجي هييج وابوووي صاح عليه بصوت عالي....بوووويه جااابر تعااال بسرررررعه
رحت اركض عليه وهو سبقني بخطواته طلعنه بره لزمته من ايده بتساؤل...خييير يابه شكو شصاير ؟
ركب السياره واني ركبت بصفه كال...خابرتني ريهام وجاسر وجعفر متعارك والعالم ملتمه عليهم
فتحت عيوني بصدمه ...ويابه وشكو ترئ مو جديده يوميه جاسر كاتل جعفر وذاك جاي سكران وعنده شئ عادي وطبيعي
باوعلي بقهر...لا بووويه مو هييج السالفه چايده هل مره جعفر مو سكران وطارد مرة جاسر هي وجهالها وشايفه جاسر ومتخبل
بلعت ريكي باندهاااش...شنو طرد جولييت ليش شمسويه هل مسكينه
تنهد ابوي وهو يسووق...والله بويه ما اعرف نروح ونشوف شني الوجبه....
تنهدت...بس بويه اخاف جاسر يتعارك ويانه واحنه مو صلح وياه ؟
ضرب علئ كتفي باطمانان...ما الك شغل بويه ما الك شغل اني المسؤؤل عنهم واذا طردنه اني اعرف شلون اتصرف وياه
استسلمت للامر الواقع و وصلنه البيت عمي شفنه الهوسه بالباب وجاسر يكول للجيران انطوني جعفر اليوم اذبحه ومعاند
اجه ابوووي لزمه من كتفه كله بتوسل...بووويه جاسر ادخل وخلينه نتفاهم
هو باوع الابويه بغضب ورجع باوعلي وابتعد خطوات بسيطة عن وجودنه
رجع ابوووي لزمه...تعال بووويه جاسر خلي مشاكلنه القديمه علئ،صوب وخلينه نشوف شنو هل مشكله ترئ انه عمك وبمثابة ابوكم لا تخلوني وراكم
هو دخل وصلاح والجيران واني دخلنه للاستقبال وكل شويه جيب الجاي جيب المي
شويه وجابو جعفر دخل للاستقبال وهو يباوع الجاسر بخوووف وترقب
وجاسر جان كاعد علئ،القنفه وهو يدخن اول ما دخل جعفر باوعله بحددده وخزره حييل
جعفر بعده ما كاعد ضل يصيح ...عمي عكااااب ترضاها ترضاها هييج اخوتي يسوون بيه شافوني،فقير يردون ياكلوووني
وكف جاسر بغضب وتهجم وهو لازم النفاضه واني لزمته كله بصوت عالي...تسكت لا افلششش راسك بالنفاضه
صاح علئ جاسر بصوت عالي...انت انت مرتك حرضتك علئ سجاااوي والله كله بسبب جولييت
اني كله ولا شرف مرتي نوال وبنتي سجاوي
صاح بي جاسر بغضب...انجب لك ساقط لك كووواد والله اليوم اندمك علئ هل سالفه ولك شلووون تذكر اسم مرتي كدام الجيران
من طاااح حضك وحض سجاوي يا عااار يا زمااال
ابوي رد علئ جعفر بغضب...اسكت لك شنو سجاوي شنو مرتي اشو انت ما تعرف تحجي ...تحجي عدل لا والله اني اربيك من جديد
دك علئ صدره بغضب ....ايييي انتم تردووون تكتلوووني بس والله ما اخليكم والله اني اكتل روحي وابليكم وخلي ترتاح اخت كتال اهلي خلي ترتاح جولييت
عاد جااسر كطف عليه النفاضه اجت بالحايط الحمد لله ما اجت بي جااا سوت راسه نصين...
دفعني بغضب وهو يصيح عليه...ولك عوووفني عوووفني هذا تماده هووواي
صلاح صاح عليه بصوت غاضب...ولك انجبببب انجببب سد حلكك انت شنو من مله دومك منزل راسنه لا من انت صاحي بيك خير ولا من مو صاحي بيك خيير....
رفع اصبعه بتهديد وصراخ...انت هم تكرهني انت صلييح اصلا ريهام توزك علئ نوال مرتي وتجي تحاجي سجاوي لان تلعب بالموبايل
جاسر...بالقررران لو بس شويه تعوفني رحمه الربكم عوفوني هذا ما يتادب اله من اطييح حضه وازورك وجهه وامووته ...
صار الصياح والغلط والكل يتهدد ابووي طلع جاسر وصلاح برا لان خبصو الامه وذاك جعفر من كثر ما رزلوا شك قميصه وضل يبجي ويصرخ تعجبت منه مو طبيعي اببد مو طبيعي...
جاسر حط ايده علئ جبينه بتوتر ولزم خصره وهز راسه بقهر...لك والله موتني جنه ابو بدر رجل فوزيه كل شويه وكال مرتي نوال و مرتي نوال طاح حضك وحظ نوال يا نعال...
انوب كل شويه وذكر اسامي النسوان كدام الجيران العار ابو العرك...
باوع للبوري مال المرجوحه كال...دخلوني اكسره بهذا البوري هو متعلم اذا ما ينكتل ما يتوب
لزمه صلاح بهدوء...دكووول يالله يمعوود هو مدري شبي مو طبيعي...
ولك يركض وره مرتي وحافيه وحتئ حجاب ما الابسه ادري يا زمال يا عاار شنو سبيه عندك فصليه مالة اهلك
والله اذا ما ندمتك علئ هل سالفة شلووون ام مرتضئ تركض بالشارع بدون نعال وحجاب والله اتمنيت امووت ولا هل يوووم...
عفتهم برا والجيران واكفين يمهم ودخلت جوه لكيت ابوووي يحجي ويه جعفر وهو يبجي يكله...عمي والله ما ادري شبيه همي احس كلبي يريد يطلع من مكانه...
والله تعبت والله ملييت والله علئ ساعه اكتل روووحي اني اتخبل واحد يحجي ويه سجئ اكتل اهلي كلهم علئ سجاوي...
محد ضل من الجيران كلها طلعت وابوي صاح علئ نوال وسجئ دخلن وهن يبجن
ابوي باوع الهن بعصبية ...اكلج بووويه هو عمج جاسر من حاجاج ضربج ؟ غلط عليج
ردت ببكاء...لا جدووو ما غلط عليه ولا ضربني ..بس اخذ موبايلي
باوعلها بغضب...ليش وصلتي لعمج جعفر مو عيب يعني احسن هيج انفضحتوا كدام العالم
جاوبت بخووف...لا جدووو والله مو اني اني محجيت ابببد
ابو باوع النوال بعتب وقبض علئ سبحته هي جاوبته والدموع تتطاير من عيونها...عني عكاب عليه العباس ابو فاضل وداعة ذاك اليسطر بالحضره جيب القران واحلفلك بي اذا اني نطقت بكلمه لجعفر
هو شاف سجاوي ضايجه وعرف عمها مأخذ منها الموبايل وهو جاسر مو من حقه ياخذ الموبايل من سجاوي
ابوي جر نفس ورد عليها...جااا بويه جعفر شنو اشتم ايده وعرف جاسر ماخذ الموبايل لو ما انتن حاجيات اله وبعدين بويه حتئ لو جاسر اخذ الموبايل منها ما يستوجب كل هل دموع وكل هل عرك عييب بويه عييب...
كمز جعفر من مكانه...لا نوال ما حجتلي نووال ابد ما توصل حجي بس هي هاي جولييت اكبر حيه ومنافقه وحقيره هي الي حرضت جاسر علئ سجاوي
ابوي نزل راسه وجر نفس ...يا طلابت سجاوي الما تخلص هسه شنو فرخه بكد النعال بيدها موبايل ومحد مراقبها انت شتدري شتسوي من وراك
جعفر بغضب...لييش الكل باطل لييش ريهام مو عندها موبايل وقار مو عندها موبايل هي هاي جولييت مو قبل عندها موبايل رضيه عندها موبايل بس علئ سجاوي انكلبتو طناطل...
ابوي تعصب عليه كله...خااب كوووم شو انت ما تعرف تحجي شنو رضيه عندها موبايل شنو ريهام ...ادري هنه بكدها هاي طفله ومراهقه وهذن كبار ومتزوجات خليها تتزوج وخلي رجلها يحط بيدها موبايل
وهسه ميخالف خليت عندها موبايل اراقبها اشوفها شسوي ويامن تحجي مو تخليها تلعب شلم بلم بكيفها...
رجع ابويه اشر النوال وبنتها تطلع وضل يباوع الجعفر انقهر عليه حييل خطيه رغم اليوم السواه وكلامه المو منطقي بس يكسر الخاطر
وجهه كله دم وشاك قميصه ويبجي من ماتوا اهله ما سوه هييج عمي هنيال سجاوي وام سجاوي علئ جعفر ...
بس لا والله جعفر ابد مو بوعيه وابد مو منطقي والله هذا الولد مسحوور مبيين مو صاحي ابد
اني جعفر اعرفه يحب يضحك يسولف يحشش بس هذا مو جعفر هذا شخص ثاني
صدك مثل ما كالت صبريه مسحوور لان هو جان يحب شهد حييل شلون تنازل عن شهد الخاطر نوال
وهو يشوف ابليس وما يشووف نوال هو مو من مات فلاح يكرهاا...لا يكرهه من زمان يكول منافقه وجذابه وحيه ام راسين شلون هسه كاتل روحه عليها والله مو منطقي...
ابوي دنك عليه وباسه وحضنه ضحك كله...لا بويه انت الحلو مالتنه انت الكعده هههههه
وصاح علئ صلاح ضل يحجي وياه وفهمه واجه صلاح كال اني ما عندي اي مشكله وياه عادي ابوسه هو اخووي...
ابوي كال الجاسر ترئ هذا مسحور مو بوعييه تعال خلينه نقشمره وبوسه حتئ ناخذه للنجف ونبطل السحر...
جاسر طنكر وضل يحجي ...والله لو يضل بس جعيفر لو يجالع ما ارضئ عليه وبسيطه لو مو مسحور علئ هاي عملته اكتله اكتله
ابوي حاول وياه وبعدها جاسر قفل وما اقتنع بكلام ابويه ...فابوي اخذ جعفر ورحنه البيتنه
.........................
جولييت...
ناس ما تتعاشر ما تتعاشر ما الوم نفسي اذا هجيت باليله ضلمه بس اصبر الروح واطمن نفسي بالايمان والامل برب العالمين
اليوم الصار عجيب جعفر طلعني من البيت وضربني بيدي بالسجين انهضمت حييل والله ابويه بعمره ما ضربني مو يجي انسان محرم عليه ويضربني
كاعده بالمطبخ وصافنه بالفراغ والحسره تاكل بصدري
اجه مشمش ولزم ايدي بحنان كال...ماما ساي ساي ..« جاي جاي »
مسحت دموعي ...المن جاي حبيبي
رد بمرح...دييج يليد ساي ..« الديج يريد جاي »
ضحكت بحزن عليه شر البلية ما يضحك دائما احمد ربي هم بحياتي ...
حضنته وبسته بخده...لا حبيبي هو ميشرب جاي مو زين عليه
ضرب رجله بالارض وجاوبني بعناد....مااااا هو يعب سااااي
جريت نفس ووكفت لزمت ضهري بوجع صبيت جاي بكلاص بلاستيك وبردته بمي
وهو اخذاه و راح يركض خلاه كدام الديج ومرتضئ لازم الديج
مشمش يكوله بسياسه...اشرب عبيبي اني اعبببك احقلك تكر...« احطلك شكر »...
والديج يصيح يريد بس يعوفونه هسه هو عاتب عليكم تشربونه جاي ادري قابل متغدي باجه
محتارين شيسوون وياه عذبوه هذا الديج صبريه داعيه عليه باليلة القدر وهيج تبهذل بنص اطفالي
اجت نوال وطردتهم وطردت الديج واخذت الجاي كلتلهم بغضب...يالله امشو منا احنه بيا حال وانتم لازمين الديج تشربون بي جاي بس مو صوجكم صوج امكم الفاهيه
رد عليه مرتضئ....انتي سعليج وده القاووه « انتي شعليج وجهه الطاوه »
هي ركضت عليه وهم شردو ثنينهم ويضحكون بصوت عالي عبالهم السالفه لعب
ابتسمت بحزن عليهم وجريت نفس
وكف مجتبئ بباب غرفة رضيه ورد عليها...ماما علوه عبل...انتي ان علوووه انتي دنيه...« ماما حلوه ماما تخبل انتي مو حلوه انتي جنيه »
صاحت بي بغضب...انجب ولك المعووق بس الزمك اله اموتك تموت
رد عليه وهو يقلد علئ كلامها...ننننننننننه
كطفت عليهم النعال وهم دخلوا بسرعه الغرفة رضيه وصوت ضحكم واصل للمطبخ...
ابتسمت...هههه مينخاف عليهم سحلوها سحل الحيوانه محاربه الكل ومسويه روحها مسكينه
رحت الغرفتي دخلت واني لازمه ضهري موووتني من الوجع...ويوكع عليه مي
اول ما فتت للغرفه دمعت عيوني واني اشووف غرفتي صايره سكراب جعفر فلشها تفلش
واني حييل مهتمه بيها واحبها ودائما نضيفه ومحافظه علئ اخشابها ...
باوعت للمكينه واكعه علئ الارض والميز مالتها مكسر...ما اريد اشوف هاي الهوووسه طفيت كل الكلوبات ضل بس كلوب التحفيه...
كعدت بنص الهوووسه وبجيت بقلب،محروووگ اريد اقووي نفسي واكتم الي بداخلي ما كدرت
صورتي مال العرس صغيره وبيها جام مكسوره ...جانت هاي الصوره كووولش حلوه هو كاعد واني كاعده علئ طرف رجله ومحاوطه رگبته باديه ...
لزمتها وسيول من الدموع انسابت علئ خدودي...
غمضت عيوني ردت انام بس المهضوم وبعينه دمووع ويريد ينام عبالك فوك الجمر نايم ...
شهكت من البكاء مديت ايدي وطفيت الضو مال التيبلام وحتئ،اطفالي ما ادري بييهم...
امي ما يحترك كلبها عليه ما دكول هاي،شلون عايشه لو اني ابد ما أهمها
زين يعني هم اجي ببالها لو نستني زين ليش،ما تريد تتواصل ويايه شنو الذنب الي اذنبته
حسيت بالضو اشتغل فتحت عيوني المتعبه من كثرة البكاء شفته واكف بكل جبروته وهو لابس قميص اسوود مرفوعه اكمام اردانه وبنطرون اسوود من شاف الهوووسه جر نفس...
القئ بنظره عليه وتقدم مني خطوات كعد ركبه ونص وسحبني كعدني وحط ايده علئ خصري وحضني حييل صار راسي بصدره
شايفين من واحد يحس نفسه يتيم ويجي يطبطب علئ كتفه يريد بس استجابه من العالم حتئ يتعلق بيهم
دفنت وجهي بصدره وبجيت بصوووت عالي وشهكاتي احسها وصلت الاعماق صدره ...
مسح علئ شعري بحنان وهمس بهدوء...اشششش كااافي كاافي لا تخافين اني يمج
رفعت عيوني الدامعه الها وهمست بعذاب...جاااسر اني يتيمه خافوا الله بينه اني مو بس ابويه مات امي وابوويه ماتوا ثنينهم...
اني بس نفس وامي حياة واني دا اتنفس بدون حياة صدكني...
احتضن وجهي بكفوف اديه ومسح دمعتي بطرف اصبعه الكبير وجر نفس عمييق...ردت ارجعلج الحياة بس للقدر رأي ثاني وحياتج ما رجعتيلها...
حطيت ايدي علئ صدري بنحبب...ما اريدها ما اريد امي والله بعد اكتفيت ولا اريدها
اردفت بانهيار...ما اريدها ولا احببببها اكرههههها اكرههههها شايف وحده تكرههه امها هي هاي اني جولييت اكره امي وهي مو حياتي واني لا اتنفس ولا عندي حياة....
حضني حييل ودخل اصابعي بشعري...لا تعذبيني والله اليوم من شفتج بهل حال وجعفر وراج لعنت نفسي الف مرة
بعدني،عنه شويه وثبت وجهي باديه وهو يباوع الانحاء وجهي...انتي ما الج ذنب بالصار كله وما اعرف حضج شبي ليش دائما معاكسج رغم انتي طيبه والله...
بلعت ريكي المر بحيييره ومسحت وجهي بعنف...ما اعرف مااااا اعرف اني فد وحده فكر ومكروهه والله طلكني انت من شفتني ما شفت خيير خليني اوولي
اروح بستين داهيه
ضحك ببرود...هههه من كل عقلج علئ شنو اطلكج انتي مو فكر بس هذا اختبار من رب العالمين النه ثنينه مو بس انتي اني مرات رسبت بس انتي ما جزعتي احييج والله ...
جنت زلامه الصوره بيدي ابتسمت بحزن...شووف انكسرت بعد ما تتصلح
اخذها مني وسحب ايدي وباسها كال...ولا يهمج اصلحه وترجع احلئ من قبل
اشرت علئ نفسي بألم...بس اني انكسرت مني يجبرني ؟
ركز بعيوني ثواني ورد عليه بحزم ...جولييت انتي الي ومرتي ومحد يجبر خاطرج غيري مفهووم
نزلت عيوني واني اشهك...انت ذاك اليوم شبعتني راشديات من رحت للشيخ
رد ببرود...اي ترئ مستاهله هل سالفه ما تتسولف انتي طلعتي من دوون علمي وهذا ذنب بالنسبه الي ميصير تطلعين من دون علمي...
انتي من تطلعين ما تعرفين يمكن واحد يتعرض الج او يصير انفجار واي كل شئ يصير ...
يعني فرضا فرضا صار انفجار ولا سامح الله رحتي بي ويخابروني يكلولي مرتك موجوده بفلان مستشفئ
اني بهل حاله شسوي يعني لا اعرف انتي وين رايحه ولا اعرف اذا انتي بخير او بشر
لازم يكون عندي علم لان هذا ذريق كلشي،يصير بي بس انتي متهووره ما تصدكين تلبسين نعالج وتطيرين ...
يعني خصم الكلام انتي ضاربتني بعرض الحائط ترئ اني صاحب حق بس انتي دائما تشوفين نفسج انتي علئ حق...واني دائما اكول خطيه وصغيره وما تفهم لا تاذيها
رديت عليه بوجع...اي علمني مو تضرب ؟
باوعلئ بنظرات سخيفه...دمشي لج هو راشدين وخفيفات حتئ ما بيهن خير وعيب نحجي بيهن
لميت شعري بقهر...ترئ يوجعن
رخئ ضهره علئ الحايط ببرود واني بحضنه كال...شسويلج اذا انتي،مايعه صيري قوويه هييج حووك كون محد يندك بيج
درت وجهي عليه ورفعت راسي اله همست...اصير مثل صبرية
عض شفته بقهر...لاااا كلشي ولا صبريه تطير منج الانوثه خليج جكليته مايعه تذوبين اول ما احطج بحضني ...
نزلت راسي وابتسمت بحزن الحمد لله زين من يعرف يجبر خاطري
حط ايده علئ رگبتي كال بجديه...احجيلي جعفر اليوم شبي وياج وشلون تهجم عليج
سولفت اله عن الصار وهو كب نااار كال ...والله لو ما هاي العالم جان موته
لزمت ايده بحنان...لا جاسر جعفر ابد مو بوعيه مستحيل يكون بوعيه والله ترئ جعفر يتخبل من نوال شنو بيوم وليله يموت عليها ويطلك شهد اكو شئ،والله
تنهد بضيق...يكول عمي مسحوور
جاوبته بلهفه...اي اكييد والله لان نوال ما تكعد راحه هسه تسويلنه كووولنه وتخبلنه هسه شوف بعد يومين انت تركض ورايه بسجين
ضحك بصوت عالي كال...لا يابه مياثر بيه اني ماكل ويه اليهوود ما يمر بيه سحر ...
رفعت حواجبي باستغراب ...تحجي صدك ؟
كرص خدي...سامع هل مقوله صدك جذب بعد ما اعرف بس بصراحه اني ما اتذكر فد يوم صار بيه سحر...ولو الانسان لازم يحصن نفسه يشغل رقية شرعيه ضد السحر عباره عن ايات قرانيه وهكذا
هزيت راسي بقبول باوع الارجاء الغرفه وارتكز بنظره علئ المكينه ابتسم بشماته كال...صدك اني محروك كلبي لحد الان و احاول اهدئ اعصابي بس صدكيني جعفر رغم مطي بس سوالي شغله بيها خير اليوم
عقدت حواجبي باستغراب...شنووو؟
ابتسم بخبث...انكسرت المكينه
ضربته بقضة ايدي علئ صدره بزعل....انتم كلكم خبثاء حاربتوني برزقي
كرص خصري بلعانه...ولج انتي محاربتنه برزقه وهااا صدك شلونه حملج بس لا صار عندج نزف
حط ايده علئ بطني ورد بقلق...وين تحسين الوجع هنا هنا لو جوه بطنج
سحبت ايده وبعدتها واني اضحك بسخريه...استقر عيني الدايه ام زكي ما بيه شئ اني أطفالي معلمين علئ الصدمات
رد بفخر...اسباع علئ ابوهم
جاوبته بحده...اقوياء علئ امهم...
حط خشمه علئ خدي وهو يشم بي...ونعم منج والله احلئ قويه وداعة وجهه الطاوه
رفعت حاجب...تستهزء
رد بجديه...لا والله ليش استهزء انتي قوويه وبربوك
ضربته ضربات عشوائيه علئ صدره هو ضحك ولزم اديه يتفاده ضرباتي الضعيفه ..اهوووو لا دكوول هييج لا دكووول هييج لاتصير خبيت
لزم اديه وجاوبني ببراءه...شسوي مو لساني متعود علئ هل كلمه ام مرتضئ انتي ليش هيج قاسيه ليش محاربتني
رديت عليه من وره خشمي...سوالف نوال لا تمشين عليه
رد بغرور...مو هن ما يشمن بس عليج
هزيت ايدي بقهر...شسوي فقيره و وكعت بنص الذيابه
رد بفخر...عمي صايره ذيبه محد يكدرلج
اردف بحنان ...يالله بعد عمج كوومي خلينه ننام بغرفتي
جاوبته بنفي...لا انام هنا
رد بغضب...لاااا ما اخليج تنامين بهاي الهوووسه
جريت نفس حزين...لا ماكو داعي هسه انضفها احسن ما اجي انام يمك وثاني يوم نوال دكول عرس عليها
نهر كلامي بحديه....شنو معرس عليج والله التحجي كلمه انتي بس كليلي اله اشك حلكها بالقندره واريد واحد يحجي
وبعدين مدام انتي مرتي لو جيرانه شهل اكلان نعل يالله امشي وان شاء الله بس،يخلص ترميم البيت نشيل منا احسن من هل دوخه
ضحكت بمرح ....اي الله عليك خلينا ننقل منا ترئ،مدا اتحمل ابد اكعد هنا
هز راسه بقبول كال...يالله امشي خلينا ننام
جاوبته بنفي...لا ما اروح مستحييل منا لمن نشييل
سحب ايدي ووكفني كال بغضب ...تمشين لا اشيلج واخذج غصبا عنج
تعصبت...ترئ وهذا ظلم ويسمونه حكم القوي علئ الضعيف
كال ببرود ومسايره...هااا ما جنت ادري بس يالله تمام واني ظالم ويالله كدامي
ضربت رجلي بارض...مااااا
رد بغرور...وعلاااا يالله كدامي يالله ام اللسان العنوديه
وكفت بمكاني وما مشيت تقدم مني بتساؤل...اشيلج مثلا كولي شيلني ليش تشلعين كلبي لها درجه مشتاقه الحضني
باوعت بتوتر...خير خير شنو حضنك شنو تشيلني شكوو شبيك
تقدم مني راد يشيلني واني ابتعد ورديت عليه.. يالله يالله حمشي،وياك....
مشيت واني اخزر بي وهو يباوعلي ورافع حاجب كال...علئ يوم عميهن هل عيون كد ما يخوزن
دخلت للغرفه وجريت نفس...هسه لو مخليني منضفه الغرفه ونايمه بيها
رد بجمود...محد ينضف الغرفه غير جعيفر مثل ما دمرها هو ينضفها
جاوبته بصدمه....ياااااا
مشئ خطوات وهو ينزع قميصه...اي والله
كعدت علئ السرير وهو دخل سبح وطلع باوعلي واني افتح بالوصله بوجع واباوع الايدي
هو اجه كعد بصفي ولزم ايدي شال الوصله شاف الجرح تخبل كال باندهاش ممزوج بغضب...هذا جعفر ضربج
تنهدت بقلق ومجاوبته
هو جر نفس ومسح وجهه بتوتر ...شلون ياربي والله بتليت بهل جعفر بلوه اكتله واخلي برگبتي هو ما ريح ابوي قبل لا يموت يريحني اني
راح جاب شاش ومعقم ولزم ايدي بلطف مسح عليه المعقم بهدوء حسيته حركني عصرت ايدي علئ الثانيه علئ الفراش وغمضت عيوني بووجع
حسيت بي يلف بيها فتحت عيوني مصدومه بعد ما حسيت بملمس عذب علئ شفايفي
رمشت بعيوني ديبوسني ويداويني وثنينهم ما ينجمعن عند الكاسر كلبي يخفق بقووه و روحي طارت من بين اضلاعي
ابتعد شويه وحاولت اغير الموضوع...جاااسر اريد اطفالي
زفر نفسه ورد عليه ...نايمين يم امي رضيه لا تطيرين نومة عينهم
لزمت ايده بتوسل...لا فدوه عيني ما تغمض وهم مو يمي والله ما اكدر انااام
غمزلي برومانسيه...خليهم اليوم وخلينا ناخذ راحتنه
عقدت حواجبي بالم...لا عفيه الله يخليك والله كلبي ذاب عليهم ما اكدر اعوفهم مو يمي
باس خدي ومسح علئ شعري و وكف راح طلع بره الغرفه يجيبهم واني نمت علئ السرير وتغطيت
شويه وجابهم اليه حطاهم بمكان هو مخصصه الهم واجه نام يمي وتغطي
وهو يحرك اصابعه علئ ملامي الحزينه
همست بعذاب...بعدك تخاربني باخويه عاصم
رد بغموض....لااااا
نمت باحضانه تعبانه وموجوعه وطفل نايم بحشائي وما يعرف من ضلم هل حياة شئ...
هو انام واكعد والكاه كاعد ومبين موضوع اليوم كووولش ماثر بي
لان من حجه ويه الشيخ كله اليوم حسيت مرتي اسيره ولكم شنو سبيه عندكم واني ما ادري وبعد بس واحد يكول جولييت اخت كتال اهلنه اكتله والحكه باهلنه
كافي مصختوها وطلعتوها من ماعونها ...
جولييت مرتي والي،يمسها يمسي واشك حلكه اليحجي وياها كلمه وحده...
حمد لله وشكرته علئ نعمته يارب دووم يصير زين ويايه
رغم قساوته وجبروته بس يضل الداعم الوحيد الي والسند الاول الي يوكف بوجهه اعدائي
ربي يحفظه اذا مو الي لاطفاله
............................
شهد
كعدت الصبح كلبي مقبووض وضايجه مدري شبيه وكارهه حتئ روحي
يمكن هرمونات الحمل لا والله بس،ضوجه واحد وين يولي مكابله زوجته ابويه وكاعده
شويه واجتني كالت وهي مزعوجه...اكلج امشي روحي للسوك جيبي كارتونه جبس ليز وجيبي طبقة بيض
هزيت ايدي بقهر...والله بطرانه اني ما اطلع للسواك روحي انتي زين مني وكاعده بالدكان
تخصرت بخبث...لا والله ترحين غصبا ما عليج والمره الماترووح
رديت عليها بانزعاج...دروحي مني ما الي خلك مشاكل ولا الي خلكج
صاحت بصوت غاضب...بت النعال بت الزمال تمشين وغصبا ما عليج والله اذا ما عجاجبج تولين منا تخلين وتطلعين واطيح حضج مو ضاله بس اكل ونووم
تمدد ورفعت ولزمت موبايلي،دا العب بي وهي هجمت عليه لزمتني من شعري واني ما قصرت كفشت شعرها...
ضلت تصييح وتغلط وطردتني عمتي جانت ماجره يمنه خليت ورحت الها
شافت وجهي مخرمش بس اني ولا بجيت ولا شئ كالت عمتي بصدمه...شبييج منوو وياج شكو ويه منو متعاركه
رديت عليها بجمود بعد ما شمرت العبايه...ماكو شئ سوء فهم اني وكلبة مرة ابوويه هي عوجت حلكها وخلت وراحت عرفتها ضاجت
كعدت ثواني وبعدها لبست عباتي ورجعت البيت ابويه وعمتي تصيح ورايه...شهد يااا شهد وين موليه
مجاوبتها وهي سدت الباب ودخلت ضحكت باستهزاء...عساس هامتها شهد عشتو...
وصلت البيت ابويه دفعت الباب برحلي ودخلت هي باوعتلي وتضحك كالت....هااااا طردت عمتج
ضحكت بصوت عالي مستهزء....ههههههه لا يروحي اني الي لازم اطردج لا انتي ما الج اي طابوكه بهل بيت....
رفعت حاجب وردت بشماته...شلون ولج وابوج ما معترف بيج
جاوبته ببرود....اي مو انتي جنتي تحرضين بي وهسه لازم تحسنين من نفسج...وتحمدين بيه كدام ابويه
ضحكت باستهزاء...لا والله تامريني مثلا
ابتسمت....اكييد
ردت بضحكه...هههههههاي شلون بالله
تقربت منها بثقه ...ممممم عندي فيديو ضدج انتي وابو طخه اذا ضريتني بكلمه والله انشره اني ضامته عليج من زمان
وهااا لا عبالج بموبايلي ولا شء اني مخليته عند شخص ثقه واذا ضريتيني
كالت بصدمه بعد ما فتحت عيونها علئ وسعهن...شنو انتي شنو تحجين جذابه بيج خير لا تجذبين
ابتسمت ...اوك هسه ارسله الج بس هااا ترئ مو بس عندي ضامته عند شخص ثقه بس تحاولين تاذيني هو ينشره وتعالي شوفي الفضايح تطشين وداعتج هههههه
رحت للغرفة تحت صدمتها وطلعت الرام من بين ملابسي ورسلته الها
طلعت الها واني ابتسم بشماته وهي جانت تباوع للمقطع بخوف ورعب باوعت الي وبلعت ريكها
ضحكت وكعدت علئ الكرسي رجل علئ رجل...يالله حبيبتي روحي سويلي حليب الحليب زين للطفل وبعدين روحي جيبي بيض ومدري شنو وهااا نسيت اكولج جيبلي وياج مسواك دولمه مشتهيه دولمه
ردت بعنف...اكلج انتي شو تتعيقلين
رديت ببرود واني اباوع لاضافري ...تردين افضحج
هي ضربت رجلها بالارض وخلت وراحت تحجي وتدردم راحت سوتلي حليب انوب راحت للسوك تسوكت مسواك دولمه واجت
ههههههه نسوان ما يجن اله بالعين الحمره....يطبها مرض زين مني وما فضحتها...
.........................
وقار...
اجه عمي وجابر كالو اخواني متعاركين بينهم واني كوولش انقهرت خطيه اخواني ما ارتاحو من مات ابويه لحد الان....
جعفر ضل عدنه كم يوم حالته اببد مو طبيعية ساعه يصفن ساعه يخطط بيده مدري شنوو
انوب ضل كل شويه وكال انطيني عطر
ساعه يصيح انتبهت عليه صاير عنده كرش رغم هو ضعيف مو سمين بس بطنه شلون المنفوخه
عمي كله خلينه نروح اني وياك للنجف نزور ابووك هو ما قبل ما اريد ازور ما اريد اروح لاي مكان توسلو بي رادوا ما قبل
نوال كل شويه وخابرت عليه وكلتله يجي هو كال راح اروح بس عمي ما خلاه يروح ....
ثاني يوم كعدت الصبح كال عمي بويه روحي كعديلي،جعفر اريد اروح اني وياه بمكان
اني خليت ورحت هو نايم بالغرفه الي جانت تنام بيها ريهام
دكيت الباب هو ما فتح الباب بعدها دخلت للغرفه وفتحت الضوه وسحبت البردات
حطيت ايدي علئ كتفه لكيته نايم علئ كتفه
هزيته بهدوء...جعفر جعفر جعفر خووويه اكعد اكعد تريك
مجان يستجيب الي اني ما كدرت اديره سحبته حاولت اكعده ماكوو شفت شريط كامل ما اعرف مال شنوو لكيته شاربه كله ومنتحر
صرخت بصوت عالي....جعفرررررر جعفررررر
نهاية البارت...يتبع
كونوا انتم كونوا بخير...احبكم 💔
نور سمو العراق 😘
لا تنسوا التصويت والمشاركه بكم نكتمل
وشكر لكل من باركلي بوصول القصه للثلاثه مليون واكيد بفضلكم وان شاء الله تطلبوني بارت لوصول القصه 😍😍😍😍
الصور الطلحه اكييييد 😍😍😍😍
وبنات فضلا وليس امرا كافي تحجون علئ وقار ترئ تحملت منكم كلام لاذع هوووايه الانسان خطا وهي معترفه بغلطها ترئ دا استحي منها وداعتكم احترموها خطيه مسكينه 💔