#أّلَأّنِيِّنِ_أّلَصٌأّمَتّ
#بِقِلَمَ أّوِتّأّر حٌزِّيِّنِهِ
#أّلَجِزِّء أّلَأّوِلَ،،،،
قِصٌهِ مَنِ وِحٌيِّ خَيِّأّلَيِّ
،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ذاك الفراغ الذي احسه
بداخلي،،،،كان يشبه الشعور
بالضياع
وعدم الانتماء لاحد،،،
شعور لفني،،،، وجعلني اشعر
ان سنين،،،،، عمري تهرب مني
مثل ،،،،حبات الرمل عندما
امسكها بيدي،،،،، وتفلت
منها بسهوله
عشت،،،،، ماأردته وكانت لي
قصه حب،،،، انتهت في يوما
ما،،،،، بقسوه تركت
جرح بقلبي ،،،،،،ووجعها
ترك اثر غائر،،،،،
بروحي كجرح جسدي ،،،،،،،
المي،، تعبي،، وجعي،، فراغ روحي
وواقعي كنت اهرب منه،،،،وامضي
خلف الاسوار،،،،،،، والقيود
في،،،، عالمي الخفي وخيالي
عشت قصه حب،،،،
كتبتها اكثر من مره في خيالي
وبكل مره كنت اختار
النهايه اجمل،،،،،
قصص وروايات عراقية
كرار صلاح
ما لم اعشه في واقعي
والذي لم يتحقق،،،،،،،،،،،،رغم عني
عشته في خيالي
وكانت لي اكثر من حكايه ،،مع
حبيب ،،ثم زوج،،،وبيت واطفال
ونهايه كل قصه عشتها
كانت سعيده،،،،
مافي،،،،ومااشعر به
هل هو ،،،
نقص ام حنين سكن،،،، روحي
وجسدي،،،
وعوضته في احلامي وخيالي،،،
هل
هو فراغ عاطفيا،،،،بدأ يصبح
هاجس ومرضا،،،،،
وهل،،،،،،،،،،، ساظل هكذا لانني
تاخرت بالزواج،،،،،،،وهل
الحلم سيظل حلم،،،،
وبعيدا عن الواقع،،،،،،
ام ان الله يخبأ لي قدر
اجمل
،،،،،،،،،،،،،،،،،،،
وابتدأت حكايتنا،،،،،،
سامراء
صلاح الدين ،،،،الساعه
الواحده ظهرا وقبل كم سنه
بدأت قصتنا
طلعت من الردهه بعد ماخابرتني امي
وكالت روحي لابن خالج عناد
محتاجج ،،،
عبن، ،،،،،مرته مدخليها لصاله
العمليات ،،،،
طلعت من يم البنات ورحت الها،،،،،،
وصلت،،،،، وشفت ابو فيصل
واكف بزي العسكري،،،ويمه ذيب
ساند ،،،،،روحه على
الحايط،،،،ويحجي بجهازه
اول،،،، ماشفت عمه علية الي
تصير مرت خالوا عبد الحميد
ووياها،،،،، اخت عناد الجبيره
رحت عليهن وسلمت
« شلونج عمه علية،،،
« هلا يمه بان
بوستها هي وانتصار،،،وسلمت
على عناد
« شلونك ابو فيصل
« هلا بان،،،،سوينا زحمه من دزينه
عليج بس ام فيصل تأخرت جوه وظل بالنا عليها ،،،
« اي والله يايمه تأخرت جثير
ووظل بالنا عليها
« هسه اروح اشوفها واردلكم الخبر
مشيت خطوه
وباوعت لذيب،،،من سد الخط
وسلمت
« هلو ذيب شلونك
حجيت ويا واني مبتسمه وهو
جاوبني بدون مايباوع عليه
« وعليكم السلام والرحمه
شكله جان ضايج مثل
كل مره من
يشوفني،،،، شي تعودت علي
ومادرت بال اله هم مثل كل مره،،،
طبيت جوه وسلمت على الدكتوره
والبنات،،،
وسالت ،،،،على هناء مرت عناد
وعرفت هي جايبه،،،بنيه
طبيت عليها للغرفه النايمه
بيها وشفتها،،،ديفكها
البنج اخذت البنيه من كملوا فحصها
وطلعت ،،،حتى ابشر
عناد وعمه علية
« وهاي اجتكم بنوته حلوه
وتخبل
حجيت واني اضحك ،،،
« الله يبشرج بالخير، ،،،يم
وجهه الحلو،،،
عمه علية حجت هيج،،،ومن
رادت تاخذ
البنيه من ايدي حجيت بسرعه
« لا عمه خليها يمي وروحي لهناء
انتي وانتصار وجيبوها للردهه
حتى ترتاح
« هااا اي هسه،،،يله يمه انتصار
بالعجل تعالي وياي
جاوبتني وطبت واني ظليت بره
وحجيت واني مبتسمه،،
وي عناد
« شراح تسميها لهاي الحلوه
هو صفن عليه،،،،وشفت عيونه
تغيرن
وذب حسره وبعدين باوع
على بنته وكال
« راح اسميها عبير،،،،
تفاجأت من سمعته حجه هيج
وظليت صافنه علي
وبعدين انتبهت،، لنظرات ذيب الي
جان يباوع عليه بتركيز،،،،
دنكت راسي ،،،،، واني مرتبكه لان
عناد ،،،،،،سمه بنته على اسم
اختي الجبيره عبير ،،ومشيت
من طلعوا مرته وامه واخته
واني ساكته،،،،، وعندي احساس
ذيب ضاج لان اخوه سمه بنته
هذا الاسم
طبينا الردهه وانطيت بنته لجدتها
وحجيت
« عمه الحمد لله على سلامه ام فيصل
وبالخير ماجاكم ،،،
« الله يسلمج،،،يمه ويومن الج
ونفرح بضناج
ضحكت وجاوبتها
« وانتي حاضره عمه ،،،،
سكتت وبعدين كالت
« ااووف يمه تمنيتج تصيرين
لواحد من ولدنا
بس شنسوي هذا الزواج قسمه
ونصيب
سكتت من شفت وجه عناد
تغير ،،،وهو حجه وره دقائق
« تعبناج اليوم ويانه نويره،،،
ابتسمت من صاحني باسم ادكوله
جده شمسه
الي تصير اخت جدتي
ام امي الله يرحمها ،،،وجاوبته
« لا تعبكم راحه وشتحتاج
خابرني ،،،،
سكت للحظه وكال
« انطيني رقمج،،،،لان ماعندي
انطيته رقمي وترخصت
منهم وطلعت
اني باب الردهه جهازي دك من شفته
اسامه
ابتسمت بفرح وجاوبته
« هلو حبيبي،،،،،
حجيت هيج وعيوني اجتي بعيون
ذيب الي جان
واكف وساند روحه على الحايط،،،،،
شكله تغير ودار وجهه وهو يحجي
كلام ماسمعته،،،
عكدت حواجبي من شفت تصرفه
وبعدين انتبهت لاسامه من حجه
وياي
جان فرحان مثلي
لان مابقى شي لزواجنا
تمشيت واني احجي ويا والفرحه
الي بگلبي نفس فرحته
،،،،،
اني بان عمري،،،،،22سنه خريجه
اعداديه تمريض،،،،،
ادوام بمستشفى حكومي،،،
ابويه عايش هو ،،،وامي
والحمد لله
ترتيبي بالعائله،،،،هو الثالثه
احنا،،،،،، اربع بنات وولد واحد
واسامه يصير
ابن عمي،،،،، وصارت علاقه حب
بيني وبينه والكل عرف بيها،،،
وهو اجه وخطبني وعقد عليه
من تعين ،،،،وقصه حبنا،،،،
صارلها 3 سنيين،،،،،اني انتظرته
الما كون نفسه،،،ورتب اموره
لان،،،،،،،، جان متعين جديد هو
مدرس،،،،،،، بمدرسه متوسطه
وجان اكبر مني ب5 سنوات
وراح نزوج بعد كم شهر بس
يكملون
بناء بيتهم ويتحولون بي
اما اختي الجبيره عبير
فهي معلمه بمدرسه ابتدائيه ،،،
وجان
عناد،،،،، يريدها بس هي رفضته
اكثر من مره بحجه مااحبه
ومااكدر اعيش
بمنطقه العلم وطبعهم مو مثل
طبعنا
امي وابويه شكد حاولوا يقنعوها
تقبل بي بس هي جانت رافضته
وهو،،،، ظل يريدها رغم
رفضها اله
ودز خالي وخوالي الباقين عليها
حتى يقنعوها تقبل
عبير،،، صممت على الرفض
ومن تقدم عامر وخطبها وافقت
بس ابويه وامي ماقبلوا بي عبن
جان مطلگ قبلها وحده وماارتاحوا
اله بس هي صممت علي ورادته
وبالاخير اهلي وافقوا ،،،،
وعناد من ،،،،،،سمع بيها انخطبت
سكت وماسوه شي وسمعنا
وعبير ويانا ،،،، من امي
هو كايل لاهله
« راح يجي،،،، يوم وتندم
وجرح گلبي،،،، ووجعه
راح يظل يلچم بيها،،،،،
وبيه طول العمر وعبير مراح تعيش مرتاحه وهسه تشوفون ،،،،قصص وروايات عراقية كرار صلاح
اختي،،،، تزوجت وره فتره قصيره
وعناد،،،،،،،،، هم تزوج وره فتره
اخذ هناء الي تصير بنت عم
امي،،،،وصار عنده وره سنتين
فيصل،،،،
واختي مصار عدها اطفال،،،
وره سنه ،،،،،
عذاب،،،،،هم راد اختي ،،،،،، لمى
وماقبلت بي،،،،وقبلت بابن صديقه
لابويه من تقدم الها ،،،،
وميس،،، الاصغر مني
تزوجت،،،غريب وسافرت
ويا لتركيا واستقرت هناك،،،
احنا ماعدنا غير بس اخ
واحد وهو احمد
يصير
بزر الكعده،،،وعمره 16مدلل
ابويه وامي ،،،
امورنا الماديه،،،زينه والحمد لله
الوالد الله يحفظه
عنده راتب تقاعدي،،،زين
بيتنا ملك،،،ومرتب وبنائه حديث
ابويه اشتراه من ورثه هو وامي
حياتنا جانت بسيطه وسعيده،،،،
ومثل كل بيت عادي،،،،،
وماعدنا اي مشاكل
،،،،،،،
رجعت من الدوام تعبانه واني
افكر بعناد ،،،،عرفته من
سمى ،،،بنته عبير
هو مانسى حبه لاختي وعرفت هو
بعده يحبها وگلبه بعده الها،،،،
حب حلو بس
للاسف من طرف واحد
افكاري طارت،،، من وكفت السياره
يم بيتنا نزلت،،،،وطبيت
جوه ،،،ورحت للمطبخ كبل
« الله يساعدهم
سلمت من شفت امي وعبير
كاعدات
« هلا يمه
امي ردت وعبير وراها بس بصوت
ناصي جانت مو
على بعضها
ومبين باجيه،،،،،
اختي الجبيره من النوع الكتوم وماتحجي
مشاعرها لاحد وجنا نعرف
نفسيتها تعبانه لان ماديصير عدها
اطفال،،،،،،،،،
عفت امي تشتغل بالمطبخ
ورحت بدلت،،،،،وبعدين رحت توضيت
وصليت الظهر ورجعت يمهن،،،،
اشرت لامي ،،،،وحجيت بهدؤ
من كامت اختي من يمنا
«يمه شبيها عبير
امي ذبت حسره وحجت
بهم
« شمدريني يايمه هي حجت
شي،،،،، حتى اعرف شبيها
هاي من اجتي ولحد مااجيتي
انتي وهي ساكته ودمعتها بعينها
احجي واسال شبيج،،،،،
ادكول مابيه شي تعبانه واجيت
ارتاح يمكم
امي حجت هيج وراحت
طفت الجدر
ورجعت كعدت يمي وكملت
« اليوم،،،،، مراحت للدوام واجتي
علينا من الصبح لان عامر خفاره
بس اني من شفتها خانسه
وعيونها وارمه عرفتها متعاركه
ويا
« يمه شنو الموضوع هم
مجانوا هيج
امي سكتت وحجت وره لحظه
« ماادري يمه احس اكو شي
صاير بينهم واختج ضامته علينا
انتي
من تكعدين وياها لوحدكم
اساليها
بلكي تحجي وتطلع الي بگلبها
هزيت راسي باي،،،وحجيت وره
دقائق
« يمه هناء مرت عناد جابت بنيه
« اي يمه ادري من خابرت
عمتج علية كالت الي
وباركت الهم
وكتلها تعالوا يمنا ارتاحوا چم يوم
وبعدين ارجعوا للعلم بس عناد ماقبل
وكال لا نرد لبيتنا احسن
« براحتهم، ،،،،البيت بيتهم وهلا
بيهم شوكت مااجوي
حجيت هيج وكمت للثلاجه طلعت
خيار وطماطه وفلفل غسلتهن
وكعدت اسوي زلاطه ناعمه
وحجيت
«يمه،،،، تدرين عناد شسمه بنته
«شسماها،،،
« سماها عبير
حجيت هيج،،، وانتبهت لاختي
واكفه بالباب السمعته مني
شفت تأثيره
بوجهها الي انطعن من القهر
وبين التأثر عليها،،،ومن عيونها غورگت رأسن دنكت راسها ومشت بسرعه قصص وروايات عراقية كرار صلاح
كمت وراها،،،،وشفتها طبت
لغرفتي الجوه،،،،،،،،، وهناك انهارت
وكامت تبجي بحرگه قلب
اختي عبير نعرفها قويه
وعدها ثقه بالنفس،،،،، مو طبيعيه
وكلمتها ،،،،،مسموعه عند ابويه
وامي،،،،، وقوتها والثقه الي
جنت اشوفها بيها،،،،
راحت من شفتها بهل الوضعيه
تمشيت ليمها ،،،،،وامي وراي
الي حجت بقهر
« هسه اريد افتهم ليش من سمعتي
عناد سمه بنته على اسمج
كمتي تبجين،،،
امي سكتت للحظه
وبعدين حجت بقهر
«تندمتي يولي موو،،،،،
هذا البيج ندم لان رفضتي
لابن اخويه
ورحتي اخذتي
هذا الي مااعرف شلون عايشه
ويا،،،،،
عبير شهكت بالبجي
وسكوتها وحالتها خلت
امي ،،،، تكمل بعتب وزعل
« ااااخ ولج جم مره كلتلج اخذي
لابن اخويه
تره بعدين،،،، تتندمين اذا عفتي
چم مره ،،،،،حجيت وعلمت
وماكو فايده راسج يابس وضيعيتي
من ايدج ،،،
« يمه مو وكت هذا الحجي
حجيت واشرت الها تسكت لان عبير
اختنكت بالبجي
« فهمينا،،، شبيج وشصاير بينج
وبينه،،،،صارلج فتره
وضعج ماعاجبني احجي،،،
يولي،،،تره اني حاسه بيج
شي وانتي ضامته علينا
عبير سكتت،وهزت راسها وره فتره
وحجت بغصه
« ماكو شي،،،،،
« ولج يمه احجي وطلعي الي بقلبج
تره گلبي ناغزني ويكولي انتي
بيج شي
سكتت ودارت وجهها من امي الي
هزت راسها بعدم رضى
وطلعت هي تأشر الي احجي
وياها،،،،
امي بس سدت الباب وراها
عبير حجت بشهكه
« بان صدگ عناد سمه بنته على
اسمي
هزيت راسي باي وعيوني غوركت
من وره القهر الشفته انرسم
بوجهها،،،سكتت وصفنت
بجمود عليه
حجت وره لحظه صمت
وهي لازمه
گلبها
« اااخ ياربي شسويت بروحي
وشلون اخلص من هذا العذاب
حجت هيج وخلت ايدها
على وجهها
وكامت،،،،، تبجي بصوت قوي
وبشهگه قويه
وضعها خلاني،،،الزم ايدها واحجي
بهدؤ
« عبير كافي تبجين،،،،،راح يصير
بيج شي
رفعت راسها وحجت بقهر
وكالت
« خلي ،،،،يصير بان خلي كلشي
يصير بيه اني راضيه امووت
والله راضيه حتى اخلص من عامر
والديسوي بيه،،،
حجت هيج ورفعت ردن دشاشتها
وكملت بشهكه،،،قهر
« شوفي شلون ضربني،،،،وشلون
اذاني،،،شوفي ايدي
اختي انهارت وكامت تطلع بايدها
ورجليها وظهرها،،،،كدامي
فكيت عيوني ،،،من شفت
جسمها ازرك وحجيت بسرعه
« ولج هاي شنوو ،،وليش
ضربج
سكتت وظلت تبجي،،،واني
كمت من يمها وحجيت
بعصبيه
« عبير شلون مد ايده عليج
وانتي ليش ساكته وماحجيتي
لامي،،،،،، ولج والله ابويه
بس يسمع الا يتخبل،،،،
وامي راح توصلها لخوالي،،،وانتي
تعرفيهم شلون مايتحملون احد
يمسنا بكلمه مو عاد الضرب
قصص وروايات عراقية كرار صلاح
عبير هزت راسها بلاااا وكامت بسرعه ولزمتني وحجت بخوف
«لااا بان
ابد مااريد الشفتي يوصل لابويه
او امي،،،،،،،،،،ازعل عليج
والله بعد مااحاجيج اذا حجيتي
الشفتي لاحد
امانه بداعه اسامه لاتحجين
شي
سكتت واني مذهوله من خوفها
وهي كملت وره دقائق،،،وهي
صافنه بجمود
« تدرين اني غلطت بحق نفسي من
قبلت بعامر وجان زواجي منه
اكبر غلطه سويتها بروحي
ظليت ساكته وهي
كملت،،،بصوت مخنوك
وبغصه،،،،
« عامر كدامكم وكدام الناس شكل
وبالبيت شكل ثاني،،،،
سكتت للحظه وكملت بقهر ودموع
مانشفت
« بان احسه مو طبيعي ولاتفه شي
يثور ويتخبل ويكوم يكسر
بالغراض ووصلت بي
لدرجه كام يضربني بخبال،،،،
ويحبسني،،،
بالغرفه من يشوفني اريد اطلع
واعوفه
شهكت،،،،، من سمعت كلامها
وهي هزت راسها بضياع
وكملت والدموع
تنزل ،،،،،،على وجهها
وهدومها
« هاي شوكت،،،،صار هذا
الشي
« قبل ست اشهر،،،،،وتكرر اكثر
من مره
« عزه العزاني وانتي ساكته
ولج عبير احجي لابويه الصار
ولج هذا اذا سكتي اله راح يتمادى
باذيتج،،،بعد اكثر
« مااكدر،،،،، احجي شي لابويه
ولامي،،،لان اعرفهم راح يوصلون
الحجي لخوالي وذيج الساعه
من راح يسمعون مراح يسكتون
وراح السالفه تكبر خصوصا
سكتت بغصه وكملت وهي تمسح
بدموعها
« خصوصا اذا سمع عناد ،،،
« يعني شنوو راح تسكتين،،،اله
اختي سكتت وتهزمت بعيونها مني
وجاوبتني بتردد
« هو اعتذر مني وكال
هاي اخر مره
وبعد مااضربج ،،،وتوسل بيه
مااعوفه،،،واني قبلت اعتذاره
سمعته كلامها وتفاجأت بيها قابله
بهيج وضع وساكته علي اشهر
وحجيت بعتب ولوم
« صدگي راح يعيدها،،،،
وراح يرجع يضربج،،،،تدرين
ليش
اختي رفعت راسها الي،،،،
واني كملت بقهر
«عبن يعرفج راح تسكتين اله
وتسامحي مثل كل مره
عبير انتي الي سمحتي
لعامر ياذيج
من اول مره مد ايده عليج
جان المفروض،،،، تعوفي وتجين
يمنا،،،،،،،،،،جان المفروض تخلين
ابويه واهلنا،،،، ياخذون حقج منه
حتى يعرف انتي عندج اهل
يوكفوا عند حده ،،،اذا
مده ايده عليج
اختي سكتت وظلت بس تبجي
واني،،،انقهرت عليها من شفتها
هيج ضعيفه وماتعرف تاخذ
القرار الصح ،،،
وكملت واني مصدومه من السمعته
والضامته علينا
« عبير احجي وكولي لابويه ولامي
وخليهم هم يتصرفون ويا
ولاترجعين اله
وخلي يتأدب شويه ،،،،
هزت راسها بلااا،،،،وجاوبتني
«لاااا لان مراح اخلص من ملامتهم
وراح،،،،، يكولون هذا انتي الردتي
واتحملي اليصير بيج
لان انتي ماسمعتي كلامنا
قصص وروايات عراقية كرار صلاح
كلام سمعته وماأقتنعت بي،،،،وخلاني اجاوبها
« عبير شلون نضم هيج شي
على ابويه
وامي ولج والله لو يسمعون
الا يتخبلون
«بان كتلج ماأريد احد يدري،،،،
امانه الله ورسوله بداعه ابويه
وامي واسامه لاتحجين السمعتي
لاحد ،،،لاتخليني اندم
لان حجيت الج
سكتت وهي تمددت وكالت
وهي تتهرب مني
« اطلعي وطفي الضوه اريد انام
راسي يوجعني
سكتت غصبا ماعليه،،،، وكمت
من يمها واني ،،،،، صافنه عليها
ومصدومه من السمعته،،،طفيت
الضوه وطلعت ،،،،
تمشيت للمطبخ واني مضروبه
براسي،،،من السمعته
وامي من شافتني سالتني
رأسن
« ها يولي عرفتي اختج
شبيها
هزيت راسي بلااا واني مرتبكه
وهي صفنت عليه،،،وكالت
« ولج والله اختج بيها شي
وهي ساكته وماتحجي
سكتت وبلعت ريگي وتهزمت
بعيوني منها،،،،وهي راحت لابويه
من اجه من الشغل ،،،
كلام. اختي ظل يدور براسي
والي عرفته منها خلاني
اكره عامر
وخلاني اباوع علي،،،،،
بحذر من اجه وره يومين
حتى ياخذها ،،،،،،هي محجت شي
وجان،،،،،، تصرفهم كدام اهلي
طبيعي،،،،،، بس اني شفته
يباوع عليها بلهفه ويريد
بس ياخذها،،،،،
اختي شكره وعيونها
عسلي فاتح
وجسمها متروس وبيضه
وجانت معتنيه بروحها كلش،،،
وكل فتره تروح للصالون
ترتب شعرها،،،
وتخصله اشقر عسلي،،،
شكلها واناقتها ونزاكتها جانت
تجذب العين،،،،،،وتخلي الواحد
ينعجب بيها،،،وجانت ثگيله
ورزنه عكسي اني ولمى
الي جنه شله وكحه
وبس نحشش
وجنا ،،،،كل خميس نلتم
وره العشه من يجن وبس
يطلع ابويه للگهوه وامي،،،،
تروح لجيرانه ام هذال،،،،،
نعلك اغنيه مال ركص،،،ونكلب
البيت بركصنا،،،،
لو نكعد وحده تمكيج للخ،،،،
ونسوي تسريحات،،،،
عبير جانت بس تكعد
وتتفرج علينا
وهي تضحك علينا ومن جنا
نحاول نشاركها ويانا ماتقبل
وادكول
عيب بابا اني جبيره ومعلمه
بمدرسه
هاي السوالف خليها الكم
انتم المزعطه،،،
ضحكتها الي جنا نشوفها راحت
منها شويه شويه وبدينا
نحسها من تكعد
ويانا هي بغير عالم
واذا اجه اسم عناد صدفه،،
تصفن وعيونها تغورك رغم عنها
وادكوم من يمنا،،،،،،،
انهيارها الصار كدامي،،،بعد
ماشفته
وحسيتها رجعت تكتم مشاعرها
بداخلها،،،،،
،،،،،
حياتي استمرت عاديه دوام وبيت
وقصه حب حلوه جنت عايشتها
وي اسامه،،،،،،،،،،،،،بيوم خابرونا
بيت خالي جاسم وعزمونا على
عرس ابنهم محمد،،،،
اني ترخصت من اسامه
حتى اروح
وهو وافق ومااعترض،،،لان
يعرفني احب
العلم ،،،
عبير جانت يمنا،،،لان
عامر خفاره
بدوامه ومايرجع الا وره يومين،،
هي ماقبلت تروح وكالت اظل
اني واحمد بالبيت
ابويه ماقبل وكال كلنا نروح،،،
ومحد يظل بالبيت،،،،
« عبير امشي ويانا وغيري جوه
شويه،،،
توترها جان كافي يخليني اعرف هي
ماتريد تشوف عناد
وبعد الحاح مني ومن امي ولمى
قبلت تروح ،،،،
وهي اخذت احمد اخويه
وراحت
لبيتها حتى تجيب هدوم،،،الها
حظرنا روحنا،،،،ومن الصبح،،،
طلعنا احنا ولمى اختي
ورجلها عادل
بسيارتهم،،،،واحنا بسيارتنا
والطريق كله جنت اتراسل وي
اسامه على الواتس
« وصلت للدوام
« اي من زمان وكاعد اشرب جاي
وي صفاء،،،
« سلملي علي 😊
« ولج،،،😡
« ههههههه 😅
« روحي اني زعلان منج 😔😔😔
« ليييش حبي😱😱😱
« شلون تعوفيني يومين،،،
مادكولين هذا شراح يصير بي
« اوووي سوده عليه ،،،😢😭
راح ارجع 😊
« لا يابه وين ترجعين ،،اكعدي
واسكتي. هسه وصلتوا نص
الطريق
سكت للحظه وبعدين حجه
« باوعي ولج
«👀👀👀👀 باوعت 😜
« هههه خرب عرضج،،،،،وين الكيج
هسه وكحه جان كصيت لسانج
«😝😝😝
« ولج كاافي فشله من الولد الي
حس بيه اضحك وي روحي
« هههه،،، هسه يكول عليك
مخبل 😱
« هههه ويسموج مرت المخبل
« اووف يمه عسل المخبل مالتي
واموت علي
« واني هم اموت عليج،،،،اوف منج
نسيتني شريد اكول
هااا رگص ماكو ومااريد تطلعين
چدام،،،احد وياوليج
اذا احد لمح خيالج اذبحج
والله
«😇😇😇،،،شوفني ملاك والله
كلشي مراح اسوي وراح اكعد
عاقله وبس اباوع عليهم
«اي صيري ملاك لا انكلب
عليج 😈😈😈،،،
« يمممه 😱😱😱 انكلبت طنطل
يله،،، قابله حتى من
نزوج اخوف بيك جهالي
« هههههه اموت على الخلقج،،،
وعلى تحشيشج وجهالج جهالي
يولي
«😂😅 😊
« فديت الخجل 😘
يله روحي،،،عيب عايف الولد
ولاتنسين بليل اخابرج
« اوكي سمسم
« 😡😡😡
« هههه ام فري سوري،،،،
نسيت انته تضوج من اسم
سممممممسم 😜😂
« ترجعين واني اعلمج،،،،،
« 😅😘 اي لاوفيو 💖
« مي تو يا روح الروح
« 😘😘😘😘😘
نهيت المحادثه وخليت الجهاز
على قلبي وظليت مبتسمه واباوع
للزرع والخضره،،،
وصلنا بعد فتره مو طويله
لبيت خالي،،،،، جاسم ونزلنا،،،
وشفنا،،،،ينتظرنا بره
« كل الهلا ابو احمد نورت العلم
واهلها،،،،
« بنورك ابو ميسر
خالي راح لامي باسها من راسها،،،
وحجه بفرح
« ياهلا بخيتي صالحه،،،نورتي
بيتيج وديرتج،
« بنورك اخويه، ،،،
امي الوحيده لاهلها،،،وعندها
اربع اخوه،،،،،وكلهم يحبوها
ويعزوها،،،،ويحبون ابويه
ويحبونا احنا بعد اكثر
بوست خالي ومرته
من اجيتي علينا،،،وهو اخذ ابويه
وعادل واحمد للديوانيه
مالتهم،،،،
الجو جان ربيع،،،وكاعهم من بعيد
جانت تخبل من الزرع والخضار
البيها،،،،
اني من جنت اروح لهناك اطلع
من الفجر وي
بنات خالي للزرع نحوش
خضروات ونلم بيض من الگن
مال الدجاج،،،،،واكعد اباوع عليهن
شلون يحلبن الهوايش
ويسون جبن،،،
حياه جنت احبها وارتاح كلش
من اظل هناك،،،
واظل بس اكل،،،لان اكلهم
كلش طيب،،،
بس بدلنا هدومنا وتريكنا بدينا
نشتغل وياهن ،،،،،،وراها
تغدينا ،،،،،،،وهم التهينا
نحظر،،،،،،، للحنه مال محمد
الي جان فرحان وبس
يوزع ابتسامات
هو اخذ بنت خالي جبار الي
يصير عمه
عمرها 15 سنه وهو جان 18 سنه،،،
خوالي دائما يزوجون بناتهم
وولدهم من هم صغار واكثر ولدهم،،،
وصلوا للمتوسط وبطلوا،،،
وبس عناد درس كليه عسكريه
،،،،وعذاب وصل
للثالث،،،،،متوسط وبطل
وذيب ماتعلم،،،لان جان
ينهزم من المدرسه
وكبر امي مايعرف لا
يقره ولا يكتب
العصر بدلنا،،،،ورحنا لبيت اهل
العروس
الحلو هناك بيوتهم قريبه
وحده على الخ
وجنا نتمشه الهم ،،،،اذا ردنا
نسير على واحد منهم ،،
من كملنا تحظيرات الحنه مال
الولد رحنا بدلنا فساتين مرتبه
ونازكه. ولبسنا العبي فوكاهن
ولفينا الشالات زين،،،
وطلعنا واحنا خاليهن على وجوهنا
لان بره جانوا وكفين زلم،،
ركبنا وي ابويه،،،وهو ودانا لبيت
خالي جبار
نزلنا ووفتنا جوه،،،،،وسلمنا
على مرت
خالي وخطارها ورحنا نزعنا
العبي بالغرفه الجوه ورتبنا روحنا،،،
ورجعنا،،،،،للديوانيه مالتهم
جانن الحبايب يدبجن،،،
ذاك الدبج القوي،،،وصايره لحم
وماكو مكان نكعد بي،،،،ظلينا واكفات
ونباوع عليهن وعلى العروس
والعيون حسيتها علينا،،،،،
جده شمسه ،،،،،،،من شافتنا
صاحت من الهول
« ولجن من فان حظجن هاي شوكت
اجيتن ،،،،
عبير راحت باستها،،،، وكعدت يمها
وجاوبتها
« الضحى اجيتنا جده
«عجل ليش ماحدرتن على بيت
خالجن ابو عناد
ليش مااجيتن سلمتن
عليه
« حقج جده بس،،،والله التهينا وي
بيت خالي جاسم بالشغل
سكت وباوعت عليه وضحكت
وكالت
« يمه نويره شلون صايره حلوه
وتخبل،،،،، انياله لابن زهيه
اخذ تفاحه الشام وهو
مايستاهل اظفرها
عكدت حواجبي،،،بضوجه وهي
كملت
« شبيهم ولدنا ماقبلتن بيهم
لييش يايمه رحتن للغريب
سكتنا وهي كملت،،،
« الغريب ذيب يمه وعضته ماتطيب
والگريب ستر وغطه عليجن
مووو يمه عبير
نظراتها وكلامها خلت عبير
ترتبك وتسكت،،،
وره دقائق
كامت وهي سانده روحها على
عصاها وحجت بضوجه
« الله ياخذنجن،، يالنسوان شكثرجن
وشكبر الوحده السبع ياكل بيها
سنه
حجت هيج ووخرتني بعصاتها
وكملت
«وخري من چدامي خلي اطلع بره،
اختنكت واريد هوه
وخرت وهي طلعت،،،،واني كعدت
يم عبير وحجيت بضوجه
« جده شمسه كلما نجي تحجي
نفس الكلام اليكول مسجلته
وتعيد بي بس تشوفنا
حسيت بعبير ضايجه،،،،،
وتريد بس يخلص الوكت حتى
ترجع لبيتنا،،،
وره ساعه طلعنا
احنا وبيت خالي،،،،
ورحنا للبيتهم عبن راح تبدي
حفله الزلم،،،،من وصلنا شفنا سيارات
عسكريه واكفات بالشارع
ابويه من شافهن
وكف السياره قريب على
الباب،،،
نزلنا وسمعنا صوت عناد
« الله يساعدك عم طه ،،،
عبير جمدت بمكانها،،،،من سمعت
صوته بس مااندارت،،،وطبت
بسرعه اني انداريت،،،،، وباوعت
علي جان لابس زي العسكري
وشفته يباوع عليها،،،،ويمه
ذيب الي جان لابس دشاشه
سوده ولاف غتره ،،،،،،
والي اشر براسه الي ولمى
وحجه بضوجه
وهو عاكد الحواجب،،،،
« فوووتن جوه،،،
درت راسي،،،وطبيت اني واختي
وعفت امي وابويه واكفين
وياهم،،،،،،
ورحت لغرفه البنات وشفت
اختي كاعده وساكته
ولمى ،،،سالتها
« عبير بيج شي
هزت راسها،،،،بلااا وكامت
ونزعت عبايتها،،،،وراحت للمرايه
وعدلت شعرها وكالت
« رتبن روحجن امي ادكول راح
يندارن النسوان من بيت خالي جبار
لهنا،،،،
حجت هيج وراحت علكت
عبايتها
وعدلت شالها وطلعت،،،،،
اني
رحت للمرايه
عدلت مكياجي،،،ومشطت
شعري الطويل،،،،،وطلعت واني
خاله الشال،،،،،،،شلون مجان
على راسي، ،،،
الحفله بدت،،،والولد علكوها
بالجوبي،،،،والطلقات
الركض صار بفلس وكلها صعدت
فوك وكامت تباوع عليهم
واني وياهن،،،
« ولج شوفي ميسر شلون
يدبج يمه من فدوه اروح لطوله
سمعت بنت مروه ،،،،،خالي
عبد الحميد،،،،، تحجي باعجاب
ودحكت،،،، لميسر ابن خالي
جاسم وانتبهت لذيب واكف
ومايركص وياهم،،،وجان لازم رشاش
بايده،،،
« مروه شوفي اخوج شكد ثگيل
وماشفته يركص وياهم
« ولج بسمه عوفج منه هذا معقد والضحكه عزيزه بحلكه ،،،
حجت هيج وهو وره لحظه رفع
راسه وباوع علينا،،،
عيونه صارت عليه،،،وخزرته النا
خلتني،،،،
ارجع ليوره بسرعه وگلبي
يدك بسرعه
عكدت حواجبي بضوجه وكلت
وي روحي
« عابت شلون عيون تخوف عبالك
عيون ذيب،،،شبي هذا كل ساع
يخوزر بعيونه، ،،
مروه. من شافته خافت منه ولطمت
خدها وكالت
«ولج شافني
خلي ننزل اليوم شيخلصها
ويا وراح يصخمني بالبيت
بس ارجع
نزلنا اني والبنات
ورحنا للهول وشفت البنات يركصن
اروى بنت خالي جبار،،، المزوجه
عذاب من شافتني اهز واني واكفه
اجتي وشدتلي شال وكالت
« عمه صالحه ادكول ركصج حلو
اركصي النا شويه
الجوه،،،، جان مال ركص ويسوي
واهس واني شلون مااحب الركص
طبيت للساحه. ،،،،،،واني اهز جتف
البنات كامن يصوفرن والهلاهل
اشتغلت،،،،،واني اندمجت
بالركص،،،،، وهنه عافني وحدي
اركص،،،،،،، من شافن ركصي حلو
جنت اروح لامي واني عاضه
شفتي واهز كدامها وهي
تضحك،،،
وتسوي بايدها سور سليمان
وتحصني من
العين
،،،،
« يول ذيب ارمي شبيك
صافن
انتبهت لابن عمي ميسر
من صاح بنص الزلم
اشرت براسي باي
ورفعت الرشاشه
مالتي ورميت بالجوه وكلها كامت
تصيح
« حي الله الذيب حي الله السبع
مال ديرتنا ،،،
ابتسمت ووخرت على صفحه
وورحت اتمشى
ليم باب البيت مال
بيت عمي ووكفت،،،
يم الشباج طلعت جكاره وورثتها
وكمت ادخن،،،،،
واني اسمع هوسه النسوان
عكدت حواجبي،،،،
من سمعتهن يصوفرن ،،،،،
انداريت وشفت
البرده شويه مفتوحه،،،،
ردت ادير راسي،،،بس من
شفت بان تركص جمدت بمكاني
وظليت صافن عليها،،،،،
حسيت على روحي ووخرت بسرعه
وغيرت مكاني واني احس
بشي خربط حالي بس
ماطول وراح،،،،وره لحظه
،،،،،#أّلَأّنِيِّنِ_أّلَصٌأّمَتّ
#بِقِلَمَ أّوِتّأّر حٌزِّيِّنِهِ
#أّلَجِزِّء_أّلَثّأّنِيِّ
،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وره ،،،،،،،،ما خلصت الحنه
مال الزلم،،،،،،،التهينا بترتيب
البيت وتنظيف المطبخ،،،،،
كملت وي البنات،،،،وكفينا الشغل
وبعدين رحت للغرفه نزعت
ملابسي وفرشت بصف،،،،
الحايط وتمددت،،،،لان حسيت
بتعب مو طبيعي،،،
خواتي طبن وره دقائق
من شافني،،،،
ممدده،،،عبير سالتني
« شبيج يولي اشو نايمه خوما
بيج شي
« راسي يوجعني وجسمي احس
كله مكسر ،،،
« هههه صابوها بالعين لملايين
وخلوها تنام بالفراش،،،،،
ضحكت وجاوبتها،،،
«هههه،،،،،، اي والله ومحد صابني
بالعين غير ام هيثم،،،الي
جانت تباوع عليه،،،بتك
عين
« خخخخ اي ولج كصتج
كص من جنتي تركصين
« لاتنامين اتعشي،،،،واخذي
مسكن
هزيت،،،،، راسي بأي لعبير
وظليت كاعده وادحگ
عليهن شلون بدلن وطلعن
امي اجتي عليه
وره مشوار وسالتني
« شبيج بانه خواتج كالن مالج
خلگ
« اي يمه راسي يوجعني هو
وجسمي
امي كعدت يمي وكالت
«يامصخمه شبيج جوعانه رگص،،،
دبجتي الما كلتي بس وهاج شوفي
عينهم ماوكعت الكاع وصابوج
بالعين،،،
ضحكت وخليت راسي بحظنها
وجاوبتها
« حجيه عندي طاقات زايده
واريد اطلعها بالردح
« اي بعد امج صرفتيها الما خلصت
البطاريه وجست
« ههههه حلوه هاي وقويه
حجيه
حجيت هيج وهي. هم
ضحكت ولزمت
راسي وكامت تقره ايات وتنشر
فوگاه
« (أَعوذُ بكلِماتِ اللهِ التامَّاتِ، الَّتي لا يُجاوِزُهُنَّ بَرٌّ ولا فاجرٌ، مِن شرِّ ما خلقَ، وذرأَ، وبرأَ، ومِن شرِّ ما ينزِلُ مِن السَّماءِ، ومِن شرِّ ما يعرُجُ فيها، ومِن شرِّ ما ذرأَ في الأرضِ وبرأَ، ومِن شرِّ ما يَخرجُ مِنها، ومِن شرِّ فِتَنِ اللَّيلِ والنَّهارِ، ومِن شرِّ كلِّ طارقٍ يطرُقُ، إلَّا طارقًا يطرقُ بِخَيرٍ، يا رَحمنُ)
حسيت،،،، براحه من سمعت دعائها
وآيات القرآن من
قرتها فوك راسي خلتني ارتاح،،
شويه،،،،،،،،
وكوم وره ربع ساعه
طلعت يم البنات وتعشيت ،
ورجعت للغرفه بس خليت
راسي على المخده نمت رأسن،،،،
وره ساعتين كعدت،،،،،
وشفت خواتي وامي نايمات
مديت ايدي جوه المخده ودورت
على جهازي،،،،،،
لكيته وفتحته،،،، ،،،من،شفت
المكالمات الفائته والمرسلات
فزيت،،،،
« يبووو نسيت اسامه
مخابرته،،،
صحت بدون شعور ولمى صاحت
بيه
« ووجعوا خلينا انام،،،،وروحي
بغير مكان وخابري سمسم
افندي،،
« نامي نامت عليج العافيه
كمت من يمها وخليت الشال على
راسي وطلعت يم احمد اخويه
الي جان كاعد بالهول ويلعب كلاش
بجهازه كعدت يمه،،،وراسلت
اسامه
« كاعد حبيبي
دقائق وخابر،،،،
« هاي وينج
يمعوده وليش ماتردين
من اخابرج
« اسفه حبي جهازي
جان مابي شحن
ونسيت اشحنه من الهوسه
حجه بضحك
« هههه يولي خاف التهيتي بالركص
والسوالف ونسيتني
ضحكت وي نفسي وهو حجه
بضحك
« وينج ولج اشو خنستي
« هياني كاعد يم احمد
اشاره حتى يعرف اني مااكدر اخذ
راحتي بالحجي ويا
« هاااا سلملي علي،،،
اشرت لاحمد بالسلام وهو اشرلي
بدون انتباه لان جان ملتهي
بلعبته
« حبيبي مشتاگ الج واريد
بوستي،،،
كتبت اله ،،،،
« 😘
« مو هاي ولج اريد ام الصوت
كتبت
حجيت بهمس
« مااكدر مو كتلك احمد يمي،،،
« روحي لغير مكان ودزيلي بوستي
تره ماانام ،،،
« اووف منك
كمت ،،،،وطلعت من باب الهول
ووكفت بالطرمه،،وهو حجه
« ها وينج،،،
« هياني،،،،،
حجيت هيج وبسته
« اويلي يابه،،،،، هسه ياله ردت
روحي شكثر احبج يولي
« واني هم احبگ.،،،،اسامه
« هههه بس مو بكثر حبي
الج،،،
ضحك وحجيت بدلال
« لا اني احبك اكثر،،،، ،
واموووت عليك
« اووف ولج تحجين واني اتخيل
شفايفج الحلوه
سكتت واني مبتسمه،،،وبعدين
حجيت
« ياله لازم اروح تأخر الوگت
وباجر ورانا كعده من الصبح
« روحي بس اريد بعد بوسه
واريدها قويه مو فاهيه،،،،،
بسته بقوه وبصوت،،،،وهو
كال بحسره
« اشتعلوا اليوم ماانام من وراج
وراح اظل احلم بيج للصبح
خجلت وسكتت،،، وهو كمل
« ياله طبي جوه لاتظلين بره
اخاف عليج،،،
« باي گلبي،،،
« باي ياروح الروح،،،
سديت الخط،،،،، واني مبتسمه
من رفعت راسي
فزيت،،،،،،، ورجعت
ليوره لان
شفت ،،،،واحد كام من القنفه
الخاليها بره بالحديقه،،،،
من اندار عليه،،،عرفته ذيب
جسمي كزبر،،،،من وره
نظراته،،،وهو عكد حواجبه،،،
ودحگ عليه،،،بنظرات خلتني
احس بالخطر،،،
مد ايده وشال الغتره
مالته ونفضها
بقوه،، ومشه بالظلمه لبيتهم
جانت الجلاب تعوي،،،والجو
يخوف ،،،،،
وهو بعد خطوات اختفى،،،،
گلبي رجف،،،من الخوف وطبيت
بسرعه،،،،واني
احجي وي روحي
« يمه هو والليل عبالك اخوان
شلون اختفى بنصه مثل
الجن،،،
،،،،،
مثل كل يوم،،،،،،،لازم
اتمشى شويه،،،،، قبل لاانام
رحت،،،،،،،،،،لمچاني البعيد عن
بيوتنا وبس وياي چلابي الاثنين
اشرس وشير،،،
كعدت هناك ،،،وصفيت دماغي
من التعب والافكار،،،،
وكمت وره فتره طويله وحجيت
وياهن
« ياله يوله خلي نرد،،،
مشيت وهم يمشون بصفي،،،
ومن سمعوا ابو سرحان يعوي وكفوا
وكاموا ينبحون،،،،
ابتسمت وحجيت وياهم
واني ادحگ للبعيد
« امشوا يولوا المخاوي الذيب
مايخاف منه ،،،
مشيت وهمه اجوي وراي،،،،
مارحت لبيت اهلي،،،ورحت
للحديقه مال بيت عمي وتمددت
على القنفه الموجوده بالحديقه
غمضت عيوني وغفيت
وكعدت وره فتره من سمعت
صوت كلام ينحجي قريب مني
عرفتها بان بنت عمتي،،،
مااتحركت من مچاني،،،وظليت
اسمعها ،،،،تحجي كلام حب
وادز بوسات،،،،من كملت
كمت لحيلي،،،،ودحگت عليها
بقسوه،،،،
ومشيت واني احجي عليها
عبن،،، اي خجل ماعدها،،،،،،
وطالعه،،،،، بهل الليل وتحجي
وي الشفيه مالتها وتحجي ويا
كلام،،،،،، حب وادزله بوسات
لو اسمع وحده من خواتي
تحجي
الا اذبحها بايدي ومااخلي
الها گبر
جنت اضوج منها
ومااحب شوفتها
لا هي ولا خواتها عبن خشم،،،
وشايفات نفسهن علينا
ولان خواتها،،،،رفضن
اخوتي وخصوصا عناد الي
ذل روحه لعبير حتى ترضى بي
وهي رفضته اكثر من مره
الحب مجنت اعرفه،،،
ولا اؤمن بي
لان شفته شسوه باخويه عناد
وابن عمي ميسر،،،،،،،
وجنت اشوف المره كرغبه
ومتعه فراش
لاغير،،،،
،،،،،
ثاني يوم من الفجر كعدنا ،،،،
ووكفنا وي النسوان الكبار،،،،
نساعدهن،،،،،بالطبخ،،،،،
جنت لابسه فستان بنفسجي فاتح
مخصر وردنه ضيگ،،،،،،
ولابسه حجول امي برجلي،،،،
واشتغل وياهن،،،،،
« عبير يمه تعالي خوطي الحلاوه
لا تجلس ،،،
« اجيتج عمه عطيه
اختي وكفت يم الجدر
وكامت تخوط
بالجدر،،،ومن كملتها جابت
جوز مجروش وخلته بيها،،،،،
وداروها بالصواني،،،،
رحت واخذت الجفجير وكمت
اكل بي والبنات كعدن ياكل من الجدر
واني ام نفس،،،،،الدنيا
هم رحت كعدت وياهن وكمت
اكل ،،،
« هههه،،،،، كافي ولجن تره التاكل
بالجدريه عرسها يصير بالمطر
والصاجعات،،،
لمى،،،، حجت بضحك واني
جاوبتها
« والله لو يصير زلزال
بعرسي ازوج ازوج ومااخلي
هذا اليوم يضيع مني
« هههههه خرب عرضج نويره
غير مستعجله
« ههههه وداعتج كلجن
مستعجلات تعرسن مو بس
اني
الكل ضحك وكالن
« اي،،،،،،والله صدگ،،،،
« الله يساعدجن،،،،
« هلا ميسر،،،،
جاوبته وحجيت بضحك
« تعال حدر يمنا واكل
حلاوه
بس هااا احذرك تره عرسك
راح يصير بالمطر والصاجعات
اذا اكلت منه
ميسر كعد يمي،،،،واخذ الخاشوكه
من ايدي وجاوبني
«ليش هو،،،، منو كلج اني راح
ازوج
« ههههه لازم صرت راهب واحنا
ماندري ،،،
« اي ترهبنت،،،، وكرهت الزواج
من وره كيد النسوان،،،،
صفنت علي من حجه هيج
وجاوبته بهدؤ
«وانتوا عيني،،،، شسويتوا
النا حتى نصير هيج ،،،،
سكت وصفن عليه وهو متفاجأ
من جوابي،،،، وبعدين
ابتسم ،،،، ابتسامه باهته
وغير الموضوع
«عاشت ايد السوتها طيبه
كلش
حجه هيج وكام وراح لمروه
اخذ من يمها
بطل مي شربه كله ونظراتها
اله مفضوحه ومشاعرها مبينه
ذيج
مروه تشبه اختي عبير
بيضه وصاحبه،،،،
جسم وشكره وجانت تحب ميسر
بس هو مايحس بيها ولا بنظراتها
لان جان يحب وحده من عربهم
الي عافته وتزوجت ابن عمها
كسره گلبه والسوته بي
خلته يرفض الزواج،،،،،
رغم الحاح اهله
علي،،،،
،،،،
العرس جان يخبل،،،،
من شفت فرح بنت
خالوا جبار
بالبدله فرحت الها كلش
وتخيلت روحي اني واسامه
وعرسنا الما ظل اله الا
القليل،،،،،
لليل ،،،،،،عشينا الزلم وراها
زفينا محمد
لغرفته،،،،واحنا ظلينا نخدم الناس الجايه،،،،،،والي جانوا
چثيرين،،،،ووكعنا صفح واحنا
نشيل ونحط،،،،وره مافضيناهم
التهينا بالشغل،،،،وترتيب
البيت،،،،
« بسمه هاي الجداري راح
اطلعن بره اغسلهن
« اي روحي وهسه اني اجي
اعينج بيهن،،،
« لا ،،، انتي
كملي المطبخ اني راح اروح
اعينها بيهن
مروه حجت هيج وشالت وياي
الجداري،،،،ورحنا ليم
البوري البره وكعدنا نجلف بيهن
اني وياها وهي حجت
بضحك
« ولج نويره شفتي جده شمسه
شلون ترگص
« هههه اي ولج
تصعد وتنزل بنفس
مگطوع عبالك ماطور مخلص
شحن
« ههههه اي والله وسمعتيها
من هلهت
« خخخخخ اليكول ديج ضاربه
ابو صفار،،،،،
مروه فحطت من الضحك
وكالت
« خررب ولج كاافي بطني كامت
توجعني
« هههه ،،،دسكتي انتي وهاي
ضحكتج،،،،،، الجنها طالعه
من ماصوله مسدوده
مروه وكعت ليوره وهي تضحك
وظلينا هناك نشتغل ونسولف
بالطرمه البصف
المطبخ،،،،،،وكل ساع واحد
جاي من ولد خوالي
ورايد حاجه
اني جنت اكوم بسرعه اكضي،،
حاجتهم وارجع وي مروه اكمل،،،
شغل
« ولج نويره هاي منين دتجي
هاي،،، الجداري
مو هسه غسلنه كومه
مروه حجت هيج وكامت تحك
بالحكاكه حتى توكع،،،،
« دوخري مابيج خير
حجيت بضحك واخذت الجفجفير
منها ورفعت ثوبي وكعدت
على التخته وكمت احك بيها
بقوه،،،
« هههه متعافيه يولي وحيلج
گوي،،،،
«اي خوما مثلج فاهيه وصارلج ساعه
تحكين وتجرين النفس گوه
جنج جده شمسه
« ولج تعبت،،،من الشغل ووكعت
على صفحه
« هااج يله اجلفيها خلي اروح
للمطبخ اشوف خاف اكو بعد جداري
ومناسف،،،
حجيت هيج وغسلت ايدي،،
« مروه ذيب يكول خلوا سيت مي
بالبرميل لان خلص ،،،،
ابن خالي الصغير،،، حجه وراح
يركض
« اني اروح اجيب هو بالمخزن
موو
« اي بعد گلبي روحي جيبي
اليوم مانخلص من طلباتهم،،،
عفت مروه تجلف وتمشيت
للمخزن
الي يصير وره البيت
وصلت ووكفت من شفته اظلم،،،،
علكت الضوه مال جهازي
وطبيت لان عبالي مابي ضوه
اني جوه
الضوه اشتغل فجأه،،،،وخلاني
اندار بسرعه ليوره
شفت ذيب واكف،،،،وساد الباب
بطوله ،،،،،،
« شدسوين،،،هنا
صوته جان بي خشونه،،،،،وقسوه
ونظراته جانت مركزه عليه
بتركيز خوفني،،،،
« دأجيب مي،،،،
حجيت هيج،،،ومديت ايدي
للصندوق وهو صاح
« عووفي وروحي للبيت،،
فزيت من صاح
وجمدت بمكاني وهو اجه
وشال الصندوق ومشه خطوه
من وكف وظهره عليه
حسيته يريد يحجي شي
وصدك اندار وباوع عليه من
فوك ليجوه وحجه بضوجه
« هدومج هاي لاتفترين بيها
چدام الزلم،،،،
رفعت حواجبي بذهول وجاوبته
رأسن
« لييش شبيها هدومي
رفع تك حاجب وجاوبني
باستهزاء
« روحي شوفي روحج بالمرايه
وانتي تعرفين الجواب،،،
سكتت وعيونه نزلت لحجولي
اني لاراديا رجعت رجلي
ليوره وهو كمل
« وكافي تفترين بهاي حجولج
وتطگين بيها،،،،، بنصنا
كلامه. ضوجني
وخلاني افقد اعصابي
واجاوبه بصوت عالي
« تررررره ذوله الزلم مو غربه
اخوتك وولد خوالي،،،واعتقد
هذا الشي مايخصك،،
سكتت وعيوني زادت قسوه،،،
وجاوبتها بنغزه
« العتب مو عليج العتب على
رجلج الشفيه الي مخليج براحتج
تلبسين لا وفوكاها تدوامين
بمستشفى ،،،،،
كلامه جرحني ومن حجه على
اسامه تخبلت ورديته
بسرعه
« والله اسامه عنده ثقه بيه
ومثقف ،،،، مو جاهل مثلك
ومايفكر مثل تفكيرك المريض
حجيت هيج وهو تخبل،،،،وشمر
الصندوق من ايده واجه عليه
ووجهه كله قسوه،،،
رجعت ليوره بسرعه بس هو
جان اسرع مني،،،،ولزمني من ايدي
بقوه وجرني عليه وحجه وهو
يكزكز من عصبيته
« اييي اني
جاهل يولي وامي
بس عندي غيره براسي
ومااقبل واحد يباوع لعرضي،،،
« عوووفني،،،،،
صحت ودفعته من صدره،
وهو لزم
ايدي ودحگ للحلقه وعصرها
بقوه،،،،
« وللللك عووفني ،،،
« عيدي لهذا مره ثاني وشوفي
شراح،،،، اسوي بالقران محد
يشفعلج ومحد يفكج مني غير
بس الله،،،،
حجه هيج ودفعني بقوه
ومن
راح للباب ضرب الصندوق
برجله بقوه وطلع،،،،
« گبر، ،،اي اخلاق ماعندك ،،
حجيت بقهر،،،، وطلعت واني
ادردم علي
لان قهرني،،،، كلش بكلامه
ماحجيت شي وضميت
الصار بگلبي
لان مردت اخرب فرحه
امي وهي
بنص اهلها،،،عفت مروه تشيل
بالجداري ورحت سبحت
وخليت راسي على المخده
واني
احجي بگلبي على ذيب
،،،،،،
كعدت بنص الليل لان
مكدرت انام لان نومتي تبدلت
كمت من فراشي ورحت
للمطبخ حتى اشرب مي ،،
سمعت صوت الولد وعرفتهم
سهرانين بره،،،بالحديقه
فتحت الثلاجه،،،واخذت بطل
مي من سديتها سمعت
صوت
« عبير
جمدت بمكاني من سمعت
صوت عناد
انداريت وشفته،،،واكف بالباب
ويباوع عليه جان لابس
فانيله خاكي وبنطرون مرقط
صفن من شاف وجهي،،،،
وذب حسره وكال
« شلونج ،،،،
مجاوبته وحسيت وكفتي ويا
غلط ،،،وخفت لاحد يشوفنه
ويفهم ،،،،،،الموضوع بغير شكل
مشيت من يمه وسمعته حجه
بصوت مخنوك
« مرتاحه يولي ويا هذا
الاخذتي
سكتت ووكفت بمكاني من سمعته
شحجه وهو كمل
« احسج مو مرتاحه،،،وتعبانه ويا
« وشلون عرفت بيه مو
مرتاحه وي عامر
تقدم بخطوات ثگيله
ووكف كدامي وخله عيونه
بعيوني
ارتبكت من نظراته ونزلت عيوني،،،،
وهو كمل،،
« گلبي كلي عبير احساسي بيج
من اول ماشفتج كلي انتي
بيج شي ومو مرتاحه
بحياتج ،،،
سكتت وانهزمت من عيونه
وجاوبته
« لا اطمن اني مرتاحه وي
عامر وحياتنا حلوه وهو يحبني
واني احبه
حجيت هيج،،،، وانهزمت
من يمه
بسرعه،،،قبل لايشوف دموعي
وحجيت وي روحي
بس طبيت للغرفه
«جذب عناد اني مو مرتاحه
واحساسك بيه صح،،،واني
داموت باليوم الف مره من وره
تصرفاته وياي
سكتت ومسحت دموعي وكملت
بقهر وندم،،،
« الصوج مني،،،، اني واستاهل
الي صار بيه لان عفت الغالي
ورحت للرخيص،،،عفت اليحبني
والي يحس بيه ورحت اخذت
انسان مايحترم وايده
والضرب،،،،
سكتت وعضيت ايدي بقهر
وكملت
«اااخ يابه شسويت بروحي،،،،
وليش ماسمعت كلامك انته وامي
ليش ياربي، ،،،،ليييش
بذيج الليله ،،، ظليت الوم روحي
وابجي بسكوت حتى لاحد يسمعني
واللوم بعد مايفيد لان الفاس
وكع بالراس،،،وبعد مايفيد
الحجي
،،،،،،،
اني بيه طبع گلبي طيب كلش
ومايحقد على بشر،،،وانسه بسرعه
الي اذيني واحب اضحك
واحشش وي الكل،،،،دمي ينحب
والكل جان يرتاح الي،،،ويحبني
وتصرف ذيب من صار
بليل نسيته وطار من راسي
،كعدت وي الفجر
كمت وطلعت بره ورحت للبوري
اليم الحوظ غسلت وجهي،،،،
ومن شفت بسمه طلعت حجيت
« صباح الخير بسومه
« هلا بانه اشوفج كاعده من
الصبح
تمشيت وياها وجاوبتها
« النومه طارت ،،،،وكلت خلي
اكوم اشوف الشمس من تطلع
رايحه تحلبين الهوايش موو
« ايي وهم راح اجبن جبن حتى
تاخذوا وياكم من تردون
لسامره
ابتسمت ومن بينت الغمزات هي
خلت اصبعها بيهن وكالت
« فدوه اموت عليهن،،،،لذني
وياريت عندي مثلهن،،،،
« هههه اخذيهن،،،،
حجيت هيج وهي جرتهن بضحك
وكالت
« جيبيهن مااكول لااا
ظلينا نحجي ونضحك الما وصلنا
للدامه طيبينا سوه
وكعدت اباوع عليها شلون تحلب
الهايشه،،،،
« نويره لمي البيض،،،،،من الزرع
لان الدجاجات طالعات من الگن
وهسه تلكيهن بايضات بي
« اي هسه،،،بس تره اريد بيض
بالدهن الحر والخبز الحار
« هههه ادللي،،،بس نرد للبيت
اسويلج وويا خاثر وجبن حلو وزبده
ودبس
« اووويلي يمه،،،،،كرشي الصغير
راح يتدلع اليوم
« هههه ادللي انتي وكرشج
« خخخ،،،، ولج بسومه هنه
جم يوم اظل
يمكم بس تصدكين وزني يزيد
كيلوين بيهن
« ههه غير من الاكل الدسم والجو
الحلو
« اي والله وروحي ترد بس اشم
ريحه الزرع
« انتي عكس خواتج،،،،الي
احسهن،،،، يضوجن من عيشتنا
«لا مو يضوجن بس هنا مايرتاحن
الا ببيوتهن ،،،،
بسومه سكتت،،،واني رحت
للزرع ادور بيض،،،الدجاج
جنت امشي بنصه واني
مبتسمه واشم بريحته التخبل
وصوت المي،،،،اليمشي
بالساجيه يطلع صوت يخبل،،،،
لفيت الشال،،،، ليوره وعكدت
على راسي،،،،وكمت الم
بالبيض،،،،،،،،،
يِّتّبِعٌ